以赛亚书第54章客家话和合本对照

相关章：

快速到节：

书卷列表：

和合本2010版以赛亚书54:1耶和华对以色列的爱你这不怀孕、不生育的，要欢呼；你这未曾经过产难的，要欢呼，扬声呼喊；因为被遗弃的妇人，比有丈夫的人儿女更多；这是耶和华说的。

现代客语汉字以赛亚书54:1上主对以色列个痛惜耶路撒冷啊，爱欢喜唱歌；你像係毋会𫱔个妇人家，毋识因为𫱔子痛到尽嘶，总係这下你爱欢喜唱歌，大声尽喊。该受冷落孤单个妇人家会有尽多子孙，比一直有老公共下个妇人家𫱔还较多！这係上主讲个。

现代客语全罗以赛亚书54:1Song-chú Tui Yî-set-lie̍t ke Thung-siak Yâ-lu-sat-lâng â, oi fôn-hí chhong-kô;ngì chhiong he m̀-voi kiung ke fu-ngìn-kâ,m̀-sṳt yîn-vi kiung-chṳ́ thung-to chhin-sê,chúng-he liá-ha ngì oi fôn-hí chhong-kô, thai-sâng chhin-hêm.Ke su lâng-lo̍k kû-tân ke fu-ngìn-kâ voi yû chhin-tô chṳ́-sûn,pí yit-chhṳ̍t yû ló-kûng khiung-ha ke fu-ngìn-kâ kiung hàn-kha tô!Liá he Song-chú kóng ke.

和合本2010版以赛亚书54:2 要扩张你帐幕之地，伸展你居所的幔子，不要缩回；要放长你的绳子，坚固你的橛子。

现代客语汉字以赛亚书54:2你搭帐篷个地爱较大兜仔，你搭个帐篷爱较阔兜仔，索仔爱较长兜仔，杚仔爱钉较住兜仔。

现代客语全罗以赛亚书54:2 Ngì tap chong-phùng ke thi oi kha-thai têu-é,ngì tap ke chong-phùng oi kha-fat têu-é,sok-è oi kha-chhòng têu-é, khi̍t-é oi tâng kha-he̍t têu-é.

和合本2010版以赛亚书54:3 因为你要向左向右开展，你的后裔必得列国为业，又使荒废的城镇有人居住。

现代客语汉字以赛亚书54:3爱向左右扩张你个土地。列国佔去个土地，你个子孙会倒转来住；荒凉个城市会有尽多人住。

现代客语全罗以赛亚书54:3 Oi hiong chó-yu khok-chông ngì ke thú-thi.Lie̍t-koet chiam-hi ke thú-thi, ngì ke chṳ́-sûn voi to-chón-lòi he̍t;fông-liòng ke sàng-sṳ voi yû chhin-tô ngìn he̍t.

和合本2010版以赛亚书54:4 不要惧怕，因你必不致蒙羞；不要抱愧，因你必不致受辱。你必忘记年轻时的羞愧，不再记得守寡的耻辱。

现代客语汉字以赛亚书54:4毋使惊，你毋会再堵到见笑；你毋会再被人侮辱。你会毋记得后生时堵到个见笑，你毋会再想起做寡妇时所受个侮辱。

现代客语全罗以赛亚书54:4 M̀-sṳ́ kiâng, ngì m̀-voi chai tù-tó kien-seu;ngì m̀-voi chai pûn-ngìn vú-yu̍k.Ngì voi m̀ ki-tet heu-sâng sṳ̀ tù-tó ke kien-seu,ngì m̀-voi chai sióng-hí cho koá-fu sṳ̀ só-su ke vú-yu̍k.

和合本2010版以赛亚书54:5 因为造你的是你的丈夫，万军之耶和华是他的名；救赎你的是以色列的圣者，他必称为全地之上帝。

现代客语汉字以赛亚书54:5你个创造主係若老公；佢个名係上主—万军个元帅。以色列神圣个上帝係你个救赎者；佢係统治全世界个神。

现代客语全罗以赛亚书54:5 Ngì ke chhóng-chho Chú he ngiâ ló-kûng;Kì ke miàng he Song-chú — Van-kiûn ke Ngièn-soi.Yî-set-lie̍t sṳ̀n-sṳn ke Song-ti he ngì ke kiu-su̍k-chá;Kì he thúng-chhṳ chhiòn sṳ-kie ke Sṳ̀n.

和合本2010版以赛亚书54:6 耶和华召你，如同召回心中忧伤遭遗弃的妇人，就是年轻时所娶被遗弃的妻子；这是你的上帝说的。

现代客语汉字以赛亚书54:6以色列啊，你像一个后生个𡜵娘人，被老公㧒掉，当伤心又尽忧愁。总係上主爱喊你转来，你个上帝恁样讲：

现代客语全罗以赛亚书54:6 Yî-set-lie̍t â, ngì chhiong yit-ke heu-sâng ke pû-ngiòng ngìn,pûn ló-kûng fit-thet, tông sông-sîm yu chhin yù-sèu.Chúng-he Song-chú oi ham ngì chón-lòi,ngì ke Song-ti án-ngiòng kóng:

和合本2010版以赛亚书54:7 我离弃你不过片时，却要大施怜悯将你寻回。

现代客语汉字以赛亚书54:7𠊎虽然暂时离开你，总係𠊎非常痛惜你，爱接你转来。

现代客语全罗以赛亚书54:7 Ngài sûi-yèn chhiam-sṳ̀ lì-khôi ngì,chúng-he Ngài fî-sòng thung-siak ngì, oi chiap ngì chón-lòi.

和合本2010版以赛亚书54:8 我因涨溢的怒气，一时向你转脸，但我要以永远的慈爱怜悯你；这是耶和华－你的救赎主说的。

现代客语汉字以赛亚书54:8𠊎大发谴、揞面毋搭你係一下仔定定；总係𠊎爱用永远个慈爱怜悯你。上主—你个救赎者恁样宣布了。

现代客语全罗以赛亚书54:8 Ngài thai fat-khién, êm-mien m̀-tap ngì he yit-ha-é thin-thin;chúng-he Ngài oi yung yún-yén ke chhṳ̀-oi lìn-mén ngì.Song-chú — ngì ke kiu-su̍k-chá án-ngiòng siên-pu lé.

和合本2010版以赛亚书54:9 这事于我有如挪亚的洪水；我怎样起誓不再使挪亚的洪水淹没全地，也照样起誓不再向你发怒，且不斥责你。

现代客语汉字以赛亚书54:9在挪亚个时，𠊎识发誓，毋会再用发大水来浸掉世界。这下𠊎发誓毋会再向你发谴，毋会再责备你。

现代客语全罗以赛亚书54:9 Chhai Nò-â ke sṳ̀, Ngài sṳt fat-sṳ,m̀-voi chai yung pot thai-súi lòi chim-thet sṳ-kie.Liá-ha Ngài fat-sṳ m̀-voi chai hiong ngì fat-khién,m̀-voi chai chit-phi ngì.

和合本2010版以赛亚书54:10 大山可以挪开，小山可以迁移，但我的慈爱必不离开你，我平安的约也不迁移；这是怜悯你的耶和华说的。

现代客语汉字以赛亚书54:10大山会挺动，细山也做得徙开；总係𠊎不变个慈爱毋会离开你，𠊎平安个约也一定毋会改变。怜悯你个上主恁样宣布了。

现代客语全罗以赛亚书54:10 Thai-sân voi thîn-thûng, se-sân ya cho-tet sái-khôi;chúng-he Ngài put-pien ke chhṳ̀-oi m̀-voi lì-khôi ngì,Ngài phìn-ôn ke yok ya yit-thin m̀-voi kói-pien.Lìn-mén ngì ke Song-chú án-ngiòng siên-pu lé.

和合本2010版以赛亚书54:11耶路撒冷的将来你这受困苦、被暴风捲走、不得怜悯的城，看哪，我必以灰泥来做你的石头，以蓝宝石立你的根基，

现代客语汉字以赛亚书54:11耶路撒冷个将来上主讲：耶路撒冷，你这被大风吹打困苦个城啊，无人来安慰你。看啊，𠊎爱用彩色个石头来重建你，用宝石来打你个地基。

现代客语全罗以赛亚书54:11Yâ-lu-sat-lâng ke Chiông-lòi Song-chú kóng:Yâ-lu-sat-lâng, ngì liá pûn thai-fûng chhôi-tá khun-khú ke sàng â,mò-ngìn lòi ôn-ví ngì.Khon â, Ngài oi yung chhái-set ke sa̍k-thèu lòi chhùng-kien ngì,yung pó-sa̍k lòi tá ngì ke thi-kî.

和合本2010版以赛亚书54:12 又以红宝石造你的女墙，以晶莹的珠玉造你的城门，以珍贵的宝石造你四围的边界。

现代客语汉字以赛亚书54:12𠊎爱用红宝石起你个城楼，用会发亮光个宝石做城门；四围个城墙全部镶满珠宝。

现代客语全罗以赛亚书54:12 Ngài oi yung fùng-pó-sa̍k hí ngì ke sàng-lèu,yung voi fat liong-kông ke pó-sa̍k cho sàng-mùn;si-vì ke sàng-chhiòng chhiòn-phu siông mân chû-pó.

和合本2010版以赛亚书54:13 你的儿女都要领受耶和华的教导，你的儿女必大享平安。

现代客语汉字以赛亚书54:13上主爱亲自教导你个子女，赐佢等大平安。

现代客语全罗以赛亚书54:13 Song-chú oi chhîn-chhṳ kau-thô ngì ke chṳ́-ńg,su kì-têu thai phìn-ôn.

和合本2010版以赛亚书54:14 你必因公义得坚立，必远离欺压，毫不惧怕；你必远离惊吓，惊吓必不临近你。

现代客语汉字以赛亚书54:14施行正义会使你变尽强大，毋会再有人来侵略你，害你着惊；你毋会再堵到得人惊个事，得人惊个事会远远离开你。

现代客语全罗以赛亚书54:14 Sṳ̂-hàng chṳn-ngi voi sṳ́ ngì pien chhin khiòng-thai,m̀-voi chai yû-ngìn lòi chhîm-lio̍k ngì, hoi ngì chho̍k-kiâng;ngì m̀-voi chai tù-tó tet-ngìn-kiâng ke sṳ,tet-ngìn-kiâng ke sṳ voi yén-yén lì-khôi ngì.

和合本2010版以赛亚书54:15 若有人攻击你，这非出于我；凡攻击你的，必因你仆倒。

现代客语汉字以赛亚书54:15𠊎毋会俾人攻击你；㧯你相㓾个一定会向你投降。

现代客语全罗以赛亚书54:15 Ngài m̀-voi pûn ngìn kûng-kit ngì;lâu ngì siông-chhṳ̀ ke yit-thin voi hiong ngì thèu-hòng.

和合本2010版以赛亚书54:16 看哪，我造了那吹炭火、打造合用兵器的铁匠；我也造了那残害人、行毁灭的人。

现代客语汉字以赛亚书54:16𠊎创造打铁师傅，俾佢歕火炉，打造武器。该㓾人、毁灭人个，也係𠊎创造个。

现代客语全罗以赛亚书54:16 Ngài chhóng-chho tá-thiet sṳ̂-fu,pûn kì phùn fó-lù, tá-chho vú-hi.Ke chhṳ̀-ngìn, fí-me̍t ngìn ke,ya he Ngài chhóng-chho ke.

和合本2010版以赛亚书54:17 凡为攻击你而造的兵器必无效用；在审判时兴起用口舌攻击你的，你必驳倒他。这是耶和华僕人的产业，是他们从我所得的义；这是耶和华说的。

现代客语汉字以赛亚书54:17总係无一样武器有可能伤害你；在审判个时告你个人，你定着会打赢佢。这一切係上主僕人个产业，係佢等对𠊎得到个正义(10554:17「正义」抑係译做「胜利」、「胜诉」、「奖赏」。)。𠊎—上主恁样宣布了。

现代客语全罗以赛亚书54:17 Chúng-he mò yit-yong vú-hi yû khó-nèn sông-hoi ngì;chhai sṳ́m-phan ke sṳ̀ ko ngì ke ngìn,ngì thin-chho̍k voi tá-yàng kì.Liá yit-chhiet he Song-chú phu̍k-ngìn ke sán-ngia̍p,he kì-têu tui Ngài tet-tó ke chṳn-ngi( 105 54:17 “chṳn-ngi” ya-he yi̍t-cho “sṳn-li”, “sṳn-su”, “chióng-sóng”.).Ngài — Song-chú án-ngiòng siên-pu lé.