以赛亚书第49章客家话和合本对照

相关章：

快速到节：

书卷列表：

和合本2010版以赛亚书49:1以色列成为万邦之光众海岛啊，当听从我！远方的众民哪，要留心听！自出母胎，耶和华就选召我；自出母腹，他就称呼我的名。

现代客语汉字以赛亚书49:1万国个光众海岛个人啊，你等来听！远方个万民啊，你等全部来听𠊎讲！𠊎出世以前，上主已经拣选𠊎；𠊎还在母胎肚，佢已经喊𠊎个名。

现代客语全罗以赛亚书49:1Van-koet ke Kông Chung hói-tó ke ngìn â, ngì-têu lòi thâng!Yén-fông ke van-mìn â, ngì-têu chhiòn-phu lòi thâng ngài kóng!Ngài chhut-se yî-chhièn, Song-chú yí-kîn kién-sién ngài;ngài hàn chhai mû-thôi tú, Kì yí-kîn ham ngài ke miàng.

和合本2010版以赛亚书49:2 他使我的口如快刀，把我藏在他手荫之下；又使我成为磨利的箭，把我藏在他箭袋之中；

现代客语汉字以赛亚书49:2佢使𠊎个话像利剑；佢亲手保护𠊎(9649:2「佢亲手保护𠊎」抑係译做「佢将𠊎囥在佢手中」。)。佢将𠊎造成像磨尖个箭，囥在佢个箭袋肚。

现代客语全罗以赛亚书49:2 Kì sṳ́ ngài ke fa chhiong li-kiam;Kì chhîn-sú pó-fu ngài( 96 49:2 “Kì chhîn-sú pó-fu ngài” ya-he yi̍t-cho “Kì chiông ngài khong chhai Kì sú-chûng”.).Kì chiông ngài chho-sṳ̀n chhiong nò-chiâm ke chien,khong chhai Kì ke chien-thoi tú.

和合本2010版以赛亚书49:3 对我说：「你是我的僕人以色列；我必因你得荣耀。」

现代客语汉字以赛亚书49:3佢对𠊎讲：以色列啊，你係𠊎个僕人；𠊎定着会因为你得到荣光。

现代客语全罗以赛亚书49:3 Kì tui ngài kóng: Yî-set-lie̍t â, ngì he Ngài ke phu̍k-ngìn;Ngài thin-chho̍k voi yîn-vi ngì tet-tó yùng-kông.

和合本2010版以赛亚书49:4 我却说：「我劳碌是徒然，我尽力是虚无虚空。耶和华诚然以公平待我，我的赏赐在我的上帝那裏。」

现代客语汉字以赛亚书49:4𠊎就讲：𠊎煞猛做事，总係全无效果；𠊎尽力做，还係无採工。总係上主会给𠊎公平个论断；𠊎个上帝定着会奖赏𠊎。

现代客语全罗以赛亚书49:4 Ngài chhiu kóng: Ngài sat-mâng cho-se, chúng-he chhiòn-mò háu-kó;ngài chhin-li̍t cho, hàn-he mò chhái-kûng.Chúng-he Song-chú voi pûn ngài kûng-phìn ke lun-ton;ngài ke Song-ti thin-chho̍k voi chióng-sóng ngài.

和合本2010版以赛亚书49:5 现在耶和华说话，他从我出母胎，就造我作他的僕人，要使雅各归向他，使以色列聚集在他那裏。耶和华看我为尊贵，我的上帝是我的力量。

现代客语汉字以赛亚书49:5在𠊎出世以前，上主已经指派𠊎做佢个僕人；爱𠊎使雅各家归向佢，使四散个以色列人民聚集在佢个面前。上主看𠊎做尊贵；𠊎个上帝係𠊎个力量。

现代客语全罗以赛亚书49:5 Chhai ngài chhut-se yî-chhièn,Song-chú yí-kîn chṳ́-phai ngài cho Kì ke phu̍k-ngìn;oi ngài sṳ́ Ngâ-kok-kâ kûi-hiong Kì,sṳ́ si-san ke Yî-set-lie̍t ngìn-mìn chhi-si̍p chhai Kì ke mien-chhièn.Song-chú khon ngài cho chûn-kui;ngài ke Song-ti he ngài ke li̍t-liong.

和合本2010版以赛亚书49:6 他说：「你作我的僕人，使雅各众支派复兴，使以色列中蒙保存的人归回；然而此事尚小，我还要使你作万邦之光，使你施行我的救恩，直到地极。」

现代客语汉字以赛亚书49:6上主对𠊎讲：𠊎个僕人啊，𠊎爱你复兴雅各个逐支族，将賸到个以色列子孙带转来。𠊎还爱你成做万国个光，使𠊎个救恩达到地极。

现代客语全罗以赛亚书49:6 Song-chú tui ngài kóng:Ngài ke phu̍k-ngìn â,Ngài oi ngì fu̍k-hîn Ngâ-kok ke tak kî-chhu̍k,chiông chhûn-tó ke Yî-set-lie̍t chṳ́-sûn tai chón-lòi.Ngài hàn-oi ngì sàng-cho van-koet ke kông,sṳ́ Ngài ke kiu-ên tha̍t-tó thi-khi̍t.

和合本2010版以赛亚书49:7 救赎主－以色列的圣者耶和华对那被人藐视、本国憎恶、统治者奴役的如此说：「君王看见就站起来，领袖也要下拜；这都是因信实的耶和华，因拣选你的以色列的圣者。」

现代客语汉字以赛亚书49:7以色列个救赎者—神圣个上帝恁样讲：该被人看轻、被万国所恼个、被统治者看做奴僕个，这下君王会在你面前企起来致敬；官长也会向你跪拜。这事一定会成就，因为以色列神圣个上帝拣选你；上主定着会实现佢个应许。

现代客语全罗以赛亚书49:7 Yî-set-lie̍t ke kiu-su̍k-chá — sṳ̀n-sṳn ke Song-ti án-ngiòng kóng:Ke pûn-ngìn khon-khiâng,pûn van-koet só-nâu ke,pûn thúng-chhṳ-chá khon-cho nù-phu̍k ke,liá-ha kiûn-vòng voi chhai ngì mien-chhièn khî hí-lòi chṳ-kin;kôn-chóng ya voi hiong ngì khúi-pai.Liá-sṳ yit-thin voi sṳ̀n-chhiu,yîn-vi Yî-set-lie̍t sṳ̀n-sṳn ke Song-ti kién-sién ngì;Song-chú thin-chho̍k voi sṳ̍t-hien Kì ke yin-hí.

和合本2010版以赛亚书49:8耶路撒冷的复兴耶和华如此说：「在悦纳的时候，我应允了你；在拯救的日子，我帮助了你。我要保护你，要藉着你与百姓立约，为了复兴遍地，使人承受荒芜之地为业；

现代客语汉字以赛亚书49:8重建耶路撒冷上主对佢个子民恁样讲：接纳个时节一到，𠊎就答应你；拯救个日仔一来，𠊎就帮助你。𠊎爱保护你，看顾你，通过你㧯万民立约(9749:8「通过…立约」抑係译做「使你做万民个中保」。)。𠊎爱俾你转到该荒掉个地方，俾你重建家园。

现代客语全罗以赛亚书49:8Chhùng-kien Yâ-lu-sat-lâng Song-chú tui Kì ke chṳ́-mìn án-ngiòng kóng:Chiap-na̍p ke sṳ̀-chiet yit-to, Ngài chhiu tap-yin ngì;chṳ́n-kiu ke ngit-è yit-lòi, Ngài chhiu pông-chhu ngì.Ngài oi pó-fu ngì, khon-ku ngì,thûng-ko ngì lâu van-mìn li̍p-yok( 97 49:8 “thûng-ko ... li̍p-yok” ya-he yi̍t-cho “sṳ́ ngì cho van-mìn ke chûng-pó”.).Ngài oi pûn ngì chón-to ke fông-thet ke thi-fông,pûn ngì chhùng-kien kâ-yèn.

和合本2010版以赛亚书49:9 对那被捆绑的人说：『出来吧！』对在黑暗裏的人说：『显现吧！』他们在路上必得饮食，在光秃的高地必有食物。

现代客语汉字以赛亚书49:9𠊎爱对被人捉去个讲：你等自由了！对乌暗中个人讲：你等重见光明了！佢等会像羊仔在草埔食草；原旦光光个高山成做牠兜个草场。

现代客语全罗以赛亚书49:9 Ngài oi tui pûn-ngìn chok-hi ke kóng: Ngì-têu chhṳ-yù lé!Tui vû-am chûng ke ngìn kóng: Ngì-têu chhùng-kien kông-mìn lé!Kì-têu voi chhiong yòng-è chhai chhó-phû sṳ̍t-chhó;ngièn-tán kông-kông ke kô-sân sàng-cho kì-têu ke chhó-chhòng.

和合本2010版以赛亚书49:10 他们不饥不渴，炎热和烈日必不伤害他们；因为怜悯他们的必引导他们，领他们到水泉旁边。

现代客语汉字以赛亚书49:10佢等毋会饿肚也毋会嘴渴。日头当𤊶乜毋会伤害佢等；因为该痛惜佢等个爱带领佢等；佢爱𢱋佢等到有泉水个所在。

现代客语全罗以赛亚书49:10 Kì-têu m̀-voi ngo-tú ya m̀-voi choi-hot.Ngit-thèu tông-lat me m̀-voi sông-hoi kì-têu;yîn-vi ke thung-siak kì-têu ke oi tai-liâng kì-têu;Kì oi thu kì-têu to yû chhièn-súi ke só-chhai.

和合本2010版以赛亚书49:11 我必在众山开闢路径，大道也要填高。

现代客语汉字以赛亚书49:11𠊎爱在众山顶开路，𠊎个大路也爱坉到高高。

现代客语全罗以赛亚书49:11 Ngài oi chhai chung sân-táng khôi-lu,Ngài ke thai-lu ya oi thùn-to kô-kô.

和合本2010版以赛亚书49:12 看哪，他们从远方来；有些从北方来，有些从西方来，有些从色弗尼( [ 49.12] 「色弗尼」是根据死海古卷，原文是「希尼」；或译「秦国」。)地来。」

现代客语汉字以赛亚书49:12看啊！𠊎个子民会对远方来；对西，对北，又对希尼(9849:12「希尼」：尽可能係埃及南部一个城市，也安到色弗尼(参考以西结书29:10；30:6)，现代名安到亚斯文市；当时该城有犹太人个一个大社区(参考耶利米书44:1)。「希尼个地方」另外有译本翻做「秦国」。)个地方来。

现代客语全罗以赛亚书49:12 Khon â! Ngài ke chṳ́-mìn voi tui yén-fông lòi;tui sî, tui pet, yu tui Hî-nì( 98 49:12 “Hî-nì”: Chhin khó-nèn he Âi-khi̍p nàm-phu yit-ke sàng-sṳ, ya ôn-to Set-fut-nì (chhâm-kháu Yî-sî-kiet Sû 29:10; 30:6), hien-thoi miàng ôn-to Â-sṳ̂-vùn-sṳ; tông-sṳ̀ ke-sàng yû Yù-thai-ngìn ke yit-ke thai sa-khî (chhâm-kháu Yâ-li-mí Sû 44:1). “Hî-nì ke thi-fông” nang-ngoi yû yi̍t-pún fân-cho “Chhìn-koet”.) ke thi-fông lòi.

和合本2010版以赛亚书49:13 诸天哪，应当欢呼！大地啊，应当快乐！众山哪，应当扬声歌唱！因为耶和华已经安慰他的百姓，他要怜悯他的困苦之民。

现代客语汉字以赛亚书49:13天啊，爱欢喜唱歌！地啊，爱快乐欢呼！众山啊，爱大声颂扬！因为上主爱安慰佢个子民，爱怜悯佢受苦个子民。

现代客语全罗以赛亚书49:13 Thiên â, oi fôn-hí chhong-kô!Thi â, oi khoai-lo̍k fôn-fû!Chung sân â, oi thai-sâng siung-yòng!Yîn-vi Song-chú oi ôn-ví Kì ke chṳ́-mìn,oi lìn-mén Kì su-khú ke chṳ́-mìn.

和合本2010版以赛亚书49:14 锡安说：「耶和华离弃了我，主忘记了我。」

现代客语汉字以赛亚书49:14总係耶路撒冷个人民(9949:14「耶路撒冷个人民」原文直译係「锡安」。)讲：上主已经㧒掉𠊎等！𠊎等个主已经毋记得𠊎等！

现代客语全罗以赛亚书49:14 Chúng-he Yâ-lu-sat-lâng ke ngìn-mìn( 99 49:14 “Yâ-lu-sat-lâng ke ngìn-mìn” ngièn-vùn chhṳ̍t-yi̍t he “Siak-ôn”.) kóng:Song-chú yí-kîn fit-thet ngài-têu!Ngài-têu ke Chú yí-kîn m̀ ki-tet ngài-têu!

和合本2010版以赛亚书49:15 妇人焉能忘记她吃奶的婴孩，不怜悯她所生的儿子？即或有忘记的，我却不忘记你。

现代客语汉字以赛亚书49:15所以，上主应讲：阿姆会毋记得姖食乳个孲𤘅仔么？姖会毋惜亲生个孻仔么？就算阿姆毋记得自家个细人仔，𠊎也定着毋会毋记得你！

现代客语全罗以赛亚书49:15 Só-yî, Song-chú en-kóng:Â-mê voi m̀ ki-tet kì sṳ̍t-nen ke ô-nga-é mò?Kì voi m̀ siak chhîn-sên ke lai-é mò?Chhiu-son â-mê m̀ ki-tet chhṳ-kâ ke se-ngìn-è,Ngài ya thin-chho̍k m̀-voi m̀ ki-tet ngì!

和合本2010版以赛亚书49:16 看哪，我将你铭刻在我掌上，你的城墙常在我眼前。

现代客语汉字以赛亚书49:16耶路撒冷啊，𠊎将你个名刻在巴掌心；你个城墙一直在𠊎眼前。

现代客语全罗以赛亚书49:16 Yâ-lu-sat-lâng â, Ngài chiông ngì ke miàng khat chhai pâ-chóng sîm;ngì ke sàng-chhiòng yit-chhṳ̍t chhai Ngài ngién-chhièn.

和合本2010版以赛亚书49:17 建立你的胜过毁坏你的，使你荒废的必都离你而去。( [ 49.17] 本节是根据死海古卷；原文是「你的儿女必急速归回；毁坏你的，使你荒废的，必都离你而去。」)

现代客语汉字以赛亚书49:17爱重建你个(10049:17「爱重建你个」抑係译做「你个子女」。)当遽就会转来了；爱毁灭你个㧯害你荒凉个当遽就会离开你。

现代客语全罗以赛亚书49:17 Oi chhùng-kien ngì ke( 100 49:17 “Oi chhùng-kien ngì ke” ya-he yi̍t-cho “Ngì ke chṳ́-ńg”.) tông-kiak chhiu voi chón-lòi lé;oi fí-me̍t ngì ke lâu hoi ngì fông-liòng ke tông-kiak chhiu voi lì-khôi ngì.

和合本2010版以赛亚书49:18 你举目向四围观看，他们都聚集来到你这裏。我指着我的永生起誓，你定要以他们为妆饰佩戴，带着他们，像新娘一样。这是耶和华说的。

现代客语汉字以赛亚书49:18打开目珠四面看看仔啊！你个同胞已经集合，爱倒转你这位来了！𠊎—上主指等𠊎个生命保证：你会看自家个同胞做尊贵，就像新娘展繫在姖腰间个珠宝。

现代客语全罗以赛亚书49:18 Tá-khôi muk-chû si-mien khon khon-é â!Ngì ke thùng-pâu yí-kîn si̍p-ha̍p,oi to-chón ngì liá-vi lòi lé!Ngài — Song-chú chṳ́-tén Ngài ke sâng-miang pó-chṳn:Ngì voi khon chhṳ-kâ ke thùng-pâu cho chûn-kui,chhiu-chhiong sîn-ngiòng tién kiê chhai kì yêu-kiên ke chû-pó.

和合本2010版以赛亚书49:19 至于你荒废凄凉之处，并你被毁坏之地，如今居民必嫌太窄，吞灭你的必离你遥远。

现代客语汉字以赛亚书49:19你个国家识受到破坏；这下它忒狭、容纳毋落转来个人住。以前侵略你个人定着会远远离开你。

现代客语全罗以赛亚书49:19 Ngì ke koet-kâ sṳt su-tó pho-fái;liá-ha kì thet-ha̍p, yùng-na̍p m̀-lo̍k chón-lòi ke ngìn he̍t.Yî-chhièn chhîm-lio̍k ngì ke ngìn thin-chho̍k voi yén-yén lì-khôi ngì.

和合本2010版以赛亚书49:20 你要再听见丧失子女后所生的儿女说：「这地方我居住太窄，请你给我地方居住。」

现代客语汉字以赛亚书49:20该兜你恅到丧掉个，佢等个子女会倒转来对你讲：这垤土地实在忒狭了；𠊎等需要较大个地方！

现代客语全罗以赛亚书49:20 Ke-têu ngì láu-tó sóng-thet ke, kì-têu ke chṳ́-ńg voi to-chón-lòi tui ngì kóng:Liá-te thú-thi sṳ̍t-chhai thet-ha̍p lé;ngài-têu sî-yeu kha-thai ke thi-fông!

和合本2010版以赛亚书49:21 那时你心裏必说：「我既丧子不育，被掳，飘流在外( [ 49.21] 七十士译本没有「被掳，飘流在外」。)，谁给我生了这些？谁将他们养大呢？看哪，我被撇下独自一人时，他们都在哪裏呢？」

现代客语汉字以赛亚书49:21该时你会对自家讲：么人为𠊎𫱔这恁多细人仔？𠊎个细人仔全部夭折，𠊎已经毋会𫱔了；𠊎逃走在外背，逐所在流浪，係么人𢱋大这兜细人仔呢？在𠊎孤单个时，这兜细人仔对㖠位来个？

现代客语全罗以赛亚书49:21 Ke-sṳ̀ ngì voi tui chhṳ-kâ kóng:Má-ngìn vi ngài kiung liá án-tô se-ngìn-è?Ngài ke se-ngìn-è chhiòn-phu yêu-chat, ngài yí-kîn m̀-voi kiung lé;ngài thò-chéu chhai ngoi-poi, tak só-chhai liù-long,he má-ngìn thu-thai liá-têu se-ngìn-è nè?Chhai ngài kû-tân ke sṳ̀,liá-têu se-ngìn-è tui nai-vi lòi ke?

和合本2010版以赛亚书49:22 主耶和华如此说：「看哪，我必向列国举手，向万民竖立大旗；他们必将你的儿子抱在怀中带来，将你的女儿背在肩上扛来。

现代客语汉字以赛亚书49:22至高个上主对佢个子民讲：看啊！𠊎爱向列国擎手、向万民摇大旗；佢等会揇等你个孻仔，揹等你个妹仔转来。

现代客语全罗以赛亚书49:22 Chṳ-kô ke Song-chú tui Kì ke chṳ́-mìn kóng:Khon â! Ngài oi hiong lie̍t-koet khià-sú, hiong van-mìn yèu thai-khì;kì-têu voi nám-tén ngì ke lai-é,pà-tén ngì ke moi-é chón-lòi.

和合本2010版以赛亚书49:23 列王必作你的养父，王后必作你的乳母。他们必以脸伏地，向你下拜，并舔你脚上的尘土。你就知道我是耶和华，等候我的必不致羞愧。」

现代客语汉字以赛亚书49:23列国个君王会做你子女个养爷；佢等个王后会做你细人仔个乳𡟓。佢等会在你面前跪拜，舐你脚项个尘灰。该时你就会知𠊎係上主；等𠊎帮助个人绝对毋会失望。

现代客语全罗以赛亚书49:23 Lie̍t-koet ke kiûn-vòng voi cho ngì chṳ́-ńg ke yông-yà;kì-têu ke vòng-heu voi cho ngì se-ngìn-è ke nen-ôi.Kì-têu voi chhai ngì mien-chhièn khúi-pai,sê ngì kiok-hong ke chhṳ̀n-fôi.Ke-sṳ̀ ngì chhiu voi tî ngài he Song-chú;tén Ngài pông-chhu ke ngìn chhie̍t-tui m̀-voi sṳt-mong.

和合本2010版以赛亚书49:24 勇士抢去的岂能夺回？被残暴者掳掠的岂能得解救呢？

现代客语汉字以赛亚书49:24你对勇士手中样抢得转战利品呢？你对佔领者手中救得转被佢捉去个人吗？

现代客语全罗以赛亚书49:24 Ngì tui yúng-sṳ sú-chûng ngióng chhióng tet-chón chan-li-phín nè?Ngì tui cham-liâng-chá sú-chûng kiu tet-chón pûn kì chok-hi ke ngìn mâ?

和合本2010版以赛亚书49:25 但耶和华如此说：「就是勇士所掳掠的，也可以夺回；残暴者所抢的，也可以得解救。与你相争的，我必与他相争，我也要拯救你的儿女。

现代客语汉字以赛亚书49:25上主恁样应讲：这种事会发生了。勇士抢去个战利品会抢转来；佔领者捉去个人会救转来。你个对敌就係𠊎个对敌；你个子女𠊎爱拯救。

现代客语全罗以赛亚书49:25 Song-chú án-ngiòng en-kóng:Liá-chúng sṳ voi fat-sên lé.Yúng-sṳ chhióng-hi ke chan-li-phín voi chhióng chón-lòi;cham-liâng-chá chok-hi ke ngìn voi kiu chón-lòi.Ngì ke tui-thi̍t chhiu-he Ngài ke tui-thi̍t;ngì ke chṳ́-ńg Ngài oi chṳ́n-kiu.

和合本2010版以赛亚书49:26 我必使那欺压你的吃自己的肉，饮自己的血，如喝甜酒喝醉一样。凡有血肉之躯的都必知道我－耶和华是你的救主，是你的救赎主，是雅各的大能者。」

现代客语汉字以赛亚书49:26𠊎爱使欺负你个人食自家个肉；佢等爱啉自家个血，醉到横横落去。该时普天下全部会知，𠊎係拯救你个上主；𠊎係你个救赎主，係雅各大能个上帝。

现代客语全罗以赛亚书49:26 Ngài oi sṳ́ khî-fu ngì ke ngìn sṳ̍t chhṳ-kâ ke ngiuk;kì-têu oi lîm chhṳ-kâ ke hiet, chui-to vang-vang lo̍k-hi.Ke-sṳ̀ phû-thiên-ha chhiòn-phu voi tî,Ngài he chṳ́n-kiu ngì ke Song-chú;Ngài he ngì ke kiu-su̍k Chú,he Ngâ-kok thai-nèn ke Song-ti.