以赛亚书第44章客家话和合本对照

相关章：

快速到节：

书卷列表：

和合本2010版以赛亚书44:1耶和华是独一的上帝「我的僕人雅各，我所拣选的以色列啊，现在你当听。

现代客语汉字以赛亚书44:1上主係惟一个上帝上主讲：𠊎个僕人雅各，𠊎个选民以色列啊，这下你爱听！

现代客语全罗以赛亚书44:1Song-chú he Vì-yit ke Song-ti Song-chú kóng:Ngài ke phu̍k-ngìn Ngâ-kok,Ngài ke sién-mìn Yî-set-lie̍t â,liá-ha ngì oi thâng!

和合本2010版以赛亚书44:2 那位造你，使你在母腹中成形，并要帮助你的耶和华如此说：我的僕人雅各，我所拣选的耶书仑哪，不要害怕！

现代客语汉字以赛亚书44:2𠊎係创造你个上主，对你一出世，𠊎就帮助你。毋使惊！你係𠊎个僕人，你係(9044:2「你係」希伯来文直译係「耶书仑啊，你係」，参考申命记32:15；33:5,26。)𠊎所惜个选民。

现代客语全罗以赛亚书44:2 Ngài he chhóng-chho ngì ke Song-chú,tui ngì yit chhut-se, Ngài chhiu pông-chhu ngì.M̀-sṳ́ kiâng! Ngì he Ngài ke phu̍k-ngìn,ngì he( 90 44:2 “ngì he” Hî-pak-lòi-vùn chhṳ̍t-yi̍t he “Yâ-sû-lùn â, ngì he”, chhâm-kháu Sṳ̂n-min Ki 32:15; 33:5,26.) Ngài só-siak ke sién-mìn.

和合本2010版以赛亚书44:3 因为我要把水浇灌乾渴的地方，使水涌流在乾旱之地。我要将我的灵浇灌你的后裔，使我的福临到你的子孙。

现代客语汉字以赛亚书44:3𠊎爱降雨给燥旱个土地，爱使沙漠涌出泉水。𠊎爱将𠊎个灵降给你个后代，爱赐福给你个子孙。

现代客语全罗以赛亚书44:3 Ngài oi kong-yí pûn châu-hôn ke thú-thi,oi sṳ́ sâ-mo̍k yúng-chhut chhièn-súi.Ngài oi chiông Ngài ke Lìn kong-pûn ngì ke heu-thoi,oi su-fuk pûn ngì ke chṳ́-sûn.

和合本2010版以赛亚书44:4 他们要在草丛中生长( [ 44.4] 「他们…生长」：死海古卷是「他们像在草丛中生长」；七十士译本是「他们要像草在水中生长」。)，如溪水旁的柳树。

现代客语汉字以赛亚书44:4佢等会生长像水边个青草，茂盛像河坝滣个柳树。

现代客语全罗以赛亚书44:4 Kì-têu voi sên-chóng chhiong súi-piên ke chhiâng-chhó,meu-sṳn chhiong hò-pa sùn ke liû-su.

和合本2010版以赛亚书44:5 这个要说：『我是属耶和华的』，那个要以雅各的名自称，又有一个在手上写着：『归耶和华』，并自称为以色列。」

现代客语汉字以赛亚书44:5有人讲：「𠊎属上主」；也有人自称係属雅各个人民；又有人在手项写等：「归给上主个」；佢等拢总爱参加以色列个行列。

现代客语全罗以赛亚书44:5 Yû-ngìn kóng: “Ngài su̍k Song-chú”;ya yû-ngìn chhṳ-chhṳ̂n he su̍k Ngâ-kok ke ngìn-mìn;yu yû-ngìn chhai sú-hong siá-tén: “Kûi-pûn Song-chú ke”;kì-têu lûng-chúng oi chhâm-kâ Yî-set-lie̍t ke hòng-lie̍t.

和合本2010版以赛亚书44:6 耶和华－以色列的君王，以色列的救赎主－万军之耶和华如此说：「我是首先的，也是末后的；除我以外再没有上帝。

现代客语汉字以赛亚书44:6上主—以色列个君王，万军个元帅—救赎主恁样讲：𠊎係开始，𠊎係结束；𠊎以外无上帝。

现代客语全罗以赛亚书44:6 Song-chú — Yî-set-lie̍t ke kiûn-vòng,Van-kiûn ke Ngièn-soi — kiu-su̍k Chú án-ngiòng kóng:Ngài he khôi-sṳ́, Ngài he kiet-suk;Ngài yî-ngoi mò Song-ti.

和合本2010版以赛亚书44:7 自从古时我设立了人，谁能像我宣告，指明，又为自己陈说呢？让他指明未来的事和必成的事吧！

现代客语汉字以赛亚书44:7么人㧯𠊎比抑得，佢做得出来讲明！么人有办法做𠊎做过个事？么人有法度预言将来个事？佢做得将会发生个事讲出来啊！

现代客语全罗以赛亚书44:7 Má-ngìn lâu Ngài pí é-tet, kì cho-tet chhut-lòi kóng-mìn!Má-ngìn yû phan-fap cho Ngài cho-ko ke sṳ?Má-ngìn yû fap-thu yi-ngièn chiông-lòi ke sṳ?Kì cho-tet chiông voi fat-sên ke sṳ kóng chhut-lòi â!

和合本2010版以赛亚书44:8 你们不要恐惧，也不要害怕。我岂不是从上古就告诉并指示你们了吗？你们是我的见证人！除我以外，岂有上帝呢？诚然没有磐石，就我所知，一个也没有！」

现代客语汉字以赛亚书44:8𠊎个子民啊，毋好着惊！𠊎毋係早就将古早个事全部预言过？你等就係𠊎个证人。𠊎以外，还有别个上帝么？无半个！实在无其他个磐石！

现代客语全罗以赛亚书44:8 Ngài ke chṳ́-mìn â, m̀-hó chho̍k-kiâng!Ngài m̀-he chó chhiu chiông kú-chó ke sṳ chhiòn-phu yi-ngièn ko?Ngì-têu chhiu-he Ngài ke chṳn-ngìn.Ngài yî-ngoi, hàn-yû phe̍t ke Song-ti mò?Mò pan-ke! Sṳ̍t-chhai mò khì-thâ ke Phàn-sa̍k!

和合本2010版以赛亚书44:9虚无的偶像製造偶像的人尽都虚空，他们所喜悦的全无益处；偶像的见证人毫无所见，毫无所知，以致他们羞愧。

现代客语汉字以赛亚书44:9虚假个偶像雕刻偶像个人全部係虚空、又打丧工；佢等所认为当有价值个偶像事实上无半些价值。拜该兜神明个人看毋到真相、么介都毋知；佢等必定会堵到见笑。

现代客语全罗以赛亚书44:9Hî-ká ke Ngiéu-siong Tiâu-khiet ngiéu-siong ke ngìn chhiòn-phu he hî-khûng, yu tá-sóng kûng; kì-têu só ngin-vì tông-yû ka-chhṳ̍t ke ngiéu-siong sṳ-sṳ̍t-song mò pan-si̍t ka-chhṳ̍t. Pai ke-têu sṳ̀n-mìn ke ngìn khon m̀-tó chṳ̂n-siong, má-ke tû m̀-tî; kì-têu pit-thin voi tù-tó kien-seu.

和合本2010版以赛亚书44:10 谁製造神像，铸造偶像？这些都是无益的。

现代客语汉字以赛亚书44:10係么人製造神像，铸造无用个偶像？

现代客语全罗以赛亚书44:10 He má-ngìn chṳ-chho sṳ̀n-siong, chu-chho mò-yung ke ngiéu-siong?

和合本2010版以赛亚书44:11 看哪，他的同伙都必羞愧。工匠不过是人，任他们聚集，任他们站立吧！他们都必惧怕，一同羞愧。

现代客语汉字以赛亚书44:11看啊，所有拜偶像个会堵到见笑；造偶像个也係人定定。就算佢等全部聚集企共下，佢等面对𠊎也全部会着惊、会见笑。

现代客语全罗以赛亚书44:11 Khon â, só-yû pai ngiéu-siong ke voi tù-tó kien-seu; chho ngiéu-siong ke ya he ngìn thin-thin. Chhiu-son kì-têu chhiòn-phu chhi-si̍p khî khiung-ha, kì-têu mien-tui Ngài ya chhiòn-phu voi chho̍k-kiâng, voi kien-seu.

和合本2010版以赛亚书44:12 铁匠用工具在火炭上工作( [ 44.12] 「铁匠…工作」：七十士译本是「工匠磨利铁器」。)，用鎚打出形状，用他有力的膀臂来锤。他因饥饿而无力气；因未喝水而疲倦。

现代客语汉字以赛亚书44:12打铁个拿一垤铁放在火肚烧，用强壮个手拿起铁鎚，将铁仔鎚成形。佢出力打，到肚饥无力，又无水啉就当𤸁当痶。

现代客语全罗以赛亚书44:12 Tá-thiet ke nâ yit-te thiet piong chhai fó-tú sêu, yung khiòng-chong ke sú nâ-hí thiet-chhùi, chiông thiet-è chhùi sṳ̀n-hìn. Kì chhut-li̍t tá, to tú-kî mò-li̍t, yu mò-súi lîm chhiu tông-khioi tông-thiám.

和合本2010版以赛亚书44:13 木匠拉线，用笔划出样子，用鉋子鉋成形状，又用圆规划了模样。他仿照人的体态，做出美妙的人形，放在庙裏。

现代客语汉字以赛亚书44:13做木匠个取树料，用墨斗弹线，用鉋仔鉋平，用圆尺画模型，刻做人个形像，又靓又像，爱放在庙肚。

现代客语全罗以赛亚书44:13 Cho muk-siong ke chhí su-liau, yung me̍t-téu thàn-sien, yung phàu-è phàu-phiàng, yung yèn-chhak va̍k mù-hìn, khat-cho ngìn ke hìn-siong, yu-chiâng yu-chhiong, oi piong chhai meu-tú.

和合本2010版以赛亚书44:14 他砍伐香柏树，又取杉树和橡树，在树林中让它茁壮；或栽种松树，得雨水滋润长大。

现代客语汉字以赛亚书44:14佢做得去斩香柏树，抑係取树林中个橡树抑係桧木来用。佢也做得种松树，等到落雨使它大头起来。

现代客语全罗以赛亚书44:14 Kì cho-tet hi chám hiông-pak-su, ya-he chhí su-lìm chûng ke siong-su ya-he khoai-muk lòi-yung. Kì ya cho-tet chung chhiùng-su, tén-to lo̍k-yí sṳ́ kì thai-thèu hí-lòi.

和合本2010版以赛亚书44:15 这树，人可用以生火；他拿一些来取暖，又搧火烤饼，而且做神像供跪拜，做雕刻的偶像向它叩拜。

现代客语汉字以赛亚书44:15人可能将这树个一部份做柴来烧，拿一部份起火来焙烧抑係焙饼，另外一部份刻做神明俾人拜。

现代客语全罗以赛亚书44:15 Ngìn khó-nèn chiông liá su ke yit phu-fun cho chhèu lòi sêu, nâ yit phu-fun hí-fó lòi phoi-sêu ya-he phoi-piáng, nang-ngoi yit phu-fun khat-cho sṳ̀n-mìn pûn-ngìn pai.

和合本2010版以赛亚书44:16 他将一半的木头烧在火中，用它烤肉来吃；吃饱了，就自己取暖说：「啊哈，我暖和了，我看到火了！」

现代客语汉字以赛亚书44:16佢拿树仔来烧，在该顶高焙肉，食到饱饱。佢也可能烧树仔来焙火，讲：「啊！有火尽好，尽烧暖！」

现代客语全罗以赛亚书44:16 Kì nâ su-é lòi sêu, chhai ke táng-kô phoi-ngiuk, sṳ̍t-to páu-páu. Kì ya khó-nèn sêu su-é lòi phoi-fó, kóng: “Â! Yû fó chhin-hó, chhin sêu-nôn!”

和合本2010版以赛亚书44:17 然后又用剩下的一半做了一个神明，就是雕刻的偶像，向这偶像俯伏叩拜，向它祷告说：「求你拯救我，因你是我的神明。」

现代客语汉字以赛亚书44:17最后，佢用賸到个一部份刻偶像来跪拜，祈祷讲：「你係𠊎个神明，求你来救𠊎！」

现代客语全罗以赛亚书44:17 Chui-heu, kì yung chhûn-tó ke yit phu-fun khat ngiéu-siong lòi khúi-pai, khì-tó kóng: “Ngì he ngài ke sṳ̀n-mìn, khiù ngì lòi-kiu ngài!”

和合本2010版以赛亚书44:18 他们既无知，又不思想；因为耶和华蒙蔽他们的眼，使他们看不见，塞住他们的心，使他们不明白。

现代客语汉字以赛亚书44:18佢等实在无智识又毋晓得！佢等目珠揞等毋看，头脑塞等毋想。

现代客语全罗以赛亚书44:18 Kì-têu sṳ̍t-chhai mò chṳ-sṳt yu m̀ hiáu-tet! Kì-têu muk-chû êm-tén m̀ khon, thèu-nó set-tén m̀ sióng.

和合本2010版以赛亚书44:19 没有一个心裏醒悟，有知识，有聪明，能说：「我曾拿一部分用火燃烧，在炭火上烤饼，也烤肉来吃。这剩下的，我岂要做可憎之像吗？我岂可向木头叩拜呢？」

现代客语汉字以赛亚书44:19只爱製造偶像个人头脑挺动一下、想一下，就会讲：「𠊎用共头树个树料，一部份做柴来烧，焙饼，焙肉来食；另外一部份用来刻偶像，𠊎还爱跪拜这垤树杚头吗？」

现代客语全罗以赛亚书44:19 Chṳ́-oi chṳ-chho ngiéu-siong ke ngìn thèu-nó thîn-thûng yit-ha, sióng yit-ha, chhiu voi kóng: “Ngài yung khiung-thèu su ke su-liau, yit phu-fun cho chhèu lòi sêu, phoi-piáng, phoi-ngiuk lòi-sṳ̍t; nang-ngoi yit phu-fun yung-lòi khat ngiéu-siong, ngài hàn-oi khúi-pai liá-te su-khi̍t-thèu mâ?”

和合本2010版以赛亚书44:20 他以灰尘为食，心裏迷糊，以致偏邪，不能自救，也不能说：「我右手中岂不是有虚谎吗？」

现代客语汉字以赛亚书44:20这敢毋係像拿火灰充饥？佢个戆档使佢行为偏差，无办法救自家；佢毋承认手做个偶像係虚假个。上主係创造主、救赎主

现代客语全罗以赛亚书44:20 Liá kám m̀-he chhiong nâ fó-fôi chhûng-kî? Kì ke ngong-tong sṳ́ kì hàng-vì phiên-chhâ, mò phan-fap kiu chhṳ-kâ; kì m̀ sṳ̀n-ngin sú cho ke ngiéu-siong he hî-ká ke. Song-chú he Chhóng-chho Chú, Kiu-su̍k Chú

和合本2010版以赛亚书44:21耶和华是创造主也是救赎主雅各啊，要思念这些事；以色列啊，你是我的僕人。我造了你，你是我的僕人，以色列啊，我必不忘记你( [ 44.21] 「我必不忘记你」或译「你不会忘记我」。)。

现代客语汉字以赛亚书44:21上主讲：雅各啊，爱记得这兜事；以色列啊，你係𠊎个僕人。𠊎造你，爱你做𠊎个僕人；𠊎永远毋会毋记得你。

现代客语全罗以赛亚书44:21 Song-chú kóng:Ngâ-kok â, oi ki-tet liá-têu sṳ;Yî-set-lie̍t â, ngì he Ngài ke phu̍k-ngìn.Ngài chho ngì, oi ngì cho Ngài ke phu̍k-ngìn;Ngài yún-yén m̀-voi m̀ ki-tet ngì.

和合本2010版以赛亚书44:22 我涂去你的过犯，像厚云消散；涂去你的罪恶，如薄雾消失。你当归向我，因我救赎了你。

现代客语汉字以赛亚书44:22𠊎赦免你个过犯㧯罪恶，使它兜像乌云㧯濛烟散掉一样；你爱归向𠊎，因为𠊎救赎你。

现代客语全罗以赛亚书44:22 Ngài sa-miên ngì ke ko-fam lâu chhui-ok,sṳ́ kì-têu chhiong vû-yùn lâu mùng-yên san-thet yit-yong;ngì oi kûi-hiong Ngài, yîn-vi Ngài kiu-su̍k ngì.

和合本2010版以赛亚书44:23 诸天哪，应当歌唱，因为耶和华成就这事。地的深处啊，应当欢呼；众山哪，要出声歌唱；树林和其中所有的树木啊，你们都当歌唱！因为耶和华救赎了雅各，并要因以色列荣耀自己。

现代客语汉字以赛亚书44:23天啊，爱欢呼！地最深个所在啊，爱大声唱！群山啊，全部爱欢呼！树林㧯其中个树仔啊，全部来唱歌！上主已经救赎雅各；佢已经通过以色列显出荣光。

现代客语全罗以赛亚书44:23 Thiên â, oi fôn-fû!Thi chui-chhṳ̂m ke só-chhai â, oi thai-sâng chhong!Khiùn-sân â, chhiòn-phu oi fôn-fû!Su-lìm lâu khì-chûng ke su-é â, chhiòn-phu lòi chhong-kô!Song-chú yí-kîn kiu-su̍k Ngâ-kok;Kì yí-kîn thûng-ko Yî-set-lie̍t hién-chhut yùng-kông.

和合本2010版以赛亚书44:24 从你在母腹中就造了你，你的救赎主－耶和华如此说：「我－耶和华创造万物，独自铺张诸天，亲自展开大地( [ 44.24] 「亲自展开大地」：原文另译「展开大地，谁与我同在呢？」)；

现代客语汉字以赛亚书44:24上主—你个救赎者讲，对母胎创造你个上帝恁样宣布：𠊎係上主，创造万物个主宰。𠊎自家展开天空；𠊎亲自铺设大地。

现代客语全罗以赛亚书44:24 Song-chú — ngì ke kiu-su̍k-chá kóng,tui mû-thôi chhóng-chho ngì ke Song-ti án-ngiòng siên-pu:Ngài he Song-chú, chhóng-chho van-vu̍t ke Chú-chái.Ngài chhṳ-kâ chán-khôi thiên-khûng;Ngài chhîn-chhṳ phû-sat thai-thi.

和合本2010版以赛亚书44:25 我使虚谎的预兆失效，愚弄占卜的人，使智慧人退后，使他的知识变为愚拙；

现代客语汉字以赛亚书44:25𠊎使卜卦个人癫狂，使算命个判断失效。𠊎赢过聪明人，指出佢等个「智慧」全部係戆档。

现代客语全罗以赛亚书44:25 Ngài sṳ́ puk-koa ke ngìn tiên-khòng,sṳ́ son-miang ke phan-ton sṳt-háu.Ngài yàng-ko chhûng-mìn ngìn,chṳ́-chhut kì-têu ke “chṳ-fi” chhiòn-phu he ngong-tong.

和合本2010版以赛亚书44:26 却使我僕人的话站得住，成就我使者的筹算。我论耶路撒冷说：『必有人居住』；论犹大的城镇说：『必被建造，我必重建其中的废墟。』

现代客语汉字以赛亚书44:26总係，𠊎个僕人讲预言、𠊎个使者计划该时，𠊎使该兜预言㧯计划全部实现。𠊎㧯耶路撒冷讲，还会有人在该位住；𠊎㧯犹大讲，𠊎爱对荒凉中重建犹大个城市。

现代客语全罗以赛亚书44:26 Chúng-he, Ngài ke phu̍k-ngìn kóng yi-ngièn,Ngài ke sṳ́-chá kie-va̍k ke-sṳ̀,Ngài sṳ́ ke-têu yi-ngièn lâu kie-va̍k chhiòn-phu sṳ̍t-hien.Ngài lâu Yâ-lu-sat-lâng kóng,hàn voi yû-ngìn chhai ke-vi he̍t;Ngài lâu Yù-thai kóng,Ngài oi tui fông-liòng chûng chhùng-kien Yù-thai ke sàng-sṳ.

和合本2010版以赛亚书44:27 我对深渊说：『乾了吧！我要使你的江河乾涸』；

现代客语汉字以赛亚书44:27𠊎命令海水燥掉；𠊎命令河坝变做旱地。

现代客语全罗以赛亚书44:27 Ngài min-lin hói-súi châu-thet;Ngài min-lin hò-pa pien-cho hôn-thi.

和合本2010版以赛亚书44:28 论居鲁士说：『他是我的牧人，他要成就我所喜悦的，下令建造耶路撒冷，发命令立稳圣殿的根基。』」

现代客语汉字以赛亚书44:28𠊎对波斯王塞鲁士讲：你爱照顾𠊎个羊群，执行𠊎个旨意。你爱下令重建耶路撒冷；你爱命令建立圣殿个基础。

现代客语全罗以赛亚书44:28 Ngài tui Pô-sṳ̂-vòng Sai-lû-sṳ kóng:Ngì oi cheu-ku Ngài ke yòng-khiùn,chṳp-hàng Ngài ke chṳ́-yi.Ngì oi ha-lin chhùng-kien Yâ-lu-sat-lâng;ngì oi min-lin kien-li̍p sṳn-thien ke kî-chhú.