以赛亚书第43章客家话和合本对照

相关章：

快速到节：

书卷列表：

和合本2010版以赛亚书43:1上帝应许拯救他的子民雅各啊，创造你的耶和华，以色列啊，造成你的那位，现在如此说：「你不要害怕，因为我救赎了你；我曾提你的名召你，你是属我的。

现代客语汉字以赛亚书43:1上主应许拯救佢个子民雅各啊，创造你个上主恁样讲；以色列啊，使你成做人个上主这下恁样宣布：毋使惊！因为𠊎救赎你；𠊎指名喊你，你係属𠊎个。

现代客语全罗以赛亚书43:1Song-chú Yin-hí Chṳ́n-kiu Kì ke Chṳ́-mìn Ngâ-kok â, chhóng-chho ngì ke Song-chú án-ngiòng kóng;Yî-set-lie̍t â, sṳ́ ngì sàng-cho ngìn ke Song-chú liá-ha án-ngiòng siên-pu:M̀-sṳ́ kiâng! Yîn-vi Ngài kiu-su̍k ngì;Ngài chṳ́-miàng ham ngì, ngì he su̍k Ngài ke.

和合本2010版以赛亚书43:2 你从水中经过，我必与你同在，你渡过江河，水必不漫过你；你在火中行走，也不被烧伤，火焰必不烧着你身。

现代客语汉字以赛亚书43:2你对水中经过，𠊎爱㧯你共下；你过大河坝，水毋会打走你。你对火中行过，毋会被火熝到，火焰也毋会烧到你。

现代客语全罗以赛亚书43:2 Ngì tui súi-chûng kîn-ko, Ngài oi lâu ngì khiung-ha;ngì ko thai hò-pa, súi m̀-voi tá-chéu ngì.Ngì tui fó-chûng hàng-ko, m̀-voi pûn fó lu̍k-tó,fó-yam ya m̀-voi sêu-tó ngì.

和合本2010版以赛亚书43:3 因为我是耶和华－你的上帝，是以色列的圣者－你的救主；我使埃及作你的赎价，使古实和西巴代替你。

现代客语汉字以赛亚书43:3因为𠊎係上主—你个上帝；𠊎係以色列神圣个上帝—你个救主。𠊎爱拿埃及来赎转你个自由；𠊎爱拿古实㧯西巴来代你还债。

现代客语全罗以赛亚书43:3 Yîn-vi Ngài he Song-chú — ngì ke Song-ti;Ngài he Yî-set-lie̍t sṳ̀n-sṳn ke Song-ti — ngì ke kiu-chú.Ngài oi nâ Âi-khi̍p lòi su̍k-chón ngì ke chhṳ-yù;Ngài oi nâ Kú-sṳ̍t lâu Sî-pâ lòi-thoi ngì vàn-chai.

和合本2010版以赛亚书43:4 因我看你为宝贝为尊贵；又因我爱你，所以使人代替你，使万民替换你的生命。

现代客语汉字以赛亚书43:4在𠊎看来，你係样般宝贵；𠊎惜你，𠊎看重你。𠊎甘愿牺牲其他国家来拯救你，牺牲别人来换你个生命。

现代客语全罗以赛亚书43:4 Chhai Ngài khon-lòi, ngì he ngióng-pân pó-kui;Ngài siak ngì, Ngài khon-chhûng ngì.Ngài kâm-ngien hî-sên khì-thâ koet-kâ lòi chṳ́n-kiu ngì,hî-sên phe̍t-ngìn lòi-von ngì ke sâng-miang.

和合本2010版以赛亚书43:5 你不要害怕，因我与你同在；我必领你的后裔从东方来，又从西方召集你。

现代客语汉字以赛亚书43:5毋使惊，因为𠊎㧯你共下！对远远个东方、西方，𠊎爱𢱋你个子孙转来故乡。

现代客语全罗以赛亚书43:5 M̀-sṳ́ kiâng, yîn-vi Ngài lâu ngì khiung-ha!Tui yén-yén ke tûng-fông, sî-fông,Ngài oi thu ngì ke chṳ́-sûn chón-lòi ku-hiông.

和合本2010版以赛亚书43:6 我要对北方说，交出来！对南方说，不可扣留！要将我的儿子从远方带来，将我的女儿从地极领回，

现代客语汉字以赛亚书43:6𠊎爱命令北方放佢等走；𠊎爱指示南方毋好强留佢等。俾𠊎个子女对天涯海角，转到自家个故乡。

现代客语全罗以赛亚书43:6 Ngài oi min-lin pet-fông piong kì-têu chéu;Ngài oi chṳ́-sṳ nàm-fông m̀-hó khiòng-liù kì-têu.Pûn Ngài ke chṳ́-ńg tui thiên-ngài hói-kok,chón-to chhṳ-kâ ke ku-hiông.

和合本2010版以赛亚书43:7 就是凡称为我名下的人，是我为自己的荣耀创造的，是我所塑造，所做成的。」

现代客语汉字以赛亚书43:7佢等係𠊎个子民，係𠊎为到自家个荣光创造个，係𠊎自家所造成个。

现代客语全罗以赛亚书43:7 Kì-têu he Ngài ke chṳ́-mìn,he Ngài vi-tó chhṳ-kâ ke yùng-kông chhóng-chho ke,he Ngài chhṳ-kâ só chho-sṳ̀n ke.

和合本2010版以赛亚书43:8以色列是耶和华的见证人你要将有眼却瞎、有耳却聋的民都带出来！

现代客语汉字以赛亚书43:8以色列係上主个证人上主讲：将𠊎个子民传到法庭来。佢等有目珠，总係看毋到！佢等有耳公，总係听毋到！

现代客语全罗以赛亚书43:8Yî-set-lie̍t he Song-chú ke Chṳn-ngìn Song-chú kóng:Chiông Ngài ke chṳ́-mìn chhòn-to fap-thìn lòi.Kì-têu yû muk-chû, chúng-he khon m̀-tó!Kì-têu yû ngí-kûng, chúng-he thâng m̀-tó!

和合本2010版以赛亚书43:9 任凭万国聚集，任凭万民会合。他们当中谁能说明，并将先前的事指示我们呢？让他们带来见证，显明他们有理，看是否听见的人会说：「果然是真的。」

现代客语汉字以赛亚书43:9将世界万国万民全部传到法庭来。㖠国个神明识预言这下所发生个事？㖠个识预言先前所发生个事？喊该兜神明带佢等个证人来，证明佢等无毋着，证实佢等个话真实可靠。

现代客语全罗以赛亚书43:9 Chiông sṳ-kie van-koet van-mìn chhiòn-phu chhòn-to fap-thìn lòi.Nai-koet ke sṳ̀n-mìn sṳt yi-ngièn liá-ha só fat-sên ke sṳ?Nai-ke sṳt yi-ngièn siên-chhièn só fat-sên ke sṳ?Ham ke-têu sṳ̀n-mìn tai kì-têu ke chṳn-ngìn lòi,chṳn-mìn kì-têu mò m̀-chho̍k,chṳn-sṳ̍t kì-têu ke fa chṳ̂n-sṳ̍t khó-kho.

和合本2010版以赛亚书43:10 你们是我的见证，是我所拣选的僕人，为了要使你们知道，且信服我，又明白我就是耶和华。在我以前没有任何被造的真神，在我以后也必没有。这是耶和华说的。

现代客语汉字以赛亚书43:10以色列人啊，你等係𠊎个证人；𠊎选你等做𠊎个僕人，爱俾你等认识𠊎，相信𠊎，知𠊎係惟一个上帝。除了𠊎，无别个上帝；过去无，将来也毋会有。

现代客语全罗以赛亚书43:10 Yî-set-lie̍t-ngìn â, ngì-têu he Ngài ke chṳn-ngìn;Ngài sién ngì-têu cho Ngài ke phu̍k-ngìn,oi pûn ngì-têu ngin-sṳt Ngài, siông-sin Ngài,tî Ngài he vì-yit ke Song-ti.Chhù-liáu Ngài, mò phe̍t ke Song-ti;ko-hi mò, chiông-lòi ya m̀-voi yû.

和合本2010版以赛亚书43:11 我，惟有我是耶和华；除我以外没有救主。

现代客语汉字以赛亚书43:11只有𠊎係上主；𠊎以外无救主。

现代客语全罗以赛亚书43:11 Chṳ́-yû Ngài he Song-chú;Ngài yî-ngoi mò kiu-chú.

和合本2010版以赛亚书43:12 我曾指示，我曾拯救，我曾说明，并没有外族的神明( [ 43.12] 「外族的神明」：原文是「外族」。)在你们中间。你们是我的见证，我是上帝。这是耶和华说的。

现代客语汉字以赛亚书43:12𠊎识启示，𠊎识拯救，𠊎识讲过；在你等中间无别个神明做过恁样个事。𠊎—上主这下宣告：只有𠊎係真神！你等係𠊎个证人。

现代客语全罗以赛亚书43:12 Ngài sṳt khí-sṳ, Ngài sṳt chṳ́n-kiu, Ngài sṳt kóng-ko;chhai ngì-têu chûng-kiên mò phe̍t ke sṳ̀n-mìn cho-ko án-ngiòng ke sṳ.Ngài — Song-chú liá-ha siên-ko:Chṳ́-yû Ngài he chṳ̂n-sṳ̀n! Ngì-têu he Ngài ke chṳn-ngìn.

和合本2010版以赛亚书43:13 自有日子以来，我就是上帝，谁也不能救人脱离我的手。我要行事，谁能逆转呢？

现代客语汉字以赛亚书43:13𠊎永远係上帝。无一侪能救人脱离𠊎个手；无一侪能改变𠊎所做个。

现代客语全罗以赛亚书43:13 Ngài yún-yén he Song-ti.Mò yit-sà nèn kiu-ngìn thot-lì Ngài ke sú;mò yit-sà nèn kói-pien Ngài só cho ke.

和合本2010版以赛亚书43:14逃离巴比伦耶和华－你们的救赎主、以色列的圣者如此说：「因你们的缘故，我已派遣人到巴比伦去；要使迦勒底人都如难民，坐自己素来宴乐的船下来。

现代客语汉字以赛亚书43:14对巴比伦逃走上主—你等个救赎主、以色列神圣个上帝恁样讲：为到爱拯救你等，𠊎会派军队攻打巴比伦；𠊎会攻破它个城门；巴比伦人民个欢呼会变做哀伤。

现代客语全罗以赛亚书43:14Tui Pâ-pí-lùn Thò-chéu Song-chú — ngì-têu ke kiu-su̍k Chú,Yî-set-lie̍t sṳ̀n-sṳn ke Song-ti án-ngiòng kóng:Vi-tó oi chṳ́n-kiu ngì-têu, Ngài voi phai kiûn-chhui kûng-tá Pâ-pí-lùn;Ngài voi kûng-pho kì ke sàng-mùn;Pâ-pí-lùn ngìn-mìn ke fôn-fû voi pien-cho ôi-sông.

和合本2010版以赛亚书43:15 我是耶和华－你们的圣者，是创造以色列的，是你们的君王。」

现代客语汉字以赛亚书43:15𠊎係上主—你等神圣个上帝，係以色列个创造者—你等个君王。

现代客语全罗以赛亚书43:15 Ngài he Song-chú — ngì-têu sṳ̀n-sṳn ke Song-ti,he Yî-set-lie̍t ke chhóng-chho chá — ngì-têu ke kiûn-vòng.

和合本2010版以赛亚书43:16那在沧海中开道，在大水中开路，使战车、马匹、军兵、勇士一同出来，使他们仆倒，不再起来，使他们灭没，好像熄灭之灯火的耶和华如此说：

现代客语汉字以赛亚书43:16古时节，上主在海洋中开一条路，在波浪中开一条大路。

现代客语全罗以赛亚书43:16 Kú-sṳ̀-chiet, Song-chú chhai hói-yòng chûng khôi yit-thiàu lu,chhai pô-long chûng khôi yit-thiàu thai-lu.

和合本2010版以赛亚书43:17【併于上节】

现代客语汉字以赛亚书43:17佢使强大个军队—战车㧯战马全部毁灭。佢等全部横落去，䟘毋起来了；佢等像灯心剪掉，火就乌掉。

现代客语全罗以赛亚书43:17 Kì sṳ́ khiòng-thai ke kiûn-chhui —chan-chhâ lâu chan-mâ chhiòn-phu fí-me̍t.Kì-têu chhiòn-phu vang lo̍k-hi, hong m̀ hí-lòi lé;kì-têu chhiong tên-sîm chién-thet, fó chhiu vû-thet.

和合本2010版以赛亚书43:18 「你们不要追念从前的事，也不要思想古时的事。

现代客语汉字以赛亚书43:18总係上主讲：毋好紧唸先前个事；毋好紧愐古早个事。

现代客语全罗以赛亚书43:18 Chúng-he Song-chú kóng:M̀-hó kín ngiam siên-chhièn ke sṳ;m̀-hó kín mén kú-chó ke sṳ.

和合本2010版以赛亚书43:19 看哪，我要行一件新事，如今就要显明，你们岂不知道吗？我必在旷野开道路，在沙漠开江河( [ 43.19] 「江河」：死海古卷是「路径」。)。

现代客语汉字以赛亚书43:19看啊，𠊎爱做一件新个事，事情已经发生，敢讲你等还毋知！𠊎爱在旷野开大路，在沙漠挖河坝。

现代客语全罗以赛亚书43:19 Khon â, Ngài oi cho yit-khien sîn ke sṳ,sṳ-chhìn yí-kîn fat-sên, kám-kóng ngì-têu hàn m̀-tî!Ngài oi chhai khóng-yâ khôi thai-lu,chhai sâ-mo̍k yet hò-pa.

和合本2010版以赛亚书43:20 野地的走兽要尊敬我，野狗和鸵鸟也必尊敬我。因我使旷野有水，使沙漠有河，好赐给我的百姓、我的选民喝。

现代客语汉字以赛亚书43:20野兽、野狗㧯鸵鸟全部会敬重𠊎；因为𠊎在旷野开水源，使沙漠有河坝，使𠊎拣选个子民有水啉。

现代客语全罗以赛亚书43:20 Yâ-chhu, yâ-kiéu lâu thò-niâu chhiòn-phu voi kin-chhung Ngài;yîn-vi Ngài chhai khóng-yâ khôi súi-ngièn,sṳ́ sâ-mo̍k yû hò-pa,sṳ́ Ngài kién-sién ke chṳ́-mìn yû súi lîm.

和合本2010版以赛亚书43:21 这百姓是我为自己造的，为要述说我的美德。」

现代客语汉字以赛亚书43:21佢等係𠊎为自家造个子民；佢等会向𠊎唱讚美个诗歌！

现代客语全罗以赛亚书43:21 Kì-têu he Ngài vi chhṳ-kâ chho ke chṳ́-mìn;kì-têu voi hiong Ngài chhong chan-mî ke sṳ̂-kô!

和合本2010版以赛亚书43:22以色列人的罪恶「雅各啊，你并没有求告我；以色列啊，你倒厌烦我。

现代客语汉字以赛亚书43:22以色列个罪上主讲：总係雅各啊，你无敬拜𠊎；以色列啊，你想到𠊎就当懒头(8843:22「你想到…懒头」抑係译做「你无认真事奉𠊎」。)。

现代客语全罗以赛亚书43:22Yî-set-lie̍t ke Chhui Song-chú kóng:Chúng-he Ngâ-kok â, ngì mò kin-pai Ngài;Yî-set-lie̍t â, ngì sióng-tó Ngài chhiu tông lân-thèu( 88 43:22 “ngì sióng-tó ... lân-thèu” ya-he yi̍t-cho “ngì mò ngin-chṳ̂n sṳ-fung Ngài”.).

和合本2010版以赛亚书43:23 你并没有将你的羊带来献给我做燔祭，也没有用牲祭尊敬我；我未曾因素祭使你操劳，也没有因乳香使你厌烦。

现代客语汉字以赛亚书43:23你无向𠊎献烧化祭个羊，也无献尊敬𠊎个祭物。𠊎无要求祭物，增加你个负担，也无要求乳香，来麻烦你。

现代客语全罗以赛亚书43:23 Ngì mò hiong Ngài hien sêu-fa-chi ke yòng,ya mò hien chûn-kin Ngài ke chi-vu̍t.Ngài mò yêu-khiù chi-vu̍t, chen-kâ ngì ke fu-tâm,ya mò yêu-khiù nen-hiông, lòi mà-fàn ngì.

和合本2010版以赛亚书43:24 你没有用银子为我买香菖蒲，也没有用祭物的油脂使我饱足；倒使我因你的罪恶操劳，使我因你的罪孽厌烦。

现代客语汉字以赛亚书43:24你并无为𠊎买菖蒲，也无用祭物个油使𠊎饱足。反转，你个罪恶成做𠊎个负担；你个过犯带给𠊎麻烦。

现代客语全罗以赛亚书43:24 Ngì pin-mò vi Ngài mâi chhông-phù,ya mò yung chi-vu̍t ke yù sṳ́ Ngài páu-chiuk.Fán-chón, ngì ke chhui-ok sàng-cho Ngài ke fu-tâm;ngì ke ko-fam tai-pûn Ngài mà-fàn.

和合本2010版以赛亚书43:25 我，惟有我为自己的缘故涂去你的过犯，我也不再记得你的罪恶。

现代客语汉字以赛亚书43:25总係，𠊎係惟一个上帝。𠊎会为自家个名赦免你个过犯；𠊎无爱报应你个罪恶了。

现代客语全罗以赛亚书43:25 Chúng-he, Ngài he vì-yit ke Song-ti.Ngài voi vi chhṳ-kâ ke miàng sa-miên ngì ke ko-fam;Ngài mò-oi po-yin ngì ke chhui-ok lé.

和合本2010版以赛亚书43:26 你儘管提醒我，让我们来辩论；儘管陈述，自显为义。

现代客语汉字以赛亚书43:26𠊎等共下来去法庭；你做得申诉。你做得提出理由，证明你有理。

现代客语全罗以赛亚书43:26 Ngài-têu khiung-ha lòi-hi fap-thìn; ngì cho-tet sṳ̂n-su.Ngì cho-tet thì-chhut lî-yù, chṳn-mìn ngì yû-lî.

和合本2010版以赛亚书43:27 你的始祖犯罪，你的师傅违背我；

现代客语汉字以赛亚书43:27你个祖先(8943:27「你个祖先」：可能指雅各，抑係指亚伯拉罕抑係亚当。)犯罪，你该兜领袖悖逆𠊎。

现代客语全罗以赛亚书43:27 Ngì ke chú-siên( 89 43:27 “Ngì ke chú-siên”: Khó-nèn chṳ́ Ngâ-kok, ya-he chṳ́ Â-pak-lâ-hón ya-he Â-tông.) fam-chhui,ngì ke-têu liâng-chhiu phoi-ngia̍k Ngài.

和合本2010版以赛亚书43:28 因此，我要凌辱圣所的领袖( [ 43.28] 「我要…领袖」：七十士译本是「领袖们亵渎了我的圣所，于是我要」。)，使雅各遭毁灭，使以色列受辱骂。」

现代客语汉字以赛亚书43:28所以，𠊎使圣殿个官长见笑；𠊎彻底毁灭以色列，使雅各受到侮辱。

现代客语全罗以赛亚书43:28 Só-yî, Ngài sṳ́ sṳn-thien ke kôn-chóng kien-seu;Ngài chha̍t-tái fí-me̍t Yî-set-lie̍t,sṳ́ Ngâ-kok su-tó vú-yu̍k.