以赛亚书第40章客家话和合本对照

相关章：

快速到节：

书卷列表：

和合本2010版以赛亚书40:1安慰的话你们的上帝说：「要安慰，安慰我的百姓。

现代客语汉字以赛亚书40:1希望个话你等个上帝讲：你等爱安慰𠊎个子民，爱安慰佢等。

现代客语全罗以赛亚书40:1Hî-mong ke Fa Ngì-têu ke Song-ti kóng:Ngì-têu oi ôn-ví Ngài ke chṳ́-mìn,oi ôn-ví kì-têu.

和合本2010版以赛亚书40:2 要对耶路撒冷说安慰的话，向它宣告，它的战争已结束，它的罪孽已赦免；它为自己一切的罪，已从耶和华手中加倍受罚。」

现代客语汉字以赛亚书40:2爱鼓励耶路撒冷个人民，㧯佢等讲：佢等个苦难已经罅了；佢等个罪已经得到赦免(8040:2「佢等个罪已经得到赦免」抑係译做「佢等已经为自家个行为受到报应了」。)。𠊎—上主已经加倍责罚佢等一切个罪。

现代客语全罗以赛亚书40:2 Oi kú-li Yâ-lu-sat-lâng ke ngìn-mìn,lâu kì-têu kóng: Kì-têu ke khú-nan yí-kîn la lé;kì-têu ke chhui yí-kîn tet-tó sa-miên( 80 40:2 “kì-têu ke chhui yí-kîn tet-tó sa-miên” ya-he yi̍t-cho “kì-têu yí-kîn vi chhṳ-kâ ke hàng-vì su-tó po-yin lé”.).Ngài — Song-chú yí-kîn kâ-phi chit-fa̍t kì-têu yit-chhiet ke chhui.

和合本2010版以赛亚书40:3 有声音呼喊着：「要在旷野为耶和华预备道路，在沙漠为我们的上帝修直大道。

现代客语汉字以赛亚书40:3有一个声喊讲：爱在荒埔为上主预备道路(8140:3「有一个声…道路」抑係译做「在旷野有人喊讲：爱準备好势上主个道路」。)；爱在沙漠为𠊎等个上帝开大路。

现代客语全罗以赛亚书40:3 Yû yit-ke sâng hêm-kóng:Oi chhai fông-phû vi Song-chú yi-phi tho-lu( 81 40:3 “Yû yit-ke sâng ... tho-lu” ya-he yi̍t-cho “Chhai khóng-yâ yû ngìn hêm-kóng: Oi chún-phi hó-se Song-chú ke tho-lu”.);oi chhai sâ-mo̍k vi ngài-têu ke Song-ti khôi thai-lu.

和合本2010版以赛亚书40:4 一切山洼都要填满，大小山冈都要削平；陡峭的要变为平坦，崎岖的必成为平原。

现代客语汉字以赛亚书40:4所有个山坜全部爱坉满；大细山冈全部爱削平。高低无平个地爱成做平平；山地爱成做平原。

现代客语全罗以赛亚书40:4 Só-yû ke sân-lak chhiòn-phu oi thùn-mân;thai-se sân-kông chhiòn-phu oi siok-phiàng.Kô-tâi mò-phiàng ke thi oi sàng-cho phiàng-phiàng;sân-thi oi sàng-cho phìn-ngièn.

和合本2010版以赛亚书40:5 耶和华的荣耀必然显现，凡有血肉之躯的都一同看见，因为这是耶和华亲口说的。」

现代客语汉字以赛亚书40:5该时，上主个荣光爱显明出来；全人类一定会共下看到。因为上主恁样宣布了。

现代客语全罗以赛亚书40:5 Ke-sṳ̀, Song-chú ke yùng-kông oi hién-mìn chhut-lòi;chhiòn ngìn-lui yit-thin voi khiung-ha khon-tó.Yîn-vi Song-chú án-ngiòng siên-pu lé.

和合本2010版以赛亚书40:6 有声音说：「你喊叫吧！」我( [ 40.6] 「我」是根据死海古卷和七十士译本；原文是「他」。)说：「我喊叫甚么呢？」凡有血肉之躯的尽都如草，他的一切荣美像野地的花。

现代客语汉字以赛亚书40:6有一个声喊讲：去报消息！𠊎问：报么介消息？爱宣布讲：逐个人拢总像草共样；佢等尽靓像野地个花。

现代客语全罗以赛亚书40:6 Yû yit-ke sâng hêm-kóng: Hi po sêu-sit!Ngài mun: Po má-ke sêu-sit?Oi siên-pu kóng: Tak-ke ngìn lûng-chúng chhiong chhó khiung-yong;kì-têu chhin-chiâng chhiong yâ-thi ke fâ.

和合本2010版以赛亚书40:7 耶和华吹一口气，草就枯乾，花也凋谢。百姓诚然是草；

现代客语汉字以赛亚书40:7上主吹一阵风，草就枯燥，花也谢掉。人实在㧯花草当相像；

现代客语全罗以赛亚书40:7 Song-chú chhôi yit-chhṳn fûng,chhó chhiu khû-châu, fâ ya chhia-thet.Ngìn sṳ̍t-chhai lâu fâ-chhó tông siông-chhiong;

和合本2010版以赛亚书40:8 草必枯乾，花必凋谢，惟有我们上帝的话永远立定。

现代客语汉字以赛亚书40:8草会燥掉，花会谢掉，总係𠊎等上帝个话永远毋会改变！

现代客语全罗以赛亚书40:8 chhó voi châu-thet, fâ voi chhia-thet,chúng-he ngài-têu Song-ti ke fa yún-yén m̀-voi kói-pien!

和合本2010版以赛亚书40:9 报好信息的锡安哪，要登高山；报好信息的耶路撒冷啊，要极力扬声。扬声不要惧怕，对犹大的城镇说：「看哪，你们的上帝！」

现代客语汉字以赛亚书40:9锡安哪，爱上高山；爱报好消息！耶路撒冷啊，爱大声喊；爱报好消息！(8240:9「锡安哪…消息！」抑係译做「爱上高山，向锡安报好消息！爱大声喊，向耶路撒冷报好消息！」)爱大声喊，毋使惊。㧯犹大个大细村庄讲：「你等个上帝会来了！」

现代客语全罗以赛亚书40:9 Siak-ôn nâ, oi sông kô-sân;oi po hó sêu-sit!Yâ-lu-sat-lâng â, oi thai-sâng hêm;oi po hó sêu-sit!( 82 40:9 “Siak-ôn nâ ... sêu-sit!” ya-he yi̍t-cho “Oi sông kô-sân, hiong Siak-ôn po hó sêu-sit! Oi thai-sâng hêm, hiong Yâ-lu-sat-lâng po hó sêu-sit!”)Oi thai-sâng hêm, m̀-sṳ́ kiâng.Lâu Yù-thai ke thai-se chhûn-chông kóng:“Ngì-têu ke Song-ti voi lòi lé!”

和合本2010版以赛亚书40:10 看哪，主耶和华必以大能临到，他的膀臂必为他掌权；看哪，他的赏赐在他那裏，他的报应在他面前。

现代客语汉字以赛亚书40:10看哪，至高个上主爱带等权柄来；佢爱用权能治理天下。佢爱施行报应；佢爱拯救佢等。

现代客语全罗以赛亚书40:10 Khon nâ, Chṳ-kô ke Song-chú oi tai-tén khièn-piang lòi;Kì oi yung khièn-nèn chhṳ-lî thiên-ha.Kì oi sṳ̂-hàng po-yin;Kì oi chṳ́n-kiu kì-têu.

和合本2010版以赛亚书40:11 他要像牧人牧养自己的羊羣，用膀臂聚集羔羊，抱在胸怀，慢慢引导那乳养小羊的。

现代客语汉字以赛亚书40:11佢爱像牧人掌羊群；佢爱聚集细羊仔，用双手将牠兜揇在胸前；佢爱用慈爱带领餵乳个羊乸。

现代客语全罗以赛亚书40:11 Kì oi chhiong mu̍k-ngìn chóng yòng-khiùn;Kì oi chhi-si̍p se yòng-è,yung sûng-sú chiông kì-têu nám chhai hiûng-chhièn;Kì oi yung chhṳ̀-oi tai-liâng vi-nen ke yòng-mà.

和合本2010版以赛亚书40:12以色列的上帝无可比拟谁曾用手心量诸水，用手虎口量苍天，用升斗盛大地的尘土，用秤称山岭，用天平称冈陵呢？

现代客语汉字以赛亚书40:12无人㧯上帝比抑得么人做得用手巴掌量海水？么人做得用手指量高天？么人做得用斗量大地个泥？么人做得用天平秤山岭？

现代客语全罗以赛亚书40:12Mò Ngìn lâu Song-ti Pí É-tet Má-ngìn cho-tet yung sú pâ-chóng liòng hói-súi?Má-ngìn cho-tet yung sú-chṳ́ liòng kô-thiên?Má-ngìn cho-tet yung téu liòng thai-thi ke nài?Má-ngìn cho-tet yung thiên-phìn chhṳn sân-liâng?

和合本2010版以赛亚书40:13 谁曾测度耶和华的灵，或作他的谋士指教他呢？

现代客语汉字以赛亚书40:13么人揣得出上主个心意？么人有资格教佢？指导佢？

现代客语全罗以赛亚书40:13 Má-ngìn thòn tet-chhut Song-chú ke sîm-yi?Má-ngìn yû chṳ̂-kiet kâu Kì? Chṳ́-thô Kì?

和合本2010版以赛亚书40:14 他与谁商议，谁教导他，以公平的路指示他，将知识传授与他，又将通达的道指教他呢？

现代客语汉字以赛亚书40:14敢有人识教佢，指导佢，使佢知公正个路，使佢得到智识，指示佢通达个道？

现代客语全罗以赛亚书40:14 Kám yû-ngìn sṳt kâu Kì, chṳ́-thô Kì,sṳ́ Kì tî kûng-chṳn ke lu,sṳ́ Kì tet-tó chṳ-sṳt,chṳ́-sṳ Kì thûng-tha̍t ke tho?

和合本2010版以赛亚书40:15 看哪，列国都像水桶裏的一滴，又如天平上的微尘；看哪，他举起众海岛，好像举起极微小之物。

现代客语汉字以赛亚书40:15在上主来看，列国係水桶中个一滴水，係天平顶个泥粉；海岛係秤盘顶个尘灰定定。

现代客语全罗以赛亚书40:15 Chhai Song-chú lòi-khon, lie̍t-koet he súi-thúng chûng ke yit-ti̍t súi,he thiên-phìn táng ke nài-fún;hói-tó he chhṳn-phàn táng ke chhṳ̀n-fôi thin-thin.

和合本2010版以赛亚书40:16 黎巴嫩不够当柴烧，其中的走兽也不够作燔祭。

现代客语汉字以赛亚书40:16黎巴嫩个树林毋罅做献祭个柴；该位个走兽毋罅做烧化祭。

现代客语全罗以赛亚书40:16 Lì-pâ-nun ke su-nà m̀-la cho hien-chi ke chhèu;ke-vi ke chéu-chhu m̀-la cho sêu-fa-chi.

和合本2010版以赛亚书40:17 列国在他面前如同不存在，在他看来微不足道，只是虚空。

现代客语汉字以赛亚书40:17列国对佢来讲毋算么介，像无存在个东西，就係虚空。

现代客语全罗以赛亚书40:17 Lie̍t-koet tui Kì lòi-kóng m̀-son má-ke,chhiong mò chhùn-chhai ke tûng-sî, chhiu-he hî-khûng.

和合本2010版以赛亚书40:18 你们究竟将谁比上帝，用甚么形像与他相较呢？

现代客语汉字以赛亚书40:18么人㧯上帝比抑得？你等爱用么介代表佢个形像？

现代客语全罗以赛亚书40:18 Má-ngìn lâu Song-ti pí é-tet?Ngì-têu oi yung má-ke thoi-péu Kì ke hìn-siong?

和合本2010版以赛亚书40:19 至于偶像，匠人铸造它，银匠用金子包裹它，又为它铸造银链。

现代客语汉字以赛亚书40:19佢无像偶像；师傅造好偶像后，又为它包金身，然后挂几条银鍊。

现代客语全罗以赛亚书40:19 Kì mò chhiong ngiéu-siong;sṳ̂-fu chho-hó ngiéu-siong heu,yu vi kì pâu kîm-sṳ̂n,yèn-heu koa kí-thiàu ngiùn-lien.

和合本2010版以赛亚书40:20 没有能力捐献的人，就挑选不易朽坏的木头，为自己寻找巧匠，竖立不会倒的偶像。

现代客语汉字以赛亚书40:20该买毋起金银个人就用毋会殁掉个树头。佢寻来一个手艺当好个师傅，雕刻一个毋会横掉个偶像。

现代客语全罗以赛亚书40:20 Ke mâi m̀-hí kîm-ngiùn ke ngìnchhiu yung m̀-voi mut-thet ke su-thèu.Kì chhìm-lòi yit-ke sú-ngi tông-hó ke sṳ̂-fu,tiâu-khiet yit-ke m̀-voi vang-thet ke ngiéu-siong.

和合本2010版以赛亚书40:21 你们岂不知道吗？岂未曾听见吗？难道没有人从起头就告诉你们吗？自从地的根基立定，你们岂不明白吗？

现代客语汉字以赛亚书40:21你等敢毋知？你等敢无听到？毋係有人早就㧯你等讲过？你等敢毋知这世界係样般开始？

现代客语全罗以赛亚书40:21 Ngì-têu kám m̀-tî? Ngì-têu kám mò thâng-tó?M̀-he yû-ngìn chó chhiu lâu ngì-têu kóng-ko?Ngì-têu kám m̀-tî liá sṳ-kie he ngióng-pân khôi-sṳ́?

和合本2010版以赛亚书40:22 上帝坐在地的穹窿之上，地上的居民有如蚱蜢。他铺张穹苍如幔子，展开诸天如可住的帐棚。

现代客语汉字以赛亚书40:22上帝坐在大地个穹苍顶高；在佢来看，地上个人像草蜢一样。佢掀开天像打开布帘，像展开人所住个帐篷。

现代客语全罗以赛亚书40:22 Song-ti chhô chhai thai-thi ke kiûng-chhông táng-kô;chhai Kì lòi-khon, thi-song ke ngìn chhiong chhó-máng yit-yong.Kì hiên-khôi thiên chhiong tá-khôi pu-liàm,chhiong chán-khôi ngìn só-he̍t ke chong-phùng.

和合本2010版以赛亚书40:23 他使君王归于虚无，使地上的审判官成为虚空。

现代客语汉字以赛亚书40:23佢消灭有权势个君王，使地上个审判官变无掉去。

现代客语全罗以赛亚书40:23 Kì sêu-me̍t yû khièn-sṳ ke kiûn-vòng,sṳ́ thi-song ke sṳ́m-phan-kôn pien mò thet-hi.

和合本2010版以赛亚书40:24 他们刚栽上，刚种好，根也刚扎在地裏，经他一吹，就都枯乾；旋风将他们吹去，像碎稭一样。

现代客语汉字以赛亚书40:24佢等像还当细头个植物，正发芽生根。上主吹一阵风，佢等就全部枯燥；大风一捲，佢等就像禾秆被风吹散。

现代客语全罗以赛亚书40:24 Kì-têu chhiong hàn tông se-thèu ke chhṳ̍t-vu̍t,chang fat-ngà sâng-kîn.Song-chú chhôi yit-chhṳn fûng, kì-têu chhiu chhiòn-phu khû-châu;thai-fûng yit-kién, kì-têu chhiu-chhiong vò-kón pûn fûng chhôi-san.

和合本2010版以赛亚书40:25 那圣者说：「你们将谁与我相比，与我相等呢？」

现代客语汉字以赛亚书40:25么人做得㧯神圣个上帝比呢？世间敢有人像佢么？

现代客语全罗以赛亚书40:25 Má-ngìn cho-tet lâu sṳ̀n-sṳn ke Song-ti pí nè?Sṳ-kiên kám yû-ngìn chhiong Kì mò?

和合本2010版以赛亚书40:26 你们要向上举目，看是谁创造这万象，按数目领出它们，一一称其名，以他的权能和他的大能大力，使它们一个都不缺。

现代客语汉字以赛亚书40:26你等昂头看天顶！么人创造这兜星辰？係上帝！佢带领它兜像带领军队。佢知它兜个数目；佢一个一个点名。佢个权能极大无比，连一个也毋会毋见掉。

现代客语全罗以赛亚书40:26 Ngì-têu ngo-thèu khon thiên-táng!Má-ngìn chhóng-chho liá-têu sên-sṳ̀n?He Song-ti! Kì tai-liâng kì-têu chhiong tai-liâng kiûn-chhui.Kì tî kì-têu ke su-muk;Kì yit-ke yit-ke tiám-miàng.Kì ke khièn-nèn khi̍t-thai mò-pí,lièn yit-ke ya m̀-voi m̀ kien-thet.

和合本2010版以赛亚书40:27 雅各啊，你为何说，以色列啊，你为何言，「我的道路向耶和华隐藏，我的冤屈上帝并不查问」？

现代客语汉字以赛亚书40:27以色列啊，你做么介怪怨：恅到上主毋知你个艰苦？认为上帝无关心你所受个冤枉？

现代客语全罗以赛亚书40:27 Yî-set-lie̍t â, ngì cho-má-ke koai-yen:Láu-tó Song-chú m̀-tî ngì ke kân-khú?Ngin-vì Song-ti mò koân-sîm ngì só-su ke yên-vóng?

和合本2010版以赛亚书40:28 你岂不曾知道吗？你岂未曾听见吗？永在的上帝耶和华，创造地极的主，他不疲乏，也不困倦；他的智慧无法测度。

现代客语汉字以赛亚书40:28你敢毋知？你敢无听讲？上主係永生个上帝！佢创造全世界。佢毋会𤸁，也毋会痶；佢个智慧高深，人无法了解。

现代客语全罗以赛亚书40:28 Ngì kám m̀-tî? Ngì kám mò thâng-kóng?Song-chú he yún-sên ke Song-ti!Kì chhóng-chho chhiòn sṳ-kie.Kì m̀-voi khioi, ya m̀-voi thiám;Kì ke chṳ-fi kô-chhṳ̂m, ngìn mò-fap liáu-kié.

和合本2010版以赛亚书40:29 疲乏的，他赐能力；软弱的，他加力量。

现代客语汉字以赛亚书40:29𤸁个人，佢赐力量给佢等；痶个人，佢赐气力给佢等。

现代客语全罗以赛亚书40:29 Khioi ke ngìn, Kì su li̍t-liong pûn kì-têu;thiám ke ngìn, Kì su hi-li̍t pûn kì-têu.

和合本2010版以赛亚书40:30 就是年轻人也要疲乏困倦，强壮的也必全然跌倒。

现代客语汉字以赛亚书40:30后生人会𤸁也会痶；强壮个青年也会跌倒横下去。

现代客语全罗以赛亚书40:30 Heu-sâng ngìn voi khioi ya voi thiám;khiòng-chong ke chhiâng-ngièn ya voi tiet-tó vang hâ-hi.

和合本2010版以赛亚书40:31 但那等候耶和华的必重新得力。他们必如鹰展翅上腾；他们奔跑却不困倦，行走却不疲乏。

现代客语汉字以赛亚书40:31总係倚靠上主个人，会重新得到力量。佢等会像鹰鸟打开翼胛飞到高高；佢等走毋会𤸁，行也毋会痶。

现代客语全罗以赛亚书40:31 Chúng-he yí-kho Song-chú ke ngìn,voi chhùng-sîn tet-tó li̍t-liong.Kì-têu voi chhiong ên-tiâu tá-khôi yi̍t-kap pî-to kô-kô;kì-têu chéu m̀-voi khioi,hàng ya m̀-voi thiám.