以赛亚书第37章客家话和合本对照

相关章：

快速到节：

书卷列表：

和合本2010版以赛亚书37:1国王差人徵求以赛亚的意见（王下 19:1-7 ） 希西家王听见了，就撕裂衣服，披上麻衣，进了耶和华的殿。

现代客语汉字以赛亚书37:1国王问以赛亚( 列王纪下19:1-7 )希西家王一听到佢等个报告，非常悲伤，就扯烂衫，着麻衫，入去上主个圣殿。

现代客语全罗以赛亚书37:1Koet-vòng Mun Yî-soi-â( Lie̍t-vòng Ki-ha 19:1-7 ) Hî-sî-kâ-vòng yit thâng-tó kì-têu ke po-ko, fî-sòng pî-sông, chhiu chhá-lan sâm, chok mà-sâm, ngi̍p-hi Song-chú ke sṳn-thien.

和合本2010版以赛亚书37:2 他差遣以利亚敬宫廷总管和舍伯那书记，并祭司中年长的，都披上麻衣，到亚摩斯的儿子以赛亚先知那裏去。

现代客语汉字以赛亚书37:2佢派王宫总管以利亚敬、王室书记舍伯那、㧯该兜老辈个祭司，佢等全部着麻衫去见亚摩斯个孻仔先知以赛亚。

现代客语全罗以赛亚书37:2 Kì phai vòng-kiûng chúng-kón Yî-li-â-kin, vòng-sṳt sû-ki Sa-pak-nâ, lâu ke-têu ló-phi ke chi-sṳ̂, kì-têu chhiòn-phu chok mà-sâm hi kien Â-mô-sṳ̂ ke lai-é siên-tî Yî-soi-â.

和合本2010版以赛亚书37:3 他们对他说：「希西家如此说：『今日是急难、惩罚、凌辱的日子，就如婴孩快要出生，却没有力气生产。

现代客语汉字以赛亚书37:3佢等对以赛亚讲：「希西家恁样讲：今晡日係国难个日仔；𠊎等全部受到侮辱㧯刑罚。𠊎等像难产个妇人家，无力好𫱔。

现代客语全罗以赛亚书37:3 Kì-têu tui Yî-soi-â kóng: “Hî-sî-kâ án-ngiòng kóng: Kîm-pû-ngit he koet-nan ke ngit-è; ngài-têu chhiòn-phu su-tó vú-yu̍k lâu hìn-fa̍t. Ngài-têu chhiong nàn-sán ke fu-ngìn-kâ, mò-li̍t hó-kiung.

和合本2010版以赛亚书37:4 或许耶和华－你的上帝听见亚述将军的话，就是他主人亚述王差他来辱骂永生上帝的话，耶和华－你的上帝就斥责所听见的这些话。求你为倖存的余民扬声祷告。』」

现代客语汉字以赛亚书37:4亚述皇帝派佢个大将来侮辱永生个上帝。愿上主—你个上帝听到这兜亵渎个话，责罚讲这话个人。所以，请你为𠊎这兜賸到个人大声祈祷。」

现代客语全罗以赛亚书37:4 Â-sut fòng-ti phai kì ke thai-chiong lòi vú-yu̍k yún-sên ke Song-ti. Ngien Song-chú — ngì ke Song-ti thâng-tó liá-têu siet-thu̍k ke fa, chit-fa̍t kóng liá-fa ke ngìn. Só-yî, chhiáng ngì vi ngài liá-têu chhûn-tó ke ngìn thai-sâng khì-tó.”

和合本2010版以赛亚书37:5 希西家王的臣僕就来到以赛亚那裏。

现代客语汉字以赛亚书37:5希西家王个官员来见以赛亚，

现代客语全罗以赛亚书37:5 Hî-sî-kâ-vòng ke kôn-yèn lòi-kien Yî-soi-â,

和合本2010版以赛亚书37:6 以赛亚对他们说：「要对你们的主人这样说，耶和华如此说：『你听见亚述王的僕人亵渎我的话，不要惧怕。

现代客语汉字以赛亚书37:6以赛亚就对佢等讲：「去㧯你等个主人恁样讲：『上主恁样讲：你等毋使因为听到亚述人讲侮辱𠊎个话就恁着惊。

现代客语全罗以赛亚书37:6 Yî-soi-â chhiu tui kì-têu kóng: “Hi lâu ngì-têu ke chú-ngìn án-ngiòng kóng: ‘Song-chú án-ngiòng kóng: Ngì-têu m̀-sṳ́ yîn-vi thâng-tó Â-sut-ngìn kóng vú-yu̍k Ngài ke fa chhiu án chho̍k-kiâng.

和合本2010版以赛亚书37:7 看哪，因为我必惊动他的心( [ 37.7] 「惊动他的心」：原文是「使灵进入他裏面」。)，他要听见风声就归回本地，在那裏我必使他倒在刀下。』」 亚述王再来威胁

现代客语汉字以赛亚书37:7𠊎爱使亚述皇帝相信所听到个风声，催迫佢赶转本国去，在该位被人㓾死。』」亚述人再来威胁

现代客语全罗以赛亚书37:7 Ngài oi sṳ́ Â-sut fòng-ti siông-sin só thâng-tó ke fûng-sâng, chhûi-pet kì kón-chón pún-koet hi, chhai ke-vi pûn-ngìn chhṳ̀-sí.’ ” Â-sut-ngìn Chai-lòi Vî-hia̍p

和合本2010版以赛亚书37:8（王下 19:8-19 ）亚述将军听见亚述王已拔营离开拉吉，就启程返回，正遇见亚述王去攻打立拿。

现代客语汉字以赛亚书37:8( 列王纪下19:8-19 )亚述个大将听讲亚述皇帝已经徙营离开拉吉、去攻打附近个立拿城，佢就去该位见佢。

现代客语全罗以赛亚书37:8( Lie̍t-vòng Ki-ha 19:8-19 ) Â-sut ke thai-chiong thâng-kóng Â-sut fòng-ti yí-kîn sái-yàng lì-khôi Lâ-kit, hi kûng-tá fu-khiun ke Li̍p-nâ-sàng, kì chhiu hi ke-vi kien kì.

和合本2010版以赛亚书37:9 亚述王听见有人谈论古实王特哈加说：「他出来要与你争战。」亚述王一听见，就差使者去见希西家，说：

现代客语汉字以赛亚书37:9亚述皇帝听到风声讲，古实王特哈加带埃及军队来攻打佢。所以皇帝就派兜使者带信仔去㧯犹大王希西家讲：

现代客语全罗以赛亚书37:9 Â-sut fòng-ti thâng-tó fûng-sâng kóng, Kú-sṳ̍t-vòng Thi̍t-ha̍p-kâ tai Âi-khi̍p kiûn-chhui lòi kûng-tá kì. Só-yî fòng-ti chhiu phai-têu sṳ́-chá tai sin-é hi lâu Yù-thai-vòng Hî-sî-kâ kóng:

和合本2010版以赛亚书37:10 「你们要对犹大王希西家如此说：『不要听你所倚靠的上帝欺哄你说：耶路撒冷必不交在亚述王的手中。

现代客语汉字以赛亚书37:10「毋好听你所倚靠个神骗你讲：『耶路撒冷毋会交在亚述皇帝个手中。』

现代客语全罗以赛亚书37:10 “M̀-hó thâng ngì só yí-kho ke sṳ̀n phien ngì kóng: ‘Yâ-lu-sat-lâng m̀-voi kâu chhai Â-sut fòng-ti ke sú-chûng.’

和合本2010版以赛亚书37:11 看哪，你总听说亚述诸王向列国所行的是尽行灭绝，难道你能倖免吗？

现代客语汉字以赛亚书37:11你一定听过，亚述历代个皇帝係样般彻底毁灭所有个国家！你恅到你还有救，係么？

现代客语全罗以赛亚书37:11 Ngì yit-thin thâng-ko, Â-sut li̍t-thoi ke fòng-ti he ngióng-pân chha̍t-tái fí-me̍t só-yû ke koet-kâ! Ngì láu-tó ngì hàn yû-kiu, he-mò?

和合本2010版以赛亚书37:12 我祖先所毁灭的，就是歌散、哈兰、利色和提‧拉撒的伊甸人；这些国的神明何曾拯救他们呢？

现代客语汉字以赛亚书37:12𠊎个祖先识毁灭歌散、哈兰、利色，消灭住在提拉撒个伊甸人；佢等个神明敢有救佢等么？

现代客语全罗以赛亚书37:12 Ngài ke chú-siên sṳt fí-me̍t Kô-san, Ha̍p-làn, Li-set, sêu-me̍t he̍t chhai Thì-lâ-sat ke Yî-thien-ngìn; kì-têu ke sṳ̀n-mìn kám-yû kiu kì-têu mò?

和合本2010版以赛亚书37:13 哈马的王，亚珥拔的王，西法瓦音城的王，希拿和以瓦的王，都在哪裏呢？』」

现代客语汉字以赛亚书37:13哈马、亚珥拔、西法瓦音城、希拿、㧯以瓦该兜所在个王拢总在㖠位呢？」

现代客语全罗以赛亚书37:13 Ha̍p-mâ, Â-ngí-pha̍t, Sî-fap-ngá-yîm sàng, Hî-nâ, lâu Yî-ngá ke-têu só-chhai ke vòng lûng-chúng chhai nai-vi nè?”

和合本2010版以赛亚书37:14 希西家从使者手裏接过书信，看完了，就上耶和华的殿，在耶和华面前展开书信。

现代客语汉字以赛亚书37:14希西家对使者手中将信仔接过来，读了后就到圣殿去，在上主面前将信仔掀开。

现代客语全罗以赛亚书37:14 Hî-sî-kâ tui sṳ́-chá sú-chûng chiông sin-é chiap ko-lòi, thu̍k-liáu heu chhiu to sṳn-thien hi, chhai Song-chú mien-chhièn chiông sin-é hiên-khôi.

和合本2010版以赛亚书37:15 希西家向耶和华祷告说：

现代客语汉字以赛亚书37:15希西家向上主祈祷讲：

现代客语全罗以赛亚书37:15 Hî-sî-kâ hiong Song-chú khì-tó kóng:

和合本2010版以赛亚书37:16 「坐在基路伯之上万军之耶和华－以色列的上帝啊，你，惟有你是地上万国的上帝，你创造了天和地。

现代客语汉字以赛亚书37:16「在两只基路伯中央坐宝座个上主—万军个元帅、以色列个上帝啊，你係天下万国独一个上帝，天地係你创造个。

现代客语全罗以赛亚书37:16 “Chhai lióng-chak kî-lu-pak tûng-ông chhô pó-chho ke Song-chú — Van-kiûn ke Ngièn-soi, Yî-set-lie̍t ke Song-ti â, Ngì he thiên-ha van-koet thu̍k-yit ke Song-ti, thiên-thi he Ngì chhóng-chho ke.

和合本2010版以赛亚书37:17 耶和华啊，求你侧耳而听；耶和华啊，求你睁眼而看，听西拿基立差遣使者辱骂永生上帝的一切话。

现代客语汉字以赛亚书37:17上主啊，求你听𠊎个祈祷！上主啊，求你看顾𠊎等！西拿基立派使者所讲、侮辱你—永生上帝个话，你全部听看仔！

现代客语全罗以赛亚书37:17 Song-chú â, khiù Ngì thâng ngài ke khì-tó! Song-chú â, khiù Ngì khon-ku ngài-têu! Sî-nâ-kî-li̍p phai sṳ́-chá só-kóng, vú-yu̍k Ngì — yún-sên Song-ti ke fa, Ngì chhiòn-phu thâng khon-é!

和合本2010版以赛亚书37:18 耶和华啊，亚述诸王果然使列国和列国之地变为荒芜，

现代客语汉字以赛亚书37:18上主啊，亚述历代个皇帝将列国变做荒地，这係事实。

现代客语全罗以赛亚书37:18 Song-chú â, Â-sut li̍t-thoi ke fòng-ti chiông lie̍t-koet pien-cho fông-thi, liá he sṳ-sṳ̍t.

和合本2010版以赛亚书37:19 将列国的神明扔在火裏，因为它们不是神明，是人手所造的，是木头、石头，所以被灭绝了。

现代客语汉字以赛亚书37:19佢等还烧掉逐国个神明；其实它兜毋係真神，係人个手用树仔、石头做个偶像定定，所以就会被人除掉。

现代客语全罗以赛亚书37:19 Kì-têu hàn sêu-thet tak-koet ke sṳ̀n-mìn; khì-sṳ̍t kì-têu m̀-he chṳ̂n-sṳ̀n, he ngìn ke sú yung su-é, sa̍k-thèu cho ke ngiéu-siong thin-thin, só-yî chhiu voi pûn-ngìn chhù-thet.

和合本2010版以赛亚书37:20 耶和华－我们的上帝啊，现在求你救我们脱离亚述王的手，使地上万国都知道惟有你是耶和华。」 以赛亚给王的信息

现代客语汉字以赛亚书37:20上主—𠊎等个上帝啊，这下求你对亚述皇帝个手中拯救𠊎等；恁样，世界逐国就会知只有你正係上主。」以赛亚给王个信息

现代客语全罗以赛亚书37:20 Song-chú — ngài-têu ke Song-ti â, liá-ha khiù Ngì tui Â-sut fòng-ti ke sú-chûng chṳ́n-kiu ngài-têu; án-ngiòng, sṳ-kie tak-koet chhiu voi tî chṳ́-yû Ngì chang-he Song-chú.” Yî-soi-â Pûn Vòng ke Sin-sit

和合本2010版以赛亚书37:21（王下 19:20-37 ） 亚摩斯的儿子以赛亚就差人去见希西家，说：「耶和华－以色列的上帝如此说，你因亚述王西拿基立的事向我祈求，

现代客语汉字以赛亚书37:21( 列王纪下19:20-37 )亚摩斯个孻仔以赛亚派人去㧯希西家讲：「上主—以色列个上帝恁样讲：『有关亚述皇帝西拿基立个事，你紧求𠊎，你个祈祷𠊎听到了。』

现代客语全罗以赛亚书37:21( Lie̍t-vòng Ki-ha 19:20-37 ) Â-mô-sṳ̂ ke lai-é Yî-soi-â phai-ngìn hi lâu Hî-sî-kâ kóng: “Song-chú — Yî-set-lie̍t ke Song-ti án-ngiòng kóng: ‘Yû-koân Â-sut fòng-ti Sî-nâ-kî-li̍p ke sṳ, ngì kín khiù Ngài, ngì ke khì-tó Ngài thâng-tó lé.’

和合本2010版以赛亚书37:22 所以耶和华论他这样说：『少女锡安( [ 37.22] 「少女锡安」：原文直译「少女锡安女子」。)藐视你，嘲笑你；耶路撒冷( [ 37.22] 「耶路撒冷」：原文直译「耶路撒冷女子」。)向你摇头。

现代客语汉字以赛亚书37:22上主论到西拿基立讲：『钖安城个子女在该位嘲谑你，藐视你；耶路撒冷个人民向你拂头。

现代客语全罗以赛亚书37:22 Song-chú lun-tó Sî-nâ-kî-li̍p kóng: ‘Siak-ôn-sàng ke chṳ́-ńg chhai ke-vi sâu-nat ngì, méu-sṳ ngì; Yâ-lu-sat-lâng ke ngìn-mìn hiong ngì fin thèu.

和合本2010版以赛亚书37:23 「『你辱骂谁，亵渎谁，扬起声来，高举眼目攻击谁呢？你攻击的是以色列的圣者。

现代客语汉字以赛亚书37:23你敢知，你大声侮辱个係么人？恁骄傲嘲谑个係么人？看毋起个係么人？係𠊎—以色列神圣个上帝！

现代客语全罗以赛亚书37:23 Ngì kám tî, ngì thai-sâng vú-yu̍k ke he má-ngìn? Án kiêu-ngau sâu-nat ke he má-ngìn? Khon m̀-hí ke he má-ngìn? He Ngài — Yî-set-lie̍t sṳ̀n-sṳn ke Song-ti!

和合本2010版以赛亚书37:24 你藉臣僕辱骂主说：我率领许多战车登上高山，到黎巴嫩的顶端；我要砍伐其中高大的香柏树和上好的松树。我必上到极高之处，进入茂盛的森林裏。

现代客语汉字以赛亚书37:24你派使者来骂𠊎，还夸口你个战车征服高山，甚至佔领黎巴嫩最高个山头。你夸口讲，你在该位斩下最高个香柏树㧯最好个松树，又深入到树林最深个所在。

现代客语全罗以赛亚书37:24 Ngì phai sṳ́-chá lòi ma Ngài, hàn khoâ-khiéu ngì ke chan-chhâ chṳ̂n-fu̍k kô-sân, sṳm-chṳ cham-liâng Lì-pâ-nun chui-kô ke sân-thèu. Ngì khoâ-khiéu kóng, ngì chhai ke-vi chám-hâ chui-kô ke hiông-pak-su lâu chui-hó ke chhiùng-su, yu chhṳ̂m-ngi̍p to su-nà chui-chhṳ̂m ke só-chhai.

和合本2010版以赛亚书37:25 我已经挖井喝水( [ 37.25] 「挖井喝水」：死海古卷是「在外邦挖井喝水」；参王下19:24。)；我必用脚掌踏乾埃及一切的河流。

现代客语汉字以赛亚书37:25你夸口讲，你识打井啉水，你个士兵将埃及个河坝全部踏燥。

现代客语全罗以赛亚书37:25 Ngì khoâ-khiéu kóng, ngì sṳt tá-chiáng lîm-súi, ngì ke sṳ-pîn chiông Âi-khi̍p ke hò-pa chhiòn-phu tha̍p-châu.

和合本2010版以赛亚书37:26 「『你岂没有听见我早先所定、古时所立、现今实现的事吗？就是让你去毁坏坚固的城镇，使它们变为废墟；

现代客语汉字以赛亚书37:26「『你敢毋识听讲𠊎古早以来就计划这一切？𠊎这下在执行中。𠊎给你力量使该兜坚固个城堡成做荒埔、石堆。

现代客语全罗以赛亚书37:26 “ ‘Ngì kám m̀-sṳt thâng-kóng Ngài kú-chó yî-lòi chhiu kie-va̍k liá yit-chhiet? Ngài liá-ha chhai chṳp-hàng chûng. Ngài pûn ngì li̍t-liong sṳ́ ke-têu kiên-ku ke sàng-pó sàng-cho fông-phû, sa̍k-tôi.

和合本2010版以赛亚书37:27 城裏居民的力量甚小，他们惊惶羞愧；像野草，像青菜，如房顶上的草，被东风颳散( [ 37.27] 「被东风颳散」是根据死海古卷；原文是「又如田间未长成的禾稼」，并且没有下节的「你站起」。)。

现代客语汉字以赛亚书37:27𠊎使住在该位个人失掉力量，惊到无葛无煞。佢等像野生个菜㧯屋顶个杂草，给烧烧个东风一吹就全部燥掉。

现代客语全罗以赛亚书37:27 Ngài sṳ́ he̍t chhai ke-vi ke ngìn sṳt-thet li̍t-liong, kiâng-tó mò-kat mò-sat. Kì-têu chhiong yâ-sâng ke chhoi lâu vuk-táng ke chha̍p-chhó, pûn sêu-sêu ke tûng-fûng yit-chhôi chhiu chhiòn-phu châu-thet.

和合本2010版以赛亚书37:28 「『你站起，你坐下，你出去，你进来，你向我发烈怒，我都知道。

现代客语汉字以赛亚书37:28「『你坐下来、你出去、你入来，𠊎全部知。𠊎也知你向𠊎发谴。

现代客语全罗以赛亚书37:28 “ ‘Ngì chhô hâ-lòi, ngì chhut-hi, ngì ngi̍p-lòi, Ngài chhiòn-phu tî. Ngài ya tî ngì hiong Ngài fat-khién.

和合本2010版以赛亚书37:29 因你向我发烈怒，你的狂傲上达我耳中，我要用鈎子鈎住你的鼻子，将嚼环放在你口裏，使你从原路转回去。』

现代客语汉字以赛亚书37:29𠊎早就听到你尽骄傲，还向𠊎发谴。这下𠊎爱用钩仔穿过你个鼻孔，拿马啣铁卡你个嘴；你对㖠条路来，就将你对该条路拉转去。』

现代客语全罗以赛亚书37:29 Ngài chó-chhiu thâng-tó ngì chhin kiêu-ngau, hàn hiong Ngài fat-khién. Liá-ha Ngài oi yung kiêu-é chhôn-ko ngì ke phi-khûng, nâ mâ-hàm-thiet khà ngì ke choi; ngì tui nai-thiàu lu lòi, chhiu chiông ngì tui ke-thiàu lu lâi chón-hi.’

和合本2010版以赛亚书37:30 「我赐给你的预兆：你们今年要吃野生的，明年也要吃自长的；后年，你们就要耕种收割，栽葡萄园，吃其中的果子。

现代客语汉字以赛亚书37:30「希西家啊，上主爱给你这个兆头：今年㧯明年，你等只有野生个植物好食。到后年，你等就做得委种，收成；也做得种葡萄，食园中出产个葡萄。

现代客语全罗以赛亚书37:30 “Hî-sî-kâ â, Song-chú oi pûn ngì liá-ke seu-thèu: Kîm-ngièn lâu màng-ngièn, ngì-têu chṳ́-yû yâ-sâng ke chhṳ̍t-vu̍t hó-sṳ̍t. To heu-ngièn, ngì-têu chhiu cho-tet ve-chúng, sû-sṳ̀n; ya cho-tet chung phù-thò, sṳ̍t yèn-chûng chhut-sán ke phù-thò.

和合本2010版以赛亚书37:31 犹大家所逃脱剩余的，仍要往下扎根，向上结果。

现代客语汉字以赛亚书37:31犹大国在患难后賸到个人还係会像植物向下钉根，向上结果。

现代客语全罗以赛亚书37:31 Yù-thai-koet chhai fam-nan heu chhûn-tó ke ngìn hàn-he voi chhiong chhṳ̍t-vu̍t hiong-hâ tang-kîn, hiong-song kiet-kó.

和合本2010版以赛亚书37:32 必有剩余的民从耶路撒冷而出；有逃脱的人从锡安山而来。万军之耶和华的热心必成就这事。

现代客语汉字以赛亚书37:32在耶路撒冷，在锡安山顶，患难后还係会有賸到个人住在该位，因为上主—万军个元帅爱热心成就这事。

现代客语全罗以赛亚书37:32 Chhai Yâ-lu-sat-lâng, chhai Siak-ôn sân-táng, fam-nan heu hàn-he voi yû chhûn-tó ke ngìn he̍t chhai ke-vi, yîn-vi Song-chú — Van-kiûn ke Ngièn-soi oi ngie̍t-sîm sṳ̀n-chhiu liá-sṳ.

和合本2010版以赛亚书37:33 「所以耶和华论亚述王如此说：他必不得来到这城，也不在这裏射箭，不得拿盾牌到城前，也不能建土堆攻城。

现代客语汉字以赛亚书37:33「论到亚述皇帝，上主恁样讲：『佢无法度入这城，也无办法射一枝箭入来。拿盾牌个士兵无可能行近这城，也无法度起土堆围城。

现代客语全罗以赛亚书37:33 “Lun-tó Â-sut fòng-ti, Song-chú án-ngiòng kóng: ‘Kì mò fap-thu ngi̍p liá-sàng, ya mò phan-fap sa yit-kî chien ngi̍p-lòi. Nâ tún-phài ke sṳ-pîn mò khó-nèn hàng-khiûn liá-sàng, ya mò fap-thu hí thú-tôi vì-sàng.

和合本2010版以赛亚书37:34 他从哪条路来，必从那条路回去，必不得来到这城。这是耶和华说的。

现代客语汉字以赛亚书37:34佢对㖠条路来，也会对该条路转去；佢无可能入这城。这係𠊎—上主所宣布个。

现代客语全罗以赛亚书37:34 Kì tui nai-thiàu lu lòi, ya voi tui ke-thiàu lu chón-hi; kì mò khó-nèn ngi̍p liá-sàng. Liá he Ngài — Song-chú só siên-pu ke.

和合本2010版以赛亚书37:35 因我为自己的缘故，又为我僕人大卫的缘故，必保护拯救这城。」

现代客语汉字以赛亚书37:35为到𠊎自家个缘故，也为到吾僕人大卫个缘故，𠊎爱亲自保护这城，拯救这城。』」

现代客语全罗以赛亚书37:35 Vi-tó Ngài chhṳ-kâ ke yèn-ku, ya vi-tó Ngâ phu̍k-ngìn Thai-ví ke yèn-ku, Ngài oi chhîn-chhṳ pó-fu liá-sàng, chṳ́n-kiu liá-sàng.’ ”

和合本2010版以赛亚书37:36 耶和华的使者出去，在亚述营中杀了十八万五千人。清早有人起来，看哪，都是死尸。

现代客语汉字以赛亚书37:36结果，上主个天使入去亚述人个营中，㓾掉十八万五千个士兵。第二日打早，有人䟘起来看到满地係尸体。

现代客语全罗以赛亚书37:36 Kiet-kó, Song-chú ke thiên-sṳ́ ngi̍p-hi Â-sut-ngìn ke yàng-chûng, chhṳ̀-thet sṳ̍p-pat van ńg-chhiên ke sṳ-pîn. Thi-ngi ngit tá-chó, yû-ngìn hong hí-lòi khon-tó mân-thi he sṳ̂-thí.

和合本2010版以赛亚书37:37 亚述王西拿基立就拔营回去，住在尼尼微。

现代客语汉字以赛亚书37:37亚述皇帝西拿基立高不将就退兵转尼尼微去。

现代客语全罗以赛亚书37:37 Â-sut fòng-ti Sî-nâ-kî-li̍p kô-put-chiông chhiu thui-pîn chón Nì-nì-mì hi.

和合本2010版以赛亚书37:38 一日，他在他的神明尼斯洛庙裏叩拜，他儿子亚得米勒和沙利色用刀杀了他，然后逃到亚拉腊地；他儿子以撒‧哈顿接续他作王。

现代客语汉字以赛亚书37:38有一日，佢在庙肚拜佢个神尼斯洛个时，厥两个孻仔亚得米勒㧯沙利色将佢㓾死，逃走到亚拉腊去。另外一个孻仔以撒哈顿承接佢做皇帝。

现代客语全罗以赛亚书37:38 Yû yit-ngit, kì chhai meu-tú pai kì ke sṳ̀n Nì-sṳ̂-lo̍k ke sṳ̀, kiâ lióng-ke lai-é Â-tet-mí-le̍t lâu Sâ-li-set chiông kì chhṳ̀-sí, thò-chéu to Â-lâ-la̍p hi. Nang-ngoi yit-ke lai-é Yî-sat-ha̍p-tun sṳ̀n-chiap kì cho fòng-ti.