以赛亚书第31章客家话和合本对照

相关章：

快速到节：

书卷列表：

和合本2010版以赛亚书31:1上帝要保护耶路撒冷祸哉！那些下埃及求帮助的，他们仰赖马匹，倚靠甚多的战车，并倚靠强壮的骑兵，却不仰望以色列的圣者，也不求问耶和华。

现代客语汉字以赛亚书31:1上帝爱保护耶路撒冷该兜到埃及去求帮助个人会堵到灾难了！佢等倚靠埃及强大个军力—战马、战车㧯骑兵，总係毋倚靠以色列神圣个上帝，毋求上主个帮助。

现代客语全罗以赛亚书31:1Song-ti Oi Pó-fu Yâ-lu-sat-lâng Ke-têu to Âi-khi̍p hi khiù pông-chhu ke ngìn voi tù-tó châi-nan lé! Kì-têu yí-kho Âi-khi̍p khiòng-thai ke kiûn-li̍t — chan-mâ, chan-chhâ lâu khì-pîn, chúng-he m̀ yí-kho Yî-set-lie̍t sṳ̀n-sṳn ke Song-ti, m̀ khiù Song-chú ke pông-chhu.

和合本2010版以赛亚书31:2 其实，耶和华有智慧，他降灾祸，并不撤回自己的话，却要兴起攻击作恶之家，攻击那帮助人作恶的。

现代客语汉字以赛亚书31:2其实，上帝大有智慧；佢爱责罚作恶个人㧯该兜𢯭手作恶个人。佢决定爱降灾祸，绝对毋会改变。

现代客语全罗以赛亚书31:2 Khì-sṳ̍t, Song-ti thai-yû chṳ-fi; Kì oi chit-fa̍t chok-ok ke ngìn lâu ke-têu then-sú chok-ok ke ngìn. Kì kiet-thin oi kong châi-fo, chhie̍t-tui m̀-voi kói-pien.

和合本2010版以赛亚书31:3 埃及人不过是人，并非上帝，他们的马不过是血肉，并不是灵。耶和华一伸手，那帮助人的必绊跌，受帮助的也必跌倒，都一同灭亡。

现代客语汉字以赛亚书31:3埃及人并毋係神；佢等係人定定！佢等个马仔係血肉个，并毋係灵！上主一伸手，强国也会跌倒，它所帮助个弱国也会横掉；它兜会共下灭亡。

现代客语全罗以赛亚书31:3 Âi-khi̍p-ngìn pin m̀-he sṳ̀n; kì-têu he ngìn thin-thin! Kì-têu ke mâ-é he hiet-ngiuk ke, pin m̀-he lìn! Song-chú yit chhûn-sú, khiòng-koet ya voi tiet-tó, kì só pông-chhu ke ngio̍k-koet ya voi vang-thet; kì-têu voi khiung-ha me̍t-mòng.

和合本2010版以赛亚书31:4 耶和华对我如此说，狮子和少壮狮子为猎物而咆哮，许多牧人被召来攻击牠，牠总不因他们的声音惊惶，也不因他们的喧嚷退缩；万军之耶和华也必如此降临在锡安的大小山冈上争战。

现代客语汉字以赛亚书31:4上主恁样对𠊎讲：「就像狮仔抑係细狮仔捉到猎物，由在归群掌羊个样般大声咄，牠兜毋会着惊也毋会缩缩。共样，𠊎—上主、万军个元帅爱降临、保护锡安山；无人做得阻挡。

现代客语全罗以赛亚书31:4 Song-chú án-ngiòng tui ngài kóng: “Chhiu-chhiong sṳ̂-é ya-he se sṳ̂-é chok-tó lia̍p-vu̍t, yù-chhai kûi-khiùn chóng-yòng ke ngióng-pân thai-sâng tot, kì-têu m̀-voi chho̍k-kiâng ya m̀-voi sù-sù. Khiung-yong, Ngài — Song-chú, Van-kiûn ke Ngièn-soi oi kong-lìm, pó-fu Siak-ôn-sân; mò-ngìn cho-tet chú-tóng.

和合本2010版以赛亚书31:5 雀鸟盘旋护卫，万军之耶和华也必照样保护耶路撒冷；他必保护拯救，必逾越而搭救。

现代客语汉字以赛亚书31:5就像鸟仔打开翼胛保护鸟子，𠊎—上主、万军个元帅也爱保护耶路撒冷，爱保护它，拯救它，𨃟过它，毋俾它受伤害。」

现代客语全罗以赛亚书31:5 Chhiu-chhiong tiâu-é tá-khôi yi̍t-kap pó-fu tiâu-chṳ́, Ngài — Song-chú, Van-kiûn ke Ngièn-soi ya oi pó-fu Yâ-lu-sat-lâng, oi pó-fu kì, chṳ́n-kiu kì, phàn-ko kì, m̀ pûn kì su sông-hoi.”

和合本2010版以赛亚书31:6 以色列人哪，要归向你们严重悖逆的那一位！

现代客语汉字以赛亚书31:6以色列人啊，你等识完全悖逆上主。这下爱归向佢！

现代客语全罗以赛亚书31:6 Yî-set-lie̍t-ngìn â, ngì-têu sṳt vàn-chhiòn phoi-ngia̍k Song-chú. Liá-ha oi kûi-hiong Kì!

和合本2010版以赛亚书31:7 到那日，你们各人要抛弃亲手所造、陷自己于罪中的金偶像和银偶像。

现代客语汉字以赛亚书31:7到该时，你等逐侪会㧹掉你等亲手用金银所铸造该兜邪恶个偶像。

现代客语全罗以赛亚书31:7 To ke-sṳ̀, ngì-têu tak-sà voi te̍p-thet ngì-têu chhîn-sú yung kîm-ngiùn só chu-chho ke-têu sià-ok ke ngiéu-siong.

和合本2010版以赛亚书31:8 亚述必倒在刀下，并非人的刀；有刀要将它吞灭，并非人的刀。它要逃避这刀，它的年轻人必做苦工。

现代客语汉字以赛亚书31:8上主讲：「亚述人会在刀下横掉，并毋係人个刀仔；有刀仔爱将佢等吞灭，也毋係人个刀仔。亚述人会因为这个刀仔逃走；佢等个后生人会被人捉去做奴才。

现代客语全罗以赛亚书31:8 Song-chú kóng: “Â-sut-ngìn voi chhai tô-ha vang-thet, pin m̀-he ngìn ke tô-é; yû tô-é oi chiông kì-têu thûn-me̍t, ya m̀-he ngìn ke tô-é. Â-sut-ngìn voi yîn-vi liá-ke tô-é thò-chéu; kì-têu ke heu-sâng ngìn voi pûn-ngìn chok-hi cho nù-chhòi.

和合本2010版以赛亚书31:9 它的磐石必因惊吓而消失，它的领袖必因大旗惊惶；这是那有火在锡安、有炉在耶路撒冷的耶和华说的。

现代客语汉字以赛亚书31:9佢等个皇帝(6931:9「佢等个皇帝」抑係译做「佢等强大个军队」；希伯来文直译係「佢等个磐石」。)会惊到逃走；该兜军官会慌张撤退，连军旗也豁掉。」上主恁样宣布了。佢有火在锡安，有炉在耶路撒冷。

现代客语全罗以赛亚书31:9 Kì-têu ke fòng-ti( 69 31:9 “Kì-têu ke fòng-ti” ya-he yi̍t-cho “Kì-têu khiòng-thai ke kiûn-chhui”; Hî-pak-lòi-vùn chhṳ̍t-yi̍t he “Kì-têu ke phàn-sa̍k”.) voi kiâng-to thò-chéu; ke-têu kiûn-kôn voi fông-chông chha̍t-thui, lièn kiûn-khì ya vok-thet.” Song-chú án-ngiòng siên-pu lé. Kì yû fó chhai Siak-ôn, yû lù chhai Yâ-lu-sat-lâng.