以赛亚书第27章客家话和合本对照

相关章：

快速到节：

书卷列表：

和合本2010版以赛亚书27:1 到那日，耶和华必用他坚硬锐利的大刀惩罚力威亚探( [ 27.1] 「力威亚探」是音译，一种海兽；下同。)，就是那爬得快的蛇，惩罚力威亚探，就是那弯弯曲曲的蛇，并杀死海裏的大鱼。

现代客语汉字以赛亚书27:1到该日，上主爱用又硬又利个大剑刑罚大海怪，就係该弯弯斡斡善变个古蛇；佢爱㓾死大海中个恶龙(5827:1「大海怪…恶龙」抑係译做「大鳄鱼…海怪」：古时代近东传说中个大怪物，代表压迫以色列个国家抑係混乱邪恶个势力。)。

现代客语全罗以赛亚书27:1 To ke-ngit, Song-chú oi yung yu-ngang yu-li ke thai-kiam hìn-fa̍t thai hói-koai, chhiu-he ke vân-vân vat-vat san-pien ke kú-sà; Kì oi chhṳ̀-sí thai-hói chûng ke ok-liùng( 58 27:1 “thai hói-koai ... ok-liùng” ya-he yi̍t-cho “thai ngo̍k-ǹg ... hói-koai”: Kú sṳ̀-thoi Khiun-tûng chhòn-sot chûng ke thai koai-vu̍t, thoi-péu ap-pet Yî-set-lie̍t ke koet-kâ ya-he fun-lon sià-ok ke sṳ-li̍t.).

和合本2010版以赛亚书27:2 当那日，你们要唱这美好( [ 27.2] 「美好」是根据七十士译本；原文是「出酒」。)葡萄园的歌：

现代客语汉字以赛亚书27:2到该日，上主爱提起佢所欢喜个葡萄园，讲：

现代客语全罗以赛亚书27:2 To ke-ngit, Song-chú oi thì-hí Kì só fôn-hí ke phù-thò-yèn, kóng:

和合本2010版以赛亚书27:3 「我－耶和华看守葡萄园，按时灌溉，昼夜看守，免得有人损害。

现代客语汉字以赛亚书27:3「𠊎看守它，照时淹水；日夜看守，无人能破坏它。

现代客语全罗以赛亚书27:3 “Ngài khon-sú kì, cheu-sṳ̀ yim-súi; ngit-ya khon-sú, mò-ngìn nèn pho-fái kì.

和合本2010版以赛亚书27:4 我心中不存愤怒。惟愿在战争中我有荆棘和蒺藜，我就起步攻击他，把他一同焚烧；

现代客语汉字以赛亚书27:4𠊎无爱再对𠊎个葡萄园发谴。若係园肚有竻仔㧯蒺藜，𠊎一定会挷掉，将它兜烧净净。

现代客语全罗以赛亚书27:4 Ngài mò-oi chai tui Ngài ke phù-thò-yèn fat-khién. Na-he yèn-tú yû net-è lâu chhi̍t-lì, Ngài yit-thin voi pâng-thet, chiông kì-têu sêu chhiang-chhiang.

和合本2010版以赛亚书27:5 或者让他紧靠我，以我为避难所，与我和好，与我和好。」

现代客语汉字以赛亚书27:5若係𠊎子民个敌人爱𠊎保护，就爱先㧯𠊎和好。无毋着，佢等爱先㧯𠊎和好。」

现代客语全罗以赛亚书27:5 Na-he Ngài chṳ́-mìn ke thi̍t-ngìn oi Ngài pó-fu, chhiu oi siên lâu Ngài fò-hó. Mò m̀-chho̍k, kì-têu oi siên lâu Ngài fò-hó.”

和合本2010版以赛亚书27:6 将来雅各要扎根，以色列要发芽开花，果实遍满地面。

现代客语汉字以赛亚书27:6将来雅各个子孙会像树仔恁样钉根；以色列人民会发芽、开花，在全世界结满果子。

现代客语全罗以赛亚书27:6 Chiông-lòi Ngâ-kok ke chṳ́-sûn voi chhiong su-é án-ngiòng tang-kîn; Yî-set-lie̍t ngìn-mìn voi fat-ngà, khôi-fâ, chhai chhiòn sṳ-kie kiet-mân kó-chṳ́.

和合本2010版以赛亚书27:7 耶和华击打以色列，岂像击打那些击打他们的人吗？以色列被杀戮，岂像其他人所遭遇的杀戮吗？

现代客语汉字以赛亚书27:7上主责罚以色列人，无像佢责罚佢等个敌人恁严。佢㓾掉个以色列人，也无像佢等个敌人被佢消灭恁多。

现代客语全罗以赛亚书27:7 Song-chú chit-fa̍t Yî-set-lie̍t-ngìn, mò chhiong Kì chit-fa̍t kì-têu ke thi̍t-ngìn án-ngiàm. Kì chhṳ̀-thet ke Yî-set-lie̍t-ngìn, ya mò chhiong kì-têu ke thi̍t-ngìn pûn Kì sêu-me̍t án-tô.

和合本2010版以赛亚书27:8 你驱赶他们，放逐他们，与他们相争。在颳东风的日子，他以暴风赶逐他们。

现代客语汉字以赛亚书27:8上主用战争来对付佢个子民，将佢等逐走；佢对东方吹来一阵狂风，将佢等捲走(5927:8本节在希伯来文意思无清楚。)。

现代客语全罗以赛亚书27:8 Song-chú yung chan-chên lòi tui-fu Kì ke chṳ́-mìn, chiông kì-têu kiuk-chéu; Kì tui tûng-fông chhôi-lòi yit-chhṳn khòng-fûng, chiông kì-têu kién-chéu( 59 27:8 Pún-chiet chhai Hî-pak-lòi-vùn yi-sṳ mò chhîn-chhú.).

和合本2010版以赛亚书27:9 所以，雅各的罪孽藉此得赦免，除罪的效果尽在乎此；他使祭坛的石头变为粉碎的石灰，使亚舍拉和香坛不再立起。

现代客语汉字以赛亚书27:9除非雅各个子孙将佢等为外邦神明起个祭坛全部拆掉，将亚舍拉女神个柱仔㧯香坛全部㩳横，佢等个罪绝对毋会得到赦免。

现代客语全罗以赛亚书27:9 Chhù-fî Ngâ-kok ke chṳ́-sûn chiông kì-têu vi ngoi-pâng sṳ̀n-mìn hí ke chi-thàn chhiòn-phu chhak-thet, chiông Â-sa-lâ ńg-sṳ̀n ke chhû-é lâu hiông-thàn chhiòn-phu súng-vang, kì-têu ke chhui chhie̍t-tui m̀-voi tet-tó sa-miên.

和合本2010版以赛亚书27:10 因为坚固的城变为荒凉，成了被撇弃的居所，像旷野一样；牛犊在那裏吃草，在那裏躺卧，吃尽其中的树枝。

现代客语汉字以赛亚书27:10坚固个城废掉了，屋仔无人住，像旷野一样；细牛仔在该位食草、歇睏，连树个枝叶也食掉。

现代客语全罗以赛亚书27:10 Kiên-ku ke sàng fi-thet lé, vuk-è mò-ngìn he̍t, chhiong khóng-yâ yit-yong; se ngiù-è chhai ke-vi sṳ̍t-chhó, hiet-khun, lièn su ke kî-ya̍p ya sṳ̍t-thet.

和合本2010版以赛亚书27:11 它的枝条一枯乾，就被折断，妇女用以点火燃烧。因为这百姓蒙昧无知，所以，造他们的必不怜悯他们，造成他们的也不施恩给他们。

现代客语汉字以赛亚书27:11树枝全部枯燥拗断，妇人家去拈来做柴烧。因为人民戆档无智识，佢等个上帝无爱再怜悯佢等，佢等个创造主也无爱再施恩给佢等。

现代客语全罗以赛亚书27:11 Su-kî chhiòn-phu khû-châu áu-thôn, fu-ngìn-kâ hi ngiâm-lòi cho-chhèu sêu. Yîn-vi ngìn-mìn ngong-tong mò chṳ-sṳt, kì-têu ke Song-ti mò-oi chai lìn-mén kì-têu, kì-têu ke chhóng-chho Chú ya mò-oi chai sṳ̂-ên pûn kì-têu.

和合本2010版以赛亚书27:12 到那日， 以色列人哪，耶和华必像人打树拾果一般，从大河的支流，直到埃及的溪谷，将你们一一收集。

现代客语汉字以赛亚书27:12以色列民啊，到该日，上主爱对幼发拉底河到埃及边界将你等一个一个召集起来，就像打榖个人收精榖共样。

现代客语全罗以赛亚书27:12 Yî-set-lie̍t-mìn â, to ke-ngit, Song-chú oi tui Yu-fat-lâ-tí-hò to Âi-khi̍p piên-kie chiông ngì-têu yit-ke yit-ke seu-si̍p hí-lòi, chhiu-chhiong tá-kuk ke ngìn sû chîn-kuk khiung-yong.

和合本2010版以赛亚书27:13 当那日，号角大响；在亚述地将亡的，与被赶散至埃及地的，都要前来，在耶路撒冷圣山上敬拜耶和华。

现代客语汉字以赛亚书27:13到该日，歕羊角个声会将流亡在亚述㧯埃及个以色列人全部喊转来。佢等会在耶路撒冷—上主个圣山顶敬拜佢。

现代客语全罗以赛亚书27:13 To ke-ngit, phùn yòng-kok ke sâng voi chiông liù-mòng chhai Â-sut lâu Âi-khi̍p ke Yî-set-lie̍t-ngìn chhiòn-phu hêm chón-lòi. Kì-têu voi chhai Yâ-lu-sat-lâng — Song-chú ke sṳn-sân táng kin-pai Kì.