以赛亚书第25章客家话和合本对照

相关章：

快速到节：

书卷列表：

和合本2010版以赛亚书25:1一首讚美诗耶和华啊，你是我的上帝，我要尊崇你，称颂你的名。因为你以信实忠信行远古所定奇妙的事。

现代客语汉字以赛亚书25:1颂讚个诗歌上主啊，你係𠊎个上帝；𠊎爱尊敬你，称颂你个名。因为你係信实个，你行神蹟奇事；你实现古早已经定好个计划。

现代客语全罗以赛亚书25:1Siung-chan ke Sṳ̂-kô Song-chú â, Ngì he ngài ke Song-ti;ngài oi chûn-kin Ngì, chhṳ̂n-siung Ngì ke miàng.Yîn-vi Ngì he sin-sṳ̍t ke, Ngì hàng sṳ̀n-chiak khì-sṳ;Ngì sṳ̍t-hien kú-chó yí-kîn thin-hó ke kie-va̍k.

和合本2010版以赛亚书25:2 你使城市变为废墟，使坚固的城荒凉，使外邦人的城堡不再为城，永远不再重建。

现代客语汉字以赛亚书25:2你使城市变做石堆；你使城堡变做荒埔。外邦人起个宫殿已经荒废，永远无法度重建起来。

现代客语全罗以赛亚书25:2 Ngì sṳ́ sàng-sṳ pien-cho sa̍k-tôi;Ngì sṳ́ sàng-pó pien-cho fông-phû.Ngoi-pâng ngìn hí ke kiûng-thien yí-kîn fông-fi,yún-yén mò fap-thu chhùng-kien hí-lòi.

和合本2010版以赛亚书25:3 所以，强大的民必尊敬你，残暴之国的城必敬畏你。

现代客语汉字以赛亚书25:3所以，刚强个人民会讚美你；强国个城市会敬畏你。

现代客语全罗以赛亚书25:3 Só-yî, kông-khiòng ke ngìn-mìn voi chan-mî Ngì;khiòng-koet ke sàng-sṳ voi kin-vi Ngì.

和合本2010版以赛亚书25:4 因为你是贫寒人的保障，贫穷人急难中的保障，暴风雨之避难所，炎热地之阴凉处。当残暴者盛气凌人的时候，如暴风直吹墙壁，

现代客语汉字以赛亚书25:4贫穷个人倚靠你，困苦个人对你得到安全。你做佢等暴风雨中个避难所，使佢等在热天个日头下遮凉。残暴人个攻击像冬天个狂风(5525:4「冬天个狂风」抑係译做「狂风吹到墙壁」。)，

现代客语全罗以赛亚书25:4 Phìn-khiùng ke ngìn yí-kho Ngì,khun-khú ke ngìn tui Ngì tet-tó ôn-chhiòn.Ngì cho kì-têu phau-fûng-yí chûng ke phit-nan-só,sṳ́ kì-têu chhai ngie̍t-thiên ke ngit-thèu hâ châ-liòng.Chhàn-phau ngìn ke kûng-kit chhiong tûng-thiên ke khòng-fûng( 55 25:4 “tûng-thiên ke khòng-fûng” ya-he yi̍t-cho “khòng-fûng chhôi-to chhiòng-piak”.),

和合本2010版以赛亚书25:5 如乾旱地的热气，你要制止外邦人的喧嚷，残暴者的歌要停止，好像热气因云的阴影而消失。

现代客语汉字以赛亚书25:5也当像沙漠底背迫人个热气。总係上主啊，你塞敌人个嘴；你阻止外邦暴民个吵闹，就像云个阴影除掉热气。

现代客语全罗以赛亚书25:5 ya tông-chhiong sâ-mo̍k tî-poi pet-ngìn ke ngie̍t-hi.Chúng-he Song-chú â, Ngì set thi̍t-ngìn ke choi;Ngì chú-chṳ́ ngoi-pâng phau-mìn ke chhàu-nau,chhiu-chhiong yùn ke yîm-yáng chhù-thet ngie̍t-hi.

和合本2010版以赛亚书25:6上帝为万民摆设宴席在这山上，万军之耶和华必为万民摆设宴席，有肥甘与美酒，就是满有骨髓的肥甘与精酿的美酒。

现代客语汉字以赛亚书25:6上帝预备筵席在锡安山，上主—万军个元帅爱为天下万国準备筵席，有滂沛个食物，尽香尽好个老酒。

现代客语全罗以赛亚书25:6Song-ti Yi-phi Yèn-si̍t Chhai Siak-ôn-sân, Song-chú — Van-kiûn ke Ngièn-soi oi vi thiên-ha van-koet chún-phi yèn-si̍t, yû phông-phai ke sṳ̍t-vu̍t, chhin-hiông chhin-hó ke ló-chiú.

和合本2010版以赛亚书25:7 在这山上，他必吞灭那缠裹万民的面纱和那遮盖列国的遮蔽物。

现代客语汉字以赛亚书25:7在这山顶，佢爱拉下万民悲伤幪面个面帕，除掉揜等列国头那顶个布篷。

现代客语全罗以赛亚书25:7 Chhai liá sân-táng, Kì oi lâi-hâ van-mìn pî-sông miâng-mien ke mien-pha, chhù-thet khièm-tén lie̍t-koet thèu-nà táng ke pu-phùng.

和合本2010版以赛亚书25:8 他已吞灭死亡直到永远。主耶和华必擦乾各人脸上的眼泪，在全地除去他百姓的羞辱；这是耶和华说的。

现代客语汉字以赛亚书25:8佢爱将死亡永远除掉！至高个上主爱拭燥逐侪个目汁，除掉佢子民在各国所受到个羞耻。上主恁样宣布了。

现代客语全罗以赛亚书25:8 Kì oi chiông sí-mòng yún-yén chhù-thet! Chṳ-kô ke Song-chú oi chhu̍t-châu tak-sà ke muk-chṳp, chhù-thet Kì chṳ́-mìn chhai kok-koet só su-tó ke siû-chhṳ́. Song-chú án-ngiòng siên-pu lé.

和合本2010版以赛亚书25:9 到那日，人必说：「看哪，这是我们的上帝，我们向来等候他，他必拯救我们。这是耶和华，我们向来等候他，我们必因他的救恩欢喜快乐。」

现代客语汉字以赛亚书25:9该时，逐侪爱讲：「佢确实係𠊎等个上帝；𠊎等一直信靠佢，佢就拯救𠊎等。佢係上主，𠊎等一直信靠佢。𠊎等爱欢喜快乐，因为佢已经拯救𠊎等。」上帝爱责罚摩押

现代客语全罗以赛亚书25:9 Ke-sṳ̀, tak-sà oi kóng: “Kì khok-sṳ̍t he ngài-têu ke Song-ti; ngài-têu yit-chhṳ̍t sin-kho Kì, Kì chhiu chṳ́n-kiu ngài-têu. Kì he Song-chú, ngài-têu yit-chhṳ̍t sin-kho Kì. Ngài-têu oi fôn-hí khoai-lo̍k, yîn-vi Kì yí-kîn chṳ́n-kiu ngài-têu.” Song-ti Oi Chit-fa̍t Mô-ap

和合本2010版以赛亚书25:10上帝要惩罚摩押耶和华的手必按住这山，摩押人要被践踏在他底下，好像乾草被践踏在粪池( [ 25.10] 「粪池」：原文另译「粪池的水」。)裏。

现代客语汉字以赛亚书25:10上主爱保护锡安山；总係摩押人会被人践踏，像禾秆被人㧒落粪堆中做肥。

现代客语全罗以赛亚书25:10 Song-chú oi pó-fu Siak-ôn-sân; chúng-he Mô-ap-ngìn voi pûn-ngìn chien-tha̍p, chhiong vò-kón pûn-ngìn fit-lo̍k pun-tôi chûng cho-phì.

和合本2010版以赛亚书25:11 他们要在其中伸展双手，好像游泳的人伸手游泳。他们的手虽灵巧，耶和华却使他们的骄傲降为卑下。

现代客语汉字以赛亚书25:11佢等会在粪堆中伸出手来，像人爱泅水；总係上帝爱羞辱佢等，使佢等骄傲个手软下来。

现代客语全罗以赛亚书25:11 Kì-têu voi chhai pun-tôi chûng chhûn-chhut sú lòi, chhiong ngìn oi chhiù-súi; chúng-he Song-ti oi siû-yu̍k kì-têu, sṳ́ kì-têu kiêu-ngau ke sú ngiôn hâ-lòi.

和合本2010版以赛亚书25:12 他使你城墙上坚固的碉堡倾倒，夷为平地，化为尘土。

现代客语汉字以赛亚书25:12上帝爱毁坏摩押人个城堡，拆掉城墙，拆到平平，成做泥粉。

现代客语全罗以赛亚书25:12 Song-ti oi fí-fái Mô-ap-ngìn ke sàng-pó, chhak-thet sàng-chhiòng, chhak-to phiàng-phiàng, sàng-cho nài-fún.