以赛亚书第24章客家话和合本对照

相关章：

快速到节：

书卷列表：

和合本2010版以赛亚书24:1耶和华要责罚世界看哪，耶和华使地空虚，变为荒芜，地面扭曲，居民四散。

现代客语汉字以赛亚书24:1上主爱责罚大地上主爱毁灭大地，使它荒凉。佢爱将土地揙转过来，将人民分散出去。

现代客语全罗以赛亚书24:1Song-chú Oi Chit-fa̍t Thai-thi Song-chú oi fí-me̍t thai-thi, sṳ́ kì fông-liòng. Kì oi chiông thú-thi pién-chón ko-lòi, chiông ngìn-mìn fûn-san chhut-hi.

和合本2010版以赛亚书24:2 那时，百姓如何，祭司也如何；僕人如何，主人也如何；婢女如何，主母也如何；买主如何，卖主也如何；放债的如何，借贷的也如何；债主如何，欠债的也如何。

现代客语汉字以赛亚书24:2无论人民抑係祭司，奴才抑係主人，买个抑係卖个，债主抑係欠债个，穷苦个抑係富足个，全部会受到共样个命运。

现代客语全罗以赛亚书24:2 Mò-lun ngìn-mìn ya-he chi-sṳ̂, nù-chhòi ya-he chú-ngìn, mâi ke ya-he mai ke, chai-chú ya-he khiam-chai ke, khiùng-khú ke ya-he fu-chiuk ke, chhiòn-phu voi su-tó khiung-yong ke miang-yun.

和合本2010版以赛亚书24:3 地必全然空虚，尽都荒芜，因为这话是耶和华说的。

现代客语汉字以赛亚书24:3土地荒凉，一些仔出产也无。上主恁样宣布了。

现代客语全罗以赛亚书24:3 Thú-thi fông-liòng, yit-si̍t-é chhut-sán ya mò. Song-chú án-ngiòng siên-pu lé.

和合本2010版以赛亚书24:4 大地悲哀凋零，世界败落衰残，地上居高位的人也没落了。

现代客语汉字以赛亚书24:4土地变尽瘦尽燥；全世界败坏掉去；连世上坐大位个人也变腐败。

现代客语全罗以赛亚书24:4 Thú-thi pien chhin-chheu chhin-châu; chhiòn sṳ-kie phai-fái thet-hi; lièn sṳ-song chhô thai-vi ke ngìn ya pien fú-phai.

和合本2010版以赛亚书24:5 地被其上的居民所污秽，因为他们犯了律法，废了律例，背了永约。

现代客语汉字以赛亚书24:5地上个人毋遵守法律，违反上帝所立永远个约，打衊佢等所住个土地。

现代客语全罗以赛亚书24:5 Thi-song ke ngìn m̀ chûn-sú fap-li̍t, vì-fán Song-ti só-li̍p yún-yén ke yok, tá-me̍t kì-têu só-he̍t ke thú-thi.

和合本2010版以赛亚书24:6 所以，诅咒吞灭大地，住在其上的都有罪；地上的居民被火焚烧，剩下的人稀少。

现代客语汉字以赛亚书24:6所以，上帝咒诅土地，使它败坏。人民付出佢等所做所行个代价。地上个人像被火烧，賸下来个人越来越少了。

现代客语全罗以赛亚书24:6 Só-yî, Song-ti chu-chú thú-thi, sṳ́ kì phai-fái. Ngìn-mìn fu-chhut kì-têu só-cho só-hàng ke thoi-ka. Thi-song ke ngìn chhiong pûn-fó sêu, chhûn hâ-lòi ke ngìn ye̍t-lòi ye̍t-séu lé.

和合本2010版以赛亚书24:7 新酒悲哀，葡萄树凋残，心中欢乐的都叹息。

现代客语汉字以赛亚书24:7葡萄藤枯燥，新酒也尽少。心中欢乐变做悲伤；

现代客语全罗以赛亚书24:7 Phù-thò thèn khû-châu, sîn-chiú ya chhin-séu. Sîm-chûng fôn-lo̍k pien-cho pî-sông;

和合本2010版以赛亚书24:8 击鼓之乐停止，狂欢者的喧哗止住，弹琴之乐也停止了。

现代客语汉字以赛亚书24:8琴声、鼓声全部停掉；欢乐个声音也无了。

现代客语全罗以赛亚书24:8 khìm-sâng, kú-sâng chhiòn-phu thìn-thet; fôn-lo̍k ke sâng-yîm ya mò lé.

和合本2010版以赛亚书24:9 人不再饮酒唱歌，喝烈酒的，必以为苦。

现代客语汉字以赛亚书24:9无人再啉酒作乐，无人尝得出酒个甘甜。

现代客语全罗以赛亚书24:9 Mò-ngìn chai lîm-chiú chok-lo̍k, mò-ngìn sòng tet-chhut chiú ke kâm-thiàm.

和合本2010版以赛亚书24:10 荒凉的城拆毁了，各家关闭，无法进入。

现代客语汉字以赛亚书24:10城肚一片混乱，家家户户门锁到𢫮𢫮，惊人偷入去。

现代客语全罗以赛亚书24:10 Sàng-tú yit-phién fun-lon, kâ-kâ fu-fu mùn só-to hèn-hèn, kiâng ngìn thêu ngi̍p-hi.

和合本2010版以赛亚书24:11 有人在街上嚷着要酒喝，一切的喜乐变为昏暗，地上的欢乐全都消失。

现代客语汉字以赛亚书24:11有人在街项吵爱啉酒；一切个欢乐无掉去，地上无么介生趣。

现代客语全罗以赛亚书24:11 Yû-ngìn chhai kiê-hong chhàu oi lîm-chiú; yit-chhiet ke fôn-lo̍k mò-thet hi, thi-song mò má-ke sên-chhi.

和合本2010版以赛亚书24:12 城裏尽是荒凉，城门全都摧毁。

现代客语汉字以赛亚书24:12城肚荒凉，城门完全毁坏。

现代客语全罗以赛亚书24:12 Sàng-tú fông-liòng, sàng-mùn vàn-chhiòn fí-fái.

和合本2010版以赛亚书24:13 地上的万民正像打过的橄榄树，又如葡萄酿酒以后再去摘取，所剩无几。

现代客语汉字以赛亚书24:13世上列国全部会有共样个灾难，就像收成后，橄榄树顶无橄榄，葡萄藤项无葡萄。

现代客语全罗以赛亚书24:13 Sṳ-song lie̍t-koet chhiòn-phu voi yû khiung-yong ke châi-nan, chhiu-chhiong sû-sṳ̀n heu, kám-lám su-táng mò kám-lám, phù-thò thèn-hong mò phù-thò.

和合本2010版以赛亚书24:14 他们要高声欢呼，从海那边扬声讚美耶和华的威严。

现代客语汉字以赛亚书24:14灾难过后还生个人会欢喜快乐唱歌。西方个人爱称讚上主个伟大；

现代客语全罗以赛亚书24:14 Châi-nan ko-heu hàn-sâng ke ngìn voi fôn-hí khoai-lo̍k chhong-kô. Sî-fông ke ngìn oi chhṳ̂n-chan Song-chú ke ví-thai;

和合本2010版以赛亚书24:15 因此，你们要在日出之地荣耀耶和华，在众海岛荣耀耶和华－以色列上帝的名。

现代客语汉字以赛亚书24:15东方个人爱颂讚佢；住在海岛个人也爱讚美上主—以色列个上帝。

现代客语全罗以赛亚书24:15 tûng-fông ke ngìn oi siung-chan Kì; he̍t chhai hói-tó ke ngìn ya oi chan-mî Song-chú — Yî-set-lie̍t ke Song-ti.

和合本2010版以赛亚书24:16 我们听见从地极有人歌唱：「荣耀归于公义的那一位！」我却说：「我灭亡了！我灭亡了，我有祸了！诡诈的还在行诡诈，诡诈的还在大行诡诈。」

现代客语汉字以赛亚书24:16对天涯海角𠊎等听到有人唱歌，讲：「荣耀归给公义个上主(5424:16「公义个上主」希伯来文直译係「公义者」。)。」总係𠊎认为𠊎会有灾难了，𠊎坏了！𠊎惨了！诡诈个人紧来紧诡诈；佢等个行为得人惊到至极。

现代客语全罗以赛亚书24:16 Tui thiên-ngài hói-kok ngài-têu thâng-tó yû-ngìn chhong-kô, kóng: “Yùng-yeu kûi-pûn kûng-ngi ke Song-chú( 54 24:16 “kûng-ngi ke Song-chú” Hî-pak-lòi-vùn chhṳ̍t-yi̍t he “kûng-ngi chá”.).”Chúng-he ngài ngin-vì ngài voi yû châi-nan lé, ngài fái lé! Ngài chhám lé! Kúi-cha ke ngìn kín-lòi kín kúi-cha; kì-têu ke hàng-vì tet-ngìn-kiâng to chṳ-khi̍t.

和合本2010版以赛亚书24:17 地上的居民哪，惊吓、陷阱、罗网都临到你；

现代客语汉字以赛亚书24:17地上个人民啊，有灾难、陷阱、罗网等等你等。

现代客语全罗以赛亚书24:17 Thi-song ke ngìn-mìn â, yû châi-nan, ham-chiáng, lò-mióng tén-tén ngì-têu.

和合本2010版以赛亚书24:18 躲过惊吓之声的坠入陷阱，逃离陷阱的又被罗网缠住，因为天上的窗户都打开，地的根基也震动。

现代客语汉字以赛亚书24:18闪过灾难个人会跌落陷阱；爬出陷阱个人会被罗网缠到；因为天顶个水门全打开来，地个根基也紧颤。

现代客语全罗以赛亚书24:18 Sám-ko châi-nan ke ngìn voi tiet-lo̍k ham-chiáng; phà-chhut ham-chiáng ke ngìn voi pûn lò-mióng chhàn-tó; yîn-vi thiên-táng ke súi-mùn chhiòn tá khôi-lòi, thi ke kîn-kî ya kín-chûn.

和合本2010版以赛亚书24:19 地必全然破坏，尽都崩裂，剧烈震动。

现代客语汉字以赛亚书24:19地面会裂开、碎掉、崩掉。

现代客语全罗以赛亚书24:19 Thi-mien voi lie̍t-khôi, sui-thet, pên-thet.

和合本2010版以赛亚书24:20 地要摇摇晃晃，好像醉酒的人，又如小屋子摇来摇去；罪过重压其上，它就塌陷，不能复起。

现代客语汉字以赛亚书24:20大地会摇动，像啉酒醉个人横来横去，像风差中个茅寮摇摇摆摆。大地被重罪碛到落掉、永远毋会再企起来。

现代客语全罗以赛亚书24:20 Thai-thi voi yèu-thung, chhiong lîm chiú-chui ke ngìn vang-lòi vang-hi, chhiong fûng-chhâi chûng ke màu-liàu yèu-yèu pài-pài. Thai-thi pûn chhûng-chhui chak-to lap-thet, yún-yén m̀-voi chai khî hí-lòi.

和合本2010版以赛亚书24:21 到那日，耶和华在天上必惩罚天上的军队，在地上必惩罚地上的列王。

现代客语汉字以赛亚书24:21到该日，上主爱责罚天界个掌权者㧯地上个列王。

现代客语全罗以赛亚书24:21 To ke-ngit, Song-chú oi chit-fa̍t thiên-kie ke chóng-khièn-chá lâu thi-song ke lie̍t-vòng.

和合本2010版以赛亚书24:22 他们必被聚集，像囚犯困在牢裏，他们被关在监狱，多日之后便受惩罚。

现代客语汉字以赛亚书24:22佢等会像犯人恁样被人喊过来，逐入地牢。上主爱将佢等关在该位，等到责罚个时节来到。

现代客语全罗以赛亚书24:22 Kì-têu voi chhiong fam-ngìn án-ngiòng pûn-ngìn ham ko-lòi, kiuk-ngi̍p thi-lò. Song-chú oi chiông kì-têu koân chhai ke-vi, tén-to chit-fa̍t ke sṳ̀-chiet lòi-to.

和合本2010版以赛亚书24:23 那时，月亮要蒙羞，太阳要惭愧，因为万军之耶和华必在锡安山，在耶路撒冷作王，在他众长老面前彰显荣耀。

现代客语汉字以赛亚书24:23月光会见笑到毋会发光，日头会坏势到乌掉；因为上主—万军个元帅会在耶路撒冷，在锡安山顶掌权；民间个领袖全部会看到佢个荣光。

现代客语全罗以赛亚书24:23 Ngie̍t-kông voi kien-seu to m̀-voi fat-kông, ngit-thèu voi fái-se to vû-thet; yîn-vi Song-chú — Van-kiûn ke Ngièn-soi voi chhai Yâ-lu-sat-lâng, chhai Siak-ôn sân-táng chóng-khièn; mìn-kiên ke liâng-chhiu chhiòn-phu voi khon-tó Kì ke yùng-kông.