以赛亚书第21章客家话和合本对照

相关章：

快速到节：

书卷列表：

和合本2010版以赛亚书21:1巴比伦的灭亡论海边旷野的默示。它像尼革夫( [ 21.1] 「尼革夫」是音译，意思是「旷野乾旱的地方」，指「南方之地」；本卷书下同。)的旋风扫过，从旷野，从可怕之地而来。

现代客语汉字以赛亚书21:1巴比伦个灭亡下背係有关巴比伦(4421:1「巴比伦」原文直译係「海边旷野」。)个信息。就像狂风扫过沙漠，灾难会对得人惊个地方来到。

现代客语全罗以赛亚书21:1Pâ-pí-lùn ke Me̍t-mòng Hâ-poi he yû-koân Pâ-pí-lùn( 44 21:1 “Pâ-pí-lùn” ngièn-vùn chhṳ̍t-yi̍t he “hói-piên khóng-yâ”.) ke sin-sit.Chhiu-chhiong khòng-fûng so-ko sâ-mo̍k, châi-nan voi tui tet-ngìn-kiâng ke thi-fông lòi-to.

和合本2010版以赛亚书21:2 有悽惨的异象向我揭示：「诡诈的在行诡诈，毁灭的在行毁灭。以拦哪，前进吧！玛代啊，围攻吧！我使它一切的叹息停止了。」

现代客语汉字以赛亚书21:2𠊎看到悲惨个异象接等发生—诡诈个还係诡诈；破坏个继续破坏。以拦个军队啊，冲锋噢！米底亚个军队，攻城噢！上帝爱停止巴比伦带给人个痛苦。

现代客语全罗以赛亚书21:2 Ngài khon-tó pî-chhám ke yi-siong chiap-tén fat-sên — kúi-cha ke hàn-he kúi-cha; pho-fái ke ki-siu̍k pho-fái.Yî-làn ke kiûn-chhui â, chhûng-fûng ô! Mí-tí-â ke kiûn-chhui, kûng sàng ô! Song-ti oi thìn-chṳ́ Pâ-pí-lùn tai-pûn ngìn ke thung-khú.

和合本2010版以赛亚书21:3 为此，我腰部满是疼痛，痛苦将我抓住，好像临产的妇人一样的痛。我疼痛甚至不能听，我惊惶甚至不能看( [ 21.3] 「我疼痛…不能看」或译「我所听到的使我疼痛，我所见的使我惊惶」。)。

现代客语汉字以赛亚书21:3𠊎一看到这状况，听到这话，就着惊艰苦，像妇人家𫱔细人仔个阵痛共样。𠊎惊到么介都看毋到，么介也听毋到。

现代客语全罗以赛亚书21:3 Ngài yit khon-tó liá chhong-khóng, thâng-tó liá-fa, chhiu chho̍k-kiâng kân-khú, chhiong fu-ngìn-kâ kiung se-ngìn-è ke chhṳn-thung khiung-yong. Ngài kiâng-to má-ke tû khon m̀-tó, má-ke ya thâng m̀-tó.

和合本2010版以赛亚书21:4 我心慌乱，惊恐威吓我。我所渴望的黄昏，反成为我的恐惧。

现代客语汉字以赛亚书21:4𠊎个头那昏昏；𠊎惊到愊愊掣。𠊎平常希望临暗仔遽遽来到好歇睏，总係这下临暗仔俾𠊎还较着惊。

现代客语全罗以赛亚书21:4 Ngài ke thèu-nà fùn-fùn; ngài kiâng-to pi̍t-pi̍t-chhat. Ngài phìn-sòng hî-mong lìm-am-é kiak-kiak lòi-to hó hiet-khun, chúng-he liá-ha lìm-am-é pûn ngài hàn-kha chho̍k-kiâng.

和合本2010版以赛亚书21:5 有人摆设筵席，铺上地毯，又吃又喝。「官长啊，起来，抹亮盾牌。」

现代客语汉字以赛亚书21:5在这异象中，𠊎看到筵席準备好势，地毯也为人客铺好了；佢等又啉又食。忽然间，有命令传来：「各位军官，拿盾牌(4521:5「拿盾牌」希伯来文直译係「用油膏盾牌」。)，準备相㓾！」

现代客语全罗以赛亚书21:5 Chhai liá yi-siong chûng, ngài khon-tó yèn-si̍t chún-phi hó-se, thi-thán ya vi ngìn-hak phû-hó lé; kì-têu yu lîm yu sṳ̍t. Fut-yèn-kiên, yû min-lin chhòn-lòi: “Kok-vi kiûn-kôn, nâ tún-phài( 45 21:5 “nâ tún-phài” Hî-pak-lòi-vùn chhṳ̍t-yi̍t he “yung yù kò tún-phài”.), chún-phi siông-chhṳ̀!”

和合本2010版以赛亚书21:6 主对我如此说：「你去设立守望者，让他报告他所看见的。

现代客语汉字以赛亚书21:6该时，主对𠊎讲：「你去，派人守望，吩咐佢将所看到个随时报告。

现代客语全罗以赛亚书21:6 Ke-sṳ̀, Chú tui ngài kóng: “Ngì hi, phai-ngìn sú-mong, fûn-fu kì chiông só khon-tó ke sùi-sṳ̀ po-ko.

和合本2010版以赛亚书21:7 他会看见一对一对骑着马的军队，又看见驴队，骆驼队，他要留心听，仔细地听。」

现代客语汉字以赛亚书21:7若係佢看到有骑兵两个两个过来，还有人骑等驴仔㧯骆驼，就爱注意看详细。」

现代客语全罗以赛亚书21:7 Na-he kì khon-tó yû khì-pîn lióng-ke lióng-ke ko-lòi, hàn yû-ngìn khì-tén lì-è lâu lo̍k-thò, chhiu oi chu-yi khon siòng-se.”

和合本2010版以赛亚书21:8 他如狮子般吼叫( [ 21.8] 「他如狮子般吼叫」：死海古卷是「守望者喊叫」。)：「主啊，我白天常站在了望楼，彻夜立在我的了望台。」

现代客语汉字以赛亚书21:8守望个人(4621:8「守望个人」抑係译做「佢像狮仔」。)大声喊讲：「主啊，𠊎会日夜在这位企卫兵！」

现代客语全罗以赛亚书21:8 Sú-mong ke ngìn( 46 21:8 “Sú-mong ke ngìn” ya-he yi̍t-cho “Kì chhiong sṳ̂-é”.) thai-sâng hêm-kóng: “Chú â, ngài voi ngit-ya chhai liá-vi khî ví-pîn!”

和合本2010版以赛亚书21:9 看哪，有一对一对骑着马的军队前来。他就回应说：「巴比伦倾倒了！倾倒了！他把巴比伦神明的一切雕刻偶像都打碎在地上了。」

现代客语汉字以赛亚书21:9忽然间，有骑兵两个两个上来；守望个人就报告讲：「巴比伦横掉了！横掉了！佢等所拜个偶像全部被人敲碎在地上。」

现代客语全罗以赛亚书21:9 Fut-yèn-kiên, yû khì-pîn lióng-ke lióng-ke sông-lòi; sú-mong ke ngìn chhiu po-ko kóng: “Pâ-pí-lùn vang-thet lé! Vang-thet lé! Kì-têu só-pai ke ngiéu-siong chhiòn-phu pûn-ngìn khau-sui chhai thi-song.”

和合本2010版以赛亚书21:10 我被打的禾稼，我禾场上的穀物啊，我从万军之耶和华－以色列的上帝那裏所听见的，都告诉你们了。

现代客语汉字以赛亚书21:10𠊎个犹大同胞啊！你等一溜里像被人用筛仔筛个麦仔一样；总係这下𠊎已经报告你等一个好消息，就係𠊎对上主—万军个元帅、以色列个上帝该位听来个。有关以东个信息

现代客语全罗以赛亚书21:10 Ngài ke Yù-thai thùng-pâu â! Ngì-têu yit-liu-lî chhiong pûn-ngìn yung chhî-é chhî ke ma̍k-é yit-yong; chúng-he liá-ha ngài yí-kîn po-ko ngì-têu yit-ke hó sêu-sit, chhiu-he ngài tui Song-chú — Van-kiûn ke Ngièn-soi, Yî-set-lie̍t ke Song-ti ke-vi thâng-lòi ke. Yû-koân Yî-tûng ke Sin-sit

和合本2010版以赛亚书21:11论以东的信息论度玛的默示。有人声从西珥呼喊：「守望的啊，夜裏如何？守望的啊，夜裏如何？」

现代客语汉字以赛亚书21:11下背係有关以东(4721:11「以东」希伯来文直译係「度玛」，意思係「安静」，又㧯以东个名相像；在阿拉伯沙漠个东北片，靠近以东地区。)个信息。有人对以东问𠊎：「掌更个啊！暗晡头会过吂？暗晡时还有几久？」

现代客语全罗以赛亚书21:11 Hâ-poi he yû-koân Yî-tûng( 47 21:11 “Yî-tûng” Hî-pak-lòi-vùn chhṳ̍t-yi̍t he “Thu-mâ”, yi-sṳ he “ôn-chhin”, yu lâu Yî-tûng ke miàng siông-chhiong; chhai Â-lâ-pak sâ-mo̍k ke tûng-pet phién, kho-khiun Yî-tûng thi-khî.) ke sin-sit.Yû-ngìn tui Yî-tûng mun ngài: “Chóng-kâng ke â! Am-pû-thèu voi ko màng? Am-pû-sṳ̀ hàn-yû kí-kiú?”

和合本2010版以赛亚书21:12 守望者说：「早晨来到，黑夜将临。你们若要问，问吧，也可以回头再来。」

现代客语汉字以赛亚书21:12𠊎应讲：「天会光了，总係暗晡头还会来。若係你还爱问，下二摆正来问。」有关阿拉伯个信息

现代客语全罗以赛亚书21:12 Ngài en-kóng: “Thiên voi kông lé, chúng-he am-pû-thèu hàn voi lòi. Na-he ngì hàn-oi mun, ha-ngi pái chang lòi mun.” Yû-koân Â-lâ-pak ke Sin-sit

和合本2010版以赛亚书21:13论阿拉伯的信息论阿拉伯的默示。底但的旅行商队啊，你们在阿拉伯的树林中住宿。

现代客语汉字以赛亚书21:13下背係有关阿拉伯个信息。底但个人民啊，在阿拉伯沙漠个树林中搭帐篷个商队啊！

现代客语全罗以赛亚书21:13 Hâ-poi he yû-koân Â-lâ-pak ke sin-sit.Tí-tan ke ngìn-mìn â, chhai Â-lâ-pak sâ-mo̍k ke su-lìm chûng tap chong-phùng ke sông-chhui â!

和合本2010版以赛亚书21:14 提玛地的居民哪，提水来迎接口渴的人，带饼来迎接难民。

现代客语汉字以赛亚书21:14有嘴燥个人到你等面前来，你等爱拿水给佢等啉！在提玛个人民啊，有难民来到，你等爱拿给佢等食！

现代客语全罗以赛亚书21:14 Yû choi-châu ke ngìn to ngì-têu mien-chhièn lòi, ngì-têu oi nâ-súi pûn kì-têu lîm! Chhai Thì-mâ ke ngìn-mìn â, yû nan-mìn lòi-to, ngì-têu oi nâ-pûn kì-têu sṳ̍t!

和合本2010版以赛亚书21:15 他们躲避刀剑和出了鞘的刀，躲避上了弦的弓与战争的重灾。

现代客语汉字以赛亚书21:15这兜人全部係无被刀仔㓾到、无被弓箭射到，在战争中逃命出来个难民。

现代客语全罗以赛亚书21:15 Liá-têu ngìn chhiòn-phu he mò pûn tô-é chhṳ̀-tó, mò pûn kiûng-chien sa-tó, chhai chan-chên chûng thò-miang chhut-lòi ke nan-mìn.

和合本2010版以赛亚书21:16 主对我这样说：「一年之内，按照雇工年数的算法，基达一切的繁华必归无有。

现代客语汉字以赛亚书21:16所以主对𠊎讲：「在一年内，照长工个年限，基达部落个兴旺就爱停掉。

现代客语全罗以赛亚书21:16 Só-yî Chú tui ngài kóng: “Chhai yit-ngièn nui, cheu chhòng-kûng ke ngièn-han, Kî-tha̍t phu-lo̍k ke hîn-vong chhiu oi thìn-thet.

和合本2010版以赛亚书21:17 基达人中强壮弓箭手剩下的数目甚为稀少，这是耶和华－以色列的上帝说的。」

现代客语汉字以赛亚书21:17基达人中最勇敢个係弓箭手；佢等个数目也会减少，賸无几个。𠊎—上主、以色列个上帝恁样宣布了。」

现代客语全罗以赛亚书21:17 Kî-tha̍t-ngìn chûng chui yúng-kám ke he kiûng-chien-sú; kì-têu ke su-muk ya voi kám-séu, chhûn mò kí-ke. Ngài — Song-chú, Yî-set-lie̍t ke Song-ti án-ngiòng siên-pu lé.”