以赛亚书第18章客家话和合本对照

相关章：

快速到节：

书卷列表：

和合本2010版以赛亚书18:1上帝要责罚古实祸哉！古实河的那一边、翅膀刷刷作响之地，

现代客语汉字以赛亚书18:1上帝爱责罚古实唉！古实个河坝该片有一垤地，在该位会听到擛翼胛个响声。

现代客语全罗以赛亚书18:1Song-ti Oi Chit-fa̍t Kú-sṳ̍t Ái! Kú-sṳ̍t ke hò-pa ke-phién yû yit-te thi, chhai ke-vi voi thâng-tó ya̍k yi̍t-kap ke hióng-sâng.

和合本2010版以赛亚书18:2 差遣使者在水面上，坐蒲草船过海。你们这些疾行的使者，要到高大光滑的民那裏去；那民远近都畏惧，是强大好征服的国，土地有河流穿过。

现代客语汉字以赛亚书18:2外交使者坐等蒲草船，对该位顺等尼罗河下来。你这兜使者爱遽遽带信息转你等个老屋去！就係河坝分开个地方，人民又高大又皮肤光滑，全世界人所惊个该只强大个国家。

现代客语全罗以赛亚书18:2 Ngoi-kâu sṳ́-chá chhô-tén phû-chhó-sòn, tui ke-vi sun-tén Nì-lò-hò hâ-lòi. Ngì liá-têu sṳ́-chá oi kiak-kiak tai sin-sit chón ngì-têu ke ló-vuk hi! Chhiu-he hò-pa fûn-khôi ke thi-fông, ngìn-mìn yu kô-thai yu phì-fû kông-va̍t, chhiòn sṳ-kie ngìn só-kiâng ke ke-chak khiòng-thai ke koet-kâ.

和合本2010版以赛亚书18:3 世上所有的居民，住在地上的人哪，山上大旗竖起时，你们要看，号角吹响时，你们要听。

现代客语汉字以赛亚书18:3地上所有个人民啊，爱注意看山顶升起个大旗！爱注意听羊角个响声！

现代客语全罗以赛亚书18:3 Thi-song só-yû ke ngìn-mìn â, oi chu-yi khon sân-táng sṳ̂n-hí ke thai-khì! Oi chu-yi thâng yòng-kok ke hióng-sâng!

和合本2010版以赛亚书18:4 耶和华对我如此说：「我要安静，从我的居所观看，如同日光下闪烁的热气，又如收割时( [ 18.4] 「收割时」是根据一些古卷、七十士译本和其他古译本；原文是「收割的热气」。)露水蒸发的云雾。」

现代客语汉字以赛亚书18:4上主对𠊎讲：「𠊎爱恬恬对天顶看下来，就像收成时节个露水，又像热天个大日头。

现代客语全罗以赛亚书18:4 Song-chú tui ngài kóng: “Ngài oi tiâm-tiâm tui thiên-táng khon hâ-lòi, chhiu-chhiong sû-sṳ̀n sṳ̀-chiet ke lu-súi, yu chhiong ngie̍t-thiên ke thai ngit-thèu.

和合本2010版以赛亚书18:5 收割之前，花蕾先谢，花成了将熟的葡萄；他必用刀削去嫩枝，砍掉蔓延的枝条，

现代客语汉字以赛亚书18:5葡萄收成以前，花谢掉、葡萄差毋多会熟个时，仇敌爱来攻打古实，像用禾镰割葡萄藤恁容易。

现代客语全罗以赛亚书18:5 Phù-thò sû-sṳ̀n yî-chhièn, fâ chhia-thet, phù-thò chhâ-m̀-tô voi siuk ke sṳ̀, sù-thi̍t oi lòi kûng-tá Kú-sṳ̍t, chhiong yung vò-liàm kot phù-thò thèn án yùng-yi.

和合本2010版以赛亚书18:6 一起丢给山间的鸷鸟和地上的野兽；鸷鸟要在其上避暑，地上一切的野兽都在那裏过冬。

现代客语汉字以赛亚书18:6佢等士兵个尸体全部横在外背，给飞鸟野兽做食物；飞鸟归只热天有好食，野兽还有好食到过冬。」

现代客语全罗以赛亚书18:6 Kì-têu sṳ-pîn ke sṳ̂-thí chhiòn-phu vang chhai ngoi-poi, pûn fî-niâu yâ-chhu cho sṳ̍t-vu̍t; fî-niâu kûi-chak ngie̍t-thiên yû hó-sṳ̍t, yâ-chhu hàn-yû hó-sṳ̍t to ko-tûng.”

和合本2010版以赛亚书18:7 到那时，这高大光滑的民，远近都畏惧的民、强大好征服之国、土地有河流穿过；他们必被当作( [ 18.7] 「被当作」：七十士译本是「将」。)礼物献给万军之耶和华，献到锡安山－万军之耶和华立他名的地方。

现代客语汉字以赛亚书18:7到该时，该只河坝分开个地方，全世界人所惊个该只强大个国家，它该兜又高大又皮肤光滑个人民爱向上主—万军个元帅献礼物。佢等爱到锡安山，就係敬拜上主—万军个元帅个地方。

现代客语全罗以赛亚书18:7 To ke-sṳ̀, ke-chak hò-pa fûn-khôi ke thi-fông, chhiòn sṳ-kie ngìn só-kiâng ke ke-chak khiòng-thai ke koet-kâ, kì ke-têu yu kô-thai yu phì-fû kông-va̍t ke ngìn-mìn oi hiong Song-chú — Van-kiûn ke Ngièn-soi hien lî-vu̍t. Kì-têu oi to Siak-ôn-sân, chhiu-he kin-pai Song-chú — Van-kiûn ke Ngièn-soi ke thi-fông.