以赛亚书第13章客家话和合本对照

相关章：

快速到节：

书卷列表：

和合本2010版以赛亚书13:1上帝要惩罚巴比伦 亚摩斯的儿子以赛亚所见，有关巴比伦的默示。

现代客语汉字以赛亚书13:1上帝爱责罚巴比伦这係上帝给亚摩斯个孻仔以赛亚个启示，係有关巴比伦个信息。

现代客语全罗以赛亚书13:1Song-ti Oi Chit-fa̍t Pâ-pí-lùn Liá he Song-ti pûn Â-mô-sṳ̂ ke lai-é Yî-soi-â ke khí-sṳ, he yû-koân Pâ-pí-lùn ke sin-sit.

和合本2010版以赛亚书13:2 你们要在荒凉的山上竖立大旗，向他们扬声，挥手招呼他们进入贵族之门。

现代客语汉字以赛亚书13:2爱在光光个山冈顶插一支战旗。爱向战士擛手、大声发出命令，喊佢等攻入该兜贵族个门。

现代客语全罗以赛亚书13:2 Oi chhai kông-kông ke sân-kông táng chhap yit-kî chan-khì. Oi hiong chan-sṳ ya̍k-sú, thai-sâng fat-chhut min-lin, ham kì-têu kûng-ngi̍p ke-têu kui-chhu̍k ke mùn.

和合本2010版以赛亚书13:3 我吩咐我所分别为圣的人，召唤我的勇士，就是我那狂喜高傲的人，为要执行我的怒气。

现代客语汉字以赛亚书13:3上主已经点齐该兜充满信心个勇士，喊佢等去打赢这场圣战；佢爱责罚该兜惹佢发谴个国家。

现代客语全罗以赛亚书13:3 Song-chú yí-kîn tiám-chhè ke-têu chhûng-mân sin-sîm ke yúng-sṳ, ham kì-têu hi tá-yàng liá-chhòng sṳn-chan; Kì oi chit-fa̍t ke-têu ngiâ Kì fat-khién ke koet-kâ.

和合本2010版以赛亚书13:4 听啊，山间有喧闹的声音，好像有许多百姓聚集，听啊，多国之民聚集闹鬨的声音；这是万军之耶和华召集作战的军队。

现代客语汉字以赛亚书13:4听啊！山顶有尽多吵闹个声；该係万民大声喊个声，係尽多国家集合个声。上主—万军个元帅已经点齐军队，準备相㓾。

现代客语全罗以赛亚书13:4 Thâng â! Sân-táng yû chhin-tô chhàu-nau ke sâng; ke he van-mìn thai-sâng hêm ke sâng, he chhin-tô koet-kâ si̍p-ha̍p ke sâng. Song-chú — Van-kiûn ke Ngièn-soi yí-kîn tiám-chhè kiûn-chhui, chún-phi siông-chhṳ̀.

和合本2010版以赛亚书13:5 他们从远方来，从天边来，耶和华和他恼恨的兵器要毁灭全地。

现代客语汉字以赛亚书13:5佢等係对天边、对远远个国家过来个。上主爱在大发谴中毁灭全国。

现代客语全罗以赛亚书13:5 Kì-têu he tui thiên-piên, tui yén-yén ke koet-kâ ko-lòi ke. Song-chú oi chhai thai fat-khién chûng fí-me̍t chhiòn-koet.

和合本2010版以赛亚书13:6 你们要哀号，因为耶和华的日子临近了！这日来到，好像毁灭从全能者来到。

现代客语汉字以赛亚书13:6大声尽噭啊！上主个日仔近了！全能个上帝施行毁灭个日仔到了！

现代客语全罗以赛亚书13:6 Thai-sâng chhin-kieu â! Song-chú ke ngit-è khiûn lé! Chhiòn-nèn ke Song-ti sṳ̂-hàng fí-me̍t ke ngit-è to lé!

和合本2010版以赛亚书13:7 因此，人的手都变软弱，人的心都必惶惶。

现代客语汉字以赛亚书13:7逐侪个手软软无力；逐个人无半点勇气！

现代客语全罗以赛亚书13:7 Tak-sà ke sú ngiôn-ngiôn mò-li̍t; tak-ke ngìn mò pan-tiám yúng-hi!

和合本2010版以赛亚书13:8 他们必惊恐，悲痛和愁苦将他们抓住。他们阵痛，好像临产的妇人一样，彼此惊奇对看，脸如火焰。

现代客语汉字以赛亚书13:8佢等非常着惊；佢等受尽痛苦，像妇女生产时个阵痛。佢等你看𠊎、𠊎看你，紧看紧惊；面红际炸。

现代客语全罗以赛亚书13:8 Kì-têu fî-sòng chho̍k-kiâng; kì-têu su-chhin thung-khú, chhiong fu-ńg sên-sán sṳ̀ ke chhṳn-thung. Kì-têu ngì khon ngài, ngài khon ngì, kín-khon kín-kiâng; mien-fùng chi-cha.

和合本2010版以赛亚书13:9 看哪！耶和华的日子临到，必有残忍、愤恨、烈怒，使这地荒芜，除灭其中的罪人。

现代客语汉字以赛亚书13:9上主个日仔会到了！一定会有残忍、痛恨㧯大发谴！全世界会成做荒地；逐个罪人全部会灭亡。

现代客语全罗以赛亚书13:9 Song-chú ke ngit-è voi to lé! Yit-thin voi yû chhàn-ngiûn, thung-hen lâu thai fat-khién! Chhiòn sṳ-kie voi sàng-cho fông-thi; tak-ke chhui-ngìn chhiòn-phu voi me̍t-mòng.

和合本2010版以赛亚书13:10 天上的星宿都不发光，太阳一升起就变黑暗，月亮也不放光。

现代客语汉字以赛亚书13:10天顶个星仔全部毋会发光；日头一出就暗掉，月光乜朦朦无光。

现代客语全罗以赛亚书13:10 Thiên-táng ke sên-é chhiòn-phu m̀-voi fat-kông; ngit-thèu yit-chhut chhiu am-thet, ngie̍t-kông me mùng-mùng mò-kông.

和合本2010版以赛亚书13:11 我必因邪恶惩罚世界，因罪孽惩罚恶人，我要止息骄傲人的狂妄，制伏残暴者的傲慢。

现代客语汉字以赛亚书13:11上主讲：「𠊎爱使这世界因为充满坏行为受责罚，使坏人因为所犯个罪受责罚。𠊎爱结束骄傲人个自大，制伏残忍㧯强暴个人。

现代客语全罗以赛亚书13:11 Song-chú kóng: “Ngài oi sṳ́ liá sṳ-kie yîn-vi chhûng-mân fái hàng-vì su chit-fa̍t, sṳ́ fái-ngìn yîn-vi só-fam ke chhui su chit-fa̍t. Ngài oi kiet-suk kiêu-ngau ngìn ke chhṳ-thai, chṳ-fu̍k chhàn-ngiûn lâu khiòng-phau ke ngìn.

和合本2010版以赛亚书13:12 我要使人比纯金更少，比俄斐的赤金还少。

现代客语汉字以赛亚书13:12赢过这试炼个人会比纯金较少。

现代客语全罗以赛亚书13:12 Yàng-ko liá sṳ-lien ke ngìn voi pí sùn-kîm kha-séu.

和合本2010版以赛亚书13:13 我，万军之耶和华狂怒，就是发烈怒的日子，要令天震动，地必摇撼，离其本位。

现代客语汉字以赛亚书13:13𠊎爱使天挺动、地摇动；因为这係𠊎—上主、万军个元帅受气㧯大发谴个日仔。

现代客语全罗以赛亚书13:13 Ngài oi sṳ́ thiên thîn-thûng, thi yèu-thung; yîn-vi liá he Ngài — Song-chú, Van-kiûn ke Ngièn-soi su-hi lâu thai fat-khién ke ngit-è.

和合本2010版以赛亚书13:14 人如被追赶的羚羊，像无人聚集的羊羣，各自归回本族，逃到本地。

现代客语汉字以赛亚书13:14「住在这位个外国人会走转自家个家乡，四散逃走，像被猎人逐个鹿群，像无牧人照顾个羊群。

现代客语全罗以赛亚书13:14 “He̍t chhai liá-vi ke ngoi-koet ngìn voi chéu-chón chhṳ-kâ ke kâ-hiông, si-san thò-chéu, chhiong pûn lia̍p-ngìn kiuk ke lu̍k-khiùn, chhiong mò mu̍k-ngìn cheu-ku ke yòng-khiùn.

和合本2010版以赛亚书13:15 凡被追上的必被刺死，凡被捉拿的必倒在刀下。

现代客语汉字以赛亚书13:15被人逐到个全部会被人㓾死；被人捉到个全部会死在刀下。

现代客语全罗以赛亚书13:15 Pûn-ngìn kiuk-tó ke chhiòn-phu voi pûn-ngìn chhṳ̀-sí; pûn-ngìn chok-tó ke chhiòn-phu voi sí chhai tô-ha.

和合本2010版以赛亚书13:16 他们的婴孩必在他们眼前被摔死，他们的房屋被抢劫，他们的妻子被污辱。

现代客语汉字以赛亚书13:16佢等个孲𤘅仔会在佢等面前被人㧹死；佢等个屋仔被人抢夺；佢等个𡜵娘受人侮辱。」

现代客语全罗以赛亚书13:16 Kì-têu ke ô-nga-é voi chhai kì-têu mien-chhièn pûn-ngìn te̍p-sí; kì-têu ke vuk-è pûn-ngìn chhióng-tho̍t; kì-têu ke pû-ngiòng su-ngìn vú-yu̍k.”

和合本2010版以赛亚书13:17 看哪，我必激起玛代人攻击他们，玛代人并不看重银子，也不喜爱金子。

现代客语汉字以赛亚书13:17上主讲：「𠊎爱唆怂米底亚人(3413:17「米底亚」：在巴比伦东北方个一个国家，係波斯帝国个一部份。)去攻打巴比伦。米底亚人毋贪白银，无爱黄金。

现代客语全罗以赛亚书13:17 Song-chú kóng: “Ngài oi sô-súng Mí-tí-â-ngìn( 34 13:17 “Mí-tí-â”: Chhai Pâ-pí-lùn tûng-pet fông ke yit-ke koet-kâ, he Pô-sṳ̂ ti-koet ke yit phu-fun.) hi kûng-tá Pâ-pí-lùn. Mí-tí-â-ngìn m̀ thâm pha̍k-ngiùn, mò-oi vòng-kîm.

和合本2010版以赛亚书13:18 他们必用弓击溃青年，不怜悯妇人所生的；眼也不顾惜孩子。

现代客语汉字以赛亚书13:18佢等爱用箭射死后生人；佢等毋会怜悯孲𤘅仔，也毋会体恤细人仔。

现代客语全罗以赛亚书13:18 Kì-têu oi yung chien sa-sí heu-sâng ngìn; kì-têu m̀-voi lìn-mén ô-nga-é, ya m̀-voi thí-sit se-ngìn-è.

和合本2010版以赛亚书13:19 巴比伦为列国的荣耀，为迦勒底人所夸耀的华美，必像上帝所倾覆的所多玛、蛾摩拉一样；

现代客语汉字以赛亚书13:19巴比伦本来係像宝石恁靓个王国，係巴比伦人个光荣。总係𠊎—上帝爱毁灭它，就像𠊎识毁灭所多玛㧯蛾摩拉一样。

现代客语全罗以赛亚书13:19 Pâ-pí-lùn pún-lòi he chhiong pó-sa̍k án-chiâng ke vòng-koet, he Pâ-pí-lùn-ngìn ke kông-yùng. Chúng-he Ngài — Song-ti oi fí-me̍t kì, chhiu-chhiong Ngài sṳt fí-me̍t Só-tô-mâ lâu Ngò-mô-lâ yit-yong.

和合本2010版以赛亚书13:20 国中必永无人烟，世世代代无人居住；阿拉伯人不在那裏支搭帐棚，牧羊的人也不使羊羣躺卧在那裏。

现代客语汉字以赛亚书13:20永远毋会再有人在该位住；毋会有阿拉伯人在该位搭帐篷，也毋会有牧人在该位掌羊。

现代客语全罗以赛亚书13:20 Yún-yén m̀-voi chai yû-ngìn chhai ke-vi he̍t; m̀-voi yû Â-lâ-pak-ngìn chhai ke-vi tap chong-phùng, ya m̀-voi yû mu̍k-ngìn chhai ke-vi chóng-yòng.

和合本2010版以赛亚书13:21 旷野的走兽躺卧在那裏，咆哮的动物挤满栖身之所；鸵鸟住在那裏，山羊鬼魔也在那裏跳舞。

现代客语汉字以赛亚书13:21该所在会被野兽佔去住；猫头鸟会在该位做薮，鸵鸟住在该位，野山羊在该位跳来跳去，

现代客语全罗以赛亚书13:21 Ke só-chhai voi pûn yâ-chhu chiam-hi he̍t; meu-thèu-tiâu voi chhai ke-vi cho-teu, thò-niâu he̍t chhai ke-vi, yâ-sân-yòng chhai ke-vi thiau-lòi thiau-hi,

和合本2010版以赛亚书13:22 土狼必在它的宫殿( [ 13.22] 「宫殿」是根据一些古译本；原文是「寡妇」。) 呼号，野狗在华美的殿裏吼叫。巴比伦的时辰临近了，它的日子必不长久。

现代客语汉字以赛亚书13:22豺狼会在守卫所大声噭，野狗在华丽个王宫肚紧吠。巴比伦大难临头了！它个日仔无久了！」

现代客语全罗以赛亚书13:22 sài-lòng voi chhai sú-ví-só thai-sâng kieu, yâ-kiéu chhai fà-li ke vòng-kiûng tú kín-phoi. Pâ-pí-lùn thai-nàn lìm-thèu lé! Kì ke ngit-è mò-kiú lé!”