以西结书第7章客家话和合本对照

相关章：

快速到节：

书卷列表：

和合本2010版以西结书7:1以色列的结局近了耶和华的话又临到我，说：

现代客语汉字以西结书7:1以色列个结局近了上主㧯𠊎讲话；

现代客语全罗以西结书7:1Yî-set-lie̍t ke Kiet-khiu̍k Khiun lé Song-chú lâu ngài kóng-fa;

和合本2010版以西结书7:2 「你，人子啊，主耶和华对以色列地如此说：结局，结局临到了地的四境！

现代客语汉字以西结书7:2佢讲：「人子啊，这就係𠊎—至高个上主爱对以色列地宣布个话：以色列该死了，全地个结束近了！

现代客语全罗以西结书7:2 Kì kóng: “Ngìn-chṳ́ â, liá chhiu-he Ngài — Chṳ-kô ke Song-chú oi tui Yî-set-lie̍t-thi siên-pu ke fa: Yî-set-lie̍t kôi-sí lé, chhiòn-thi ke kiet-suk khiun lé!

和合本2010版以西结书7:3 现在你的结局已经来临；我要使我的怒气临到你，也要按你的行为审判你，照你所做一切可憎的事惩罚你。

现代客语汉字以西结书7:3「以色列啊，你个结束到了。𠊎爱向你发出𠊎个大发谴。𠊎爱因为你所做个事审判你；𠊎爱因为你邪恶个行为责罚你。

现代客语全罗以西结书7:3 “Yî-set-lie̍t â, ngì ke kiet-suk to lé. Ngài oi hiong ngì fat-chhut Ngài ke thai fat-khién. Ngài oi yîn-vi ngì só-cho ke sṳ sṳ́m-phan ngì; Ngài oi yîn-vi ngì sià-ok ke hàng-vì chit-fa̍t ngì.

和合本2010版以西结书7:4 我的眼必不顾惜你，也不可怜你，却要按你所做的报应你，照你们中间可憎的事惩罚你；你就知道我是耶和华。

现代客语汉字以西结书7:4𠊎毋饶你，也毋怜悯你。𠊎爱因为你所做邪恶个事责罚你。恁样，你就会知𠊎係上主。」

现代客语全罗以西结书7:4 Ngài m̀ ngièu ngì, ya m̀ lìn-mén ngì. Ngài oi yîn-vi ngì só-cho sià-ok ke sṳ chit-fa̍t ngì. Án-ngiòng, ngì chhiu voi tî Ngài he Song-chú.”

和合本2010版以西结书7:5 「主耶和华如此说：灾难，惟一的灾难( [ 7.5] 「灾难…灾难」：有古卷是「灾难接着灾难」。)，看哪，临近了！

现代客语汉字以西结书7:5至高个上主恁样讲：「灾难爱一摆又一摆(97:5「灾难爱一摆又一摆」抑係译做「灾难，惟一个灾难爱」。)临到你。

现代客语全罗以西结书7:5 Chṳ-kô ke Song-chú án-ngiòng kóng: “Châi-nan oi yit-pái yu yit-pái( 9 7:5 “Châi-nan oi yit-pái yu yit-pái” ya-he yi̍t-cho “Châi-nan, vì-yit ke châi-nan oi”.) lìm-to ngì.

和合本2010版以西结书7:6 结局到了，结局到了，它要醒起来攻击你。看哪，它已来到！

现代客语汉字以西结书7:6该死了，结局近了。你知死了！

现代客语全罗以西结书7:6 Kôi-sí lé, kiet-khiu̍k khiun lé. Ngì tî sí lé!

和合本2010版以西结书7:7 境内的居民哪，厄运临到你；时候到了，日子近了，有闹鬨，但不是山上欢呼的声音。

现代客语汉字以西结书7:7以色列人民个结局到了。山顶个祭坛毋会再有欢乐，只有混乱；该日仔会到了。

现代客语全罗以西结书7:7 Yî-set-lie̍t ngìn-mìn ke kiet-khiu̍k to lé. Sân-táng ke chi-thàn m̀-voi chai yû fôn-lo̍k, chṳ́-yû fun-lon; ke ngit-è voi to lé.

和合本2010版以西结书7:8 我快要将我的愤怒倾倒在你身上，向你发尽我的怒气，按你的行为审判你，照你所做一切可憎的事惩罚你。

现代客语汉字以西结书7:8「𠊎当遽就爱向你拚出𠊎个大发谴。𠊎爱照你所做个事审判你；𠊎爱照你所做邪恶个事责罚你。

现代客语全罗以西结书7:8 “Ngài tông-kiak chhiu oi hiong ngì piang-chhut Ngài ke thai fat-khién. Ngài oi cheu ngì só-cho ke sṳ sṳ́m-phan ngì; Ngài oi cheu ngì só-cho sià-ok ke sṳ chit-fa̍t ngì.

和合本2010版以西结书7:9 我的眼必不顾惜你，也不可怜你，必按你所做的报应你，照你中间可憎的事惩罚你；你就知道击打你的是我－耶和华。

现代客语汉字以西结书7:9𠊎毋饶你，也毋怜悯你。𠊎爱照你所做邪恶个事责罚你。恁样，你就会知係𠊎上主在责罚你。」

现代客语全罗以西结书7:9 Ngài m̀ ngièu ngì, ya m̀ lìn-mén ngì. Ngài oi cheu ngì só-cho sià-ok ke sṳ chit-fa̍t ngì. Án-ngiòng, ngì chhiu voi tî he Ngài Song-chú chhai chit-fa̍t ngì.”

和合本2010版以西结书7:10 「看哪，那日子！看哪，已来到！厄运已经发生！杖已开花，骄傲已发芽。

现代客语汉字以西结书7:10灾难个日仔到了。逐位都有暴力㧯骄傲个事发生。

现代客语全罗以西结书7:10 Châi-nan ke ngit-è to lé. Tak-vi tû yû phau-li̍t lâu kiêu-ngau ke sṳ fat-sên.

和合本2010版以西结书7:11 残暴兴起，成了罚恶的杖。他们将一无所有，他们的富足( [ 7.11] 「富足」或译「羣众」。)、他们的财宝( [ 7.11] 「财宝」或译「喧嚣」。)都不复存在；他们中间也不再有尊荣。

现代客语汉字以西结书7:11残暴成做坏人个权势。以色列人个财产、体面、光彩全部无了。

现代客语全罗以西结书7:11 Chhàn-phau sàng-cho fái-ngìn ke khièn-sṳ. Yî-set-lie̍t-ngìn ke chhòi-sán, thí-mien, kông-chhái chhiòn-phu mò lé.

和合本2010版以西结书7:12 时候到了，日子近了，买主不可欢喜，卖主也不用愁烦，因为烈怒已经临到他们众人身上。

现代客语汉字以西结书7:12时机到了，日仔近了；买个人毋使欢喜，卖个人也毋使忧愁；因为上帝个大发谴会临到逐侪个身项。

现代客语全罗以西结书7:12 Sṳ̀-kî to lé, ngit-è khiun lé; mâi ke ngìn m̀-sṳ́ fôn-hí, mai ke ngìn ya m̀-sṳ́ yù-sèu; yîn-vi Song-ti ke thai fat-khién voi lìm-to tak-sà ke sṳ̂n-hong.

和合本2010版以西结书7:13 卖主即使存活，也不能讨回所卖的，因为这异象关乎他们众人；谁都不能讨回，也没有人能在罪孽中使自己的生命刚强。」

现代客语汉字以西结书7:13无一个生理人在还生个时赚得转佢所损失个，因为上帝个大发谴会临到逐侪个身项。坏人做毋得生存。

现代客语全罗以西结书7:13 Mò yit-ke sên-lî-ngìn chhai hàn-sâng ke sṳ̀ chhon tet-chón kì só sún-sṳt ke, yîn-vi Song-ti ke thai fat-khién voi lìm-to tak-sà ke sṳ̂n-hong. Fái-ngìn cho-m̀-tet sên-chhùn.

和合本2010版以西结书7:14惩罚以色列的罪恶「他们吹了角，预备齐全，却无一人出战，因为我的烈怒临到他们众人身上。

现代客语汉字以西结书7:14号角响了；逐侪準备好了。总係无人出去相㓾，因为上帝个大发谴会临到逐侪个身项。责罚以色列个罪恶

现代客语全罗以西结书7:14 Ho-kok hióng lé; tak-sà chún-phi hó lé. Chúng-he mò-ngìn chhut-hi siông-chhṳ̀, yîn-vi Song-ti ke thai fat-khién voi lìm-to tak-sà ke sṳ̂n-hong. Chit-fa̍t Yî-set-lie̍t ke Chhui-ok

和合本2010版以西结书7:15 外有刀剑，内有瘟疫、饑荒。在田野的，必因刀剑而死；在城中的，必遭饑荒、瘟疫吞灭。

现代客语汉字以西结书7:15外背有战争，内肚有发瘟、饥荒。城外个人全部爱死在刀剑下；城肚个人全部爱病死、饿死。

现代客语全罗以西结书7:15 Ngoi-poi yû chan-chên, nui-tú yû pot-vûn, kî-fông. Sàng-ngoi ke ngìn chhiòn-phu oi sí chhai tô-kiam hâ; sàng-tú ke ngìn chhiòn-phu oi phiang-sí, ngo-sí.

和合本2010版以西结书7:16 其中倖存的要逃脱，各人因自己的罪孽在山上发出悲声，如谷中的鸽子哀鸣；

现代客语汉字以西结书7:16有兜人爱像山坜肚着惊个月鸽仔逃到山顶去。佢等全部为自家个罪尽噌。

现代客语全罗以西结书7:16 Yû-têu ngìn oi chhiong sân-lak tú chho̍k-kiâng ke ngie̍t-kap-è chéu-to sân-táng hi. Kì-têu chhiòn-phu vi chhṳ-kâ ke chhui chhin-chhên.

和合本2010版以西结书7:17 双手发软，膝盖软弱如水，

现代客语汉字以西结书7:17逐侪全部手软脚攋。

现代客语全罗以西结书7:17 Tak-sà chhiòn-phu sú-ngiôn kiok-lài.

和合本2010版以西结书7:18 腰束麻布，战慄笼罩他们；各人脸上羞愧，头上光秃。

现代客语汉字以西结书7:18佢等爱着麻衫，全身愊愊掣，剃光头，尽见笑。

现代客语全罗以西结书7:18 Kì-têu oi chok mà-sâm, chhiòn-sṳ̂n pi̍t-pi̍t-chhat, thi-kông-thèu, chhin kien-seu.

和合本2010版以西结书7:19 他们要把银子抛弃在街上，看金子如污秽之物。正当耶和华发怒的日子，金银不能拯救他们，不能满足食慾，也不能使肚腹饱满，反倒成了自己罪孽的绊脚石。

现代客语汉字以西结书7:19佢等爱将金银㧹到街项，就像豁掉垃圾。因为在上主大发谴个日仔，金银救毋到佢等。金银无法度满足佢等个慾望，也无法度使佢等个肚笥食饱。金银反转引诱佢等犯罪。

现代客语全罗以西结书7:19 Kì-têu oi chiông kîm-ngiùn te̍p-to kiê-hong, chhiu-chhiong vok-thet lá-sap. Yîn-vi chhai Song-chú thai fat-khién ke ngit-è, kîm-ngiùn kiu m̀-tó kì-têu. Kîm-ngiùn mò fap-thu mân-chiuk kì-têu ke yu̍k-mong, ya mò fap-thu sṳ́ kì-têu ke tú-sṳ́ sṳ̍t-páu. Kîm-ngiùn fán-chón yín-yu kì-têu fam-chhui.

和合本2010版以西结书7:20 他们用所夸耀华美的妆饰製造可憎可厌的偶像，所以我使他们看它如污秽之物。

现代客语汉字以西结书7:20佢等识夸口佢等个珠宝尽靓，总係佢等用该兜珠宝造邪恶个偶像。所以，上主使佢等看自家个珠宝做垃圾。

现代客语全罗以西结书7:20 Kì-têu sṳt khoâ-khiéu kì-têu ke chû-pó chhin-chiâng, chúng-he kì-têu yung ke-têu chû-pó chho sià-ok ke ngiéu-siong. Só-yî, Song-chú sṳ́ kì-têu khon chhṳ-kâ ke chû-pó cho lá-sap.

和合本2010版以西结书7:21 我必将它交给外邦人为掠物，交给地上的恶人为掳物；他们要亵渎它。

现代客语汉字以西结书7:21上主讲：「𠊎爱俾外国人来抢佢等，喊无天良个人抢夺佢等个珠宝，又大大侮辱。

现代客语全罗以西结书7:21 Song-chú kóng: “Ngài oi pûn ngoi-koet-ngìn lòi-chhióng kì-têu, ham mò thiên-liòng ke ngìn chhióng-tho̍t kì-têu ke chû-pó, yu thai-thai vú-yu̍k.

和合本2010版以西结书7:22 他们亵渎我宝贵之所( [ 7.22] 「宝贵之所」或译「隐密之所」。)，强盗也进去亵渎它。我必转脸不顾以色列人( [ 7.22] 「以色列人」：原文是「他们」。)。

现代客语汉字以西结书7:22𠊎所宝贵个圣殿被人亵渎个时，强盗入去、侮辱它个时，𠊎绝对毋会干涉。

现代客语全罗以西结书7:22 Ngài só pó-kui ke sṳn-thien pûn-ngìn siet-thu̍k ke sṳ̀, khiòng-tho ngi̍p-hi, vú-yu̍k kì ke sṳ̀, Ngài chhie̍t-tui m̀-voi kôn-sa̍p.

和合本2010版以西结书7:23 「要製造锁链；因为遍地都有流血的罪，满城都是残暴的事。

现代客语汉字以西结书7:23「全国混乱(107:23「全国混乱」係根据一古译本，希伯来文直译係「爱造锁鍊」。)。地面上兇杀充满，城市肚残暴个事满遍係。

现代客语全罗以西结书7:23 “Chhiòn-koet fun-lon( 10 7:23 “Chhiòn-koet fun-lon” he kîn-kí yit kú yi̍t-pún, Hî-pak-lòi-vùn chhṳ̍t-yi̍t he “Oi chho só-lien”.). Thi-mien-song hiûng-sat chhûng-mân, sàng-sṳ tú chhàn-phau ke sṳ mân-phien he.

和合本2010版以西结书7:24 所以，我要使列国中最兇恶的人前来佔据他们的房屋；我要止息残暴人的骄傲，他们的圣所也要被亵渎。

现代客语汉字以西结书7:24𠊎爱将尽恶个民族带到这位来，佔领你等个屋仔。𠊎俾列国亵渎你等敬拜场所个时，你等尽强个勇士也无半些胆量。

现代客语全罗以西结书7:24 Ngài oi chiông chhin-ok ke mìn-chhu̍k tai-to liá-vi lòi, cham-liâng ngì-têu ke vuk-è. Ngài pûn lie̍t-koet siet-thu̍k ngì-têu kin-pai chhòng-só ke sṳ̀, ngì-têu chhin-khiòng ke yúng-sṳ ya mò pan-si̍t tám-liong.

和合本2010版以西结书7:25 毁灭来到；他们求平安，却没有平安。

现代客语汉字以西结书7:25毁灭个时到了！你等爱求和平，总係毋会有和平。

现代客语全罗以西结书7:25 Fí-me̍t ke sṳ̀ to lé! Ngì-têu oi khiù fò-phìn, chúng-he m̀-voi yû fò-phìn.

和合本2010版以西结书7:26 灾害加上灾害，风声接连风声；他们要向先知寻求异象，但祭司的教诲、长老的谋略都必断绝。

现代客语汉字以西结书7:26灾难紧发生；坏消息连连来。你等会寻先知求异象；祭司无么介好教人；长老也毋会计划。

现代客语全罗以西结书7:26 Châi-nan kín fat-sên; fái sêu-sit lièn-lièn lòi. Ngì-têu voi chhìm siên-tî khiù yi-siong; chi-sṳ̂ mò má-ke hó kâu-ngìn; chóng-ló ya m̀-voi kie-va̍k.

和合本2010版以西结书7:27 君王要悲哀，官长要披绝望为衣，这地百姓的手都发颤。我必照他们所做的待他们，按他们所应得的审判他们，他们就知道我是耶和华。」

现代客语汉字以西结书7:27君王紧噌，领袖当失望；人民着惊到愊愊掣。𠊎爱因为你等所做个事责罚你等；你等样般审判别人，𠊎也爱样般审判你等。恁样，你等就会知𠊎係上主。」

现代客语全罗以西结书7:27 Kiûn-vòng kín-chhên, liâng-chhiu tông sṳt-mong; ngìn-mìn chho̍k-kiâng to pi̍t-pi̍t-chhat. Ngài oi yîn-vi ngì-têu só-cho ke sṳ chit-fa̍t ngì-têu; ngì-têu ngióng-pân sṳ́m-phan phe̍t-ngìn, Ngài ya oi ngióng-pân sṳ́m-phan ngì-têu. Án-ngiòng, ngì-têu chhiu voi tî Ngài he Song-chú.”