以西结书第3章客家话和合本对照

相关章：

快速到节：

书卷列表：

和合本2010版以西结书3:1 他对我说：「人子啊，要吃你所得到的，吃下这书卷；然后要去，对以色列家宣讲。」

现代客语汉字以西结书3:1上帝讲：「人子啊，将这书卷食落去，然后去向以色列人讲话。」

现代客语全罗以西结书3:1 Song-ti kóng: “Ngìn-chṳ́ â, chiông liá sû-kién sṳ̍t lo̍k-hi, yèn-heu hi hiong Yî-set-lie̍t-ngìn kóng-fa.”

和合本2010版以西结书3:2 于是我张开了口，他就使我吃这书卷。

现代客语汉字以西结书3:2所以𠊎打开嘴；佢将该书卷交给𠊎食，

现代客语全罗以西结书3:2 Só-yî ngài tá-khôi choi; Kì chiông ke sû-kién kâu-pûn ngài sṳ̍t,

和合本2010版以西结书3:3 他对我说：「人子啊，要吃我所赐给你的这书卷，塞满你的肚腹。」我就吃了，口中觉得其甜如蜜。

现代客语汉字以西结书3:3讲：「人子啊，将𠊎给你个这书卷食落去，装满肚笥。」𠊎就食；这书卷像蜂糖恁甜。

现代客语全罗以西结书3:3 kóng: “Ngìn-chṳ́ â, chiông Ngài pûn ngì ke liá sû-kién sṳ̍t lo̍k-hi, chông-mân tú-sṳ́.” Ngài chhiu sṳ̍t; liá sû-kién chhiong phûng-thòng án-thiàm.

和合本2010版以西结书3:4 他对我说：「人子啊，你要到以色列家那裏去，对他们传讲我的话。

现代客语汉字以西结书3:4接等上帝讲：「人子啊，你到以色列人该位去，将𠊎个话㧯佢等讲。

现代客语全罗以西结书3:4 Chiap-tén Song-ti kóng: “Ngìn-chṳ́ â, ngì to Yî-set-lie̍t-ngìn ke-vi hi, chiông Ngài ke fa lâu kì-têu kóng.

和合本2010版以西结书3:5 你奉差遣不是往那说话艰涩、言语难懂的民那裏，而是往以色列家去；

现代客语汉字以西结书3:5𠊎毋係派你到该兜讲话你听毋识个人该位去；𠊎係派你去以色列人当中。

现代客语全罗以西结书3:5 Ngài m̀-he phai ngì to ke-têu kóng-fa ngì thâng-m̀-sṳt ke ngìn ke-vi hi; Ngài he phai ngì hi Yî-set-lie̍t-ngìn tông-chûng.

和合本2010版以西结书3:6 你不是往那说话艰涩、言语难懂的许多民族那裏去，他们的话你不懂。然而，我若差你往他们那裏去，他们会听从你。

现代客语汉字以西结书3:6若係𠊎派你到该兜国家，到该兜讲话你听毋识个人该位去，佢等还会听你个话。

现代客语全罗以西结书3:6 Na-he Ngài phai ngì to ke-têu koet-kâ, to ke-têu kóng-fa ngì thâng-m̀-sṳt ke ngìn ke-vi hi, kì-têu hàn-voi thâng ngì ke fa.

和合本2010版以西结书3:7 以色列家却不肯听从你，因为他们不肯听从我；原来以色列全家是额头坚硬、心裏刚愎的人。

现代客语汉字以西结书3:7总係，以色列人绝对毋会听你个话；因为佢等连𠊎个话也毋肯听。佢等全部当硬颈又硬壳。

现代客语全罗以西结书3:7 Chúng-he, Yî-set-lie̍t-ngìn chhie̍t-tui m̀-voi thâng ngì ke fa; yîn-vi kì-têu lièn Ngài ke fa ya m̀-hén thâng. Kì-têu chhiòn-phu tông ngang-kiáng yu ngang-hok.

和合本2010版以西结书3:8 看哪，我使你的脸坚硬，对抗他们的脸；使你的额头坚硬，对抗他们的额头。

现代客语汉字以西结书3:8你看，𠊎爱使你比佢等还较硬壳，使你个额头硬过佢等个额头。

现代客语全罗以西结书3:8 Ngì khon, Ngài oi sṳ́ ngì pí kì-têu hàn-kha ngang-hok, sṳ́ ngì ke ngiak-thèu ngang-ko kì-têu ke ngiak-thèu.

和合本2010版以西结书3:9 我使你的额头像金刚石，比火石更坚硬。他们虽是悖逆之家，但你不要怕他们，也不要因他们的脸色而惊惶。」

现代客语汉字以西结书3:9𠊎爱使你个额头像钻石，比火石还较硬。你毋使惊该兜悖逆个人，也毋使被佢等个面色吓倒。」

现代客语全罗以西结书3:9 Ngài oi sṳ́ ngì ke ngiak-thèu chhiong chon-sa̍k, pí fó-sa̍k hàn-kha ngang. Ngì m̀-sṳ́ kiâng ke-têu phoi-ngia̍k ke ngìn, ya m̀-sṳ́ pûn kì-têu ke mien-set hak-tó.”

和合本2010版以西结书3:10 他又对我说：「人子啊，我对你说的一切话，你心裏要领会，耳朵要听。

现代客语汉字以西结书3:10上帝继续讲：「人子啊，你爱注意听𠊎一切个话，也爱记在心肚。

现代客语全罗以西结书3:10 Song-ti ki-siu̍k kóng: “Ngìn-chṳ́ â, ngì oi chu-yi thâng Ngài yit-chhiet ke fa, ya oi ki chhai sîm-tú.

和合本2010版以西结书3:11 要到被掳的人，到你本国百姓那裏去，他们或听，或不听，你要对他们宣讲，告诉他们这是主耶和华说的。」

现代客语汉字以西结书3:11你爱去被人捉去个同胞该位，无论佢等爱听抑毋听，将𠊎—至高个上主爱对佢等讲个话全部㧯佢等讲。」

现代客语全罗以西结书3:11 Ngì oi hi pûn-ngìn chok-hi ke thùng-pâu ke-vi, mò-lun kì-têu oi thâng ya m̀-thâng, chiông Ngài — Chṳ-kô ke Song-chú oi tui kì-têu kóng ke fa chhiòn-phu lâu kì-têu kóng.”

和合本2010版以西结书3:12 那时，灵将我举起，我就听见在我身后有极大震动的声音：「耶和华的荣耀，从他所在之处，是应当称颂的！」

现代客语汉字以西结书3:12接等，上帝个灵将𠊎擎起来，𠊎就听到在𠊎后背有𠾐𠾐滚个声音讲：「爱颂讚天顶上主个荣光！」

现代客语全罗以西结书3:12 Chiap-tén, Song-ti ke Lìn chiông ngài khià hí-lòi, ngài chhiu thâng-tó chhai ngài heu-poi yû lung-lung-kún ke sâng-yîm kóng: “Oi siung-chan thiên-táng Song-chú ke yùng-kông!”

和合本2010版以西结书3:13 有活物的翅膀相碰的声音，也有活物旁边轮子的声音，是极大震动的声音。

现代客语汉字以西结书3:13𠊎又听到该四个生物翼胛凭到个声，也听到轮仔挺动、像地动发出恁响个声。

现代客语全罗以西结书3:13 Ngài yu thâng-tó ke si-ke sâng-vu̍t yi̍t-kap pen-tó ke sâng, ya thâng-tó lin-é thîn-thûng, chhiong thi-thûng fat-chhut án-hióng ke sâng.

和合本2010版以西结书3:14 于是灵将我举起，带着我走。我就去了，十分苦恼，我的灵火热；耶和华的手重重地按在我身上。

现代客语汉字以西结书3:14上主个能力大大充满𠊎；佢个灵将𠊎擎起来带走个时，𠊎感觉尽艰苦又尽谴。

现代客语全罗以西结书3:14 Song-chú ke nèn-li̍t thai-thai chhûng-mân ngài; Kì ke Lìn chiông ngài khià hí-lòi tai-chéu ke sṳ̀, ngài kám-kok chhin kân-khú yu chhin-khién.

和合本2010版以西结书3:15 我就来到提勒‧亚毕那些住在迦巴鲁河边被掳的人那裏，到他们住的地方( [ 3.15] 「到他们住的地方」：原文另译「我就住在他们住的地方」。)，在他们中间惊愕地坐了七日。

现代客语汉字以西结书3:15所以，𠊎来到迦巴鲁河坝滣个提勒‧亚笔，就係被人捉去个同胞住个所在。𠊎在该位有七日久，被看到㧯所听到个事吓到戆神。上主派以西结做守望者

现代客语全罗以西结书3:15 Só-yî, ngài lòi-to Kâ-pâ-lû hò-pa sùn ke Thì-le̍t-Â-pit, chhiu-he pûn-ngìn chok-hi ke thùng-pâu he̍t ke só-chhai. Ngài chhai ke-vi yû chhit-ngit kiú, pûn khon-tó lâu só thâng-tó ke sṳ hak-to ngong-sṳ̀n. Song-chú Phai Yî-sî-kiet Cho Sú-mong-chá

和合本2010版以西结书3:16耶和华派以西结作守望者（ 33:1-9 ）过了七日，耶和华的话临到我，说：

现代客语汉字以西结书3:16( 以西结书33:1-9 )七日后，上主㧯𠊎讲：

现代客语全罗以西结书3:16( Yî-sî-kiet Sû 33:1-9 ) Chhit-ngit heu, Song-chú lâu ngài kóng:

和合本2010版以西结书3:17 「人子啊，我立你作以色列家的守望者，所以你要听我口中的话，替我警戒他们。

现代客语汉字以西结书3:17「人子啊，𠊎派你做以色列人个守望者。你爱将𠊎亲身㧯你讲个话警告佢等。

现代客语全罗以西结书3:17 “Ngìn-chṳ́ â, Ngài phai ngì cho Yî-set-lie̍t-ngìn ke sú-mong-chá. Ngì oi chiông Ngài chhîn-sṳ̂n lâu ngì kóng ke fa kín-ko kì-têu.

和合本2010版以西结书3:18 我何时指着恶人说：『他必要死』；你若不警戒他，也不劝告他，使他离开恶行，拯救他的性命，这恶人必死在罪孽之中；我却要从你手裏讨他的血债。

现代客语汉字以西结书3:18若係𠊎宣布某一个坏人一定爱死，你毋去警告佢，劝佢弃邪归正来救自家，这个人虽然会因为自家个罪死掉，𠊎却爱追究你流厥血个责任。

现代客语全罗以西结书3:18 Na-he Ngài siên-pu mêu yit-ke fái-ngìn yit-thin oi sí, ngì m̀ hi kín-ko kì, khien kì hi-sià kûi-chṳn lòi kiu chhṳ-kâ, liá-ke ngìn sûi-yèn voi yîn-vi chhṳ-kâ ke chhui sí-thet, Ngài sa oi chûi-kiu ngì liù kiâ hiet ke chit-ngim.

和合本2010版以西结书3:19 倘若你警戒恶人，他仍不转离罪恶，也不离开恶行，他必死在罪孽之中，你却救了自己的命。

现代客语汉字以西结书3:19若係你警告该坏人，佢毋肯改过，还係做坏事，佢爱因为自家个罪死掉，总係你会救到自家个命。

现代客语全罗以西结书3:19 Na-he ngì kín-ko ke fái-ngìn, kì m̀-hén kói-ko, hàn-he cho fái-sṳ, kì oi yîn-vi chhṳ-kâ ke chhui sí-thet, chúng-he ngì voi kiu-tó chhṳ-kâ ke miang.

和合本2010版以西结书3:20 但是义人若转离他的义而作恶，我要把绊脚石放在他面前，他必死亡；因你没有警戒他，他必死在罪中，他素来所行的义不被记念；我却要从你手裏讨他的血债。

现代客语汉字以西结书3:20「若係好人离开正路，开始做坏事，𠊎会使佢堵到灾难(63:20「𠊎会使佢堵到灾难」抑係译做「𠊎爱阻挡佢」。)，佢一定会死。因为你毋警告佢，佢就会因为自家个罪来死，𠊎毋会纪念佢做过个好事；𠊎却爱追究你流厥血个责任。

现代客语全罗以西结书3:20 “Na-he hó-ngìn lì-khôi chṳn-lu, khôi-sṳ́ cho fái-sṳ, Ngài voi sṳ́ kì tù-tó châi-nan( 6 3:20 “Ngài voi sṳ́ kì tù-tó châi-nan” ya-he yi̍t-cho “Ngài oi chú-tóng kì”.), kì yit-thin voi sí. Yîn-vi ngì m̀ kín-ko kì, kì chhiu voi yîn-vi chhṳ-kâ ke chhui lòi sí, Ngài m̀-voi ki-ngiam kì cho-ko ke hó-sṳ; Ngài sa oi chûi-kiu ngì liù kiâ hiet ke chit-ngim.

和合本2010版以西结书3:21 倘若你警戒义人，使他不犯罪，他就不犯罪；他因领受警戒就必存活，你也救了自己的命。」

现代客语汉字以西结书3:21若係你警告该好人做毋得犯罪，佢接受你个警告，无再犯罪，佢一定毋会死，你也会救到自家个命。」以西结暂时变做哑口

现代客语全罗以西结书3:21 Na-he ngì kín-ko ke hó-ngìn cho-m̀-tet fam-chhui, kì chiap-su ngì ke kín-ko, mò chai fam-chhui, kì yit-thin m̀-voi sí, ngì ya voi kiu-tó chhṳ-kâ ke miang.” Yî-sî-kiet Chhiam-sṳ̀ Pien-cho Á-khiéu

和合本2010版以西结书3:22以西结暂成哑巴在那裏耶和华的手按在我身上。他对我说：「起来，到平原去，我要在那裏和你说话。」

现代客语汉字以西结书3:22𠊎感觉到上主个能力大大充满𠊎，又听到佢㧯𠊎讲：「企起来到山坜肚去，𠊎爱在该位对你讲话。」

现代客语全罗以西结书3:22 Ngài kám-kok tó Song-chú ke nèn-li̍t thai-thai chhûng-mân ngài, yu thâng-tó Kì lâu ngài kóng: “Khî hí-lòi to sân-lak tú hi, Ngài oi chhai ke-vi tui ngì kóng-fa.”

和合本2010版以西结书3:23 于是我起来，到平原去，看哪，耶和华的荣耀停在那裏，正如我在迦巴鲁河边所见到的一样，我就脸伏于地。

现代客语汉字以西结书3:23所以，𠊎到山坜肚去，在该位看到上主个荣光，㧯𠊎在迦巴鲁河坝滣所看到个共样。𠊎伏在地上；

现代客语全罗以西结书3:23 Só-yî, ngài to sân-lak tú hi, chhai ke-vi khon-tó Song-chú ke yùng-kông, lâu ngài chhai Kâ-pâ-lû hò-pa sùn só khon-tó ke khiung-yong. Ngài phu̍k chhai thi-song;

和合本2010版以西结书3:24 灵进入我裏面，使我站起来。耶和华对我说：「你进屋裏去，把门关上。

现代客语汉字以西结书3:24上帝个灵入到𠊎个底背，将𠊎扶起来。上主㧯𠊎讲：「转屋下去，将你自家关在屋肚。

现代客语全罗以西结书3:24 Song-ti ke Lìn ngi̍p-to ngài ke tî-poi, chiông ngài fù hí-lòi. Song-chú lâu ngài kóng: “Chón vuk-hâ hi, chiông ngì chhṳ-kâ koân chhai vuk-tú.

和合本2010版以西结书3:25 你，人子，看哪，人要用绳索捆绑你，使你不能出去到他们中间。

现代客语汉字以西结书3:25人子啊，别人爱用索仔将你捆起来，使你无法度出到佢等当中。

现代客语全罗以西结书3:25 Ngìn-chṳ́ â, phe̍t-ngìn oi yung sok-è chiông ngì khún hí-lòi, sṳ́ ngì mò fap-thu chhut-to kì-têu tông-chûng.

和合本2010版以西结书3:26 我必使你的舌头贴住上膛，以致你哑口，不能作责备他们的人；他们原是悖逆之家。

现代客语汉字以西结书3:26𠊎爱使你变做哑口，使你无法度警告这兜悖逆个人民。

现代客语全罗以西结书3:26 Ngài oi sṳ́ ngì pien-cho á-khiéu, sṳ́ ngì mò fap-thu kín-ko liá-têu phoi-ngia̍k ke ngìn-mìn.

和合本2010版以西结书3:27 但我对你说话的时候，必使你开口，你就要对他们说：『主耶和华如此说。』听的，让他听；不听的，任他不听，因为他们是悖逆之家。」

现代客语汉字以西结书3:27后来，𠊎爱再对你讲话，开你个嘴。该时，你爱将𠊎—至高个上主所讲个话㧯佢等讲。有兜肯听，有兜毋肯听，因为佢等係悖逆个人民。」

现代客语全罗以西结书3:27 Heu-lòi, Ngài oi chai tui ngì kóng-fa, khôi ngì ke choi. Ke-sṳ̀, ngì oi chiông Ngài — Chṳ-kô ke Song-chú só-kóng ke fa lâu kì-têu kóng. Yû-têu hén thâng, yû-têu m̀-hén thâng, yîn-vi kì-têu he phoi-ngia̍k ke ngìn-mìn.”