以西结书第38章客家话和合本对照

相关章：

快速到节：

书卷列表：

和合本2010版以西结书38:1耶和华使用歌革耶和华的话临到我，说：

现代客语汉字以西结书38:1对歌革个预言上主㧯𠊎讲话；

现代客语全罗以西结书38:1Tui Kô-kiet ke Yi-ngièn Song-chú lâu ngài kóng-fa;

和合本2010版以西结书38:2 「人子啊，你要面向玛各地的歌革，就是米设和土巴的大王，向他说预言。

现代客语汉字以西结书38:2佢讲：「人子啊，你爱责备玛各地区米设㧯土巴两国个统治者歌革。你爱讲预言责备佢，

现代客语全罗以西结书38:2 Kì kóng: “Ngìn-chṳ́ â, ngì oi chit-phi Mâ-kok thi-khî Mí-sat lâu Thú-pâ lióng-koet ke thúng-chhṳ-chá Kô-kiet. Ngì oi kóng yi-ngièn chit-phi kì,

和合本2010版以西结书38:3 你要说，主耶和华如此说：米设和土巴的大王歌革，看哪，我与你为敌。

现代客语汉字以西结书38:3㧯佢讲，𠊎—至高个上主恁样讲：歌革啊，𠊎爱㧯你做对敌。

现代客语全罗以西结书38:3 lâu kì kóng, Ngài — Chṳ-kô ke Song-chú án-ngiòng kóng: Kô-kiet â, Ngài oi lâu ngì cho tui-thi̍t.

和合本2010版以西结书38:4 我要把你掉转过来，用鈎子鈎住你的腮颊，把你和你的军兵、马匹、骑兵都带走。他们全都披挂整齐，成为大军，佩带大小盾牌，各人拿着刀剑；

现代客语汉字以西结书38:4𠊎爱将你捩转头来，用钩仔钩你个颏鳃，将你㧯你带领个军队共下拉走。你个军队有当多战马㧯装备整齐个骑兵。逐个兵仔全部有盾牌㧯剑。

现代客语全罗以西结书38:4 Ngài oi chiông ngì lit chón-thèu lòi, yung kiêu-é kiêu ngì ke hòi-sôi, chiông ngì lâu ngì tai-liâng ke kiûn-chhui khiung-ha lâi-chéu. Ngì ke kiûn-chhui yû tông-tô chan-mâ lâu chông-phi chṳ́n-chhè ke khì-pîn. Tak-ke pîn-é chhiòn-phu yû tún-phài lâu kiam.

和合本2010版以西结书38:5 他们当中有波斯人、古实人和弗人，都带着盾牌和头盔；

现代客语汉字以西结书38:5你个军队中还有对波斯、古实㧯弗请来个兵仔；佢等全部拿等盾牌，戴等铁帽。

现代客语全罗以西结书38:5 Ngì ke kiûn-chhui chûng hàn-yû tui Pô-sṳ̂, Kú-sṳ̍t lâu Fut chhiáng-lòi ke pîn-é; kì-têu chhiòn-phu nâ-tén tún-phài, tai-tén thiet-mo.

和合本2010版以西结书38:6 还有歌篾人和他的军队，北方极远的陀迦玛族和他的军队，这许多民族都跟着你。

现代客语汉字以西结书38:6另外还有对歌篾㧯北方个陀迦玛来个军队，并对其他各国来个军队。

现代客语全罗以西结书38:6 Nang-ngoi hàn-yû tui Kô-me̍t lâu pet-fông ke Thò-kâ-mâ lòi ke kiûn-chhui, pin tui khì-thâ kok-koet lòi ke kiûn-chhui.

和合本2010版以西结书38:7 「你和聚集到你那裏的军队都要预备，预备妥当，你要作他们的守卫。

现代客语汉字以西结书38:7你爱聚集军队，将佢等训练好，你自家爱做佢等个指挥官。

现代客语全罗以西结书38:7 Ngì oi chhi-si̍p kiûn-chhui, chiông kì-têu hiun-lien hó, ngì chhṳ-kâ oi cho kì-têu ke chṳ́-fî-kôn.

和合本2010版以西结书38:8 过了多日，你必被差派；到末后之年，你要来到那脱离刀剑、从列国召集回来的人所住之地，来到以色列常久荒凉的山上；他们都从列国中被领出，在那裏安然居住。

现代客语汉字以西结书38:8过几年，𠊎爱派你去佔领一个国家；该国个人民係对各国转来个，这下享受太平。你爱佔领以色列该兜山；这所在以前被人㧒掉，非常荒凉，总係这下有尽多对各国转来个人在该位安居。

现代客语全罗以西结书38:8 Ko kí-ngièn, Ngài oi phai ngì hi cham-liâng yit-ke koet-kâ; ke-koet ke ngìn-mìn he tui kok-koet chón-lòi ke, liá-ha hióng-su thai-phìn. Ngì oi cham-liâng Yî-set-lie̍t ke-têu sân; liá só-chhai yî-chhièn pûn-ngìn fit-thet, fî-sòng fông-liòng, chúng-he liá-ha yû chhin-tô tui kok-koet chón-lòi ke ngìn chhai ke-vi ôn-kî.

和合本2010版以西结书38:9 你和你的全军，并跟随你的许多民族都要上来，如暴风刮来，如密云遮盖地面。

现代客语汉字以西结书38:9你所带领个军队、㧯对各国来同你共下个军队，会像乌云遮等这垤土地，像狂风攻击全地。」

现代客语全罗以西结书38:9 Ngì só tai-liâng ke kiûn-chhui, lâu tui kok-koet lòi thùng ngì khiung-ha ke kiûn-chhui, voi chhiong vû-yùn châ-tén liá-te thú-thi, chhiong khòng-fûng kûng-kit chhiòn-thi.”

和合本2010版以西结书38:10 「主耶和华如此说：那时，你的心必起意念，图谋恶计，

现代客语汉字以西结书38:10至高个上主对歌革讲：「到该时，你会有坏心术、阴谋诡计，

现代客语全罗以西结书38:10 Chṳ-kô ke Song-chú tui Kô-kiet kóng: “To ke-sṳ̀, ngì voi yû fái sîm-su̍t, yîm-mèu kúi-kie,

和合本2010版以西结书38:11 说：『我要上那无墙的乡村之地，到那安静的居民那裏，他们无墙，无门、无闩，安然居住。

现代客语汉字以西结书38:11侵略该兜无设防个乡村—该兜无城墙、无门闩、人民安享太平个乡村。

现代客语全罗以西结书38:11 chhîm-lio̍k ke-têu mò sat-fòng ke hiông-chhûn — ke-têu mò sàng-chhiòng, mò mùn-chhôn, ngìn-mìn ôn-hióng thai-phìn ke hiông-chhûn.

和合本2010版以西结书38:12 我去那裏要抢财为掳物，夺货为掠物，反手攻击那从前荒凉、现在有人居住之地，又攻击那从列国招聚出来、得了牲畜财货、住在地的高处的百姓。』

现代客语汉字以西结书38:12你会想抢劫并出手攻击以前荒掉、这下尽多人住个所在。该兜人民係对各国聚集到这世界个中心来住个。佢等有得到尽多头牲㧯财物。

现代客语全罗以西结书38:12 Ngì voi sióng chhióng-kiap pin chhut-sú kûng-kit yî-chhièn fông-thet, liá-ha chhin-tô ngìn he̍t ke só-chhai. Ke-têu ngìn-mìn he tui kok-koet chhi-si̍p to liá sṳ-kie ke chûng-sîm lòi he̍t ke. Kì-têu yû tet-tó chhin-tô thèu-sâng lâu chhòi-vu̍t.

和合本2010版以西结书38:13 示巴人、底但人、他施的商人和他们的少壮狮子都对你说：『你来是要抢财为掳物吗？你聚集军队是要夺货为掠物，夺取金银，掳去牲畜、财货，抢夺许多财宝为掳物吗？』

现代客语汉字以西结书38:13示巴人、底但人、㧯对他施逐城市来个生理人会问你：『你召集大军来攻打係为到爱抢劫係么？你想爱抢金银、带走头牲、抢走一切个财物做战利品係么？』

现代客语全罗以西结书38:13 Sṳ-pâ-ngìn, Tí-tan-ngìn, lâu tui Thâ-sṳ̂ tak sàng-sṳ lòi ke sên-lî-ngìn voi mun ngì: ‘Ngì seu-si̍p thai-kiûn lòi kûng-tá he vi-tó oi chhióng-kiap he-mò? Ngì sióng-oi chhióng kîm-ngiùn, tai-chéu thèu-sâng, chhióng-chéu yit-chhiet ke chhòi-vu̍t cho chan-li-phín he-mò?’

和合本2010版以西结书38:14 「人子啊，你要因此说预言，对歌革说，主耶和华如此说：我的子民以色列安然居住时，你是知道的。( [ 38.14] 「你是知道的。」七十士译本是「你岂不是要兴起吗？」)

现代客语汉字以西结书38:14「所以，人子啊，你爱讲预言，对歌革讲，𠊎—至高个上主恁样讲：𠊎个子民以色列还安居乐业个时，你爱出发(5938:14「出发」係根据一古译本，希伯来文係「知」。)。

现代客语全罗以西结书38:14 “Só-yî, ngìn-chṳ́ â, ngì oi kóng yi-ngièn, tui Kô-kiet kóng, Ngài — Chṳ-kô ke Song-chú án-ngiòng kóng: Ngài ke chṳ́-mìn Yî-set-lie̍t hàn ôn-kî lo̍k-ngia̍p ke sṳ̀, ngì oi chhut-fat( 59 38:14 “chhut-fat” he kîn-kí yit kú yi̍t-pún, Hî-pak-lòi-vùn he “tî”.).

和合本2010版以西结书38:15 你从你的地方，从北方极远处率领许多民族前来，他们都骑着马，是一队强而多的军兵。

现代客语汉字以西结书38:15你爱离开最北方个本土，带领各国联合组成、大阵又当强个骑兵队，

现代客语全罗以西结书38:15 Ngì oi lì-khôi chui pet-fông ke pún-thú, tai-liâng kok-koet lièn-ha̍p chû-sṳ̀n, thai-chhṳn yu tông-khiòng ke khì-pîn-chhui,

和合本2010版以西结书38:16 歌革啊，你必上来攻击我的子民以色列，如密云遮盖地面。末后的日子，我必领你来攻击我的地，我藉你在列国眼前显为圣的时候，他们就要认识我。

现代客语汉字以西结书38:16去攻打𠊎个子民以色列；你个军队会像乌云恁样将全地遮掉。该时，𠊎爱派你上去侵略𠊎个土地，使列国认识𠊎；𠊎也爱用你所做个向佢等证明𠊎係神圣个。

现代客语全罗以西结书38:16 hi kûng-tá Ngài ke chṳ́-mìn Yî-set-lie̍t; ngì ke kiûn-chhui voi chhiong vû-yùn án-ngiòng chiông chhiòn-thi châ-thet. Ke-sṳ̀, Ngài oi phai ngì sông-hi chhîm-lio̍k Ngài ke thú-thi, sṳ́ lie̍t-koet ngin-sṳt Ngài; Ngài ya oi yung ngì só-cho ke hiong kì-têu chṳn-mìn Ngài he sṳ̀n-sṳn ke.

和合本2010版以西结书38:17 主耶和华如此说：我在古时藉我僕人以色列众先知所说的，不就是你吗？( [ 38.17] 「不就是你吗？」七十士译本和其他古译本是「就是你。」)他们在那些日子，多年说预言，我必领你来攻击以色列人。」

现代客语汉字以西结书38:17你就係𠊎以前所预告爱来个人。该时，𠊎通过𠊎个僕人—以色列该兜先知宣告讲，将来𠊎爱喊一个人来攻打以色列。」至高个上主恁样宣布了。上帝责罚歌革

现代客语全罗以西结书38:17 Ngì chhiu-he Ngài yî-chhièn só yi-ko oi lòi ke ngìn. Ke-sṳ̀, Ngài thûng-ko Ngài ke phu̍k-ngìn — Yî-set-lie̍t ke-têu siên-tî siên-ko kóng, chiông-lòi Ngài oi ham yit-ke ngìn lòi kûng-tá Yî-set-lie̍t.” Chṳ-kô ke Song-chú án-ngiòng siên-pu lé. Song-ti Chit-fa̍t Kô-kiet

和合本2010版以西结书38:18耶和华惩罚歌革「主耶和华说：歌革上来攻击以色列地的时候，我的怒气要从鼻孔裏发出。

现代客语汉字以西结书38:18至高个上主讲：「歌革侵略以色列该日，𠊎爱大发谴。

现代客语全罗以西结书38:18 Chṳ-kô ke Song-chú kóng: “Kô-kiet chhîm-lio̍k Yî-set-lie̍t ke-ngit, Ngài oi thai fat-khién.

和合本2010版以西结书38:19 我在妒忌和如火的烈怒中说：那日在以色列地必有大震动，

现代客语汉字以西结书38:19𠊎非常受气、大发火、宣布讲：在该日，以色列会有大地动。

现代客语全罗以西结书38:19 Ngài fî-sòng su-hi, thai fat-fó, siên-pu kóng: Chhai ke-ngit, Yî-set-lie̍t voi yû thai thi-thûng.

和合本2010版以西结书38:20 甚至海中的鱼、天空的鸟、野地的兽，和地上爬的各种爬行动物，并地面上的众人，因见我的面就都震动；山岭崩裂，陡巖塌陷，一切的墙都必坍塌。

现代客语汉字以西结书38:20海肚个鱼、空中个鸟仔、地上个大细动物，㧯人类全部会因为惊𠊎就愊愊掣。该兜山㧯山巖会崩裂，城墙会横掉。

现代客语全罗以西结书38:20 Hói-tú ke ǹg, khûng-chûng ke tiâu-é, thi-song ke thai-se thung-vu̍t, lâu ngìn-lui chhiòn-phu voi yîn-vi kiâng Ngài chhiu pi̍t-pi̍t-chhat. Ke-têu sân lâu sân-ngàm voi pên-lie̍t, sàng-chhiòng voi vang-thet.

和合本2010版以西结书38:21 我必令刀剑在我的众山攻击歌革；人要用刀剑杀害弟兄。这是主耶和华说的。

现代客语汉字以西结书38:21𠊎爱用各种灾难(6038:21「用各种灾难」係根据一古译本，希伯来文係「在𠊎个众山顶」。)攻击歌革。𠊎—至高个上主恁样宣布了。𠊎爱使佢个军队发生内乱，各人残杀同胞。

现代客语全罗以西结书38:21 Ngài oi yung kok-chúng châi-nan( 60 38:21 “yung kok-chúng châi-nan” he kîn-kí yit kú yi̍t-pún, Hî-pak-lòi-vùn he “chhai Ngài ke chung sân-táng”.) kûng-kit Kô-kiet. Ngài — Chṳ-kô ke Song-chú án-ngiòng siên-pu lé. Ngài oi sṳ́ kì ke kiûn-chhui fat-sên nui-lon, kok-ngìn chhàn-sat thùng-pâu.

和合本2010版以西结书38:22 我要用瘟疫和血惩罚他。我也必降暴雨、大冰雹、火及硫磺在他和他的军队，并跟随他的许多民族身上。

现代客语汉字以西结书38:22𠊎爱用发瘟㧯流血个事件来责罚佢。𠊎爱用大水、冰雹、大火、硫磺降落在佢㧯佢带领个军队并佢指挥个各国军队身上。

现代客语全罗以西结书38:22 Ngài oi yung pot-vûn lâu liù-hiet ke sṳ-khien lòi chit-fa̍t kì. Ngài oi yung thai-súi, pên-pho̍k, thai-fó, liù-vòng kong-lo̍k chhai kì lâu kì tai-liâng ke kiûn-chhui pin kì chṳ́-fî ke kok-koet kiûn-chhui sṳ̂n-song.

和合本2010版以西结书38:23 我必显为大，显为圣，在许多国家眼前显明自己；他们就知道我是耶和华。」

现代客语汉字以西结书38:23𠊎爱用恁样来向列国证明𠊎係伟大、神圣个上帝。该时，佢等就会知𠊎係上主。」

现代客语全罗以西结书38:23 Ngài oi yung án-ngiòng lòi hiong lie̍t-koet chṳn-mìn Ngài he ví-thai, sṳ̀n-sṳn ke Song-ti. Ke-sṳ̀, kì-têu chhiu voi tî Ngài he Song-chú.”