以西结书第24章客家话和合本对照

相关章：

快速到节：

书卷列表：

和合本2010版以西结书24:1生锈的锅第九年十月初十，耶和华的话临到我，说：

现代客语汉字以西结书24:1生卤个镬头𠊎等被人捉去个第九年十月初十，上主㧯𠊎讲话。

现代客语全罗以西结书24:1Sâng-lû ke Vo̍k-thèu Ngài-têu pûn-ngìn chok-hi ke thi-kiú ngièn sṳ̍p-ngie̍t chhû-sṳ̍p, Song-chú lâu ngài kóng-fa.

和合本2010版以西结书24:2 「人子啊，你要记录这一天的名称，这特别的一天，巴比伦王围困耶路撒冷，就在这特别的一天。

现代客语汉字以西结书24:2佢讲：「人子啊，你爱将今晡日这日仔记下来，因为今晡日巴比伦王开始围攻耶路撒冷。

现代客语全罗以西结书24:2 Kì kóng: “Ngìn-chṳ́ â, ngì oi chiông kîm-pû-ngit liá ngit-è ki hâ-lòi, yîn-vi kîm-pû-ngit Pâ-pí-lùn-vòng khôi-sṳ́ vì-kûng Yâ-lu-sat-lâng.

和合本2010版以西结书24:3 你要向这悖逆之家设比喻，对他们说，主耶和华如此说：把锅放在火上，放好了，倒水在其中；

现代客语汉字以西结书24:3你爱向𠊎悖逆个子民讲这比喻。爱㧯佢等讲，𠊎—至高个上主恁样讲：将镬头放在火顶高，镬头肚爱装水。

现代客语全罗以西结书24:3 Ngì oi hiong Ngài phoi-ngia̍k ke chṳ́-mìn kóng liá pí-yi. Oi lâu kì-têu kóng, Ngài — Chṳ-kô ke Song-chú án-ngiòng kóng:Chiông vo̍k-thèu piong chhai fó táng-kô,vo̍k-thèu tú oi chông-súi.

和合本2010版以西结书24:4 要将肉块，一切肥美的肉块，腿和肩都放在锅裏，要装满上等的骨头；

现代客语汉字以西结书24:4将上等个脚髀肉、肩头肉放落镬头肚，将特选个骨头也放落镬头，放到满满。

现代客语全罗以西结书24:4 Chiông song-tén ke kiok-pí-ngiuk, kiên-thèu-ngiuk piong-lo̍k vo̍k-thèu tú,chiông thi̍t-sién ke kut-thèu ya piong-lo̍k vo̍k-thèu, piong-to mân-mân.

和合本2010版以西结书24:5 要取羊羣中最好的，把柴( [ 24.5] 「柴」：原文是「骨头」。)堆在下面，把它煮开，骨头煮在其中。

现代客语汉字以西结书24:5将最好个羊肉放落镬头肚，镬头下爱堆满柴；将水烧滚来煮骨头㧯肉。」

现代客语全罗以西结书24:5 Chiông chui-hó ke yòng-ngiuk piong-lo̍k vo̍k-thèu tú,vo̍k-thèu hâ oi tôi-mân chhèu;chiông súi sêu-kún lòi-chú kut-thèu lâu ngiuk.”

和合本2010版以西结书24:6 「主耶和华如此说：祸哉！这流人血的城，就是长锈的锅。它的锈未曾除掉，要将肉块从其中一一取出，不必抽籤。

现代客语汉字以西结书24:6至高个上主恁样讲：「充满流人血个城会堵到灾难了。这座城像无洗过、生卤个镬头，底背个肉爱一垤一垤随便挟出来，一垤也无留。

现代客语全罗以西结书24:6 Chṳ-kô ke Song-chú án-ngiòng kóng: “Chhûng-mân liù ngìn-hiet ke sàng voi tù-tó châi-nan lé. Liá-chho sàng chhiong mò sé-ko, sâng-lû ke vo̍k-thèu, tî-poi ke ngiuk oi yit-te yit-te sùi-phien kia̍p chhut-lòi, yit-te ya mò liù.

和合本2010版以西结书24:7 这城所流的血还在城中，血倒在光滑的磐石上，没有倒在地上，用土掩盖；

现代客语汉字以西结书24:7这城有㓾人流血个事，血倒在光光个大石顶，毋係倒在有泥粉好壅个地上。

现代客语全罗以西结书24:7 Liá-sàng yû chhṳ̀-ngìn liù-hiet ke sṳ, hiet tó chhai kông-kông ke thai-sa̍k táng, m̀-he tó chhai yû nài-fún hó yûng ke thi-song.

和合本2010版以西结书24:8 是我使这城所流的血倒在光滑的磐石上，不得掩盖，为要惹动愤怒，施行报应。

现代客语汉字以西结书24:8将血倒在无法度壅个大石顶有𠊎个旨意；这血迹惹𠊎发谴，要求𠊎报仇。」

现代客语全罗以西结书24:8 Chiông hiet tó chhai mò fap-thu yûng ke thai-sa̍k táng yû Ngài ke chṳ́-yi; liá hiet-chiak ngiâ Ngài fat-khién, yêu-khiù Ngài po-sù.”

和合本2010版以西结书24:9 所以主耶和华如此说：祸哉！这流人血的城，我必亲自加大柴堆。

现代客语汉字以西结书24:9所以，至高个上主恁样讲：「充满流人血个城会堵到灾难了！𠊎爱亲身来堆柴。

现代客语全罗以西结书24:9 Só-yî, Chṳ-kô ke Song-chú án-ngiòng kóng: “Chhûng-mân liù ngìn-hiet ke sàng voi tù-tó châi-nan lé! Ngài oi chhîn-sṳ̂n lòi tôi-chhèu.

和合本2010版以西结书24:10 你要添上木柴，使火着旺，将肉煮烂，加上香料( [ 24.10] 「加上香料」：原文另译「把汤倒出」；七十士译本是「把汤熬浓」。)，烤焦骨头；

现代客语汉字以西结书24:10爱添柴、拨火、煮肉，将汤煮燥，连骨头也烧到臭火烧！

现代客语全罗以西结书24:10 Oi thiâm-chhèu, phat-fó, chú-ngiuk, chiông thông chú-châu, lièn kut-thèu ya sêu-to chhu-fó-sêu!

和合本2010版以西结书24:11 你要把空锅放在炭火上，将锅烧热，把铜烧红，镕化其中的污秽，除净其上的锈。

现代客语汉字以西结书24:11然后爱将拚净个铜镬头放在火炭火顶高烧到红红，虽然铜卤无法度完全烧掉，总係镬头就净浰了。

现代客语全罗以西结书24:11Yèn-heu oi chiông piang-chhiang ke thùng vo̍k-thèu piong chhai fó-than-fó táng-kô sêu-to fùng-fùng, sûi-yèn thùng-lû mò fap-thu vàn-chhiòn sêu-thet, chúng-he vo̍k-thèu chhiu chhiang-li lé.

和合本2010版以西结书24:12 然而这一切劳碌无效( [ 24.12] 「然而…无效」：原文另译「我的劳碌无效」；七十士译本没有本句。)，它厚厚的锈，即使用火也除不掉。

现代客语汉字以西结书24:12【併于上节】

现代客语全罗以西结书24:12【併于上节】

和合本2010版以西结书24:13 虽然我想洁净你污秽的淫行，你却不洁净，你的污秽再也不能洁净，直等我止息了向你发的愤怒。

现代客语汉字以西结书24:13耶路撒冷啊，你放蕩个生活将自家打垃圾。虽然𠊎识设法使你净浰，总係你还係恁屙糟。等到𠊎将大发谴拚在你身上以前，你就无可能再净浰了。

现代客语全罗以西结书24:13 Yâ-lu-sat-lâng â, ngì fong-thong ke sên-fa̍t chiông chhṳ-kâ tá-lá-sap. Sûi-yèn Ngài sṳt sat-fap sṳ́ ngì chhiang-li, chúng-he ngì hàn-he án ô-chô. Tén-to Ngài chiông thai fat-khién piang chhai ngì sṳ̂n-song yî-chhièn, ngì chhiu mò khó-nèn chai chhiang-li lé.

和合本2010版以西结书24:14 我－耶和华说了这话，时候到了，就必成就；必不退缩，不顾惜，也不怜悯。人必照你的所作所为审判你。这是主耶和华说的。」

现代客语汉字以西结书24:14𠊎—上主恁样宣布了。𠊎爱採取行动个时节到了。𠊎绝对毋会毋插你个罪过；𠊎的确毋会怜悯，也毋后悔。你爱因为你个所行所做受责罚。」至高个上主恁样宣布了。先知个𡜵娘死掉

现代客语全罗以西结书24:14 Ngài — Song-chú án-ngiòng siên-pu lé. Ngài oi chhái-chhí hàng-thung ke sṳ̀-chiet to lé. Ngài chhie̍t-tui m̀-voi m̀-chhap ngì ke chhui-ko; Ngài tit-khok m̀-voi lìn-mén, ya m̀ heu-fí. Ngì oi yîn-vi ngì ke só-hàng só-cho su chit-fa̍t.” Chṳ-kô ke Song-chú án-ngiòng siên-pu lé. Siên-tî ke Pû-ngiòng Sí-thet

和合本2010版以西结书24:15先知妻子的死耶和华的话临到我，说：

现代客语汉字以西结书24:15上主㧯𠊎讲话；

现代客语全罗以西结书24:15 Song-chú lâu ngài kóng-fa;

和合本2010版以西结书24:16 「人子，看哪，我要以灾病夺取你眼中所喜爱的，你却不可悲哀哭泣，也不可流泪，

现代客语汉字以西结书24:16佢讲：「人子啊，𠊎爱忽然间将你最惜个人抢走。你毋好哀伤、大声噭，毋好流目汁。

现代客语全罗以西结书24:16 Kì kóng: “Ngìn-chṳ́ â, Ngài oi fut-yèn-kiên chiông ngì chui siak ke ngìn chhióng-chéu. Ngì m̀-hó ôi-sông, thai-sâng kieu, m̀-hó liù muk-chṳp.

和合本2010版以西结书24:17 只可叹息，不可出声，不可办理丧事；裹上头巾，脚上穿鞋，不可摀着鬍鬚，也不可吃一般人的食物( [ 24.17] 「一般人的食物」：原文另译「弔丧的食物」；下同。)。」

现代客语汉字以西结书24:17毋好俾人听到为死人悲伤大噭个声。还爱照常头巾着等鞋。毋好幪面，也毋好食别人为丧家预备个食物。」

现代客语全罗以西结书24:17 M̀-hó pûn ngìn thâng-tó vi sí-ngìn pî-sông thai-kieu ke sâng. Hàn-oi cheu-sòng tûng thèu-kîn chok-tén hài. M̀-hó miâng-mien, ya m̀-hó sṳ̍t phe̍t-ngìn vi sông-kâ yi-phi ke sṳ̍t-vu̍t.”

和合本2010版以西结书24:18 到了早晨我把这事告诉百姓，晚上我的妻子就死了。次日早晨我就遵命而行。

现代客语汉字以西结书24:18该日朝晨，𠊎㧯人民讲起这个事；该暗晡，𠊎个𡜵娘就死掉。第二日，𠊎照上主个命令去做。

现代客语全罗以西结书24:18 Ke-ngit chêu-sṳ̀n, ngài lâu ngìn-mìn kóng-hí liá-ke sṳ; ke am-pû, ngài ke pû-ngiòng chhiu sí-thet. Thi-ngi ngit, ngài cheu Song-chú ke min-lin hi cho.

和合本2010版以西结书24:19 百姓对我说：「你这样做跟我们有甚么关係，你不告诉我们吗？」

现代客语汉字以西结书24:19人问𠊎：「你恁样做係爱㧯𠊎等讲么介呢？」

现代客语全罗以西结书24:19 Ngìn mun ngài: “Ngì án-ngiòng cho he oi lâu ngài-têu kóng má-ke nè?”

和合本2010版以西结书24:20 我对他们说：「耶和华的话临到我，说：

现代客语汉字以西结书24:20𠊎㧯佢等讲：「上主㧯𠊎讲话；

现代客语全罗以西结书24:20 Ngài lâu kì-têu kóng: “Song-chú lâu ngài kóng-fa;

和合本2010版以西结书24:21 『你告诉以色列家，主耶和华如此说：我要使我的圣所被亵渎，就是你们凭势力所夸耀、眼裏所喜爱、心中所爱惜的；并且你们所遗留的儿女必倒在刀下。

现代客语汉字以西结书24:21佢爱𠊎向你等以色列人传讲这信息。至高个上主恁样讲：『你等将圣殿準做骄傲个力量，目珠所欢喜个㧯心灵所关心个；总係𠊎爱侮辱𠊎个圣殿。你等留在耶路撒冷个子女全部会被人㓾掉。』

现代客语全罗以西结书24:21 Kì oi ngài hiong ngì-têu Yî-set-lie̍t-ngìn chhòn-kóng liá sin-sit. Chṳ-kô ke Song-chú án-ngiòng kóng: ‘Ngì-têu chiông sṳn-thien chún-cho kiêu-ngau ke li̍t-liong, muk-chû só fôn-hí ke lâu sîm-lìn só koân-sîm ke; chúng-he Ngài oi vú-yu̍k Ngài ke sṳn-thien. Ngì-têu liù chhai Yâ-lu-sat-lâng ke chṳ́-ńg chhiòn-phu voi pûn-ngìn chhṳ̀-thet.’

和合本2010版以西结书24:22 那时，你们要照我所做的去做。你们不可摀着鬍鬚，也不可吃一般人的食物。

现代客语汉字以西结书24:22该时，你等爱照𠊎—以西结所做个去做。你等毋好幪面，也毋好食别人为丧家预备个食物，

现代客语全罗以西结书24:22 Ke-sṳ̀, ngì-têu oi cheu ngài — Yî-sî-kiet só-cho ke hi cho. Ngì-têu m̀-hó miâng-mien, ya m̀-hó sṳ̍t phe̍t-ngìn vi sông-kâ yi-phi ke sṳ̍t-vu̍t,

和合本2010版以西结书24:23 你们头要裹上头巾，脚要穿上鞋；不可悲哀哭泣。你们必因自己的罪孽衰残，相对叹息。

现代客语汉字以西结书24:23你等个头那爱缠头巾，脚爱着鞋，毋好悲伤，毋使噭。你等爱因为自家个罪满面忧愁，面对面紧透大气，衰弱来死。

现代客语全罗以西结书24:23 ngì-têu ke thèu-nà oi chhàn thèu-kîn, kiok oi chok-hài, m̀-hó pî-sông, m̀-sṳ́ kieu. Ngì-têu oi yîn-vi chhṳ-kâ ke chhui mân-mien yù-sèu, mien-tui-mien kín-théu thai-hi, sôi-ngio̍k lòi sí.

和合本2010版以西结书24:24 以西结必这样成为你们的预兆；凡他所做的，你们也必照样做。那事来到，你们就知道我是主耶和华。』」

现代客语汉字以西结书24:24𠊎—以西结就係你等事先看到个兆头；𠊎所做个，你等全部爱照恁样做。上主讲，到该时，你等就会知佢係至高个上主。」

现代客语全罗以西结书24:24 Ngài — Yî-sî-kiet chhiu-he ngì-têu sṳ-siên khon-tó ke seu-thèu; ngài só-cho ke, ngì-têu chhiòn-phu oi cheu án-ngiòng cho. Song-chú kóng, to ke-sṳ̀, ngì-têu chhiu voi tî Kì he Chṳ-kô ke Song-chú.”

和合本2010版以西结书24:25 「你，人子啊，那日当我除掉他们所倚靠的保障、所欢喜的荣耀，并眼中所喜爱的，心裏所重看的儿女时，

现代客语汉字以西结书24:25上主讲：「人子啊，𠊎爱抢走佢等个城堡—佢等所夸口、目珠所欢喜、心灵所关心个圣殿。𠊎也爱抢走佢等个子女。

现代客语全罗以西结书24:25 Song-chú kóng: “Ngìn-chṳ́ â, Ngài oi chhióng-chéu kì-têu ke sàng-pó — kì-têu só khoâ-khiéu, muk-chû só fôn-hí, sîm-lìn só koân-sîm ke sṳn-thien. Ngài ya oi chhióng-chéu kì-têu ke chṳ́-ńg.

和合本2010版以西结书24:26 逃脱的人岂不来到你这裏，使你耳闻这事吗？

现代客语汉字以西结书24:26该时，脱离灾难个人会来向你说明当时个情形。

现代客语全罗以西结书24:26 Ke-sṳ̀, thot-lì châi-nan ke ngìn voi lòi hiong ngì sot-mìn tông-sṳ̀ ke chhìn-hìn.

和合本2010版以西结书24:27 那日你要向逃脱的人开口说话，不再哑口无言。你必这样成为他们的预兆，他们就知道我是耶和华。」

现代客语汉字以西结书24:27该日，你毋会像哑口；你会开嘴向佢讲话。恁样，你爱做佢等个兆头，佢等就会知𠊎係上主。」

现代客语全罗以西结书24:27 Ke-ngit, ngì m̀-voi chhiong á-khiéu; ngì voi khôi-choi hiong kì kóng-fa. Án-ngiòng, ngì oi cho kì-têu ke seu-thèu, kì-têu chhiu voi tî Ngài he Song-chú.”