以西结书第17章客家话和合本对照

相关章：

快速到节：

书卷列表：

和合本2010版以西结书17:1大鹰和葡萄树的比喻耶和华的话临到我，说：

现代客语汉字以西结书17:1鹰鸟㧯葡萄树个比喻上主㧯𠊎讲话；

现代客语全罗以西结书17:1Ên-tiâu lâu Phù-thò-su ke Pí-yi Song-chú lâu ngài kóng-fa;

和合本2010版以西结书17:2 「人子啊，你要向以色列家出谜语，设比喻，

现代客语汉字以西结书17:2佢讲：「人子啊，你爱对以色列人做一个铃仔、讲一个比喻，

现代客语全罗以西结书17:2 Kì kóng: “Ngìn-chṳ́ â, ngì oi tui Yî-set-lie̍t-ngìn cho yit-ke liang-é, kóng yit-ke pí-yi,

和合本2010版以西结书17:3 说，主耶和华如此说：有一只大鹰，翅膀大，翎毛长，羽毛丰满，色彩缤纷；牠飞到黎巴嫩，啄去香柏树梢，

现代客语汉字以西结书17:3俾佢等明白𠊎—至高个上主爱向佢等讲个话：有一只大鹰鸟，翼胛当大、尾尽长、毛当靓。牠打开翼胛，飞到黎巴嫩山顶，啄断香柏树幼嫩个树尾，

现代客语全罗以西结书17:3 pûn kì-têu mìn-pha̍k Ngài — Chṳ-kô ke Song-chú oi hiong kì-têu kóng ke fa: Yû yit-chak thai ên-tiâu, yi̍t-kap tông-thai, mî chhin-chhòng, mô tông-chiâng. Kì tá-khôi yi̍t-kap, pî-to Lì-pâ-nun sân-táng, tuk-thôn hiông-pak-su yu-nun ke su-mî,

和合本2010版以西结书17:4 啄断它顶端的嫩枝，叼到贸易之地，放在商业城中。

现代客语汉字以西结书17:4将它带到商业中心，生理发达个城市。

现代客语全罗以西结书17:4 chiông kì tai-to sông-ngia̍p chûng-sîm, sên-lî fat-tha̍t ke sàng-sṳ.

和合本2010版以西结书17:5 牠又从这地取了一些种子，种在肥沃的田裏，栽于丰沛的水源旁，如种植柳树。

现代客语汉字以西结书17:5然后，牠将以色列出产个一头树苗徙到一垤尽肥个土地，该位有罅额个水使它生长。

现代客语全罗以西结书17:5 Yèn-heu, kì chiông Yî-set-lie̍t chhut-sán ke yit-thèu su-mèu sái-to yit-te chhin-phì ke thú-thi, ke-vi yû la-ngiak ke súi sṳ́ kì sên-chóng.

和合本2010版以西结书17:6 它渐渐生长，成为低矮蔓生的葡萄树；树枝伸向那鹰，根部在牠下面。这样，它就长成了一棵葡萄树，生出枝子，长出枝干。

现代客语汉字以西结书17:6这头树抽笋生长，变成一头矮矮、枝叶茂盛个葡萄树。它个枝仔伸向该只鹰鸟，树根在牠个底下，成做枝叶靓靓个葡萄树。

现代客语全罗以西结书17:6 Liá-thèu su chhû-sún sên-chóng, pien-sṳ̀n yit-thèu ái-ái, kî-ya̍p meu-sṳn ke phù-thò-su. Kì ke kî-é chhûn-hiong ke-chak ên-tiâu, su-kîn chhai kì ke tái-hâ, sàng-cho kî-ya̍p chiâng-chiâng ke phù-thò-su.

和合本2010版以西结书17:7 「有一只( [ 17.7] 「一只」：七十士译本是「另一只」。)大鹰，翅膀大，羽毛多。看哪，葡萄树从栽种它的苗圃向这鹰伸出根来，长出枝子，期盼从牠得到浇灌。

现代客语汉字以西结书17:7「另外有一只大鹰鸟，也有一对当大个翼胛，毛当靓。这头葡萄树将根㧯枝仔全部伸向这只鹰鸟，想对牠得到比果园还较丰富个水源。

现代客语全罗以西结书17:7 “Nang-ngoi yû yit-chak thai ên-tiâu, ya yû yit-tui tông-thai ke yi̍t-kap, mô tông-chiâng. Liá-thèu phù-thò-su chiông kîn lâu kî-é chhiòn-phu chhûn-hiong liá-chak ên-tiâu, sióng tui kì tet-tó pí kó-yèn hàn-kha fûng-fu ke súi-ngièn.

和合本2010版以西结书17:8 这棵树栽于肥田丰沛的水源旁，原是为了生枝、结果，成为佳美的葡萄树。

现代客语汉字以西结书17:8其实，这头葡萄树早已经种在尽肥又多水个园肚，有罅额个条件使它生枝、结果，成做品种尽好个葡萄树。

现代客语全罗以西结书17:8 Khì-sṳ̍t, liá-thèu phù-thò-su chó yí-kîn chung chhai chhin-phì yu tô súi ke yèn-tú, yû la-ngiak ke thiàu-khien sṳ́ kì sâng-kî, kiet-kó, sàng-cho phín-chúng chhin-hó ke phù-thò-su.

和合本2010版以西结书17:9 你要说，主耶和华如此说：这棵葡萄树岂能发旺呢？鹰岂不拔出它的根来，摘光它的果子，使它枯乾，连长出的嫩叶都枯萎了吗？要把它连根拔除，并不需要费大力或动用许多人。

现代客语汉字以西结书17:9「所以，𠊎—至高个上主问：这头葡萄树会大到当茂盛么？敢讲第一只鹰鸟毋会将它连根挷起来，摘净葡萄，打断枝仔，使它燥掉么？毋使强大个国家也有办法随意将它连根挷掉。

现代客语全罗以西结书17:9 “Só-yî, Ngài — Chṳ-kô ke Song-chú mun: Liá-thèu phù-thò-su voi thai-to tông meu-sṳn mò? Kám-kóng thi-yit chak ên-tiâu m̀-voi chiông kì lièn-kîn pâng hí-lòi, chak-chhiang phù-thò, tá-thôn kî-é, sṳ́ kì châu-thet mò? M̀-sṳ́ khiòng-thai ke koet-kâ ya yû phan-fap sùi-yi chiông kì lièn-kîn pâng-thet.

和合本2010版以西结书17:10 看哪，葡萄树虽然栽种了，岂能发旺呢？一经东风击打，岂不全然枯乾了吗？它必在生长的苗圃中枯乾了。」

现代客语汉字以西结书17:10无毋着，它断真被人换来这位种，总係会大、会靓起来么？它堪得起东风个吹打么？敢毋会在该园肚燥掉么？」解释比喻

现代客语全罗以西结书17:10 Mò m̀-chho̍k, kì ton-chṳ̂n pûn-ngìn von-lòi liá-vi chung, chúng-he voi thai, voi chiâng hí-lòi mò? Kì khâm tet-hí tûng-fûng ke chhôi-tá mò? Kám m̀-voi chhai ke yèn-tú châu-thet mò?” Kié-sṳt Pí-yi

和合本2010版以西结书17:11解释比喻耶和华的话临到我，说：

现代客语汉字以西结书17:11上主㧯𠊎讲：

现代客语全罗以西结书17:11 Song-chú lâu ngài kóng:

和合本2010版以西结书17:12 「你要对那悖逆之家说：你们不知道这些事是甚么意思吗？你要这样说，看哪，巴比伦王曾到耶路撒冷，把其中的君王和官长带到巴比伦去，

现代客语汉字以西结书17:12「你问该兜悖逆个人，看佢等了解这比喻个意思么？㧯佢等讲，巴比伦王到耶路撒冷将佢等个王㧯佢个官员捉到巴比伦去，

现代客语全罗以西结书17:12 “Ngì mun ke-têu phoi-ngia̍k ke ngìn, khon kì-têu liáu-kié liá pí-yi ke yi-sṳ mò? Lâu kì-têu kóng, Pâ-pí-lùn-vòng to Yâ-lu-sat-lâng chiông kì-têu ke vòng lâu kì ke kôn-yèn chok-to Pâ-pí-lùn hi,

和合本2010版以西结书17:13 又从以色列王室后裔中选取一人，与他立约，令他发誓，又掳走国中有势力的人，

现代客语汉字以西结书17:13对王族中选出一侪来㧯佢立约，喊佢发誓爱忠心。巴比伦王又捉兜贵族来做人质，

现代客语全罗以西结书17:13 tui vòng-chhu̍k chûng sién-chhut yit-sà lòi lâu kì li̍p-yok, ham kì fat-sṳ oi chûng-sîm. Pâ-pí-lùn-vòng yu chok-têu kui-chhu̍k lòi-cho ngìn-chṳt,

和合本2010版以西结书17:14 使王国衰弱，不再强盛，只能靠守盟约方得生存。

现代客语汉字以西结书17:14来防止这国家复兴，使姖确实遵守条约。

现代客语全罗以西结书17:14 lòi fòng-chṳ́ liá koet-kâ fu̍k-hîn, sṳ́ kì khok-sṳ̍t chûn-sú thiàu-yok.

和合本2010版以西结书17:15 他却背叛巴比伦王，差派使者前往埃及，要求埃及人给他马匹和许多人。他岂能亨通呢？这样做的人岂能逃脱呢？他背了约岂能逃脱呢？

现代客语汉字以西结书17:15总係犹大王悖逆。佢派使者到埃及要求派战马㧯大军前来帮助。佢有可能成功么？佢走得掉么？佢废约敢有可能毋使受刑罚么？」

现代客语全罗以西结书17:15 Chúng-he Yù-thai-vòng phoi-ngia̍k. Kì phai sṳ́-chá to Âi-khi̍p yêu-khiù phai chan-mâ lâu thai-kiûn chhièn-lòi pông-chhu. Kì yû khó-nèn sṳ̀n-kûng mò? Kì chéu tet-thet mò? Kì fi-yok kám yû khó-nèn m̀-sṳ́ su hìn-fa̍t mò?”

和合本2010版以西结书17:16 主耶和华说：我指着我的永生起誓，他定要死在巴比伦，就是巴比伦王所在之处；因为巴比伦王立他为王，他竟轻看向王所起的誓，背弃王与他所立的约。

现代客语汉字以西结书17:16至高个上主恁样讲：「𠊎指等𠊎永远个生命发誓：这个王一定爱死在巴比伦。因为巴比伦王立佢做王，总係佢背誓，废掉㧯巴比伦王所结个约。

现代客语全罗以西结书17:16 Chṳ-kô ke Song-chú án-ngiòng kóng: “Ngài chṳ́-tén Ngài yún-yén ke sâng-miang fat-sṳ: Liá-ke vòng yit-thin oi sí chhai Pâ-pí-lùn. Yîn-vi Pâ-pí-lùn-vòng li̍p kì cho vòng, chúng-he kì poi-sṳ, fi-thet lâu Pâ-pí-lùn-vòng só-kiet ke yok.

和合本2010版以西结书17:17 当敌人建土堆，筑堡垒，要歼灭许多人时，法老虽有强大军队和大批人马，在战场上还是不能帮助他。

现代客语汉字以西结书17:17巴比伦王来攻城，起土堆，造高台，进行屠杀个时，就算埃及王派最精良个军队来乜无法度救佢。

现代客语全罗以西结书17:17 Pâ-pí-lùn-vòng lòi kûng-sàng, hí thú-tôi, chho kô-thòi, chin-hàng thù-sat ke sṳ̀, chhiu-son Âi-khi̍p-vòng phai chui chîn-liòng ke kiûn-chhui lòi me mò fap-thu kiu kì.

和合本2010版以西结书17:18 他轻看誓言，背弃盟约，看哪，虽已投降( [ 17.18] 「投降」：原文直译「伸出他的手」。)，却又做这一切的事，他必不能逃脱。

现代客语汉字以西结书17:18佢背誓废约。佢做这一切个事，这下走毋掉了。」

现代客语全罗以西结书17:18 Kì poi-sṳ fi-yok. Kì cho liá yit-chhiet ke sṳ, liá-ha chéu m̀-thet lé.”

和合本2010版以西结书17:19 所以主耶和华如此说：我指着我的永生起誓，他既轻看我的誓言，背弃我的约，我必使这罪归到他头上。

现代客语汉字以西结书17:19所以，至高个上主恁样讲：「𠊎指等𠊎永远个生命发誓：𠊎爱责罚佢；因为佢看轻自家指等𠊎个名所发个誓，破坏指等𠊎个名所结个约。

现代客语全罗以西结书17:19 Só-yî, Chṳ-kô ke Song-chú án-ngiòng kóng: “Ngài chṳ́-tén Ngài yún-yén ke sâng-miang fat-sṳ: Ngài oi chit-fa̍t kì; yîn-vi kì khon-khiâng chhṳ-kâ chṳ́-tén Ngài ke miàng só-fat ke sṳ, pho-fái chṳ́-tén Ngài ke miàng só-kiet ke yok.

和合本2010版以西结书17:20 我要把我的网撒在他身上，他就被我的罗网缠住。我要带他到巴比伦，在那裏因他背叛我的罪惩罚他。

现代客语汉字以西结书17:20𠊎爱打开罗网捉佢，带佢到巴比伦去，在该位责罚佢，因为佢对𠊎无忠心。

现代客语全罗以西结书17:20 Ngài oi tá-khôi lò-mióng chok kì, tai kì to Pâ-pí-lùn hi, chhai ke-vi chit-fa̍t kì, yîn-vi kì tui Ngài mò chûng-sîm.

和合本2010版以西结书17:21 所有逃跑的( [ 17.21] 「逃跑的」：有些古卷是「精锐的」。)军队必倒在刀下；剩余的也必分散四方( [ 17.21] 「方」：原文是「风」。)。你们就知道说这话的是我－耶和华。」

现代客语汉字以西结书17:21佢最精良个战士全部爱战死；打输个兵仔爱四处逃走。该时你等就会知𠊎—上主恁样宣布了。」上帝对将来个应许

现代客语全罗以西结书17:21 Kì chui chîn-liòng ke chan-sṳ chhiòn-phu oi chan-sí; tá-sû ke pîn-é oi si-chhu thò-chéu. Ke-sṳ̀ ngì-têu chhiu voi tî Ngài — Song-chú án-ngiòng siên-pu lé.” Song-ti tui Chiông-lòi ke Yin-hí

和合本2010版以西结书17:22上帝对将来的应许主耶和华如此说：「我要从香柏树高高的树梢摘取并栽上，从顶端的嫩枝中折下一嫩枝，栽于极高的山上，

现代客语汉字以西结书17:22至高个上主恁样讲：𠊎爱拗断香柏树个树尾，拗断它个嫩枝；𠊎爱将它种在高山顶，

现代客语全罗以西结书17:22 Chṳ-kô ke Song-chú án-ngiòng kóng:Ngài oi áu-thôn hiông-pak-su ke su-mî,áu-thôn kì ke nun-kî;Ngài oi chiông kì chung chhai kô-sân táng,

和合本2010版以西结书17:23 栽在以色列高处的山上。它就生枝、结果，成为高大的香柏树，各类飞禽中的鸟都来宿在其下，宿在枝子的荫下( [ 17.23] 「各类飞禽…荫下」：七十士译本是「各类动物都来宿在其下，各类飞鸟宿在枝子的荫下」。)。

现代客语汉字以西结书17:23在以色列最高个山顶。它会大起来、结果子，成做一头当靓个香柏树。各种鸟仔飞来做薮，在树影下寻到安身个所在。

现代客语全罗以西结书17:23 chhai Yî-set-lie̍t chui-kô ke sân-táng.Kì voi thai hí-lòi, kiet kó-chṳ́,sàng-cho yit-thèu tông-chiâng ke hiông-pak-su.Kok-chúng tiâu-é pî-lòi cho-teu,chhai su-yáng hâ chhìm-tó ôn-sṳ̂n ke só-chhai.

和合本2010版以西结书17:24 田野的树木因此就知道是我－耶和华使高树矮小，使矮树高大，使绿树枯乾，使枯树发旺。我－耶和华说了这话，就必成就。」

现代客语汉字以西结书17:24田野所有个树仔全部会知：𠊎—上主斩断大树，使细树仔大起来；𠊎使青翠个树枯燥，使枯燥个树茂盛。𠊎—上主恁样宣布了。𠊎讲过个，𠊎一定会实行。

现代客语全罗以西结书17:24 Thièn-yâ só-yû ke su-é chhiòn-phu voi tî:Ngài — Song-chú chám-thôn thai-su, sṳ́ se su-é thai hí-lòi;Ngài sṳ́ chhiâng-chhui ke su khû-châu, sṳ́ khû-châu ke su meu-sṳn. Ngài — Song-chú án-ngiòng siên-pu lé. Ngài kóng-ko ke, Ngài yit-thin voi sṳ̍t-hàng.