以西结书第10章客家话和合本对照

相关章：

快速到节：

书卷列表：

和合本2010版以西结书10:1耶和华的荣耀离开圣城我观看，看哪，在穹苍之中，也就是基路伯的头上，有蓝宝石的形状，彷彿宝座的形像显在他们上面。

现代客语汉字以西结书10:1上主个荣光离开圣殿𠊎昂头看基路伯头那顶个穹苍，顶高有一座就像係用蓝宝石造个宝座。

现代客语全罗以西结书10:1Song-chú ke Yùng-kông Lì-khôi Sṳn-thien Ngài ngo-thèu khon kî-lu-pak thèu-nà-táng ke kiûng-chhông, táng-kô yû yit-chho chhiu-chhiong he yung làm-pó-sa̍k chho ke pó-chho.

和合本2010版以西结书10:2 耶和华对那身穿细麻衣的人说：「你进到基路伯下面旋转的轮子中，从基路伯之间取出火炭装满两手掌，撒在城上。」我亲眼看见他进去。

现代客语汉字以西结书10:2上帝对该着麻纱衫个人讲：「你入去，对基路伯下背个轮仔当中用手捧出𤏸等个火炭，然后将火炭委在城肚。」𠊎看到佢入去。

现代客语全罗以西结书10:2 Song-ti tui ke chok mà-sâ sâm ke ngìn kóng: “Ngì ngi̍p-hi, tui kî-lu-pak hâ-poi ke lin-é tông-chûng yung sú púng-chhut chho̍k-tén ke fó-than, yèn-heu chiông fó-than ve chhai sàng-tú.”Ngài khon-tó kì ngi̍p-hi.

和合本2010版以西结书10:3 那人进去的时候，基路伯站在殿的南边，云彩充满了内院。

现代客语汉字以西结书10:3佢入去个时，基路伯企在圣殿个南片；有云充满内院。

现代客语全罗以西结书10:3 Kì ngi̍p-hi ke sṳ̀, kî-lu-pak khî chhai sṳn-thien ke nàm-phién; yû yùn chhûng-mân nui-yen.

和合本2010版以西结书10:4 耶和华的荣耀从基路伯那裏上升，到殿的入口处；殿内满布云彩，院子也充满了耶和华荣耀的光辉。

现代客语汉字以西结书10:4上主个荣光离开基路伯，停在圣殿门口；接等，有云充满圣殿。上主个荣光充满归只庭院。

现代客语全罗以西结书10:4 Song-chú ke yùng-kông lì-khôi kî-lu-pak, thìn chhai sṳn-thien mùn-héu; chiap-tén, yû yùn chhûng-mân sṳn-thien. Song-chú ke yùng-kông chhûng-mân kûi-chak thìn-yen.

和合本2010版以西结书10:5 基路伯翅膀的响声传到外院，好像全能上帝说话的声音。

现代客语汉字以西结书10:5基路伯个翼胛所发出个声在外院也做得听到；当像全能上帝讲话个声音。

现代客语全罗以西结书10:5 Kî-lu-pak ke yi̍t-kap só fat-chhut ke sâng chhai ngoi-yen ya cho-tet thâng-tó; tông-chhiong chhiòn-nèn Song-ti kóng-fa ke sâng-yîm.

和合本2010版以西结书10:6 耶和华吩咐那身穿细麻衣的人说：「要从基路伯之间旋转的轮子中取火。」那人就进去站在一个轮子旁边。

现代客语汉字以西结书10:6上主命令该着麻纱衫个人，去基路伯下背个轮仔当中拿火；佢就入去，企在其中个一个轮仔堘头。

现代客语全罗以西结书10:6 Song-chú min-lin ke chok mà-sâ sâm ke ngìn, hi kî-lu-pak hâ-poi ke lin-é tông-chûng nâ fó; kì chhiu ngi̍p-hi, khî chhai khì-chûng ke yit-ke lin-é sùn-thèu.

和合本2010版以西结书10:7 基路伯中的一个基路伯伸手到基路伯中间的火那裏，取一些放在那身穿细麻衣人的手掌中，那人拿了就出去。

现代客语汉字以西结书10:7其中一个基路伯伸手到佢等中间个火堆，拿兜火炭放在该着麻纱衫个人手项。佢一拿到就离开。

现代客语全罗以西结书10:7 Khì-chûng yit-ke kî-lu-pak chhûn-sú to kì-têu chûng-kiên ke fó-tôi, nâ-têu fó-than piong chhai ke chok mà-sâ sâm ke ngìn sú-hong. Kì yit nâ-tó chhiu lì-khôi.

和合本2010版以西结书10:8 在基路伯翅膀以下，显出有人手的样式。

现代客语汉字以西结书10:8𠊎看到该兜基路伯个逐只翼胛下有一只手，就像人个手。

现代客语全罗以西结书10:8 Ngài khon-tó ke-têu kî-lu-pak ke tak-chak yi̍t-kap hâ yû yit-chak sú, chhiu-chhiong ngìn ke sú.

和合本2010版以西结书10:9 我又观看，看哪，这些基路伯的旁边有四个轮子。一个基路伯旁有一个轮子，另一个基路伯旁也有一个轮子；轮子的形状好像水苍玉石。

现代客语汉字以西结书10:9𠊎又看到四只共样个轮仔，逐个基路伯堘头有一只轮仔像宝石恁金；

现代客语全罗以西结书10:9 Ngài yu khon-tó si-chak khiung-yong ke lin-é, tak-ke kî-lu-pak sùn-thèu yû yit-chak lin-é chhiong pó-sa̍k án-kîm;

和合本2010版以西结书10:10 至于四轮的形状，都是一个样式，好像轮中套轮。

现代客语汉字以西结书10:10逐只轮仔旁边另外有一只轮仔，轮仔㧯轮仔互相直角相切。

现代客语全罗以西结书10:10 tak-chak lin-é phòng-piên nang-ngoi yû yit-chak lin-é, lin-é lâu lin-é fu-siông chhṳ̍t-kok siông-chhiet.

和合本2010版以西结书10:11 轮子行走的时候，向四方都能直行，行走时并不转弯。头转向何方，它们也随着向何方行走，行走时并不转弯。

现代客语汉字以西结书10:11基路伯爱徙挺动个时，做得向逐方向徙，毋使转身；佢等毋使转身，归只就能照自家个意思徙挺动。

现代客语全罗以西结书10:11 Kî-lu-pak oi sái thîn-thûng ke sṳ̀, cho-tet hiong tak fông-hiong sái, m̀-sṳ́ chón-sṳ̂n; kì-têu m̀-sṳ́ chón-sṳ̂n, kûi-chak chhiu nèn cheu chhṳ-kâ ke yi-sṳ sái thîn-thûng.

和合本2010版以西结书10:12 基路伯的全身，连背带手和翅膀，并轮子周围都布满眼睛。他们四个的轮子都是如此。

现代客语汉字以西结书10:12佢等个身体、背囊、手、翼胛㧯轮仔全部满有目珠。

现代客语全罗以西结书10:12 Kì-têu ke sṳ̂n-thí, poi-nòng, sú, yi̍t-kap lâu lin-é chhiòn-phu mân-yû muk-chû.

和合本2010版以西结书10:13 我耳中听见这些轮子称为「旋转的轮」。

现代客语汉字以西结书10:13讲到这兜轮仔，𠊎耳公听到讲：它兜係第一个异象中共样会挺动个轮仔。

现代客语全罗以西结书10:13 Kóng-tó liá-têu lin-é, ngài ngí-kûng thâng-tó kóng: Kì-têu he thi-yit ke yi-siong chûng khiung-yong voi thîn-thûng ke lin-é.

和合本2010版以西结书10:14 基路伯各有四张脸：第一是基路伯的脸，第二是人的脸，第三是狮子的脸，第四是鹰的脸。

现代客语汉字以西结书10:14逐个基路伯有四只面：第一只像牛(1410:14「牛」：希伯来文係「基路伯」，参考1:10。)个面，第二只像人个面，第三只像狮仔个面，第四只像鹰鸟个面。

现代客语全罗以西结书10:14 Tak-ke kî-lu-pak yû si-chak mien: Thi-yit chak chhiong ngiù( 14 10:14 “ngiù”: Hî-pak-lòi-vùn he “kî-lu-pak”, chhâm-kháu 1:10.) ke mien, thi-ngi chak chhiong ngìn ke mien, thi-sâm chak chhiong sṳ̂-é ke mien, thi-si chak chhiong ên-tiâu ke mien.

和合本2010版以西结书10:15 基路伯升上去了；这就是我在迦巴鲁河边所看见的活物。

现代客语汉字以西结书10:15基路伯飞上去了；佢等就係𠊎在迦巴鲁河坝滣所看到个生物。

现代客语全罗以西结书10:15 Kî-lu-pak pî sông-hi lé; kì-têu chhiu-he ngài chhai Kâ-pâ-lû hò-pa sùn só khon-tó ke sâng-vu̍t.

和合本2010版以西结书10:16 基路伯行走，轮子也在旁边行走。基路伯展开翅膀，离地上升，轮子也不转离他们的旁边。

现代客语汉字以西结书10:16基路伯行个时，轮仔在旁边行；基路伯打开翼胛飞上去个时，轮仔也跈在佢等旁边。

现代客语全罗以西结书10:16 Kî-lu-pak hàng ke sṳ̀, lin-é chhai phòng-piên hàng; kî-lu-pak tá-khôi yi̍t-kap pî sông-hi ke sṳ̀, lin-é ya thèn chhai kì-têu phòng-piên.

和合本2010版以西结书10:17 基路伯站住，轮子也站住；基路伯上升，轮子也跟着上升，因为活物的灵在轮中。

现代客语汉字以西结书10:17佢等停下来，轮仔也停下来。佢等飞上去，轮仔也跈在佢等旁边，因为基路伯个灵在轮仔当中。

现代客语全罗以西结书10:17 Kì-têu thìn hâ-lòi, lin-é ya thìn hâ-lòi. Kì-têu pî sông-hi, lin-é ya thèn chhai kì-têu phòng-piên, yîn-vi kî-lu-pak ke lìn chhai lin-é tông-chûng.

和合本2010版以西结书10:18 耶和华的荣耀离开殿的入口处，停在基路伯之上。

现代客语汉字以西结书10:18后来，上主个荣光离开圣殿个入口，徙到基路伯顶高。

现代客语全罗以西结书10:18 Heu-lòi, Song-chú ke yùng-kông lì-khôi sṳn-thien ke ngi̍p-héu, sái-to kî-lu-pak táng-kô.

和合本2010版以西结书10:19 基路伯展开翅膀，在我眼前离地上升；他们离去的时候，轮子在旁边，都停在耶和华殿的东门口。在他们上面有以色列上帝的荣耀。

现代客语汉字以西结书10:19𠊎看等个时，佢等打开翼胛飞上去；轮仔全部跈在佢等旁边。佢等停在上主圣殿个东门，以色列上帝个荣光在佢等顶高。

现代客语全罗以西结书10:19 Ngài khon-tén ke sṳ̀, kì-têu tá-khôi yi̍t-kap pî sông-hi; lin-é chhiòn-phu thèn chhai kì-têu phòng-piên. Kì-têu thìn chhai Song-chú sṳn-thien ke tûng-mùn, Yî-set-lie̍t Song-ti ke yùng-kông chhai kì-têu táng-kô.

和合本2010版以西结书10:20 这是我在迦巴鲁河边所见的活物，他们在以色列上帝之下；因此我知道他们是基路伯。

现代客语汉字以西结书10:20𠊎认出这兜基路伯，係𠊎在迦巴鲁河坝滣所看到个，就係在以色列上帝下背个生物。

现代客语全罗以西结书10:20 Ngài ngin-chhut liá-têu kî-lu-pak, he ngài chhai Kâ-pâ-lû hò-pa sùn só khon-tó ke, chhiu-he chhai Yî-set-lie̍t Song-ti hâ-poi ke sâng-vu̍t.

和合本2010版以西结书10:21 他们各有四张脸、四个翅膀，翅膀以下有人手的样式。

现代客语汉字以西结书10:21逐个基路伯有四只面，四只翼胛；逐只翼胛下有一只像人个手。

现代客语全罗以西结书10:21 Tak-ke kî-lu-pak yû si-chak mien, si-chak yi̍t-kap; tak-chak yi̍t-kap hâ yû yit-chak chhiong ngìn ke sú.

和合本2010版以西结书10:22 至于他们脸的模样，以及身体的形像( [ 10.22] 七十士译本没有「以及身体的形像」。)，正是我从前在迦巴鲁河边所看见的。他们各自往前直行。

现代客语汉字以西结书10:22佢等个面㧯𠊎在迦巴鲁河坝滣所看到个完全共样。逐个基路伯拢总係向头前直行。

现代客语全罗以西结书10:22 Kì-têu ke mien lâu ngài chhai Kâ-pâ-lû hò-pa sùn só khon-tó ke vàn-chhiòn khiung-yong. Tak-ke kî-lu-pak lûng-chúng he hiong thèu-chhièn chhṳ̍t hàng.