以斯拉记第9章客家话和合本对照

相关章：

快速到节：

书卷列表：

和合本2010版以斯拉记9:1谴责跟异族通婚这些事完成以后，众领袖来接近我，说：「以色列百姓、祭司和利未人没有弃绝迦南人、赫人、比利洗人、耶布斯人、亚扪人、摩押人、埃及人和亚摩利人等列邦民族所行可憎的事。

现代客语汉字以斯拉记9:1责备㧯外族通婚这事以后，有兜以色列人个领袖来㧯𠊎讲：「以色列人民、祭司、利未人并无㧯该兜邻国个迦南人、赫人、比利洗人、耶布斯人、亚扪人、摩押人、埃及人、亚摩利人隔离。佢等学该兜人，做共样邪恶个事。

现代客语全罗以斯拉记9:1Chit-phi lâu Ngoi-chhu̍k Thûng-fûn Liá-sṳ yî-heu, yû-têu Yî-set-lie̍t-ngìn ke liâng-chhiu lòi lâu ngài kóng: “Yî-set-lie̍t ngìn-mìn, chi-sṳ̂, Li-vi-ngìn pin mò lâu ke-têu lìn-koet ke Kâ-nàm-ngìn, Het-ngìn, Pí-li-sé-ngìn, Yâ-pu-sṳ̂-ngìn, Â-mùn-ngìn, Mô-ap-ngìn, Âi-khi̍p-ngìn, Â-mô-li-ngìn kak-lì. Kì-têu ho̍k ke-têu ngìn, cho khiung-yong sià-ok ke sṳ.

和合本2010版以斯拉记9:2 因他们为自己和儿子娶了这些外邦女子，以致圣洁的种子和列邦民族混杂，而且领袖和官长在这事上是罪魁。」

现代客语汉字以斯拉记9:2佢等为自家㧯子孙讨外国个细妹仔，将上帝圣洁个子民打垃圾；领袖㧯官长就係带头个罪人。」

现代客语全罗以斯拉记9:2 Kì-têu vi chhṳ-kâ lâu chṳ́-sûn thó ngoi-koet ke se-moi-é, chiông Song-ti sṳn-kiet ke chṳ́-mìn tá-lá-sap; liâng-chhiu lâu kôn-chóng chhiu-he tai-thèu ke chhui-ngìn.”

和合本2010版以斯拉记9:3 我一听见这事，就撕裂衣服和外袍，拔了头髮和鬍鬚，惊惶地坐着。

现代客语汉字以斯拉记9:3𠊎一听到这事，就扯烂衫㧯外袍，又挷头那毛㧯鬍鬚，忧伤痛苦坐等。

现代客语全罗以斯拉记9:3 Ngài yit thâng-tó liá-sṳ, chhiu chhá-lan sâm lâu ngoi-phàu, yu pâng thèu-nà-mô lâu fù-sî, yù-sông thung-khú chhô-tén.

和合本2010版以斯拉记9:4 凡为以色列上帝言语战兢的人，都因被掳归回之人所犯的罪，聚集到我这裏来。我惊惶地坐着，直到献晚祭的时候。

现代客语汉字以斯拉记9:4𠊎呆呆坐等，直到临暗仔献祭个时。因为以色列个上帝识讲，佢爱对付流亡转来个人所犯个罪，所有听到这话就着惊忧伤个人全部聚集到𠊎面前来。

现代客语全罗以斯拉记9:4 Ngài ngòi-ngòi chhô-tén, chhṳ̍t-to lìm-am-é hien-chi ke sṳ̀. Yîn-vi Yî-set-lie̍t ke Song-ti sṳt kóng, Kì oi tui-fu liù-mòng chón-lòi ke ngìn só-fam ke chhui, só-yû thâng-tó liá-fa chhiu chho̍k-kiâng yù-sông ke ngìn chhiòn-phu chhi-si̍p to ngài mien-chhièn lòi.

和合本2010版以斯拉记9:5 献晚祭的时候我从愁烦中起来，穿着撕裂的衣服和外袍，双膝跪下，向耶和华－我的上帝举手，

现代客语汉字以斯拉记9:5临暗仔献祭个时，𠊎对忧伤中䟘起来，还係着等扯烂个衫㧯外袍跪落去，伸出双手向上主—𠊎个上帝祈祷。

现代客语全罗以斯拉记9:5 Lìm-am-é hien-chi ke sṳ̀, ngài tui yù-sông chûng hong-hí-lòi, hàn-he chok-tén chhá-lan ke sâm lâu ngoi-phàu khúi lo̍k-hi, chhûn-chhut sûng-sú hiong Song-chú — ngài ke Song-ti khì-tó.

和合本2010版以斯拉记9:6 说：「我的上帝啊，我抱愧蒙羞，不敢向你－我的上帝仰面，因为我们的罪孽多到灭顶，我们的罪恶滔天。

现代客语汉字以斯拉记9:6𠊎讲：「上帝啊，𠊎真见笑涝溃，毋敢在你面前昂起头来。𠊎等个罪恶堆起来高过头那，𠊎等个罪过堵天。

现代客语全罗以斯拉记9:6 Ngài kóng: “Song-ti â, ngài chṳ̂n kien-seu lau-khui, m̀-kám chhai Ngì mien-chhièn ngo-hí thèu lòi. Ngài-têu ke chhui-ok tôi hí-lòi kô-ko thèu-nà, ngài-têu ke chhui-ko tù-thiên.

和合本2010版以斯拉记9:7 从我们祖先的日子直到今日，我们的罪恶深重；因我们的罪孽，我们和君王、祭司都交在邻国诸王的手中，被杀害，掳掠，抢夺，脸上蒙羞，正如今日的景况。

现代客语汉字以斯拉记9:7对𠊎等祖先个时代直到这下，𠊎等个罪恶尽重。因为𠊎等个罪过，𠊎等㧯𠊎等个王，并该兜祭司全部落在外邦君王个手中。𠊎等被人㓾、被人抢、被人捉走，受尽侮辱，到今晡日还係恁样。

现代客语全罗以斯拉记9:7 Tui ngài-têu chú-siên ke sṳ̀-thoi chhṳ̍t-to liá-ha, ngài-têu ke chhui-ok chhin-chhûng. Yîn-vi ngài-têu ke chhui-ko, ngài-têu lâu ngài-têu ke vòng, pin ke-têu chi-sṳ̂ chhiòn-phu lo̍k chhai ngoi-pâng kiûn-vòng ke sú-chûng. Ngài-têu pûn-ngìn chhṳ̀, pûn-ngìn chhióng, pûn-ngìn chok-chéu, su-chhin vú-yu̍k, to kîm-pû-ngit hàn-he án-ngiòng.

和合本2010版以斯拉记9:8 现在耶和华－我们的上帝暂且向我们施恩，为我们留下一些残存之民，使我们如钉子钉在他的圣所，让我们的上帝光照我们的眼目，使我们在受辖制之中稍微复兴。

现代客语汉字以斯拉记9:8「上主—𠊎等个上帝识施恩给𠊎等，使𠊎等賸到个人民暂时毋使做奴才，俾𠊎等安稳住在这神圣个所在。𠊎等个上帝使𠊎等重见光明，脱离捆绑，给𠊎等还有一些仔希望。

现代客语全罗以斯拉记9:8 “Song-chú — ngài-têu ke Song-ti sṳt sṳ̂-ên pûn ngài-têu, sṳ́ ngài-têu chhûn-tó ke ngìn-mìn chhiam-sṳ̀ m̀-sṳ́ cho nù-chhòi, pûn ngài-têu ôn-vún he̍t chhai liá sṳ̀n-sṳn ke só-chhai. Ngài-têu ke Song-ti sṳ́ ngài-têu chhùng-kien kông-mìn, thot-lì khún-póng, pûn ngài-têu hàn-yû yit-si̍t-é hî-mong.

和合本2010版以斯拉记9:9 我们是奴僕，然而在受辖制之中，我们的上帝没有丢弃我们，在波斯诸王面前向我们施恩，叫我们复兴，能重建我们上帝的殿，修补毁坏之处，使我们在犹大和耶路撒冷有城墙。

现代客语汉字以斯拉记9:9𠊎等本来係奴才，总係𠊎等个上帝无俾𠊎等一直做奴才。佢使波斯个皇帝好款待𠊎等，俾𠊎等重新䟘起来，又重建上帝个圣殿，整好毁坏个所在，使𠊎等在犹大㧯耶路撒冷有城墙来保护。

现代客语全罗以斯拉记9:9 Ngài-têu pún-lòi he nù-chhòi, chúng-he ngài-têu ke Song-ti mò pûn ngài-têu yit-chhṳ̍t cho nù-chhòi. Kì sṳ́ Pô-sṳ̂ ke fòng-ti hó khoán-thai ngài-têu, pûn ngài-têu chhùng-sîn hong hí-lòi, yu chhùng-kien Song-ti ke sṳn-thien, cháng-hó fí-fái ke só-chhai, sṳ́ ngài-têu chhai Yù-thai lâu Yâ-lu-sat-lâng yû sàng-chhiòng lòi pó-fu.

和合本2010版以斯拉记9:10 「我们的上帝啊，既然如此，现在我们还有甚么话可说呢？因为我们离弃了你的诫命，

现代客语汉字以斯拉记9:10「总係，𠊎等个上帝啊，这下这事既然发生，𠊎等还有么介好讲呢？𠊎等违背

现代客语全罗以斯拉记9:10 “Chúng-he, ngài-têu ke Song-ti â, liá-ha liá-sṳ ki-yèn fat-sên, ngài-têu hàn-yû má-ke hó-kóng nè? Ngài-têu vì-poi

和合本2010版以斯拉记9:11 就是你藉你僕人众先知所吩咐的，说：『你们要去得为业之地是污秽之地，因列邦民族的污秽和可憎的事，叫这地从这边到那边都充满了污秽。

现代客语汉字以斯拉记9:11你通过你个僕人—该兜先知所给𠊎等个命令。佢等识㧯𠊎等讲，𠊎等爱去佔领个所在係屙糟个土地；因为当地个人污秽邪恶个行为使全地充满垃圾。

现代客语全罗以斯拉记9:11 Ngì thûng-ko Ngì ke phu̍k-ngìn — ke-têu siên-tî só pûn ngài-têu ke min-lin. Kì-têu sṳt lâu ngài-têu kóng, ngài-têu oi hi cham-liâng ke só-chhai he ô-chô ke thú-thi; yîn-vi tông-thi ke ngìn vû-ve sià-ok ke hàng-vì sṳ́ chhiòn-thi chhûng-mân lá-sap.

和合本2010版以斯拉记9:12 现在，不可把你们的女儿嫁给他们的儿子，也不可为你们的儿子娶他们的女儿，永不可求他们的平安和他们的利益，这样你们就可以强盛，吃这地的美物，并把这地留给你们的子孙永远为业。』

现代客语汉字以斯拉记9:12佢等又㧯𠊎等讲：若係𠊎等爱强盛，享受这垤土地个出产，永远传给子孙，𠊎等绝对做毋得㧯该兜人通婚，做毋得帮助佢等繁荣兴旺。

现代客语全罗以斯拉记9:12 Kì-têu yu lâu ngài-têu kóng: Na-he ngài-têu oi khiòng-sṳn, hióng-su liá-te thú-thi ke chhut-sán, yún-yén chhòn-pûn chṳ́-sûn, ngài-têu chhie̍t-tui cho-m̀-tet lâu ke-têu ngìn thûng-fûn, cho-m̀-tet pông-chhu kì-têu fàn-yùng hîn-vong.

和合本2010版以斯拉记9:13 我们因自己的恶行和大罪，遭遇这一切的事，但你－我们的上帝惩罚我们轻于我们罪所当得的，又为我们留下这些残存之民。

现代客语汉字以斯拉记9:13𠊎等个上帝啊，就算临到𠊎等个责罚全部係因为𠊎等个罪恶过犯，𠊎等知，你对𠊎等个责罚还係少过𠊎等所应得个；你还係留𠊎这兜人个生命。

现代客语全罗以斯拉记9:13 Ngài-têu ke Song-ti â, chhiu-son lìm-to ngài-têu ke chit-fa̍t chhiòn-phu he yîn-vi ngài-têu ke chhui-ok ko-fam, ngài-têu tî, Ngì tui ngài-têu ke chit-fa̍t hàn-he séu-ko ngài-têu só yin-tet ke; Ngì hàn-he liù ngài liá-têu ngìn ke sâng-miang.

和合本2010版以斯拉记9:14 我们岂可再违背你的诫命，与行这些可憎之事的民族结亲呢？若我们这样行，你岂不向我们发怒，将我们灭绝，以致没有一个余民或残存之民吗？

现代客语汉字以斯拉记9:14𠊎等样般做得再违背你个命令，㧯该兜邪恶个人通婚呢？若係𠊎等恁样做，你一定会发谴，消灭𠊎等，使𠊎等无留一侪。

现代客语全罗以斯拉记9:14 Ngài-têu ngióng-pân cho-tet chai vì-poi Ngì ke min-lin, lâu ke-têu sià-ok ke ngìn thûng-fûn nè? Na-he ngài-têu án-ngiòng cho, Ngì yit-thin voi fat-khién, sêu-me̍t ngài-têu, sṳ́ ngài-têu mò liù yit-sà.

和合本2010版以斯拉记9:15 耶和华－以色列的上帝啊，你是公义的，我们才能剩下这些残存之民，正如今日的景况。看哪，我们在你面前有罪恶，因此无人能在你面前站立得住。」

现代客语汉字以斯拉记9:15上主—以色列个上帝啊，你係公义个；总係你还留𠊎等罪人个生命。𠊎等向你承认𠊎等个罪；𠊎等无资格来企在你个面前。」

现代客语全罗以斯拉记9:15 Song-chú — Yî-set-lie̍t ke Song-ti â, Ngì he kûng-ngi ke; chúng-he Ngì hàn liù ngài-têu chhui-ngìn ke sâng-miang. Ngài-têu hiong Ngì sṳ̀n-ngin ngài-têu ke chhui; ngài-têu mò chṳ̂-kiet lòi khî chhai Ngì ke mien-chhièn.”