以斯帖记第8章客家话和合本对照

相关章：

快速到节：

书卷列表：

和合本2010版以斯帖记8:1犹太人的反击那日，亚哈随鲁王把犹太人的仇敌哈曼的家产赐给以斯帖王后。末底改也来到王面前，因为以斯帖已经告诉王，末底改跟她是甚么关係。

现代客语汉字以斯帖记8:1犹太人个转机该日，亚哈随鲁王将犹太人个敌人哈曼所有个财产全部交给王后以斯帖。末底改被人传到王个面前，因为以斯帖㧯王讲，末底改係姖个亲戚。

现代客语全罗以斯帖记8:1Yù-thai-ngìn ke Chón-kî Ke-ngit, Â-ha̍p-sùi-lû-vòng chiông Yù-thai-ngìn ke thi̍t-ngìn Ha̍p-man só-yû ke chhòi-sán chhiòn-phu kâu-pûn vòng-heu Yî-sṳ̂-thiap. Ma̍t-tí-kói pûn-ngìn chhòn-to vòng ke mien-chhièn, yîn-vi Yî-sṳ̂-thiap lâu vòng kóng, Ma̍t-tí-kói he kì ke chhîn-chhit.

和合本2010版以斯帖记8:2 王摘下自己的戒指，就是从哈曼取回的，给了末底改。以斯帖派末底改管理哈曼的家产。

现代客语汉字以斯帖记8:2王将手指戴等个印仔剥下来，就係佢对哈曼该位拿转来个，交给末底改。以斯帖也派末底改管理哈曼个财产。

现代客语全罗以斯帖记8:2 Vòng chiông sú-chṳ́ tai-tén ke yin-é pok hâ-lòi, chhiu-he kì tui Ha̍p-man ke-vi nâ chón-lòi ke, kâu-pûn Ma̍t-tí-kói. Yî-sṳ̂-thiap ya phai Ma̍t-tí-kói kón-lî Ha̍p-man ke chhòi-sán.

和合本2010版以斯帖记8:3 以斯帖又在王面前求情，俯伏在他脚前，流泪哀求他阻止亚甲人哈曼害犹太人的恶谋。

现代客语汉字以斯帖记8:3后来，以斯帖又伏落在王脚前，紧噭紧求王阻止亚甲人哈曼爱消灭犹太人个阴谋。

现代客语全罗以斯帖记8:3 Heu-lòi, Yî-sṳ̂-thiap yu phu̍k-lo̍k chhai vòng kiok-chhièn, kín kieu kín khiù vòng chú-chṳ́ Â-kap-ngìn Ha̍p-man oi sêu-me̍t Yù-thai-ngìn ke yîm-mèu.

和合本2010版以斯帖记8:4 王向以斯帖伸出金杖，以斯帖就起来，站在王面前，

现代客语汉字以斯帖记8:4王向以斯帖伸出金杖，以斯帖就企起来，讲：

现代客语全罗以斯帖记8:4 Vòng hiong Yî-sṳ̂-thiap chhûn-chhut kîm-chhóng, Yî-sṳ̂-thiap chhiu khî hí-lòi, kóng:

和合本2010版以斯帖记8:5 说：「王若以为好，我若在王面前蒙恩，王若认为合宜，我若在王眼前得喜悦，请王下谕旨，废除亚甲人哈米大他的儿子哈曼设谋，要杀灭王各省的犹太人所颁的诏书。

现代客语汉字以斯帖记8:5「𠊎若得到国王个爱惜，王若肯，认为𠊎个要求妥当，请下一条命令，撤消亚甲人哈米大他个孻仔哈曼发出个命令，就係爱消灭国内逐省所有犹太人个命令。

现代客语全罗以斯帖记8:5 “Ngài na tet-tó koet-vòng ke oi-siak, vòng na-hén, ngin-vì ngài ke yêu-khiù thó-tong, chhiáng ha yit-thiàu min-lin, chha̍t-sêu Â-kap-ngìn Ha̍p-mí-thai-thâ ke lai-é Ha̍p-man fat-chhut ke min-lin, chhiu-he oi sêu-me̍t koet-nui tak-sén só-yû Yù-thai-ngìn ke min-lin.

和合本2010版以斯帖记8:6 我何忍见我本族的人受害？何忍见我同宗的人被灭呢？」

现代客语汉字以斯帖记8:6𠊎样拌得看等𠊎个同胞受灾难呢？𠊎样拌得看等𠊎个亲属被人消灭呢？」

现代客语全罗以斯帖记8:6 Ngài ngióng phan-tet khon-tén ngài ke thùng-pâu su châi-nan nè? Ngài ngióng phan-tet khon-tén ngài ke chhîn-su̍k pûn-ngìn sêu-me̍t nè?”

和合本2010版以斯帖记8:7 亚哈随鲁王对以斯帖王后和犹太人末底改说：「因为哈曼要下手害犹太人，看哪，我已把他的家产赐给以斯帖，也把哈曼挂在木架上了。

现代客语汉字以斯帖记8:7亚哈随鲁王对王后以斯帖㧯犹太人末底改讲：「你看！因为哈曼阴谋爱害死犹太人，𠊎已经吊死佢，又将佢个财产交给以斯帖。

现代客语全罗以斯帖记8:7 Â-ha̍p-sùi-lû-vòng tui vòng-heu Yî-sṳ̂-thiap lâu Yù-thai-ngìn Ma̍t-tí-kói kóng: “Ngì khon! Yîn-vi Ha̍p-man yîm-mèu oi hoi-sí Yù-thai-ngìn, ngài yí-kîn tiau-sí kì, yu chiông kì ke chhòi-sán kâu-pûn Yî-sṳ̂-thiap.

和合本2010版以斯帖记8:8 你们可以照你们看为好的，奉王的名写谕旨给犹太人，用王的戒指盖印；因为奉王的名所写、用王的戒指盖印的谕旨是不能废除的。」

现代客语汉字以斯帖记8:8𠊎准你等照你等个意思发通告给犹太人；你等也做得用𠊎个名义发出，又顿王印。因为用王个名义发出个通告，顶高有王个印仔，係做毋得撤消个。」

现代客语全罗以斯帖记8:8 Ngài chún ngì-têu cheu ngì-têu ke yi-sṳ fat thûng-ko pûn Yù-thai-ngìn; ngì-têu ya cho-tet yung ngài ke miàng-ngi fat-chhut, yu tun vòng-yin. Yîn-vi yung vòng ke miàng-ngi fat-chhut ke thûng-ko, táng-kô yû vòng ke yin-é, he cho-m̀-tet chha̍t-sêu ke.”

和合本2010版以斯帖记8:9 三月，就是西弯月二十三日，当时王的一些书记受召而来，按着末底改所吩咐的，用各省的文字、各族的语言，以及犹太人的文字语言写谕旨，传给那从印度直到古实一百二十七省的犹太人，以及总督、省长和领袖。

现代客语汉字以斯帖记8:9所以，在三月，就係西弯月二十三日，末底改召来王个书记，喊佢等发通告给犹太人，还有对印度到古实总共一百二十七省个省长、总督㧯行政官员。这通告係用逐省逐族个文字㧯犹太人个语文写个。

现代客语全罗以斯帖记8:9 Só-yî, chhai sâm-ngie̍t, chhiu-he Sî-vân-ngie̍t ngi-sṳ̍p sâm-ngit, Ma̍t-tí-kói seu-lòi vòng ke sû-ki, ham kì-têu fat thûng-ko pûn Yù-thai-ngìn, hàn-yû tui Yin-thu to Kú-sṳ̍t chúng-khiung yit-pak ngi-sṳ̍p chhit-sén ke sén-chóng, chúng-tuk lâu hàng-chṳn kôn-yèn. Liá thûng-ko he yung tak-sén tak-chhu̍k ke vùn-sṳ lâu Yù-thai-ngìn ke ngî-vùn siá ke.

和合本2010版以斯帖记8:10 末底改奉亚哈随鲁王的名写谕旨，用王的戒指盖印，交给信差们骑上御用的王室快马去颁布。

现代客语汉字以斯帖记8:10末底改用亚哈随鲁王个名义，顿王印，颁布这份通告，又命令送信个人骑王宫最遽个马送去逐所在。

现代客语全罗以斯帖记8:10 Ma̍t-tí-kói yung Â-ha̍p-sùi-lû-vòng ke miàng-ngi, tun vòng-yin, pân-pu liá-fun thûng-ko, yu min-lin sung-sin ke ngìn khì vòng-kiûng chui-kiak ke mâ sung-hi tak só-chhai.

和合本2010版以斯帖记8:11王准各城各镇的犹太人在一日之内，在十二月，就是亚达月的十三日聚集，在亚哈随鲁王的各省保护自己的性命，剪除，杀戮，灭绝那要攻击犹太人的各省各族所有的军队，以及他们的妻子儿女，夺取他们的财产为掠物。

现代客语汉字以斯帖记8:11这命令讲：王准逐城市个犹太人组织起来保护自家。佢等做得除掉该兜爱攻打犹太人个一切对敌，连该兜人个𡜵娘子女也做得消灭，又做得抢走该兜人所有个财物。

现代客语全罗以斯帖记8:11 Liá min-lin kóng: Vòng chún tak sàng-sṳ ke Yù-thai-ngìn chû-chṳt hí-lòi pó-fu chhṳ-kâ. Kì-têu cho-tet chhù-thet ke-têu oi kûng-tá Yù-thai-ngìn ke yit-chhiet tui-thi̍t, lièn ke-têu ngìn ke pû-ngiòng chṳ́-ńg ya cho-tet sêu-me̍t, yu cho-tet chhióng-chéu ke-têu ngìn só-yû ke chhòi-vu̍t.

和合本2010版以斯帖记8:12【併于上节】

现代客语汉字以斯帖记8:12这命令爱传到全国逐省，在十二月，就係亚达月十三、原来决定除掉犹太人该日开始有效。

现代客语全罗以斯帖记8:12 Liá min-lin oi chhòn-to chhiòn-koet tak-sén, chhai sṳ̍p-ngi ngie̍t, chhiu-he Â-tha̍t-ngie̍t sṳ̍p-sâm, ngièn-lòi kiet-thin chhù-thet Yù-thai-ngìn ke-ngit khôi-sṳ́ yû-háu.

和合本2010版以斯帖记8:13 这谕旨的抄本以敕令的方式在各省颁布，通知各族，使犹太人预备等候那日，好在仇敌身上报仇。

现代客语汉字以斯帖记8:13这命令爱像颁布法律共样公布出去，使逐省逐族个人全部知。恁样，犹太人做得準备好势，在该日向佢等个敌人报仇。

现代客语全罗以斯帖记8:13 Liá min-lin oi chhiong pân-pu fap-li̍t khiung-yong kûng-pu chhut-hi, sṳ́ tak-sén tak-chhu̍k ke ngìn chhiòn-phu tî. Án-ngiòng, Yù-thai-ngìn cho-tet chún-phi hó-se, chhai ke-ngit hiong kì-têu ke thi̍t-ngìn po-sù.

和合本2010版以斯帖记8:14 于是骑御用快马的信差奉王命催促，急忙起行；敕令传遍了书珊城堡。

现代客语汉字以斯帖记8:14所以，送信个人奉王个命令，骑王宫最好个马，用最遽个速度去传命令；这命令也传遍首都书珊城。

现代客语全罗以斯帖记8:14 Só-yî, sung-sin ke ngìn fung vòng ke min-lin, khì vòng-kiûng chui-hó ke mâ, yung chui-kiak ke suk-thu hi-chhòn min-lin; liá min-lin ya chhòn-phien sú-tû Sû-sân-sàng.

和合本2010版以斯帖记8:15 末底改穿着蓝色白色的朝服，头戴大金冠冕，又穿紫色细麻布的外袍，从王面前出来；书珊城充满了欢乐的呼声。

现代客语汉字以斯帖记8:15末底改着等蓝色白色个朝服，披等紫色幼麻纱个外袍，戴等金个冕旒离开王宫；书珊城全城欢喜吶天。

现代客语全罗以斯帖记8:15 Ma̍t-tí-kói chok-tén làm-set pha̍k-set ke chhèu-fu̍k, phî-tén chṳ́-set yu mà-sâ ke ngoi-phàu, tai-tén kîm ke miên-liù lì-khôi vòng-kiûng; Sû-sân-sàng chhiòn-sàng fôn-hí na-thiên.

和合本2010版以斯帖记8:16 犹太人有光荣，欢喜快乐，得享尊贵。

现代客语汉字以斯帖记8:16对犹太人来讲，这实在係欢喜、快乐、尊贵、光荣个事。

现代客语全罗以斯帖记8:16 Tui Yù-thai-ngìn lòi-kóng, liá sṳ̍t-chhai he fôn-hí, khoai-lo̍k, chûn-kui, kông-yùng ke sṳ.

和合本2010版以斯帖记8:17 王的谕旨和敕令所到的各省各城，犹太人都欢喜快乐，摆设宴席，以那日为吉日。国中许多民族的人因惧怕犹太人，就自称为犹太人。

现代客语汉字以斯帖记8:17王个命令传到逐省逐城，犹太人就欢喜快乐，办桌席、像过节恁样来庆祝。尽多个人因为惊犹太人就入犹太籍。

现代客语全罗以斯帖记8:17 Vòng ke min-lin chhòn-to tak-sén tak-sàng, Yù-thai-ngìn chhiu fôn-hí khoai-lo̍k, phan chok-si̍t, chhiong ko-chiet án-ngiòng lòi khin-chuk. Chhin-tô ke ngìn yîn-vi kiâng Yù-thai-ngìn chhiu ngi̍p Yù-thai-si̍t.