以弗所书第5章客家话和合本对照

相关章：

快速到节：

书卷列表：

和合本2010版以弗所书5:1 所以，作为蒙慈爱的儿女，你们该效法上帝。

现代客语汉字以弗所书5:1生活在光明中既然你等係上帝所惜个子女，你等就应该效法上帝。

现代客语全罗以弗所书5:1Sên-fa̍t chhai Kông-mìn chûng Ki-yèn ngì-têu he Song-ti só-siak ke chṳ́-ńg, ngì-têu chhiu yin-kôi háu-fap Song-ti.

和合本2010版以弗所书5:2 要凭爱心行事，正如基督爱我们，为我们捨了自己，当作馨香的供物和祭物献给上帝。

现代客语汉字以弗所书5:2你等个行事做人爱凭爱心，像基督惜𠊎等，为𠊎等牺牲生命，做香香个供物㧯祭物献给上帝一样。

现代客语全罗以弗所书5:2 Ngì-têu ke hàng-sṳ cho-ngìn oi phìn oi-sîm, chhiong Kî-tuk siak ngài-têu, vi ngài-têu hî-sên sâng-miang, cho hiông-hiông ke kiûng-vu̍t lâu chi-vu̍t hien-pûn Song-ti yit-yong.

和合本2010版以弗所书5:3 至于淫乱和一切污秽，或是贪婪，在你们中间连提都不可，这才合乎圣徒的体统。

现代客语汉字以弗所书5:3该兜姦淫、屙糟、抑係贪心个事情，在你等中间连提起也毋好，因为你等係上帝个圣民。

现代客语全罗以弗所书5:3 Ke-têu kiên-yìm, ô-chô, ya-he thâm-sîm ke sṳ-chhìn, chhai ngì-têu chûng-kiên lièn thì-hí ya m̀-hó, yîn-vi ngì-têu he Song-ti ke sṳn-mìn.

和合本2010版以弗所书5:4 淫词、妄语和粗俗的俏皮话都不合宜；总要说感谢的话。

现代客语汉字以弗所书5:4你等也毋好讲淫乱、憨蚩、抑係下流个话；颠倒，你等爱讲感谢上帝个话。

现代客语全罗以弗所书5:4 Ngì-têu ya m̀-hó kóng yìm-lon, hâm-chhê, ya-he ha-liù ke fa; tiên-to, ngì-têu oi kóng kám-chhia Song-ti ke fa.

和合本2010版以弗所书5:5 要确实知道，无论是淫乱的，是污秽的，是贪心的（贪心的就是拜偶像的），在基督和上帝的国裏都得不到基业。 行事为人要像光明的子女

现代客语汉字以弗所书5:5因为你等确实知，犯姦淫、屙糟、抑係贪心个人(贪心㧯拜偶像共样)绝对不能领受基督㧯上帝国底背个福份。

现代客语全罗以弗所书5:5 Yîn-vi ngì-têu khok-sṳ̍t tî, fam kiên-yìm, ô-chô, ya-he thâm-sîm ke ngìn (thâm-sîm lâu pai ngiéu-siong khiung-yong) chhie̍t-tui put-nèn liâng-su Kî-tuk lâu Song-ti koet tî-poi ke fuk-fun.

和合本2010版以弗所书5:6 不要被人虚浮的话欺骗了，因这些事，上帝的愤怒必临到那些悖逆的人。

现代客语汉字以弗所书5:6毋好被么人用虚假个话骗走；因为这兜事，上帝会对该兜悖逆个人大发谴。

现代客语全罗以弗所书5:6 M̀-hó pûn má-ngìn yung hî-ká ke fa phien-chéu; yîn-vi liá-têu sṳ, Song-ti voi tui ke-têu phoi-ngia̍k ke ngìn thai fat-khién.

和合本2010版以弗所书5:7 所以，不要与他们同伙。

现代客语汉字以弗所书5:7所以，毋好同这种人结交。

现代客语全罗以弗所书5:7 Só-yî, m̀-hó thùng liá-chúng ngìn kiet-kâu.

和合本2010版以弗所书5:8 从前你们是暗昧的，但如今在主裏面是光明的，行事为人要像光明的子女－

现代客语汉字以弗所书5:8头摆你等在乌暗中，总係自从成做主个信徒，你等就在光明中；恁样，你等个生活应当爱像光明个子女。

现代客语全罗以弗所书5:8 Thèu-pái ngì-têu chhai vû-am chûng, chúng-he chhṳ-chhiùng sàng-cho Chú ke sin-thù, ngì-têu chhiu chhai kông-mìn chûng; án-ngiòng, ngì-têu ke sên-fa̍t yin-tông oi chhiong kông-mìn ke chṳ́-ńg.

和合本2010版以弗所书5:9 光明所结的果子就是一切的良善、公义、诚实。

现代客语汉字以弗所书5:9光明所结丰盛个果子就係一切个良善、公义，㧯真理。

现代客语全罗以弗所书5:9 Kông-mìn só kiet fûng-sṳn ke kó-chṳ́ chhiu-he yit-chhiet ke liòng-san, kûng-ngi, lâu chṳ̂n-lî.

和合本2010版以弗所书5:10 总要察验甚么是主所喜悦的事。

现代客语汉字以弗所书5:10你等爱查考么介係主所欢喜个事。

现代客语全罗以弗所书5:10 Ngì-têu oi chhà-kháu má-ke he Chú só fôn-hí ke sṳ.

和合本2010版以弗所书5:11 那暗昧无益的事，不可参与，倒要把这种事揭发出来。

现代客语汉字以弗所书5:11毋好做别人在暗中所做该兜无利益个事情，反转爱将该兜事情掀出来。

现代客语全罗以弗所书5:11 M̀-hó cho phe̍t-ngìn chhai am-chûng só cho ke-têu mò li-yit ke sṳ-chhìn, fán-chón oi chiông ke-têu sṳ-chhìn hiên-chhut-lòi.

和合本2010版以弗所书5:12 因为，他们暗中所做的，就是连提起来都是可耻的。

现代客语汉字以弗所书5:12(佢等在暗中所做个事，连讲起也係尽见笑！)

现代客语全罗以弗所书5:12 (Kì-têu chhai am-chûng só-cho ke sṳ, lièn kóng-hí ya he chhin kien-seu!)

和合本2010版以弗所书5:13 凡被光所照明的都显露出来，

现代客语汉字以弗所书5:13一切事情在光明中一公开，真相就显明出来；

现代客语全罗以弗所书5:13 Yit-chhiet sṳ-chhìn chhai kông-mìn chûng yit kûng-khôi, chṳ̂n-siong chhiu hién-mìn chhut-lòi;

和合本2010版以弗所书5:14 因为使一切显露出来的就是光。所以有话说：「你这睡着的人醒过来吧！要从死人中复活，基督要光照你了。」

现代客语汉字以弗所书5:14因为使一切显明出来个就係光。所以，诗人恁样讲：睡目个人啊，好醒了！对死人中䟘起来！基督就爱光照你。

现代客语全罗以弗所书5:14 yîn-vi sṳ́ yit-chhiet hién-mìn chhut-lòi ke chhiu-he kông. Só-yî, sṳ̂-ngìn án-ngiòng kóng:Soi-muk ke ngìn â, hó siáng lé!Tui sí-ngìn chûng hong-hí-lòi!Kî-tuk chhiu oi kông-cheu ngì.

和合本2010版以弗所书5:15 你们要谨慎行事，不要像无知的人，要像智慧的人。

现代客语汉字以弗所书5:15所以，你等个行为爱细腻。毋好像无智识个人，爱像有智慧个人。

现代客语全罗以弗所书5:15 Só-yî, ngì-têu ke hàng-vì oi se-ngi. M̀-hó chhiong mò chṳ-sṳt ke ngìn, oi chhiong yû chṳ-fi ke ngìn.

和合本2010版以弗所书5:16 要把握时机( [ 5.16] 或译「要爱惜光阴」。)，因为现今的世代邪恶。

现代客语汉字以弗所书5:16爱把扼机会，因为这下个世代邪恶。

现代客语全罗以弗所书5:16 Oi pá-ak kî-fi, yîn-vi liá-ha ke sṳ-thoi sià-ok.

和合本2010版以弗所书5:17 不要作糊涂人，要明白主的旨意如何。

现代客语汉字以弗所书5:17所以，你等毋好愕愕咄咄过日仔；爱明白主个旨意係么介。

现代客语全罗以弗所书5:17 Só-yî, ngì-têu m̀-hó ngok-ngok tok-tok ko ngit-è; oi mìn-pha̍k Chú ke chṳ́-yi he má-ke.

和合本2010版以弗所书5:18 不要醉酒，酒能使人放蕩；要被圣灵充满。

现代客语汉字以弗所书5:18毋好食到酒醉，啉忒多酒会害你等放蕩；颠倒，你等爱被圣灵充满。

现代客语全罗以弗所书5:18 M̀-hó sṳ̍t-to chiú-chui, lîm thet-tô chiú voi hoi ngì-têu fong-thong; tiên-to, ngì-têu oi pûn Sṳn-Lìn chhûng-mân.

和合本2010版以弗所书5:19 要用诗篇、讚美诗、灵歌彼此对说，口唱心和地讚美主。

现代客语汉字以弗所书5:19你等爱用诗篇、圣诗，㧯灵歌来对唱，口唱心和来讚美主。

现代客语全罗以弗所书5:19 Ngì-têu oi yung sṳ̂-phiên, sṳn-sṳ̂, lâu lìn-kô lòi tui-chhong, khiéu chhong sîm fò lòi chan-mî Chú.

和合本2010版以弗所书5:20 凡事要奉我们主耶稣基督的名常常感谢父上帝。 丈夫和妻子

现代客语汉字以弗所书5:20凡事爱奉𠊎等主耶稣基督个名，常常感谢阿爸上帝。夫妻个关係

现代客语全罗以弗所书5:20 Fàm-sṳ oi fung ngài-têu Chú Yâ-sû Kî-tuk ke miàng, sòng-sòng kám-chhia Â-pâ Song-ti. Fû-chhî ke Koân-he

和合本2010版以弗所书5:21 要存敬畏基督的心彼此顺服。

现代客语汉字以弗所书5:21爱因为敬畏基督来彼此顺服。

现代客语全罗以弗所书5:21 Oi yîn-vi kin-vi Kî-tuk lòi pí-chhṳ́ sun-fu̍k.

和合本2010版以弗所书5:22 作妻子的，你们要顺服自己的丈夫，如同顺服主。

现代客语汉字以弗所书5:22做𡜵娘个，你等爱顺从自家个老公，像顺服主一样。

现代客语全罗以弗所书5:22 Cho pû-ngiòng ke, ngì-têu oi sun-chhiùng chhṳ-kâ ke ló-kûng, chhiong sun-fu̍k Chú yit-yong.

和合本2010版以弗所书5:23 因为丈夫是妻子的头，如同基督是教会的头；他又是这身体的救主。

现代客语汉字以弗所书5:23因为老公係𡜵娘个头，就像基督係教会个头，也係教会全体个救主。

现代客语全罗以弗所书5:23 Yîn-vi ló-kûng he pû-ngiòng ke thèu, chhiu-chhiong Kî-tuk he kau-fi ke thèu, ya he kau-fi chhiòn-thí ke Kiu-chú.

和合本2010版以弗所书5:24 教会怎样顺服基督，妻子也要怎样凡事顺服丈夫。

现代客语汉字以弗所书5:24像教会顺服基督，做𡜵娘个也应当凡事顺从老公。

现代客语全罗以弗所书5:24 Chhiong kau-fi sun-fu̍k Kî-tuk, cho pû-ngiòng ke ya yin-tông fàm-sṳ sun-chhiùng ló-kûng.

和合本2010版以弗所书5:25 作丈夫的，你们要爱自己的妻子，正如基督爱教会，为教会捨己，

现代客语汉字以弗所书5:25做老公个，你等爱惜自家个𡜵娘，像基督惜教会，为教会牺牲生命一样。

现代客语全罗以弗所书5:25 Cho ló-kûng ke, ngì-têu oi siak chhṳ-kâ ke pû-ngiòng, chhiong Kî-tuk siak kau-fi, vi kau-fi hî-sên sâng-miang yit-yong.

和合本2010版以弗所书5:26 以水藉着道把教会洗净，使她成为圣洁，

现代客语汉字以弗所书5:26佢恁样做係爱通过真道㧯水来洁净教会，使它成做圣洁，

现代客语全罗以弗所书5:26 Kì án-ngiòng cho he oi thûng-ko chṳ̂n-tho lâu súi lòi kiet-chhiang kau-fi, pûn kì sàng-cho sṳn-kiet,

和合本2010版以弗所书5:27 好献给自己，作荣耀的教会，毫无玷污、皱纹等类的缺陷，而是圣洁没有瑕疵的。

现代客语汉字以弗所书5:27好献给自家，做荣光个教会，全无缺点、无垃圾、无打摺，就係纯洁完全个教会。

现代客语全罗以弗所书5:27 hó hien-pûn chhṳ-kâ, cho yùng-kông ke kau-fi, chhiòn mò khiet-tiám, mò lá-sap, mò tá-chap, chhiu-he sùn-kiet vàn-chhiòn ke kau-fi.

和合本2010版以弗所书5:28 丈夫也应当照样爱妻子，如同爱自己的身体；爱妻子就是爱自己了。

现代客语汉字以弗所书5:28共样，做老公个应当惜自家个𡜵娘，像惜自家个身体一样；惜𡜵娘就係惜自家。

现代客语全罗以弗所书5:28 Khiung-yong, cho ló-kûng ke yin-tông siak chhṳ-kâ ke pû-ngiòng, chhiong siak chhṳ-kâ ke sṳ̂n-thí yit-yong; siak pû-ngiòng chhiu-he siak chhṳ-kâ.

和合本2010版以弗所书5:29 从来没有人恨恶自己的身体，总是保养爱惜，正像基督待教会一样，

现代客语汉字以弗所书5:29无人怨恨自家个身体，总係保养㧯照顾，像基督对待教会一样；

现代客语全罗以弗所书5:29 Mò ngìn yen-hen chhṳ-kâ ke sṳ̂n-thí, chúng-he pó-yông lâu cheu-ku, chhiong Kî-tuk tui-thai kau-fi yit-yong;

和合本2010版以弗所书5:30 因我们是他身体的肢体。

现代客语汉字以弗所书5:30因为𠊎等係佢身上个肢体。

现代客语全罗以弗所书5:30 yîn-vi ngài-têu he kì sṳ̂n-song ke kî-thí.

和合本2010版以弗所书5:31 「为这个缘故，人要离开父母，与妻子结合，二人成为一体。」

现代客语汉字以弗所书5:31圣经讲：「因为恁样，人爱离开爷𡟓，㧯𡜵娘结合，两侪成做一体。」

现代客语全罗以弗所书5:31 Sṳn-kîn kóng: “Yîn-vi án-ngiòng, ngìn oi lì-khôi yà-ôi, lâu pû-ngiòng kiet-ha̍p, lióng-sà sàng-cho yit-thí.”

和合本2010版以弗所书5:32 这是极大的奥祕，而我是指基督和教会说的。

现代客语汉字以弗所书5:32这个经节启示极大个奥秘。𠊎知它係指基督㧯教会个关係来讲个，

现代客语全罗以弗所书5:32 Liá-ke kîn-chiet khí-sṳ khi̍t-thai ke o-pi. Ngài tî kì he chṳ́ Kî-tuk lâu kau-fi ke koân-he lòi kóng ke,

和合本2010版以弗所书5:33 然而，你们每个人都要爱妻子，如同爱自己一样；妻子也要敬重她的丈夫。

现代客语汉字以弗所书5:33总係也做得用在你等中间：做老公个应当惜𡜵娘，像惜自家；做𡜵娘个也应当敬重老公。

现代客语全罗以弗所书5:33 chúng-he ya cho-tet yung chhai ngì-têu chûng-kiên: Cho ló-kûng ke yin-tông siak pû-ngiòng, chhiong siak chhṳ-kâ; cho pû-ngiòng ke ya yin-tông kin-chhung ló-kûng.