雅各书第5章客家话和合本对照

相关章：

快速到节：

书卷列表：

和合本2010版雅各书5:1警告富足的人注意！你们这些富足人哪，要为将要临到你们身上的灾难哭泣、号咷。

现代客语汉字雅各书5:1警告有钱人你等有钱人啊，爱细腻噢！你等爱流目汁大声噭，因为有大灾难会临到你等了！

现代客语全罗雅各书5:1Kín-ko Yû-chhièn-ngìn Ngì-têu yû-chhièn-ngìn â, oi se-ngi ô! Ngì-têu oi liù muk-chṳp thai-sâng kieu, yîn-vi yû thai châi-nan voi lìm-to ngì-têu lé!

和合本2010版雅各书5:2 你们的财物腐烂了，你们的衣服被虫子蛀了。

现代客语汉字雅各书5:2你等个财产放到殁掉，你等个衫裤被虫仔蛀掉。

现代客语全罗雅各书5:2 Ngì-têu ke chhòi-sán piong-to mut-thet, ngì-têu ke sâm-fu pûn chhùng-è chu-thet.

和合本2010版雅各书5:3 你们的金银都生锈了；这锈要证明你们的不是，又要像火一样吞吃你们的肉。你们在这末世只知道积蓄钱财。

现代客语汉字雅各书5:3你等个金银已经生卤掉去；该兜卤爱做告你等个证据，像火一样烧灭你等个身体。在世界个末期，你等还在该位积存财产！

现代客语全罗雅各书5:3 Ngì-têu ke kîm-ngiùn yí-kîn sâng-lû thet-hi; ke-têu lû oi cho ko ngì-têu ke chṳn-kí, chhiong fó yit-yong sêu-me̍t ngì-têu ke sṳ̂n-thí. Chhai sṳ-kie ke ma̍t-khì, ngì-têu hàn chhai ke-vi chit-chhùn chhòi-sán!

和合本2010版雅各书5:4 工人给你们收割庄稼，你们剋扣他们的工钱；这工钱在喊冤，而且收割工人的冤声已经进入万军之主的耳朵了。

现代客语汉字雅各书5:4你等剥削在田项为你等割禾个工人，扣佢等个工钱。听啊，该兜钱银出怨声啰；该兜收割个工人，佢等怨叹个声也入到主—万军个元帅个耳公啰！

现代客语全罗雅各书5:4 Ngì-têu pok-siok chhai thièn-hong vi ngì-têu kot-vò ke kûng-ngìn, khieu kì-têu ke kûng-chhièn. Thâng â, ke-têu chhièn-ngiùn chhut yen-sâng lô; ke-têu sû-kot ke kûng-ngìn, kì-têu yen-than ke sâng ya ngi̍p-to Chú — Van-kiûn ke Ngièn-soi ke ngí-kûng lô!

和合本2010版雅各书5:5 你们在地上享奢华宴乐，把自己养肥了，等候宰杀的日子。

现代客语汉字雅各书5:5你等在世间奢华宴乐，将自家畜到肥肥，等被人㓾个日仔(45:5「等被人㓾个日仔」原文直译係「在屠宰个日仔」。「将自家…日仔」抑係译做「还放纵自家个心意，判人死刑」。)。

现代客语全罗雅各书5:5 Ngì-têu chhai sṳ-kiên chhâ-fà yen-lo̍k, chiông chhṳ-kâ hiuk-to phì-phì, tén pûn-ngìn chhṳ̀ ke ngit-è( 4 5:5 “tén pûn-ngìn chhṳ̀ ke ngit-è” ngièn-vùn chhṳ̍t-yi̍t he “chhai thù-chái ke ngit-è”. “chiông chhṳ-kâ ... ngit-è” ya-he yi̍t-cho “hàn fong-chiúng chhṳ-kâ ke sîm-yi, phan ngìn sí-hìn”.).

和合本2010版雅各书5:6 你们定了义人的罪，把他杀害，他没有抵抗你们。 忍耐和祷告

现代客语汉字雅各书5:6你等将义人定罪，害死佢等；佢等也无抵抗你等。(55:6「佢等也无抵抗你等」抑係译做「上帝敢毋会阻挡你等吗？」)忍耐㧯祈祷

现代客语全罗雅各书5:6 Ngì-têu chiông ngi-ngìn thin-chhui, hoi-sí kì-têu; kì-têu ya mò tí-khong ngì-têu.( 5 5:6 “kì-têu ya mò tí-khong ngì-têu” ya-he yi̍t-cho “Song-ti kám m̀-voi chú-tóng ngì-têu mâ?”) Ngiûn-nai lâu Khì-tó

和合本2010版雅各书5:7 所以弟兄们，你们要忍耐，直到主来。看哪，农夫等候着地裏宝贵的出产，耐心地等到它得了秋霖春雨。

现代客语汉字雅各书5:7所以，兄弟姊妹啊，你等爱忍耐，等到主再来。看啊，耕田人恁有耐心等候田肚宝贵个出产，忍耐等候春霖秋雨。

现代客语全罗雅各书5:7 Só-yî, hiûng-thi chí-moi â, ngì-têu oi ngiûn-nai, tén-to Chú chai-lòi. Khon â, kâng-thièn-ngìn án yû nai-sîm tén-heu thièn-tú pó-kui ke chhut-sán, ngiûn-nai tén-heu chhûn-lìm chhiû-yí.

和合本2010版雅各书5:8 你们也要忍耐，坚固你们的心，因为主来的日子近了。

现代客语汉字雅各书5:8你等也爱像恁样忍耐。你等个心爱坚定，因为主再来个日仔会到了。

现代客语全罗雅各书5:8 Ngì-têu ya oi chhiong án-ngiòng ngiûn-nai. Ngì-têu ke sîm oi kiên-thin, yîn-vi Chú chai-lòi ke ngit-è voi to lé.

和合本2010版雅各书5:9 弟兄们，你们不要彼此埋怨，免得受审判。看哪，审判的主站在门口了。

现代客语汉字雅各书5:9兄弟姊妹啊，毋好彼此埋怨，免得你等受审判；看啊，审判个主在门口了。

现代客语全罗雅各书5:9 Hiûng-thi chí-moi â, m̀-hó pí-chhṳ́ mài-yen, miên-tet ngì-têu su sṳ́m-phan; khon â, sṳ́m-phan ke Chú chhai mùn-héu lé.

和合本2010版雅各书5:10 弟兄们，你们要把那先前奉主名说话的众先知作能受苦、能忍耐的榜样。

现代客语汉字雅各书5:10兄弟姊妹啊，往时该兜奉主个名讲话个先知，你等爱拿佢等个受苦㧯忍耐来做榜样。

现代客语全罗雅各书5:10 Hiûng-thi chí-moi â, vông-sṳ̀ ke-têu fung Chú ke miàng kóng-fa ke siên-tî, ngì-têu oi nâ kì-têu ke su-khú lâu ngiûn-nai lòi cho póng-yong.

和合本2010版雅各书5:11 看哪，那些忍耐的人，我们称他们是有福的。你们听见过约伯的忍耐，也看见主给他的结局，知道主是充满怜悯和慈悲的。

现代客语汉字雅各书5:11爱知，在𠊎等看来，该兜忍耐到底个人係有福气个。你等听过约伯个忍耐，也知后来主样般看顾佢。主係满有慈悲㧯怜悯个。

现代客语全罗雅各书5:11 Oi tî, chhai ngài-têu khon-lòi, ke-têu ngiûn-nai to-tái ke ngìn he yû fuk-hi ke. Ngì-têu thâng-ko Yok-pak ke ngiûn-nai, ya tî heu-lòi Chú ngióng-pân khon-ku kì. Chú he mân-yû chhṳ̀-pî lâu lìn-mén ke.

和合本2010版雅各书5:12 我的弟兄们，最要紧的是不可起誓；不可指着天起誓，也不可指着地起誓，任何誓都不可起。你们说话，是，就说是；不是，就说不是，免得你们落在审判之下。

现代客语汉字雅各书5:12𠊎个兄弟姊妹啊，最重要个係毋好发誓！毋好指天、指地、抑係指么介东西发誓。係，就讲「係」；毋係，就讲「毋係」。恁样，你等就毋会陷落上帝个审判。

现代客语全罗雅各书5:12 Ngài ke hiûng-thi chí-moi â, chui chhung-yeu ke he m̀-hó fat-sṳ! M̀-hó chṳ́ thiên, chṳ́ thi, ya-he chṳ́ má-ke tûng-sî fat-sṳ. He, chhiu kóng “He”; m̀-he, chhiu kóng “M̀-he”. Án-ngiòng, ngì-têu chhiu m̀-voi ham-lo̍k Song-ti ke sṳ́m-phan.

和合本2010版雅各书5:13 你们中间若有人受苦，他该祷告；有人喜乐，他该歌颂。

现代客语汉字雅各书5:13你等中间有人受苦么？佢应当爱祈祷。有人心情欢喜么？佢应当爱歌颂上帝。

现代客语全罗雅各书5:13 Ngì-têu chûng-kiên yû-ngìn su-khú mò? Kì yin-tông oi khì-tó. Yû-ngìn sîm-chhìn fôn-hí mò? Kì yin-tông oi kô-siung Song-ti.

和合本2010版雅各书5:14 你们中间若有人病了，他该请教会的长老们来为他祷告，奉主的名为他抹油。

现代客语汉字雅各书5:14你等中间有人发病么？佢应当请教会个长老来为佢祈祷，奉主个名为佢抹油。

现代客语全罗雅各书5:14 Ngì-têu chûng-kiên yû-ngìn pot-phiang mò? Kì yin-tông chhiáng kau-fi ke chóng-ló lòi vi kì khì-tó, fung Chú ke miàng vi kì mat-yù.

和合本2010版雅各书5:15 出于信心的祈祷必能救那病人，主必叫他起来；他若犯了罪，也必蒙赦免。

现代客语汉字雅各书5:15有信心个祈祷会救到该病人；主会使病人好起来；若係佢犯了罪，主也会赦免佢。

现代客语全罗雅各书5:15 Yû sin-sîm ke khì-tó voi kiu-tó ke phiang-ngìn; Chú voi pûn phiang-ngìn hó hí-lòi; na-he kì fam-liáu chhui, Chú ya voi sa-miên kì.

和合本2010版雅各书5:16 所以，你们要彼此认罪，互相代求，使你们得医治。义人祈祷所发的力量是大有功效的。

现代客语汉字雅各书5:16所以，你等爱互相认罪，彼此代祷，使你等得到医治。义人个祈祷係大有功效个。

现代客语全罗雅各书5:16 Só-yî, ngì-têu oi fu-siông ngin-chhui, pí-chhṳ́ thoi-tó, sṳ́ ngì-têu tet-tó yî-chhṳ. Ngi-ngìn ke khì-tó he thai-yû kûng-háu ke.

和合本2010版雅各书5:17 以利亚与我们是同样性情的人，他恳切地祈求不要下雨，地上就三年六个月没有下雨。

现代客语汉字雅各书5:17以利亚㧯𠊎等有共样个人性；佢迫切祈祷，求上帝莫落雨，正经就有三年半无落雨。

现代客语全罗雅各书5:17 Yî-li-â lâu ngài-têu yû khiung-yong ke ngìn-sin; kì pet-chhiet khì-tó, khiù Song-ti mo̍k lo̍k-yí, chṳn-kîn chhiu yû sâm-ngièn-pan mò lo̍k-yí.

和合本2010版雅各书5:18 他又祷告，天就降下雨来，地就有了出产。

现代客语汉字雅各书5:18佢再祈祷，天就落大雨，地正出产五榖。

现代客语全罗雅各书5:18 Kì chai khì-tó, thiên chhiu lo̍k thai-yí, thi chang chhut-sán ńg-kuk.

和合本2010版雅各书5:19 我的弟兄们，你们中间若有人迷失了真理而有人使他回转，

现代客语汉字雅各书5:19𠊎个兄弟姊妹啊，你等中间若有人行毋着路，离开真理，有人将佢带转来，

现代客语全罗雅各书5:19 Ngài ke hiûng-thi chí-moi â, ngì-têu chûng-kiên na yû-ngìn hàng m̀-chho̍k lu, lì-khôi chṳ̂n-lî, yû-ngìn chiông kì tai-chón-lòi,

和合本2010版雅各书5:20 这人该知道，使一个罪人从迷途中回转，会从死亡中把他的灵魂救回来，而且遮盖许多的罪。

现代客语汉字雅各书5:20你等爱知：么人带罪人回头，离开毋着个路，会将罪人个灵魂对死抢救转来，又使多多个罪得到赦免。

现代客语全罗雅各书5:20 ngì-têu oi tî: Má-ngìn tai chhui-ngìn fì-thèu, lì-khôi m̀-chho̍k ke lu, voi chiông chhui-ngìn ke lìn-fùn tui sí chhióng-kiu chón-lòi, yu pûn tô-tô ke chhui tet-tó sa-miên.