那鸿书第3章客家话和合本对照

相关章：

快速到节：

书卷列表：

和合本2010版那鸿书3:1 祸哉！这流人血的城，欺诈连连，抢夺充斥，掳掠的事总不止息。

现代客语汉字那鸿书3:1惨了，这流人血个城市！全城充满诈欺㧯强暴；满遍有人抢劫，毋识停。

现代客语全罗那鸿书3:1 Chhám lé, liá liù ngìn-hiet ke sàng-sṳ!Chhiòn-sàng chhûng-mân cha-khî lâu khiòng-phau;mân-phien yû-ngìn chhióng-kiap, m̀-sṳt thìn.

和合本2010版那鸿书3:2 鞭声响亮，车轮轰轰，马匹跳跃，战车奔腾；

现代客语汉字那鸿书3:2鞭声哔啪响！车轮𠾐𠾐滚！战马猋像飞！战车呯呯走！

现代客语全罗那鸿书3:2 Piên-sâng pi̍t-po̍k hióng! Chhâ-lin lung-lung-kún!Chan-mâ pêu chhiong pî! Chan-chhâ phung-phung chéu!

和合本2010版那鸿书3:3 骑兵争先，刀剑发光，枪矛闪烁，被杀的甚多，尸首成堆，尸骸无数，人因尸骸而绊跌，

现代客语汉字那鸿书3:3骑兵冲锋，刀光剑影！身尸堆山，尸骨无数；人行挺动，就逕跌倒。

现代客语全罗那鸿书3:3 Khì-pîn chhûng-fûng, tô-kông kiam-yáng!Sṳ̂n-sṳ̂ tôi-sân, sṳ̂-kut vù-su;ngìn hàng thîn-thûng, chhiu kang tiet-tó.

和合本2010版那鸿书3:4 都因那美貌的妓女多有淫行，惯行邪术，藉淫行诱惑( [ 3.4] 「诱惑」：原文是「卖」；下同。)列国，用邪术诱惑万族。

现代客语汉字那鸿书3:4妓女尼尼微爱受责罚；姖打扮到靓靓来迷人。姖个淫乱引诱列国；姖行邪术欺骗万族。

现代客语全罗那鸿书3:4 Kî-ńg Nì-nì-mì oi su chit-fa̍t;kì tá-pan to chiâng-chiâng lòi mì-ngìn.Kì ke yìm-lon yín-yu lie̍t-koet;kì hàng sià-su̍t khî-phien van-chhu̍k.

和合本2010版那鸿书3:5 看哪，我与你为敌，掀开你的下襬，蒙在你脸上，使列邦看见你的赤体，使列国观看你的羞辱。这是万军之耶和华说的。

现代客语汉字那鸿书3:5上主—万军个元帅讲：尼尼微啊，𠊎係你个敌人；𠊎爱掀你个裙仔，来幪你个面，俾列国看到你赤身露体，俾万民看到你恁见笑。

现代客语全罗那鸿书3:5 Song-chú — Van-kiûn ke Ngièn-soi kóng:Nì-nì-mì â, Ngài he ngì ke thi̍t-ngìn;Ngài oi hiên ngì ke khiùn-è, lòi-miâng ngì ke mien,pûn lie̍t-koet khon-tó ngì chhak-sṳ̂n lu-thí,pûn van-mìn khon-tó ngì án kien-seu.

和合本2010版那鸿书3:6 我必将可憎污秽之物抛在你身上，使你被藐视，为众人所观看。

现代客语汉字那鸿书3:6𠊎爱将屙糟东西豁在你身上，恁样羞辱你；人爱目盯盯看等你。

现代客语全罗那鸿书3:6 Ngài oi chiông ô-chô tûng-sî vok chhai ngì sṳ̂n-song,án-ngiòng siû-yu̍k ngì;ngìn oi muk tâng-tâng khon-tén ngì.

和合本2010版那鸿书3:7 凡看见你的，都必逃离你，说：「尼尼微荒凉了！有谁为你悲伤呢？我何处找到安慰你的人呢？」

现代客语汉字那鸿书3:7看到你个人吓到打乱退。佢等讲：尼尼微荒掉了！有么人同情姖呢？么人肯安慰姖呢？

现代客语全罗那鸿书3:7 Khon-tó ngì ke ngìn hak-to tá-lon-thui.Kì-têu kóng: Nì-nì-mì fông-thet lé!Yû má-ngìn thùng-chhìn kì nè?Má-ngìn hén ôn-ví kì nè?

和合本2010版那鸿书3:8 你能胜过挪亚们( [ 3.8] 「挪亚们」就是埃及的底比斯，也称「挪」。)吗？它坐落在众河之间，周围有水，海( [ 3.8] 「海」指尼罗河；下同。)作它的城郭，海( [ 3.8] 「海」：七十士译本是「众水」。)作它的城墙。

现代客语汉字那鸿书3:8尼尼微啊，你有比埃及个首都底比斯较强么？姖有一条河沟围等姖，像城墙恁样保护姖—尼罗河係姖个防备。

现代客语全罗那鸿书3:8 Nì-nì-mì â, ngì yû pí Âi-khi̍p ke sú-tû Tí-pí-sṳ̂ kha-khiòng mò? Kì yû yit-thiàu hò-kiêu vì-tén kì, chhiong sàng-chhiòng án-ngiòng pó-fu kì — Nì-lò-hò he kì ke fòng-phi.

和合本2010版那鸿书3:9 古实( [ 3.9] 「古实」包括苏丹的大部分和埃塞俄比亚的一部分。)和埃及是它的力量，没有穷尽，弗( [ 3.9] 「弗」是利比亚的一部分。)人和路比( [ 3.9] 「路比」就是利比亚。)人是它的帮手。

现代客语汉字那鸿书3:9古实㧯埃及係姖个力量；姖个权力无穷。弗㧯利比亚係姖个同盟国。

现代客语全罗那鸿书3:9 Kú-sṳ̍t lâu Âi-khi̍p he kì ke li̍t-liong; kì ke khièn-li̍t vù-khiùng. Fut lâu Li-pí-â he kì ke thùng-mèn-koet.

和合本2010版那鸿书3:10 但它被流放，被人掳去，它的婴孩也被摔碎在各街头；人为它的贵族抽籤，它的权贵都被锁链锁住。

现代客语汉字那鸿书3:10总係底比斯个人民却被人捉到外国去了。佢等个孲𤘅仔在街头巷尾被人抨死；佢等个大官贵人被铁鍊锁等，被人用拈阄来分配、然后带走。

现代客语全罗那鸿书3:10 Chúng-he Tí-pí-sṳ̂ ke ngìn-mìn sa pûn-ngìn chok-to ngoi-koet hi lé. Kì-têu ke ô-nga-é chhai kiê-thèu hong-mî pûn-ngìn phiâng-sí; kì-têu ke thai-kôn kui-ngìn pûn thiet-lien só-tén, pûn-ngìn yung ngiâm-khiêu lòi fûn-phi, yèn-heu tai-chéu.

和合本2010版那鸿书3:11 你也必喝醉，昏迷错乱，并因仇敌的缘故寻求庇护。

现代客语汉字那鸿书3:11尼尼微啊，你也会醉到迷迷痴痴；你也会想爱闪你个敌人。

现代客语全罗那鸿书3:11 Nì-nì-mì â, ngì ya voi chui-to mì-mì chhṳ̀-chhṳ̀; ngì ya voi sióng-oi sám ngì ke thi̍t-ngìn.

和合本2010版那鸿书3:12 你一切的堡垒必如无花果树上初熟的果子，一经摇动，就落在想吃的人口中。

现代客语汉字那鸿书3:12你个城堡全部像无花果树，满满熟水个果子，树一摇，果子就跌落人个嘴孔肚！

现代客语全罗那鸿书3:12 Ngì ke sàng-pó chhiòn-phu chhiong vù-fâ-kó-su, mân-mân siuk-súi ke kó-chṳ́, su yit-yèu, kó-chṳ́ chhiu tiet-lo̍k ngìn ke choi-khûng tú!

和合本2010版那鸿书3:13 看哪，你中间的士兵是妇女，你国中的关口向仇敌敞开，你的门闩被火焚烧。

现代客语汉字那鸿书3:13你个战士全部像软弱个细妹仔。你无法度在敌人面前保卫城门；你个门闩会被火烧掉。

现代客语全罗那鸿书3:13 Ngì ke chan-sṳ chhiòn-phu chhiong ngiôn-ngio̍k ke se-moi-é. Ngì mò fap-thu chhai thi̍t-ngìn mien-chhièn pó-ví sàng-mùn; ngì ke mùn-chhôn voi pûn fó sêu-thet.

和合本2010版那鸿书3:14 你要打水预备受困；要加强防御，取土踹泥，做成砖模。

现代客语汉字那鸿书3:14你爱囤水，防备敌人包围！你爱加强防备！你爱踏泥做砖，预备砖模！

现代客语全罗那鸿书3:14 Ngì oi tún-súi, fòng-phi thi̍t-ngìn pâu-vì! Ngì oi kâ-khiòng fòng-phi! Ngì oi tha̍p-nài cho-chôn, yi-phi chôn-mù!

和合本2010版那鸿书3:15 在那裏，火要吞灭你，刀必杀戮你，如蝻子般吞灭你。你人数增多如蝻子，增多如蝗虫吧！

现代客语汉字那鸿书3:15你无论样般做，还係爱被人烧死，抑係被人㓾死。你会像农作物被草蜢食到光光。头摆你𫱔子像草蜢恁遽恁多；

现代客语全罗那鸿书3:15 Ngì mò-lun ngióng-pân cho, hàn-he oi pûn-ngìn sêu-sí, ya-he pûn-ngìn chhṳ̀-sí. Ngì voi chhiong nùng-chok-vu̍t pûn chhó-máng sṳ̍t-to kông-kông.Thèu-pái ngì kiung-chṳ́ chhiong chhó-máng án-kiak án-tô;

和合本2010版那鸿书3:16 你增添商贾，多过天上的星宿；如蝻子蜕皮飞去。

现代客语汉字那鸿书3:16你做生理个人比天顶个星仔较多！总係这下全部像草蜢退壳飞走了(43:16「退壳飞走了」抑係译做「食净五榖就飞走了」。)。

现代客语全罗那鸿书3:16 ngì cho sên-lî ke ngìn pí thiên-táng ke sên-é kha-tô! Chúng-he liá-ha chhiòn-phu chhiong chhó-máng thui-hok pî-chéu lé( 4 3:16 “thui-hok pî-chéu lé” ya-he yi̍t-cho “sṳ̍t-chhiang ńg-kuk chhiu pî-chéu lé”.).

和合本2010版那鸿书3:17 你的领袖多如蝗虫，你的将军彷彿成羣的蝗虫；天凉时齐落在篱笆上，太阳一出就飞去，人不知道落在何处。

现代客语汉字那鸿书3:17你个领袖像一群草蜢，寒天囥在墙缝肚，日头一出来就全部飞走；无人知牠兜到㖠位去。

现代客语全罗那鸿书3:17 Ngì ke liâng-chhiu chhiong yit-khiùn chhó-máng, hòn-thiên khong chhai chhiòng-phung tú, ngit-thèu yit chhut-lòi chhiu chhiòn-phu pî-chéu; mò-ngìn tî kì-têu to nai-vi hi.

和合本2010版那鸿书3:18 亚述王啊，你的牧人睡觉，你的贵族躺卧( [ 3.18] 「躺卧」：原文另译「安歇」。)，你的百姓散在山间，无人招聚。

现代客语汉字那鸿书3:18亚述皇帝啊，你该兜大臣全部横掉；你个官员全部睡死了。你个人民分散在山肚，无人带佢等转来。

现代客语全罗那鸿书3:18 Â-sut fòng-ti â, ngì ke-têu thai-sṳ̀n chhiòn-phu vang-thet; ngì ke kôn-yèn chhiòn-phu soi sí lé. Ngì ke ngìn-mìn fûn-san chhai sân-tú, mò-ngìn tai kì-têu chón-lòi.

和合本2010版那鸿书3:19 你的损伤并未减轻，你的伤痕极其重大。凡听见这消息的人都因你拍掌。有谁没有时常遭受你的暴行呢？

现代客语汉字那鸿书3:19你个损伤无法度补救；你个伤口无法度医好。所有听到你坏消息个人全部欢喜拍手。你长久个暴行，有么人无受过你个屙糟灾呢？

现代客语全罗那鸿书3:19 Ngì ke sún-sông mò fap-thu pú-kiu; ngì ke sông-héu mò fap-thu yî-hó. Só-yû thâng-tó ngì fái sêu-sit ke ngìn chhiòn-phu fôn-hí phok-sú. Ngì chhòng-kiú ke phau-hàng, yû má-ngìn mò su-ko ngì ke ô-chô-châi nè?