诗篇第116章客家话和合本对照

相关章：

快速到节：

书卷列表：

和合本2010版诗篇116:1为出死入生讚美上帝我爱耶和华，因为他听了我的声音和我的恳求。

现代客语汉字诗篇116:1为出死入生来颂讚上帝𠊎敬爱上主，因为佢听𠊎个声㧯𠊎个恳求。

现代客语全罗诗篇116:1Vi Chhut-sí Ngi̍p-sên lòi Siung-chan Song-ti Ngài kin-oi Song-chú,yîn-vi Kì thâng ngài ke sâng lâu ngài ke khién-khiù.

和合本2010版诗篇116:2他既向我侧耳，我一生要求告他。

现代客语汉字诗篇116:2𠊎逐摆求喊佢，佢就侧耳听𠊎。

现代客语全罗诗篇116:2 Ngài tak-pái khiù-ham Kì,Kì chhiu chet-ngí thâng ngài.

和合本2010版诗篇116:3死亡的绳索勒住我，阴间的痛苦抓住我，我遭遇患难愁苦。

现代客语汉字诗篇116:3死亡个绞索缠等𠊎；阴间个痛苦逐到𠊎；𠊎惊到会死，非常忧愁。

现代客语全罗诗篇116:3 Sí-mòng ke káu-sok chhàn-tén ngài;yîm-kiên ke thung-khú kiuk-tó ngài;ngài kiâng-to voi sí, fî-sòng yù-sèu.

和合本2010版诗篇116:4那时，我求告耶和华的名：「耶和华啊，求你救我！」

现代客语汉字诗篇116:4𠊎就求喊上主，讲：「上主啊，求你救𠊎！」

现代客语全罗诗篇116:4 Ngài chhiu khiù-ham Song-chú, kóng:“Song-chú â, khiù Ngì kiu ngài!”

和合本2010版诗篇116:5耶和华有恩惠，有公义，我们的上帝有怜悯。

现代客语汉字诗篇116:5上主有恩惠，又有公义；𠊎等个上帝满有怜悯。

现代客语全罗诗篇116:5 Song-chú yû ên-fi, yu yû kûng-ngi;ngài-têu ke Song-ti mân-yû lìn-mén.

和合本2010版诗篇116:6耶和华保护愚蒙的人；我落到卑微的地步，他救了我。

现代客语汉字诗篇116:6上主保护单纯个人；𠊎卑微软弱，佢就救𠊎。

现代客语全罗诗篇116:6 Song-chú pó-fu tân-sùn ke ngìn;ngài pî-mì ngiôn-ngio̍k, Kì chhiu kiu ngài.

和合本2010版诗篇116:7我的心哪！你要复归安宁，因为耶和华用厚恩待你。

现代客语汉字诗篇116:7𠊎个心啊，你爱安静下来，因为上主一直好款待你。

现代客语全罗诗篇116:7 Ngài ke sîm â, ngì oi ôn-chhin hâ-lòi,yîn-vi Song-chú yit-chhṳ̍t hó khoán-thai ngì.

和合本2010版诗篇116:8主啊，你救我的命脱离死亡，使我的眼不再流泪，使我的脚不致跌倒。

现代客语汉字诗篇116:8上主救𠊎个命脱离死亡；𠊎个目珠毋使再流目汁，𠊎个脚也毋会再打荡溜。

现代客语全罗诗篇116:8 Song-chú kiu ngài ke miang thot-lì sí-mòng;ngài ke muk-chû m̀-sṳ́ chai liù muk-chṳp,ngài ke kiok ya m̀-voi chai tá-thong-thiu.

和合本2010版诗篇116:9我行在耶和华面前，走在活人之地。

现代客语汉字诗篇116:9所以𠊎爱在上主面前，在生人个世界来出入。

现代客语全罗诗篇116:9 Só-yî ngài oi chhai Song-chú mien-chhièn,chhai sâng-ngìn ke sṳ-kie lòi chhut-ngi̍p.

和合本2010版诗篇116:10我信，儘管我说：「我受了极大的困苦。」

现代客语汉字诗篇116:10𠊎讲过：「𠊎非常困苦。」着急个时，𠊎讲：「无可靠个人。」就算恁样，𠊎还係保持信心。

现代客语全罗诗篇116:10Ngài kóng-ko:“Ngài fî-sòng khun-khú.”Chho̍k-kip ke sṳ̀, ngài kóng:“Mò khó-kho ke ngìn.”Chhiu-son án-ngiòng, ngài hàn-he pó-chhṳ̀ sin-sîm.

和合本2010版诗篇116:11我曾惊惶地说：「人都是说谎的！」

现代客语汉字诗篇116:11【併于上节】

现代客语全罗诗篇116:11【併于上节】

和合本2010版诗篇116:12耶和华向我赏赐一切厚恩，我拿甚么来报答他呢？

现代客语汉字诗篇116:12上主赐给𠊎个一切大恩，𠊎爱样般报答呢？

现代客语全罗诗篇116:12 Song-chú su-pûn ngài ke yit-chhiet thai-ên,ngài oi ngióng-pân po-tap nè?

和合本2010版诗篇116:13我要举起救恩的杯，称扬耶和华的名。

现代客语汉字诗篇116:13𠊎爱擎起救恩个杯，来求喊上主个圣名。

现代客语全罗诗篇116:13 Ngài oi khià-hí kiu-ên ke pî,lòi khiù-ham Song-chú ke sṳn-miàng.

和合本2010版诗篇116:14我要在他的全体百姓面前向耶和华还我所许的愿。

现代客语汉字诗篇116:14𠊎爱在佢子民个面前，对上主还𠊎所许个愿。

现代客语全罗诗篇116:14 Ngài oi chhai Kì chṳ́-mìn ke mien-chhièn,tui Song-chú vàn ngài só-hí ke ngien.

和合本2010版诗篇116:15在耶和华眼中，圣民之死极为宝贵。

现代客语汉字诗篇116:15上主忠心个子民过身，係佢看做极宝贵个事(106116:15「极宝贵个事」抑係译做「毋拌得个事」，参考6-9，㧯16节。)。

现代客语全罗诗篇116:15 Song-chú chûng-sîm ke chṳ́-mìn ko-sṳ̂n,he Kì khon-cho khi̍t pó-kui ke sṳ( 106 116:15 “khi̍t pó-kui ke sṳ” ya-he yi̍t-cho “m̀ phan-tet ke sṳ”, chhâm-kháu 6-9, lâu 16 chiet.).

和合本2010版诗篇116:16耶和华啊，哦，我是你的僕人；我是你的僕人，是你使女的儿子。你已经解开我的捆索。

现代客语汉字诗篇116:16上主啊，𠊎係你个僕人；𠊎㧯吾姆共样服事你。你已经解开𠊎个锁鍊。

现代客语全罗诗篇116:16 Song-chú â, ngài he Ngì ke phu̍k-ngìn;ngài lâu ngâ-mê khiung-yong fu̍k-sṳ Ngì.Ngì yí-kîn kié-khôi ngài ke só-lien.

和合本2010版诗篇116:17我要以感谢为祭献给你，又要求告耶和华的名。

现代客语汉字诗篇116:17上主啊，𠊎爱对你献感谢个祭；𠊎爱求喊你个名。

现代客语全罗诗篇116:17 Song-chú â, ngài oi tui Ngì hien kám-chhia ke chi;ngài oi khiù-ham Ngì ke miàng.

和合本2010版诗篇116:18我要在耶路撒冷当中，在耶和华殿的院内，在他的全体百姓面前，向耶和华还我所许的愿。哈利路亚！

现代客语汉字诗篇116:18𠊎爱在耶路撒冷，在圣殿个庭院肚，在上主子民个面前，对佢还𠊎所许个愿。爱讚美上主！

现代客语全罗诗篇116:18Ngài oi chhai Yâ-lu-sat-lâng,chhai sṳn-thien ke thìn-yen tú,chhai Song-chú chṳ́-mìn ke mien-chhièn,tui Kì vàn ngài só-hí ke ngien.Oi chan-mî Song-chú!

和合本2010版诗篇116:19【併于上节】

现代客语汉字诗篇116:19【併于上节】

现代客语全罗诗篇116:19【併于上节】