约伯记第42章客家话和合本对照

相关章：

快速到节：

书卷列表：

和合本2010版约伯记42:1 约伯回答耶和华说：

现代客语汉字约伯记42:1约伯回答上主讲：

现代客语全罗约伯记42:1 Yok-pak fì-tap Song-chú kóng:

和合本2010版约伯记42:2 「我知道，你万事都能做；你的计划不能拦阻。

现代客语汉字约伯记42:2𠊎知你万事全部做得到；你有办法实现所有个计划。

现代客语全罗约伯记42:2 Ngài tî Ngì van-sṳ chhiòn-phu cho tet-tó;Ngì yû phan-fap sṳ̍t-hien só-yû ke kie-va̍k.

和合本2010版约伯记42:3 谁无知使你的旨意隐藏呢？因此我说的，我不明白；这些事太奇妙，是我不知道的。

现代客语汉字约伯记42:3你问过：「么人恁无智识，怀疑𠊎个旨意？」有影，𠊎所讲个，连自家也毋係恁明白；这兜事情实在奇妙，超过𠊎能了解个。

现代客语全罗约伯记42:3 Ngì mun-ko: “Má-ngìn án mò chṳ-sṳt, fài-ngì Ngài ke chṳ́-yi?”Yû-yáng, ngài só-kóng ke, lièn chhṳ-kâ ya m̀-he án mìn-pha̍k;liá-têu sṳ-chhìn sṳ̍t-chhai khì-meu, chhêu-ko ngài nèn liáu-kié ke.

和合本2010版约伯记42:4 求你听我，我要说话；我问你，求你让我知道。

现代客语汉字约伯记42:4你识对𠊎讲：「你爱注意听𠊎个话；𠊎问你，你来指教𠊎。」

现代客语全罗约伯记42:4 Ngì sṳt tui ngài kóng:“Ngì oi chu-yi thâng Ngài ke fa;Ngài mun ngì, ngì lòi chṳ́-kau Ngài.”

和合本2010版约伯记42:5 我从前风闻有你，现在亲眼看见你。

现代客语汉字约伯记42:5有影，以前𠊎识听过你；总係这下，𠊎亲目看到你！

现代客语全罗约伯记42:5 Yû-yáng, yî-chhièn ngài sṳt thâng-ko Ngì;chúng-he liá-ha, ngài chhîn-muk khon-tó Ngì!

和合本2010版约伯记42:6 因此我撤回( [ 42.6] 「我撤回」或译「我厌恶」；原文另译「我瓦解了」。)，在尘土和炉灰中懊悔。」

现代客语汉字约伯记42:6所以，𠊎想到自家(6542:6「想到自家」抑係译做「想到𠊎讲过个话」，原文无这几只字。)又阏又见笑，就坐在泥粉㧯火灰当中后悔(6642:6「所以…后悔」抑係译做「所以，𠊎将𠊎个案件收回，无爱继续在泥粉㧯火灰当中悲哀」抑係「所以，𠊎改变心意，将𠊎个案件收回，因为𠊎不过係泥粉㧯火灰」。)。

现代客语全罗约伯记42:6 Só-yî, ngài sióng-tó chhṳ-kâ( 65 42:6 “sióng-tó chhṳ-kâ” ya-he yi̍t-cho “sióng-tó ngài kóng-ko ke fa”, ngièn-vùn mò liá kí-chak sṳ.) yu at yu kien-seu,chhiu chhô chhai nài-fún lâu fó-fôi tông-chûng heu-fí( 66 42:6 “Só-yî ... heu-fí” ya-he yi̍t-cho “Só-yî, ngài chiông ngài ke on-khien sû-fì, mò-oi ki-siu̍k chhai nài-fún lâu fó-fôi tông-chûng pî-ôi” ya-he “Só-yî, ngài kói-pien sîm-yi, chiông ngài ke on-khien sû-fì, yîn-vi ngài put-ko he nài-fún lâu fó-fôi”.).

和合本2010版约伯记42:7结尾耶和华对约伯说话以后，耶和华就对提幔人以利法说：「我的怒气向你和你两个朋友发作，因为你们议论我，不如我的僕人约伯说的正确。

现代客语汉字约伯记42:7结尾个话上主对约伯讲这兜话以后，就对提幔人以利法讲：「𠊎对你㧯你两个朋友当火大，因为你等议论𠊎个话无比𠊎个僕人约伯所讲个较正确。

现代客语全罗约伯记42:7Kiet-mî ke Fa Song-chú tui Yok-pak kóng liá-têu fa yî-heu, chhiu tui Thì-man-ngìn Yî-li-fap kóng: “Ngài tui ngì lâu ngì lióng-ke phèn-yû tông fó-thai, yîn-vi ngì-têu ngi-lun Ngài ke fa mò pí Ngài ke phu̍k-ngìn Yok-pak só-kóng ke kha chṳn-khok.

和合本2010版约伯记42:8 现在你们要为自己取七头公牛、七只公羊，到我的僕人约伯那裏去，为自己献上燔祭，我的僕人约伯就为你们祈祷。我必悦纳他，不按你们的愚妄处置你们。你们议论我，不如我的僕人约伯说的正确。」

现代客语汉字约伯记42:8这下，你等爱拿七只牛牯、七只羊牯，到𠊎个僕人约伯该位去，为你等自家献烧化祭。𠊎个僕人约伯爱为你等祈求；𠊎会欢喜接纳佢个祈求，毋照你等个糊涂责罚你等。你等对𠊎个议论，无比𠊎个僕人约伯讲个较正确。」

现代客语全罗约伯记42:8 Liá-ha, ngì-têu oi nâ chhit-chak ngiù-kú, chhit-chak yòng-kú, to Ngài ke phu̍k-ngìn Yok-pak ke-vi hi, vi ngì-têu chhṳ-kâ hien sêu-fa-chi. Ngài ke phu̍k-ngìn Yok-pak oi vi ngì-têu khì-khiù; Ngài voi fôn-hí chiap-na̍p kì ke khì-khiù, m̀ cheu ngì-têu ke fù-thù chit-fa̍t ngì-têu. Ngì-têu tui Ngài ke ngi-lun, mò pí Ngài ke phu̍k-ngìn Yok-pak kóng ke kha chṳn-khok.”

和合本2010版约伯记42:9 于是提幔人以利法、书亚人比勒达、拿玛人琐法遵照耶和华所吩咐的去做，耶和华就悦纳约伯。

现代客语汉字约伯记42:9后来提幔人以利法、书亚人比勒达、拿玛人琐法照上主所吩咐个去做。上主接纳约伯个祈求。

现代客语全罗约伯记42:9 Heu-lòi Thì-man-ngìn Yî-li-fap, Sû-â-ngìn Pí-le̍t-tha̍t, Nâ-mâ-ngìn Só-fap cheu Song-chú só fûn-fu ke hi cho. Song-chú chiap-na̍p Yok-pak ke khì-khiù.

和合本2010版约伯记42:10 约伯为他的朋友祈祷。耶和华就使约伯从苦境( [ 42.10] 「苦境」：原文直译「掳掠」。)中转回，并且耶和华赐给他的比他从前所有的加倍。

现代客语汉字约伯记42:10约伯为三个朋友祈祷以后，上主恢复佢个情况，使佢个财产比以前加倍兴旺。

现代客语全罗约伯记42:10 Yok-pak vi sâm-ke phèn-yû khì-tó yî-heu, Song-chú fî-fu̍k kì ke chhìn-khóng, sṳ́ kì ke chhòi-sán pí yî-chhièn kâ-phi hîn-vong.

和合本2010版约伯记42:11 约伯的兄弟、姊妹，和以前所认识的人都来到他那裏，在他家裏跟他一同吃饭。他们因耶和华所降于他的一切灾祸，都为他悲伤，安慰他。每人送他一块可锡塔( [ 42.11] 「可锡塔」：古希伯来钱币单位；参「度量衡表」。)和一个金环。

现代客语汉字约伯记42:11佢个兄弟、姊妹，㧯以前个朋友全部来看佢，在厥屋下共下食饭。佢等对佢表示同情，为到佢对上主该位所受到个一切灾难，来安慰佢。逐侪送佢一只银币㧯一只金环。

现代客语全罗约伯记42:11 Kì ke hiûng-thi, chí-moi, lâu yî-chhièn ke phèn-yû chhiòn-phu lòi khon kì, chhai kiâ vuk-hâ khiung-ha sṳ̍t-fan. Kì-têu tui kì péu-sṳ thùng-chhìn, vi-tó kì tui Song-chú ke-vi só su-tó ke yit-chhiet châi-nan, lòi ôn-ví kì. Tak-sà sung kì yit-chak ngiùn-pi lâu yit-chak kîm-vàn.

和合本2010版约伯记42:12 这样，耶和华后来赐福给约伯比先前更多。他有一万四千只羊，六千匹骆驼，一千对牛，一千匹母驴。

现代客语汉字约伯记42:12在约伯年老个时，上主赐福给佢，比佢以前所得到个还较多。约伯得到一万四千只羊仔，六千只骆驼，一千对牛，一千只驴乸。

现代客语全罗约伯记42:12 Chhai Yok-pak ngièn-ló ke sṳ̀, Song-chú su-fuk pûn kì, pí kì yî-chhièn só tet-tó ke hàn-kha tô. Yok-pak tet-tó yit-van si-chhiên chak yòng-è, liuk-chhiên chak lo̍k-thò, yit-chhiên tui ngiù, yit-chhiên chak lì-mà.

和合本2010版约伯记42:13 他也有七个儿子，三个女儿。

现代客语汉字约伯记42:13佢也有七个孻仔，三个妹仔。

现代客语全罗约伯记42:13 Kì ya yû chhit-ke lai-é, sâm-ke moi-é.

和合本2010版约伯记42:14 他给长女起名叫耶米玛，次女叫基洗亚，三女叫基连哈朴。

现代客语汉字约伯记42:14佢将大个妹仔安到耶米玛，第二个妹仔安到基洗亚，第三个妹仔安到基莲‧哈朴(6742:14约伯这兜妹仔个名在希伯来文无论係发音抑係意思全部当靓。耶米玛个意思係「月鸽仔」，基洗亚个意思係「肉桂」，基莲‧哈朴个意思係「用来画目眉个细化妆盒仔」。)。

现代客语全罗约伯记42:14 Kì chiông thai ke moi-é ôn-to Yâ-mí-mâ, thi-ngi ke moi-é ôn-to Kî-sé-â, thi-sâm ke moi-é ôn-to Kî-lièn-Ha̍p-phu̍k( 67 42:14 Yok-pak liá-têu moi-é ke miàng chhai Hî-pak-lòi-vùn mò-lun he fat-yîm ya-he yi-sṳ chhiòn-phu tông-chiâng. Yâ-mí-mâ ke yi-sṳ he “ngie̍t-kap-è”, Kî-sé-â ke yi-sṳ he “ngiuk-kui”, Kî-lièn-Ha̍p-phu̍k ke yi-sṳ he “yung-lòi va̍k muk-mì ke se fa-chông ha̍p-é”.).

和合本2010版约伯记42:15 在全地的妇女中找不着像约伯的女儿那样美貌的。她们的父亲使她们在兄弟中得产业。

现代客语汉字约伯记42:15世间无其他个妇女像约伯该兜妹仔恁靓。姖等个阿爸使姖等㧯该兜兄弟共样分财产。

现代客语全罗约伯记42:15 Sṳ-kiên mò khì-thâ ke fu-ńg chhiong Yok-pak ke-têu moi-é án-chiâng. Kì-têu ke â-pâ sṳ́ kì-têu lâu ke-têu hiûng-thi khiung-yong pûn chhòi-sán.

和合本2010版约伯记42:16 此后，约伯又活了一百四十年，得见他的四代儿孙。

现代客语汉字约伯记42:16这以后，约伯再食一百四十岁，亲目看到自家个四代子孙。

现代客语全罗约伯记42:16 Liá yî-heu, Yok-pak chai sṳ̍t yit-pak si-sṳ̍p se, chhîn-muk khon-tó chhṳ-kâ ke si-thoi chṳ́-sûn.

和合本2010版约伯记42:17 这样，约伯年纪老迈，日子满足而死。

现代客语汉字约伯记42:17恁样，约伯享长寿，日仔满足来离开世间。

现代客语全罗约伯记42:17 Án-ngiòng, Yok-pak hióng chhòng-su, ngit-è mân-chiuk lòi lì-khôi sṳ-kiên.