帖撒罗尼迦后书第2章客家话和合本对照

相关章：

快速到节：

书卷列表：

和合本2010版帖撒罗尼迦后书2:1不法的人弟兄们，关于我们主耶稣基督的来临和我们到他那裏聚集，我劝你们：

现代客语汉字帖撒罗尼迦后书2:1该不法者兄弟姊妹啊，关係𠊎等个主耶稣基督个再来，并佢爱聚集𠊎等同佢相会个事，𠊎等求你等，

现代客语全罗帖撒罗尼迦后书2:1Ke Put-fap-chá Hiûng-thi chí-moi â, koân-he ngài-têu ke Chú Yâ-sû Kî-tuk ke chai-lòi, pin kì oi chhi-si̍p ngài-têu thùng kì siông-fi ke sṳ, ngài-têu khiù ngì-têu,

和合本2010版帖撒罗尼迦后书2:2 无论藉着灵，藉着言语，藉着冒我的名写的书信，说主的日子已经到了，不要轻易动心，也不要惊慌。

现代客语汉字帖撒罗尼迦后书2:2毋好恁遽就被「主再来个日仔已经到了」这种讲法来摇动，来操烦。可能有人讲，这讲法係𠊎等所传、所讲、抑係写在信仔底背个。

现代客语全罗帖撒罗尼迦后书2:2 m̀-hó án kiak chhiu pûn “Chú chai-lòi ke ngit-è yí-kîn to lé” liá-chúng kóng-fap lòi yèu-thung, lòi chhâu-fàn. Khó-nèn yû ngìn kóng, liá kóng-fap he ngài-têu só chhòn, só kóng, ya-he siá chhai sin-é tî-poi ke.

和合本2010版帖撒罗尼迦后书2:3 不要让任何人用甚么法子欺骗你们，因为那日子以前必有叛教的事，并有那不法的人，那沉沦之子出现。

现代客语汉字帖撒罗尼迦后书2:3无论么人用么介方法，你等毋好俾佢等骗到。因为，该日仔来到以前，定着会有大悖逆；该注定爱灭亡个不法者会出现。

现代客语全罗帖撒罗尼迦后书2:3 Mò-lun má-ngìn yung má-ke fông-fap, ngì-têu m̀-hó pûn kì-têu phien-tó. Yîn-vi, ke ngit-è lòi-to yî-chhièn, thin-chho̍k voi yû thai phoi-ngia̍k; ke chu-thin oi me̍t-mòng ke Put-fap-chá voi chhut-hien.

和合本2010版帖撒罗尼迦后书2:4 那抵挡者高抬自己超过一切称为神明的，和一切受人敬拜的，甚至坐在上帝的殿裏，自称为上帝。

现代客语汉字帖撒罗尼迦后书2:4该不法者会反对一切被人称做神明抑係敬拜个对象，高升自家到一切个顶高；佢甚至会去坐在上帝个圣殿肚，自称係上帝。

现代客语全罗帖撒罗尼迦后书2:4 Ke Put-fap-chá voi fán-tui yit-chhiet pûn-ngìn chhṳ̂n-cho sṳ̀n-mìn ya-he kin-pai ke tui-siong, kô-sṳ̂n chhṳ-kâ to yit-chhiet ke táng-kô; kì sṳm-chṳ voi hi chhô chhai Song-ti ke sṳn-thien-tú, chhṳ-chhṳ̂n he Song-ti.

和合本2010版帖撒罗尼迦后书2:5 我还在你们那裏的时候曾把这些事告诉你们，你们不记得吗？

现代客语汉字帖撒罗尼迦后书2:5你等毋记得係么？𠊎同你等共下个时，已经将这个事㧯你等讲过了。

现代客语全罗帖撒罗尼迦后书2:5 Ngì-têu m̀ ki-tet he-mò? Ngài thùng ngì-têu khiung-ha ke sṳ̀, yí-kîn chiông liá-ke sṳ lâu ngì-têu kóng-ko lé.

和合本2010版帖撒罗尼迦后书2:6 现在你们也知道那拦阻他的是甚么，为要使他到了时机才出现。

现代客语汉字帖撒罗尼迦后书2:6阻挡这件事，毋俾它这下就发生个係么介，你等知。时机一到，该不法者就会出现。

现代客语全罗帖撒罗尼迦后书2:6 Chú-tóng liá-khien sṳ, m̀ pûn kì liá-ha chhiu fat-sên ke he má-ke, ngì-têu tî. Sṳ̀-kî yit to, ke Put-fap-chá chhiu voi chhut-hien.

和合本2010版帖撒罗尼迦后书2:7 因为那不法的隐祕已经运作，只是现在有一个阻挡的，要等到那阻挡的被除去才会发作，

现代客语汉字帖撒罗尼迦后书2:7该神秘不法个力量已经开始进行；总係，爱等到阻挡这件事个手徙开以后，这件事正会发生。

现代客语全罗帖撒罗尼迦后书2:7 Ke sṳ̀n-pi put-fap ke li̍t-liong yí-kîn khôi-sṳ́ chin-hàng; chúng-he, oi tén-to chú-tóng liá-khien sṳ ke sú sái-khôi yî-heu, liá-khien sṳ chang voi fat-sên.

和合本2010版帖撒罗尼迦后书2:8 那时这不法的人必出现，主耶稣( [ 2.8] 「主耶稣」：有古卷是「主」。)要用口中的气灭绝他，以自己来临的光辉摧毁他。

现代客语汉字帖撒罗尼迦后书2:8该时，不法者会出现；总係主耶稣再来个时爱用口中个气来除灭佢，用自家降临个荣光将佢消灭。

现代客语全罗帖撒罗尼迦后书2:8 Ke-sṳ̀, Put-fap-chá voi chhut-hien; chúng-he Chú Yâ-sû chai-lòi ke sṳ̀ oi yung khiéu-chûng ke hi lòi chhù-me̍t kì, yung chhṳ-kâ kong-lìm ke yùng-kông chiông kì sêu-me̍t.

和合本2010版帖撒罗尼迦后书2:9 这不法的人来，是靠撒但的运作，行各样的异能、神蹟和一切虚假的奇事，

现代客语汉字帖撒罗尼迦后书2:9该不法者会靠撒但个权势来到，行各种个奇事㧯神蹟，显出假个兆头，

现代客语全罗帖撒罗尼迦后书2:9 Ke Put-fap-chá voi kho Sat-tan ke khièn-sṳ lòi-to, hàng kok-chúng ke khì-sṳ lâu sṳ̀n-chiak, hién-chhut ká ke seu-thèu,

和合本2010版帖撒罗尼迦后书2:10 并且在那沉沦的人身上行各样不义的诡诈，因为他们不领受爱真理的心，好让他们得救。

现代客语汉字帖撒罗尼迦后书2:10佢也会用各种个诡计来对待该兜灭亡个人；佢等灭亡，因为佢等毋接受，也毋爱惜该会使佢等得救个真理。

现代客语全罗帖撒罗尼迦后书2:10 kì ya voi yung kok-chúng ke kúi-kie lòi tui-thai ke-têu me̍t-mòng ke ngìn; kì-têu me̍t-mòng, yîn-vi kì-têu m̀ chiap-su, ya m̀ oi-siak ke voi pûn kì-têu tet-kiu ke chṳ̂n-lî.

和合本2010版帖撒罗尼迦后书2:11 故此，上帝就给他们一个引发错误的心，叫他们信从虚谎，

现代客语汉字帖撒罗尼迦后书2:11因为恁样，上帝就使佢等迷迷痴痴，俾佢等信从花撩。

现代客语全罗帖撒罗尼迦后书2:11 Yîn-vi án-ngiòng, Song-ti chhiu sṳ́ kì-têu mì-mì chhṳ̂-chhṳ̂, pûn kì-têu sin-chhiùng fâ-liâu.

和合本2010版帖撒罗尼迦后书2:12 使一切不信真理、倒喜爱不义的人都被定罪。 被拣选接受救恩

现代客语汉字帖撒罗尼迦后书2:12结尾，一切毋信真理、欢喜不义个人，会受定罪。受拣选，得救恩

现代客语全罗帖撒罗尼迦后书2:12 Kiet-mî, yit-chhiet m̀ sin chṳ̂n-lî, fôn-hí put-ngi ke ngìn, voi su thin-chhui. Su Kién-sién, Tet Kiu-ên

和合本2010版帖撒罗尼迦后书2:13 主所爱的弟兄们哪，我们本该常为你们感谢上帝，因为他拣选你们为初熟的果子( [ 2.13] 「他拣选你们为初熟的果子」：有古卷是「他从起初拣选了你们」。)，使你们因信真道，又蒙圣灵感化成圣，得到拯救。

现代客语汉字帖撒罗尼迦后书2:13主所惜个兄弟姊妹啊，𠊎等应该常常为你等感谢上帝；因为上帝拣选你等，通过圣灵神圣个工作㧯你等对真理个信仰，使你等先得救(12:13「上帝拣选…使你等先得救」有兜古卷係「上帝对起初就拣选…使你等得救」。)。

现代客语全罗帖撒罗尼迦后书2:13 Chú só-siak ke hiûng-thi chí-moi â, ngài-têu yin-kôi sòng-sòng vi ngì-têu kám-chhia Song-ti; yîn-vi Song-ti kién-sién ngì-têu, thûng-ko Sṳn-Lìn sṳ̀n-sṳn ke kûng-chok lâu ngì-têu tui chṳ̂n-lî ke sin-ngióng, pûn ngì-têu siên tet-kiu( 1 2:13 “Song-ti kién-sién ... pûn ngì-têu siên tet-kiu” yû-têu kú-kién he “Song-ti tui hí-chhû chhiu kién-sién ... pûn ngì-têu tet-kiu”.).

和合本2010版帖撒罗尼迦后书2:14 为此，上帝藉着我们所传的福音呼召你们，好得着我们主耶稣基督的荣光。

现代客语汉字帖撒罗尼迦后书2:14通过𠊎等所传给你等个福音，上帝呼召你等来分享𠊎等个主耶稣基督个荣光。

现代客语全罗帖撒罗尼迦后书2:14 Thûng-ko ngài-têu só-chhòn pûn ngì-têu ke fuk-yîm, Song-ti fû-seu ngì-têu lòi fûn-hióng ngài-têu ke Chú Yâ-sû Kî-tuk ke yùng-kông.

和合本2010版帖撒罗尼迦后书2:15 所以，弟兄们，你们要站立得稳，凡所领受的教导，无论是我们口传的，是信上写的，都要坚守。

现代客语汉字帖撒罗尼迦后书2:15所以，兄弟姊妹啊，你等爱企在！对𠊎等所教个真理，无论係用讲个抑係用信仔写个，你等一定爱好好遵守。

现代客语全罗帖撒罗尼迦后书2:15 Só-yî, hiûng-thi chí-moi â, ngì-têu oi khî-chhai! Tui ngài-têu só kâu ke chṳ̂n-lî, mò-lun he yung kóng ke ya-he yung sin-é siá ke, ngì-têu yit-thin oi hó-hó chûn-sú.

和合本2010版帖撒罗尼迦后书2:16 愿我们主耶稣基督自己，和那爱我们、开恩将永远的安慰及美好的盼望赐给我们的父上帝，

现代客语汉字帖撒罗尼迦后书2:16上帝惜𠊎等，施恩将永存个安慰㧯美好个盼望赐给𠊎等。愿这个阿爸上帝㧯𠊎等个主耶稣基督，

现代客语全罗帖撒罗尼迦后书2:16 Song-ti siak ngài-têu, sṳ̂-ên chiông yún-chhùn ke ôn-ví lâu mî-hó ke phan-mong su-pûn ngài-têu. Ngien liá-ke Â-pâ Song-ti lâu ngài-têu ke Chú Yâ-sû Kî-tuk,

和合本2010版帖撒罗尼迦后书2:17 安慰你们的心，并且在一切善行善言上坚固你们！

现代客语汉字帖撒罗尼迦后书2:17激励你等，使你等有勇气来传讲并实行一切美好个事。

现代客语全罗帖撒罗尼迦后书2:17 kit-li ngì-têu, pûn ngì-têu yû yúng-hi lòi chhòn-kóng pin sṳ̍t-hàng yit-chhiet mî-hó ke sṳ.