尼希米记第2章客家话和合本对照

相关章：

快速到节：

书卷列表：

和合本2010版尼希米记2:1尼希米返回耶路撒冷 亚达薛西王二十年尼散月，酒摆在王面前( [ 2.1] 「王面前」：七十士译本和古译本是「我面前」。)，我拿起酒来奉给王。我在王面前从来没有愁容。

现代客语汉字尼希米记2:1尼希米去耶路撒冷四只月以后，亚达薛西做皇帝第二十年尼散月，有一日，𠊎为佢斟酒。佢毋识看到𠊎满面忧愁，

现代客语全罗尼希米记2:1Nì-hî-mí Hi Yâ-lu-sat-lâng Si-chak ngie̍t yî-heu, Â-tha̍t-siet-sî cho fòng-ti thi ngi-sṳ̍p ngièn Nì-san ngie̍t, yû yit-ngit, ngài vi kì chṳ̂m-chiú. Kì m̀-sṳt khon-tó ngài mân-mien yù-sèu,

和合本2010版尼希米记2:2 王对我说：「你既没有病，为甚么面带愁容呢？这不是别的，必是你心中愁烦。」于是我非常惧怕。

现代客语汉字尼希米记2:2皇帝问𠊎：「你又无发病，做么介面色恁毋好看？一定有么介事正会使你恁忧愁！」𠊎非常着惊，

现代客语全罗尼希米记2:2 fòng-ti mun ngài: “Ngì yu mò pot-phiang, cho-má-ke mien-set án m̀-hó khon? Yit-thin yû má-ke sṳ chang voi sṳ́ ngì án yù-sèu!”Ngài fî-sòng chho̍k-kiâng,

和合本2010版尼希米记2:3 我对王说：「愿王万岁！我祖先坟墓所在的那城荒凉，城门被火焚烧，我岂能面无愁容呢？」

现代客语汉字尼希米记2:3总係应讲：「皇帝万岁！𠊎祖先埋葬个城荒掉，城门被火烧掉，𠊎样毋会忧愁呢？」

现代客语全罗尼希米记2:3 chúng-he en-kóng: “Fòng-ti van-soi! Ngài chú-siên mài-chong ke sàng fông-thet, sàng-mùn pûn-fó sêu-thet, ngài ngióng m̀-voi yù-sèu nè?”

和合本2010版尼希米记2:4 王对我说：「你想求甚么？」于是我向天上的上帝祈祷。

现代客语汉字尼希米记2:4皇帝问𠊎：「你爱么介？」𠊎就向天顶个上帝祈祷，

现代客语全罗尼希米记2:4 Fòng-ti mun ngài: “Ngì oi má-ke?”Ngài chhiu hiong thiên-táng ke Song-ti khì-tó,

和合本2010版尼希米记2:5 我对王说：「王若以为好，僕人若在王面前蒙恩，求王差遣我往犹大，到我祖先坟墓所在的那城去，我好重新建造。」

现代客语汉字尼希米记2:5然后𠊎㧯皇帝讲：「若係皇帝开恩，准僕人个恳求，请俾𠊎转到犹大地，到𠊎祖先埋葬个城去，恁样，𠊎爱重建该城。」

现代客语全罗尼希米记2:5 yèn-heu ngài lâu fòng-ti kóng: “Na-he fòng-ti khôi-ên, chún phu̍k-ngìn ke khién-khiù, chhiáng pûn ngài chón-to Yù-thai-thi, to ngài chú-siên mài-chong ke sàng hi, án-ngiòng, ngài oi chhùng-kien ke-sàng.”

和合本2010版尼希米记2:6 那时王后坐在王的旁边，王对我说：「你要去多久？几时回来？」王看这事为好，就派我去。我给王定了日期。

现代客语汉字尼希米记2:6该时，皇后坐在佢个堘头。皇帝问𠊎爱去几久？几时转来？𠊎回答后，佢欢喜派𠊎去；𠊎就定日期。

现代客语全罗尼希米记2:6 Ke-sṳ̀, fòng-heu chhô chhai kì ke sùn-thèu. Fòng-ti mun ngài oi hi kí-kiú? Kí-sṳ̀ chón-lòi? Ngài fì-tap heu, kì fôn-hí phai ngài hi; ngài chhiu thin ngit-khì.

和合本2010版尼希米记2:7 我又对王说：「王若以为好，求王赐我诏书，通知河西的省长准我经过，直到犹大；

现代客语汉字尼希米记2:7𠊎又求皇帝开恩赐给𠊎诏书，通知河西省(42:7「河西省」：这係波斯帝国时代幼发拉底河西片个一个大省，犹大个土地係其中个一部份。)该兜省长准𠊎经过，直到犹大。

现代客语全罗尼希米记2:7 Ngài yu khiù fòng-ti khôi-ên su-pûn ngài cheu-sû, thûng-tî Hò-sî-sén( 4 2:7 “Hò-sî-sén”: Liá he Pô-sṳ̂ ti-koet sṳ̀-thoi Yu-fat-lâ-tí-hò sî-phién ke yit-ke thai sén, Yù-thai ke thú-thi he khì-chûng ke yit phu-fun.) ke-têu sén-chóng chún ngài kîn-ko, chhṳ̍t-to Yù-thai.

和合本2010版尼希米记2:8 又赐诏书，通知管理王园林的亚萨，叫他给我木材，作为殿的营楼之门、城墙，和我自己要住的房屋的横梁。」王就允准我，因为我上帝施恩的手帮助我。

现代客语汉字尼希米记2:8𠊎也要求一份诏书给管理皇家树林个亚萨，命令佢给𠊎树料，来修建圣殿堘城堡个门㧯城墙、还有𠊎爱住个屋仔。因为𠊎个上帝施恩帮助，𠊎所要求个，皇帝全部赐给𠊎。

现代客语全罗尼希米记2:8 Ngài ya yêu-khiù yit-fun cheu-sû pûn kón-lî fòng-kâ su-nà ke Â-sat, min-lin kì pûn ngài su-liau, lòi siû-kien sṳn-thien sùn sàng-pó ke mùn lâu sàng-chhiòng, hàn-yû ngài oi he̍t ke vuk-è. Yîn-vi ngài ke Song-ti sṳ̂-ên pông-chhu, ngài só yêu-khiù ke, fòng-ti chhiòn-phu su-pûn ngài.

和合本2010版尼希米记2:9 王派了军官和骑兵护送我。我到了河西的省长那裏，将王的诏书交给他们。

现代客语汉字尼希米记2:9皇帝派军官㧯骑兵保护𠊎，𠊎就出发到河西省。在该位，𠊎将皇帝个诏书交给该兜省长。

现代客语全罗尼希米记2:9 Fòng-ti phai kiûn-kôn lâu khì-pîn pó-fu ngài, ngài chhiu chhut-fat to Hò-sî-sén. Chhai ke-vi, ngài chiông fòng-ti ke cheu-sû kâu-pûn ke-têu sén-chóng.

和合本2010版尼希米记2:10 和伦人参巴拉和作臣僕的亚扪人多比雅，听见有人来为以色列人争取利益，就很恼怒。

现代客语汉字尼希米记2:10和伦城个参巴拉㧯亚扪省个官长多比雅，听到有人来为以色列人争取利益，就当无欢喜。

现代客语全罗尼希米记2:10 Fò-lùn-sàng ke Chhâm-pâ-lâ lâu Â-mùn-sén ke kôn-chóng Tô-pí-ngâ, thâng-tó yû-ngìn lòi vi Yî-set-lie̍t-ngìn chên-chhí li-yit, chhiu tông mò fôn-hí.

和合本2010版尼希米记2:11 我到了耶路撒冷，在那裏停留了三天。

现代客语汉字尼希米记2:11𠊎到耶路撒冷，在该位住三日，

现代客语全罗尼希米记2:11 Ngài to Yâ-lu-sat-lâng, chhai ke-vi he̍t sâm-ngit,

和合本2010版尼希米记2:12 夜间我和跟随我的几个人起来；但上帝感动我心要为耶路撒冷做的事，我并没有告诉人。只有我自己骑的牲口，没有别的牲口在我那裏。

现代客语汉字尼希米记2:12无将上帝爱𠊎为耶路撒冷做个事㧯人讲。第三日半夜，𠊎䟘起来，带等几个人共下出去。除了𠊎骑个驴仔，无别个头牲。

现代客语全罗尼希米记2:12 mò chiông Song-ti oi ngài vi Yâ-lu-sat-lâng cho ke sṳ lâu ngìn kóng. Thi-sâm ngit pan-ya, ngài hong-hí-lòi, tai-tén kí-ke ngìn khiung-ha chhut-hi. Chhù-liáu ngài khì ke lì-è, mò phe̍t ke thèu-sâng.

和合本2010版尼希米记2:13 当夜，我出了谷门，往野狗泉去，到了粪厂门，察看耶路撒冷的城墙，城墙被拆毁，城门被火焚烧。

现代客语汉字尼希米记2:13𠊎在半夜出城，经过西片个谷门，向南经过龙泉，来到垃圾门。𠊎紧行，紧看耶路撒冷横掉个城墙㧯被火烧掉个城门。

现代客语全罗尼希米记2:13 Ngài chhai pan-ya chhut-sàng, kîn-ko sî-phién ke Kuk-mùn, hiong-nàm kîn-ko Liùng-chhièn, lòi-to Lá-sap-mùn. Ngài kín-hàng, kín-khon Yâ-lu-sat-lâng vang-thet ke sàng-chhiòng lâu pûn-fó sêu-thet ke sàng-mùn.

和合本2010版尼希米记2:14 我又往前，到了泉门，又到王池，但所骑的牲口没有地方可以过去。

现代客语汉字尼希米记2:14在城个东片，𠊎向北行，到泉水门㧯王池。在该位，因为𠊎骑个驴仔寻毋到路过去，

现代客语全罗尼希米记2:14 Chhai sàng ke tûng-phién, ngài hiong-pet hàng, to Chhièn-súi-mùn lâu Vòng-chhṳ̀. Chhai ke-vi, yîn-vi ngài khì ke lì-è chhìm m̀-tó lu ko-hi,

和合本2010版尼希米记2:15 于是我夜间沿溪而上，察看城墙，又转身进入谷门，就回来了。

现代客语汉字尼希米记2:15𠊎就下到汲沦溪，顺山坜骑等上，巡查城墙，然后倒转原来个路，经过谷门转到城肚。

现代客语全罗尼希米记2:15 ngài chhiu hâ-to Khi̍p-lùn-hâi, sun sân-lak khì-tén sông, sùn-chhà sàng-chhiòng, yèn-heu to-chón ngièn-lòi ke lu, kîn-ko Kuk-mùn chón-to sàng-tú.

和合本2010版尼希米记2:16 我往哪裏去，我做甚么事，官长都不知道。我也没有告诉犹大人、祭司、贵族、官长和其余做工的人。

现代客语汉字尼希米记2:16无一个官长知𠊎去过么介所在，做么介事。直到该时，𠊎全无㧯犹太同胞讲起；无论係祭司、领袖、官长，抑係可能参加这工作个人，𠊎全部无讲。

现代客语全罗尼希米记2:16 Mò yit-ke kôn-chóng tî ngài hi-ko má-ke só-chhai, cho má-ke sṳ. Chhṳ̍t-to ke-sṳ̀, ngài chhiòn-mò lâu Yù-thai thùng-pâu kóng-hí; mò-lun he chi-sṳ̂, liâng-chhiu, kôn-chóng, ya-he khó-nèn chhâm-kâ liá kûng-chok ke ngìn, ngài chhiòn-phu mò kóng.

和合本2010版尼希米记2:17 以后，我对他们说：「我们所遭的难，耶路撒冷怎样荒凉，城门被火焚烧，你们都看见了。来吧，让我们重建耶路撒冷的城墙，免得再受凌辱！」

现代客语汉字尼希米记2:17后来𠊎对佢等讲：「𠊎等所堵到个困难就係耶路撒冷荒掉，城门被火烧掉，你等全部看到了。𠊎等来重建耶路撒冷个城墙，免得𠊎等再受侮辱！」

现代客语全罗尼希米记2:17 Heu-lòi ngài tui kì-têu kóng: “Ngài-têu só tù-tó ke khun-nàn chhiu-he Yâ-lu-sat-lâng fông-thet, sàng-mùn pûn-fó sêu-thet, ngì-têu chhiòn-phu khon-tó lé. Ngài-têu lòi chhùng-kien Yâ-lu-sat-lâng ke sàng-chhiòng, miên-tet ngài-têu chai su vú-yu̍k!”

和合本2010版尼希米记2:18 我告诉他们我上帝施恩的手怎样帮助我，以及王向我所说的话。他们就说：「我们起来建造吧！」于是他们使自己的手坚强，做这美好的工作。

现代客语汉字尼希米记2:18𠊎又讲，𠊎个上帝样般施恩帮助𠊎，又㧯佢等讲皇帝对𠊎讲个话。佢等讲：「𠊎等开始来重建！」所以佢等準备好势，开始这好个工作。

现代客语全罗尼希米记2:18 Ngài yu kóng, ngài ke Song-ti ngióng-pân sṳ̂-ên pông-chhu ngài, yu lâu kì-têu kóng fòng-ti tui ngài kóng ke fa.Kì-têu kóng: “Ngài-têu khôi-sṳ́ lòi chhùng-kien!” Só-yî kì-têu chún-phi hó-se, khôi-sṳ́ liá hó ke kûng-chok.

和合本2010版尼希米记2:19 但和伦人参巴拉、作臣僕的亚扪人多比雅和阿拉伯人基善听见就嗤笑我们，藐视我们，说：「你们所做的这事是甚么呢？要背叛王吗？」

现代客语汉字尼希米记2:19总係和伦城个参巴拉、亚扪省个官长多比雅，㧯一个喊做基善个阿拉伯人，一听到𠊎等爱做个事，就笑𠊎等，藐视𠊎等。佢等讲：「你等爱做么介啊？你等想爱悖逆皇帝係么？」

现代客语全罗尼希米记2:19 Chúng-he Fò-lùn-sàng ke Chhâm-pâ-lâ, Â-mùn-sén ke kôn-chóng Tô-pí-ngâ, lâu yit-ke ham-cho Kî-san ke Â-lâ-pak-ngìn, yit thâng-tó ngài-têu oi cho ke sṳ, chhiu seu ngài-têu, méu-sṳ ngài-têu. Kì-têu kóng: “Ngì-têu oi cho-má-ke â? Ngì-têu sióng-oi phoi-ngia̍k fòng-ti he-mò?”

和合本2010版尼希米记2:20 我回答他们的话，对他们说：「天上的上帝必使我们亨通。我们作他僕人的，要起来建造；你们却在耶路撒冷无份、无权、无名号( [ 2.20] 「名号」：原文是「纪念」，意思是「使人记得他们」。)。」

现代客语汉字尼希米记2:20𠊎应佢等讲：「天顶个上帝会使𠊎等成功。𠊎等係佢个僕人；𠊎等爱开始来起。你等反转在耶路撒冷无份、无权利、无人纪念。」

现代客语全罗尼希米记2:20 Ngài en kì-têu kóng: “Thiên-táng ke Song-ti voi sṳ́ ngài-têu sṳ̀n-kûng. Ngài-têu he Kì ke phu̍k-ngìn; ngài-têu oi khôi-sṳ́ lòi hí. Ngì-têu fán-chón chhai Yâ-lu-sat-lâng mò-fun, mò khièn-li, mò-ngìn ki-ngiam.”