士师记第2章客家话和合本对照

相关章：

快速到节：

书卷列表：

和合本2010版士师记2:1耶和华的使者在波金耶和华的使者从吉甲上到波金，说：「我领你们从埃及上来，带你们到我向你们列祖起誓应许之地。我曾说：『我永不废弃我与你们的约。

现代客语汉字士师记2:1上主个天使在波金上主个天使对吉甲到波金，对以色列人民讲：「𠊎𢱋你等离开埃及，到𠊎应许给你等祖先个土地。𠊎识讲过，𠊎绝对毋会废掉㧯你等立个约；

现代客语全罗士师记2:1Song-chú ke Thiên-sṳ́ chhai Pô-kîm Song-chú ke thiên-sṳ́ tui Kit-kap to Pô-kîm, tui Yî-set-lie̍t ngìn-mìn kóng: “Ngài thu ngì-têu lì-khôi Âi-khi̍p, to Ngài yin-hí pûn ngì-têu chú-siên ke thú-thi. Ngài sṳt kóng-ko, Ngài chhie̍t-tui m̀-voi fi-thet lâu ngì-têu li̍p ke yok;

和合本2010版士师记2:2 你们不可与这地的居民立约，要拆毁他们的祭坛。』你们竟没有听从我的话。你们为何这样做呢！

现代客语汉字士师记2:2你等绝对做毋得㧯当地个人民立么介契约。你等爱拆掉佢等个祭坛。总係，你等无照𠊎个话做，偏偏去做𠊎毋准你等做个事。

现代客语全罗士师记2:2 ngì-têu chhie̍t-tui cho-m̀-tet lâu tông-thi ke ngìn-mìn li̍p má-ke khie-yok. Ngì-têu oi chhak-thet kì-têu ke chi-thàn. Chúng-he, ngì-têu mò cheu Ngài ke fa cho, phiên-phiên hi-cho Ngài m̀-chún ngì-têu cho ke sṳ.

和合本2010版士师记2:3 因此我说：『我必不将他们从你们面前赶出。他们必作你们肋下的荆棘( [ 2.3] 「肋下的荆棘」：原文是「肋旁」；原文另译「敌人」。)，他们的神明必成为你们的圈套。』」

现代客语汉字士师记2:3所以，𠊎㧯你等讲，你等向前进个时，𠊎毋将该地个人民逐走。佢等定着会成做你等个仇敌(52:3「仇敌」係根据一兜古译本，希伯来文係「脇下」。)；佢等个神明会引诱你等陷入罗网。」

现代客语全罗士师记2:3 Só-yî, Ngài lâu ngì-têu kóng, ngì-têu hiong chhièn-chin ke sṳ̀, Ngài m̀ chiông ke-thi ke ngìn-mìn kiuk-chéu. Kì-têu thin-chho̍k voi sàng-cho ngì-têu ke sù-thi̍t( 5 2:3 “sù-thi̍t” he kîn-kí yit-têu kú yi̍t-pún, Hî-pak-lòi-vùn he “hia̍p-hâ”.); kì-têu ke sṳ̀n-mìn voi yín-yu ngì-têu ham-ngi̍p lò-mióng.”

和合本2010版士师记2:4 耶和华的使者向以色列众人说这些话的时候，百姓放声大哭。

现代客语汉字士师记2:4上主个天使这兜话一讲煞，以色列人民就开声大噭，

现代客语全罗士师记2:4 Song-chú ke thiên-sṳ́ liá-têu fa yit kóng-so̍t, Yî-set-lie̍t ngìn-mìn chhiu khôi-sâng thai-kieu,

和合本2010版士师记2:5 于是他们给那地方起名叫波金( [ 2.5] 「波金」意思是「哭」。)，并在那裏向耶和华献祭。 约书亚去世

现代客语汉字士师记2:5所以该地方个名安到波金(62:5「波金」希伯来话个意思係「噭吱个人」。)。佢等在该位向上主献祭。约书亚过身

现代客语全罗士师记2:5 só-yî ke thi-fông ke miàng ôn-to Pô-kîm( 6 2:5 “Pô-kîm” Hî-pak-lòi-fa ke yi-sṳ he “kieu-chṳ̂ ke ngìn”.). Kì-têu chhai ke-vi hiong Song-chú hien-chi. Yok-sû-â Ko-sṳ̂n

和合本2010版士师记2:6 约书亚解散百姓，以色列人回到自己的地业，佔各自的地。

现代客语汉字士师记2:6约书亚解散以色列人民；各支族就分开去佔领自家分到个土地。

现代客语全罗士师记2:6 Yok-sû-â kié-san Yî-set-lie̍t ngìn-mìn; kok kî-chhu̍k chhiu fûn-khôi hi cham-liâng chhṳ-kâ pûn-tó ke thú-thi.

和合本2010版士师记2:7 约书亚在世的日子和他死了以后，那些见过耶和华为以色列所做一切大事的长老还在世的时候，百姓都事奉耶和华。

现代客语汉字士师记2:7约书亚在世个时，以色列人民拢总事奉上主；佢死后，该兜亲目看到上主为以色列行奇事个长老还在个时，以色列人民还係事奉上主。

现代客语全罗士师记2:7 Yok-sû-â chhai-sṳ ke sṳ̀, Yî-set-lie̍t ngìn-mìn lûng-chúng sṳ-fung Song-chú; kì sí-heu, ke-têu chhîn-muk khon-tó Song-chú vi Yî-set-lie̍t hàng khì-sṳ ke chóng-ló hàn-chhôi ke sṳ̀, Yî-set-lie̍t ngìn-mìn hàn-he sṳ-fung Song-chú.

和合本2010版士师记2:8 耶和华的僕人，嫩的儿子约书亚死了，那时他一百一十岁。

现代客语汉字士师记2:8上主个僕人嫩个孻仔约书亚一百一十岁个时过身。

现代客语全罗士师记2:8 Song-chú ke phu̍k-ngìn Nun ke lai-é Yok-sû-â yit-pak yit-sṳ̍p se ke sṳ̀ ko-sṳ̂n.

和合本2010版士师记2:9 以色列人把他葬在他自己地业的境内，以法莲山区的亭拿‧希烈，在迦实山的北边。

现代客语汉字士师记2:9以色列人民将佢安葬在佢分到个土地，就係迦实山北片以法莲山区个亭拿‧西拉。

现代客语全罗士师记2:9 Yî-set-lie̍t ngìn-mìn chiông kì ôn-chong chhai kì pûn-tó ke thú-thi, chhiu-he Kâ-sṳ̍t-sân pet-phién Yî-fap-lièn sân-khî ke Thìn-nâ-Sî-lâ.

和合本2010版士师记2:10 那世代的人也都归到自己的列祖。后来兴起的另一世代不认识耶和华，也不知道他为以色列所做的事。 以色列离弃耶和华

现代客语汉字士师记2:10该代人也全部过身、转到祖宗该位去。下一代人兴起，就毋识上主，乜毋知上主为以色列人民所做个一切事。以色列离开上主

现代客语全罗士师记2:10 Ke-thoi ngìn ya chhiòn-phu ko-sṳ̂n, chón-to chú-chûng ke-vi hi. Ha-yit thoi ngìn hîn-hí, chhiu m̀-sṳt Song-chú, me m̀-tî Song-chú vi Yî-set-lie̍t ngìn-mìn só-cho ke yit-chhiet sṳ. Yî-set-lie̍t Lì-khôi Song-chú

和合本2010版士师记2:11 以色列人行耶和华眼中看为恶的事，去事奉诸巴力。

现代客语汉字士师记2:11后来，以色列人民行上主看做邪恶个事，开始去拜该兜巴力。

现代客语全罗士师记2:11 Heu-lòi, Yî-set-lie̍t ngìn-mìn hàng Song-chú khon-cho sià-ok ke sṳ, khôi-sṳ́ hi-pai ke-têu Pâ-li̍t.

和合本2010版士师记2:12 他们离弃领他们出埃及地的耶和华－他们列祖的上帝，去随从别神，就是四围列国的神明，向它们叩拜，惹耶和华发怒。

现代客语汉字士师记2:12佢等离开𢱋佢等出埃及个上主—佢等祖先个上帝，去拜别个神，就係佢等周围各国人所拜个神明，惹上主发谴。

现代客语全罗士师记2:12 Kì-têu lì-khôi thu kì-têu chhut Âi-khi̍p ke Song-chú — kì-têu chú-siên ke Song-ti, hi-pai phe̍t ke sṳ̀n, chhiu-he kì-têu chû-vì kok-koet ngìn só-pai ke sṳ̀n-mìn, ngiâ Song-chú fat-khién.

和合本2010版士师记2:13 他们离弃了耶和华，去事奉巴力和亚斯她录。

现代客语汉字士师记2:13佢等离开上主，去拜巴力神㧯亚斯她录女神。

现代客语全罗士师记2:13 Kì-têu lì-khôi Song-chú, hi-pai Pâ-li̍t sṳ̀n lâu Â-sṳ̂-thâ-liu̍k ńg-sṳ̀n.

和合本2010版士师记2:14 耶和华的怒气向以色列发作，把他们交在抢夺他们的人手中，又把他们交给四围仇敌的手中( [ 2.14] 「交给…手中」：原文是「卖给…手中」；本卷书下同。)，以致他们在仇敌面前再也不能站立得住。

现代客语汉字士师记2:14所以，上主向以色列人大发谴，将佢等交在四周围敌人个手中，由在敌人抢佢等，害以色列人无法度再抵抗敌人。

现代客语全罗士师记2:14 Só-yî, Song-chú hiong Yî-set-lie̍t-ngìn thai fat-khién, chiông kì-têu kâu chhai si chû-vì thi̍t-ngìn ke sú-chûng, yù-chhai thi̍t-ngìn chhióng kì-têu, hoi Yî-set-lie̍t-ngìn mò fap-thu chai tí-khong thi̍t-ngìn.

和合本2010版士师记2:15 他们无论往何处去，耶和华的手都以灾祸攻击他们，正如耶和华所说的，又如耶和华向他们所起的誓；他们就极其困苦。

现代客语汉字士师记2:15以色列人无论出战到㖠位，上主照自家所发个誓，逐摆做佢等个对敌，来攻击佢等。佢等就堵到极大个苦难。

现代客语全罗士师记2:15 Yî-set-lie̍t-ngìn mò-lun chhut-chan to nai-vi, Song-chú cheu chhṳ-kâ só-fat ke sṳ, tak-pái cho kì-têu ke tui-thi̍t, lòi kûng-kit kì-têu. Kì-têu chhiu tù-tó khi̍t-thai ke khú-nan.

和合本2010版士师记2:16 耶和华兴起士师，士师就拯救他们脱离抢夺他们之人的手。

现代客语汉字士师记2:16该时，上主就为以色列人兴起士师来带领佢等，解救佢等脱离该兜抢佢等人个手中。

现代客语全罗士师记2:16 Ke-sṳ̀, Song-chú chhiu vi Yî-set-lie̍t-ngìn hîn-hí sṳ-sṳ̂ lòi tai-liâng kì-têu, kié-kiu kì-têu thot-lì ke-têu chhióng kì-têu ngìn ke sú-chûng.

和合本2010版士师记2:17 然而，他们却不听从士师，竟随从别神而行淫，向它们叩拜。他们列祖所行的道，所听从耶和华的命令，他们都速速偏离了，并不照样遵行。

现代客语汉字士师记2:17总係以色列人民还係毋听从佢等个士师，悖逆上主、行姦淫，去拜别个神明。这兜新个一代人当遽就毋跈祖先个脚步，毋遵行上主个命令。

现代客语全罗士师记2:17 Chúng-he Yî-set-lie̍t ngìn-mìn hàn-he m̀ thâng-chhiùng kì-têu ke sṳ-sṳ̂, phoi-ngia̍k Song-chú, hàng kiên-yìm, hi-pai phe̍t ke sṳ̀n-mìn. Liá-têu sîn ke yit-thoi ngìn tông-kiak chhiu m̀ thèn chú-siên ke kiok-phu, m̀ chûn-hàng Song-chú ke min-lin.

和合本2010版士师记2:18 耶和华为他们兴起士师，耶和华与士师同在。士师在世的一切日子，耶和华拯救他们脱离仇敌的手。耶和华因他们受欺压迫害所发出的哀声，就怜悯他们。

现代客语汉字士师记2:18逐摆上主兴起士师给佢等，上主就㧯该士师共下，俾佢一生人救人民脱离仇敌。因为佢等受苦、受欺负到紧噌，上帝就怜悯佢等，

现代客语全罗士师记2:18 Tak-pái Song-chú hîn-hí sṳ-sṳ̂ pûn kì-têu, Song-chú chhiu lâu ke sṳ-sṳ̂ khiung-ha, pûn kì yit-sên-ngìn kiu ngìn-mìn thot-lì sù-thi̍t. Yîn-vi kì-têu su-khú, su khî-fu to kín-chhên, Song-ti chhiu lìn-mén kì-têu,

和合本2010版士师记2:19 但士师一死，他们又转去行恶，比他们祖宗更坏，去随从别神，事奉叩拜它们，总不放弃他们的恶习和顽梗的行为。

现代客语汉字士师记2:19总係，该士师死掉以后，人民又倒转去行坏事，过罪恶个生活，又比上代人还较厉害。佢等去拜别个神，服事佢等，尽硬颈，坏行为还係毋肯改。

现代客语全罗士师记2:19 chúng-he, ke sṳ-sṳ̂ sí-thet yî-heu, ngìn-mìn yu to-chón hi hàng fái-sṳ, ko chhui-ok ke sên-fa̍t, yu pí song-thoi-ngìn hàn-kha li-hoi. Kì-têu hi-pai phe̍t ke sṳ̀n, fu̍k-sṳ kì-têu, chhin ngang-kiáng, fái hàng-vì hàn-he m̀-hén kói.

和合本2010版士师记2:20 于是耶和华的怒气向以色列发作，说：「因为这国违背我吩咐他们列祖当守的约，不听从我的话，

现代客语汉字士师记2:20所以上主又向以色列人发谴，讲：「既然这人民违背𠊎命令佢等祖先遵守个约，毋听从𠊎个话，

现代客语全罗士师记2:20 Só-yî Song-chú yu hiong Yî-set-lie̍t-ngìn fat-khién, kóng: “Ki-yèn liá ngìn-mìn vì-poi Ngài min-lin kì-têu chú-siên chûn-sú ke yok, m̀ thâng-chhiùng Ngài ke fa,

和合本2010版士师记2:21 约书亚死的时候所剩下的各国，我必不再从他们面前赶出任何一个，

现代客语汉字士师记2:21𠊎也毋将约书亚过身个时还留在这地个该兜外族人逐走。

现代客语全罗士师记2:21 Ngài ya m̀ chiông Yok-sû-â ko-sṳ̂n ke sṳ̀ hàn liù chhai liá-thi ke ke-têu ngoi-chhu̍k ngìn kiuk-chéu.

和合本2010版士师记2:22 为要藉此考验以色列是否肯谨守遵行耶和华的道，像他们列祖一样地谨守。」

现代客语汉字士师记2:22𠊎爱用佢等来考验以色列人民，看佢等係毋係像佢等祖先恁样遵行𠊎个道路。」

现代客语全罗士师记2:22 Ngài oi yung kì-têu lòi kháu-ngiam Yî-set-lie̍t ngìn-mìn, khon kì-têu he m̀-he chhiong kì-têu chú-siên án-ngiòng chûn-hàng Ngài ke tho-lu.”

和合本2010版士师记2:23 耶和华留下那些国家，不将他们速速赶出，也不把他们交在约书亚的手中。

现代客语汉字士师记2:23所以，上主允准该兜民族留在这垤土地，无将佢等交给约书亚，乜无在约书亚过身后当遽就将佢等逐出去。

现代客语全罗士师记2:23 Só-yî, Song-chú yún-chún ke-têu mìn-chhu̍k liù chhai liá-te thú-thi, mò chiông kì-têu kâu-pûn Yok-sû-â, me mò chhai Yok-sû-â ko-sṳ̂n heu tông-kiak chhiu chiông kì-têu kiuk chhut-hi.