历代志下第2章客家话和合本对照

相关章：

快速到节：

书卷列表：

和合本2010版历代志下2:1所罗门準备建殿（王上 5:1-18 ） 所罗门吩咐要为耶和华的名建造殿宇，又为自己的王国建造宫殿。

现代客语汉字历代志下2:1準备起圣殿( 列王纪上5:1-18 )所罗门决定爱起圣殿，在该位敬拜上主。佢也决定为自家起一座王宫。

现代客语全罗历代志下2:1Chún-phi Hí Sṳn-thien( Lie̍t-vòng Ki-song 5:1-18 ) Só-lò-mùn kiet-thin oi hí sṳn-thien, chhai ke-vi kin-pai Song-chú. Kì ya kiet-thin vi chhṳ-kâ hí yit-chho vòng-kiûng.

和合本2010版历代志下2:2 所罗门徵召七万名扛抬的，八万个在山上凿石头的人，三千六百个监工。

现代客语汉字历代志下2:2所罗门择七万人搬运材料，八万人在山顶打石，三千六百人监督工程个进行。

现代客语全罗历代志下2:2 Só-lò-mùn tho̍k chhit-van ngìn pân-yun chhòi-liau, pat-van ngìn chhai sân-táng tá-sa̍k, sâm-chhiên liuk-pak ngìn kam-tuk kûng-chhàng ke chin-hàng.

和合本2010版历代志下2:3 所罗门派人去见推罗王希兰( [ 2.3] 「希兰」：原文是「户兰」；下同。)，说：「你曾运香柏木给我父亲大卫建造宫殿居住，请你也这样待我。

现代客语汉字历代志下2:3所罗门派人去对泰尔王希兰讲：「你识㧯吾爸大卫做生理，卖给佢起王宫个香柏树，请你也恁样对待𠊎。

现代客语全罗历代志下2:3 Só-lò-mùn phai-ngìn hi tui Thai-ngì-vòng Hî-làn kóng: “Ngì sṳt lâu ngâ-pâ Thai-ví cho sên-lî, mai-pûn kì hí vòng-kiûng ke hiông-pak-su, chhiáng ngì ya án-ngiòng tui-thai ngài.

和合本2010版历代志下2:4 看哪，我要为耶和华－我上帝的名建造殿宇，分别为圣献给他，在他面前烧芬芳的香，经常献供饼，每早晚、安息日、初一，以及耶和华－我们上帝所定的节期献燔祭。这是以色列人永远的定例。

现代客语汉字历代志下2:4𠊎这下起圣殿，荣光上主—𠊎个上帝。这殿会成做神圣个所在，俾𠊎㧯𠊎个人民在该位烧香敬拜上主，在该位一直献饼，并在逐朝晨暗晡、逐安息日、逐只月初一、㧯其他圣日献烧化祭，敬拜上主—𠊎等个上帝。佢识命令以色列永远爱恁样做。

现代客语全罗历代志下2:4 Ngài liá-ha hí sṳn-thien, yùng-kông Song-chú — ngài ke Song-ti. Liá-thien voi sàng-cho sṳ̀n-sṳn ke só-chhai, pûn ngài lâu ngài ke ngìn-mìn chhai ke-vi sêu-hiông kin-pai Song-chú, chhai ke-vi yit-chhṳ̍t hien-piáng, pin chhai tak chêu-sṳ̀n am-pû, tak ôn-sit-ngit, tak-chak ngie̍t chhû-yit, lâu khì-thâ sṳn-ngit hien sêu-fa-chi, kin-pai Song-chú — ngài-têu ke Song-ti. Kì sṳt min-lin Yî-set-lie̍t yún-yén oi án-ngiòng cho.

和合本2010版历代志下2:5 我所要建造的殿宇宏大，因为我们的上帝至大，超乎众神。

现代客语汉字历代志下2:5𠊎爱起个圣殿当大，因为𠊎等个上帝比所有个神明较伟大。

现代客语全罗历代志下2:5 Ngài oi hí ke sṳn-thien tông-thai, yîn-vi ngài-têu ke Song-ti pí só-yû ke sṳ̀n-mìn kha ví-thai.

和合本2010版历代志下2:6 天和天上的天，尚且不足他居住，谁能为他建造殿宇呢？我是谁，能为他建造殿宇吗？不过在他面前烧香而已！

现代客语汉字历代志下2:6无人有办法为上帝起圣殿，因为就算天㧯天顶个天也毋罅佢住。𠊎算么介？有法度为佢起圣殿吗？只做得起烧香个殿定定。

现代客语全罗历代志下2:6 Mò ngìn yû phan-fap vi Song-ti hí sṳn-thien, yîn-vi chhiu-son thiên lâu thiên-táng ke thiên ya m̀-la Kì he̍t. Ngài son má-ke? Yû fap-thu vi Kì hí sṳn-thien mâ? Chṳ́ cho-tet hí sêu-hiông ke thien thin-thin.

和合本2010版历代志下2:7 现在请你派一个巧匠来，就是善用金、银、铜、铁，和紫色、朱红色、蓝色线做工，并精于雕刻之工的巧匠，与跟我一起在犹大和耶路撒冷、我父亲大卫所预备的巧匠一同做工；

现代客语汉字历代志下2:7这下，请你派一个好手艺个师傅来，会雕刻，会用金银铜铁打造东西，会刺蓝色、紫色、红色个布。这个人爱㧯犹大并耶路撒冷该兜师傅，就係吾爸大卫选出来个师傅，共下做工。

现代客语全罗历代志下2:7 Liá-ha, chhiáng ngì phai yit-ke hó sú-ngi ke sṳ̂-fu lòi, voi tiâu-khiet, voi yung kîm-ngiùn thùng-thiet tá-chho tûng-sî, voi chhiak làm-set, chṳ́-set, fùng-set ke pu. Liá-ke ngìn oi lâu Yù-thai pin Yâ-lu-sat-lâng ke-têu sṳ̂-fu, chhiu-he ngâ-pâ Thai-ví sién chhut-lòi ke sṳ̂-fu, khiung-ha cho-kûng.

和合本2010版历代志下2:8 又请你从黎巴嫩运香柏木、松木、檀香木到我这裏来，因我知道你的僕人擅长砍伐黎巴嫩的树木。看哪，我的僕人必帮助你的僕人，

现代客语汉字历代志下2:8𠊎知你斩树仔个工人当有技术，所以请你对黎巴嫩运香柏树、松树、檀香树给𠊎。𠊎爱派人去协助你个工人，

现代客语全罗历代志下2:8 Ngài tî ngì chám su-é ke kûng-ngìn tông-yû kî-su̍t, só-yî chhiáng ngì tui Lì-pâ-nun yun hiông-pak-su, chhiùng-su, thàn-hiông-su pûn ngài. Ngài oi phai-ngìn hi hia̍p-chhu ngì ke kûng-ngìn,

和合本2010版历代志下2:9 好为我预备许多的木料，因我要建造的殿宇高大出奇。

现代客语汉字历代志下2:9準备当多个树仔，因为𠊎所爱起个係一座高大堂皇个圣殿。

现代客语全罗历代志下2:9 chún-phi tông-tô ke su-é, yîn-vi ngài só-oi hí ke he yit-chho kô-thai thòng-fòng ke sṳn-thien.

和合本2010版历代志下2:10 看哪，我必给你僕人，就是砍伐树木的伐木工，二万歌珥压碎的小麦( [ 2.10] 「二万歌珥压碎的小麦」：七十士译本是「食物：二万歌珥小麦」。)，二万歌珥大麦，二万罢特酒，二万罢特油。」

现代客语汉字历代志下2:10𠊎会给若倒树仔个工人两千公吨小麦，两千公吨大麦，四十万公升个酒，㧯四十万公升个橄榄油。」

现代客语全罗历代志下2:10 Ngài voi pûn ngiâ tó su-é ke kûng-ngìn lióng-chhiên kûng-tún séu-ma̍k, lióng-chhiên kûng-tún thai-ma̍k, si-sṳ̍p van kûng-sṳ̂n ke chiú, lâu si-sṳ̍p van kûng-sṳ̂n ke kám-lám-yù.”

和合本2010版历代志下2:11 推罗王希兰写信回答所罗门说：「耶和华因为爱他的百姓，所以立你作他们的王。」

现代客语汉字历代志下2:11泰尔王希兰回信给所罗门，讲：「因为上主惜佢个子民，就设立你做佢等个王。」

现代客语全罗历代志下2:11 Thai-ngì-vòng Hî-làn fì-sin pûn Só-lò-mùn, kóng: “Yîn-vi Song-chú siak Kì ke chṳ́-mìn, chhiu sat-li̍p ngì cho kì-têu ke vòng.”

和合本2010版历代志下2:12 又说：「创造天和地的耶和华－以色列的上帝是应当称颂的！他赐给大卫王一个有智慧的儿子，使他有见识，有聪明，可以为耶和华建造殿宇，又为自己的王国建造宫殿。

现代客语汉字历代志下2:12希兰又讲：「颂讚上主—以色列个上帝、天地个创造者！佢赐给大卫王一个恁有聪明智慧个孻仔；这孻仔打算为上主起圣殿，也为自家起王宫。

现代客语全罗历代志下2:12 Hî-làn yu kóng: “Siung-chan Song-chú — Yî-set-lie̍t ke Song-ti, thiên-thi ke chhóng-chho chá! Kì su-pûn Thai-ví-vòng yit-ke án-yû chhûng-mìn chṳ-fi ke lai-é; liá lai-é tá-son vi Song-chú hí sṳn-thien, ya vi chhṳ-kâ hí vòng-kiûng.

和合本2010版历代志下2:13 「现在我派一个精巧聪明的人去，他是我的师父户兰，

现代客语汉字历代志下2:13𠊎这下派一个非常聪明、好手艺个师傅给你；佢个名安到户兰，

现代客语全罗历代志下2:13 Ngài liá-ha phai yit-ke fî-sòng chhûng-mìn, hó sú-ngi ke sṳ̂-fu pûn ngì; kì ke miàng ôn-to Fu-làn,

和合本2010版历代志下2:14 是但支派一个妇人的儿子，父亲是推罗人。他善用金、银、铜、铁、石、木，和紫色、蓝色、细麻和朱红色线製造各物，并精于雕刻，又能设计各样交给他做的图案。我派这人与你的巧匠和你父亲－我主大卫的巧匠一同做工。

现代客语汉字历代志下2:14厥姆係但支族人，厥爸係泰尔本地人。佢尽会用金、银、铜、铁、石头、木材来打造东西，也会刺蓝色、紫色、红色个布，还会刺麻纱。佢会用逐种材料雕刻，也会照所有个设计来雕刻。你做得俾佢㧯你个师傅并若爸大卫王个师傅共下工作。

现代客语全罗历代志下2:14 kiâ-mê he Tan kî-chhu̍k ngìn, kiâ-pâ he Thai-ngì pún-thi ngìn. Kì chhin voi yung kîm, ngiùn, thùng, thiet, sa̍k-thèu, muk-chhòi lòi tá-chho tûng-sî, ya voi chhiak làm-set, chṳ́-set, fùng-set ke pu, hàn voi chhiak mà-sâ. Kì voi yung tak-chúng chhòi-liau tiâu-khiet, ya voi cheu só-yû ke sat-kie lòi tiâu-khiet. Ngì cho-tet pûn kì lâu ngì ke sṳ̂-fu pin ngiâ-pâ Thai-ví-vòng ke sṳ̂-fu khiung-ha kûng-chok.

和合本2010版历代志下2:15 我主所说的小麦、大麦、酒、油，请运来给众僕人。

现代客语汉字历代志下2:15这下，请吾主将答应个小麦、大麦、酒、橄榄油运给僕人。

现代客语全罗历代志下2:15 Liá-ha, chhiáng ngâ chú chiông tap-yin ke séu-ma̍k, thai-ma̍k, chiú, kám-lám-yù yun pûn phu̍k-ngìn.

和合本2010版历代志下2:16 我们必照你所需用的，从黎巴嫩砍伐树木，扎成筏子，浮海运到约帕；你可以从那裏运到耶路撒冷。」

现代客语汉字历代志下2:16𠊎等会在黎巴嫩山斩你所需要个木材，捆做木排，对海路运到约帕，你就对该位运到耶路撒冷去。」圣殿工程开工

现代客语全罗历代志下2:16 Ngài-têu voi chhai Lì-pâ-nun-sân chám ngì só sî-yeu ke muk-chhòi, khún-cho muk-phài, tui hói-lu yun-to Yok-pha, ngì chhiu tui ke-vi yun-to Yâ-lu-sat-lâng hi.” Sṳn-thien Kûng-chhàng Khôi-kûng

和合本2010版历代志下2:17 所罗门仿照他父亲大卫数点所有在以色列地寄居的外邦人，共有十五万三千六百名。

现代客语汉字历代志下2:17( 列王纪上6:1-38 )所罗门调查所有暂住在以色列个外族人(像厥爸大卫以前所做个户口调查)，总共有十五万三千六百侪。

现代客语全罗历代志下2:17( Lie̍t-vòng Ki-song 6:1-38 ) Só-lò-mùn thiàu-chhà só-yû chhiam-he̍t chhai Yî-set-lie̍t ke ngoi-chhu̍k ngìn (chhiong kiâ-pâ Thai-ví yî-chhièn só-cho ke fu-khiéu thiàu-chhà), chúng-khiung yû sṳ̍p-ńg van sâm-chhiên liuk-pak sà.

和合本2010版历代志下2:18 他叫其中的七万人作扛抬，八万人在山上凿石头，三千六百人监督百姓工作。

现代客语汉字历代志下2:18佢派佢等当中个七万人搬材料，八万人在山顶打石，又指定三千六百个工头来监督佢等个工作。

现代客语全罗历代志下2:18 Kì phai kì-têu tông-chûng ke chhit-van ngìn pân chhòi-liau, pat-van ngìn chhai sân-táng tá-sa̍k, yu chṳ́-thin sâm-chhiên liuk-pak ke kûng-thèu lòi kam-tuk kì-têu ke kûng-chok.