加拉太书第6章客家话和合本对照

相关章：

快速到节：

书卷列表：

和合本2010版加拉太书6:1各人的重担要互相担当弟兄们，若有人偶然被过犯所胜，你们属灵的人就要用温柔的心把他挽回过来；自己也要留意，免得也被引诱。

现代客语汉字加拉太书6:1分担重担兄弟姊妹啊，若係有人一时做毋着事，你等属灵个人就爱用温和个方法来挽回佢。你等自家也爱细腻，惊怕也受诱惑。

现代客语全罗加拉太书6:1Fûn-tâm Chhûng-tâm Hiûng-thi chí-moi â, na-he yû-ngìn yit sṳ̀ cho m̀-chho̍k sṳ, ngì-têu su̍k-lìn ke ngìn chhiu oi yung vûn-fò ke fông-fap lòi ván-fì kì. Ngì-têu chhṳ-kâ ya oi se-ngi, kiâng-pha ya su yú-fe̍t.

和合本2010版加拉太书6:2 你们各人的重担要互相担当，这样就会成全( [ 6.2] 有古卷是「要这样成全」。)基督的律法。

现代客语汉字加拉太书6:2爱分担重担，恁样就係遵行基督个命令。

现代客语全罗加拉太书6:2 Oi fûn-tâm chhûng-tâm, án-ngiòng chhiu-he chûn-hàng Kî-tuk ke min-lin.

和合本2010版加拉太书6:3 人若没有甚么了不起，还自以为了不起的，就是自欺。

现代客语汉字加拉太书6:3自认有才调，事实上无半撇个人，佢係骗自家定定。

现代客语全罗加拉太书6:3 Chhṳ-ngin yû chhòi-thiau, sṳ-sṳ̍t-song mò pan-phiet ke ngìn, kì he phien chhṳ-kâ thin-thin.

和合本2010版加拉太书6:4 各人要省察自己的行为；这样，他所夸口的只在自己，而不在别人。

现代客语汉字加拉太书6:4逐侪应该反省本身个行为；若係有好行为，佢做得为自家来感觉光荣，总係无需要同别人个成就比较。

现代客语全罗加拉太书6:4 Tak-sà yin-kôi fán-sén pún-sṳ̂n ke hàng-vì; na-he yû hó hàng-vì, kì cho-tet vi chhṳ-kâ lòi kám-kok kông-yùng, chúng-he mò sî-yeu thùng phe̍t-ngìn ke sṳ̀n-chhiu pí-káu.

和合本2010版加拉太书6:5 因为人人必须担当自己的担子。

现代客语汉字加拉太书6:5因为逐侪爱㧡自家个担头。

现代客语全罗加拉太书6:5 Yîn-vi tak-sà oi khâi chhṳ-kâ ke tâm-thèu.

和合本2010版加拉太书6:6 在真道上受教的，要把一切美好的东西与施教的人分享。

现代客语汉字加拉太书6:6在基督个真道上接受教导个人，应该爱供给教佢个先生，同佢分享一切个好东西。

现代客语全罗加拉太书6:6 Chhai Kî-tuk ke chṳ̂n-tho-song chiap-su kau-thô ke ngìn, yin-kôi oi kiûng-kip kâu kì ke sîn-sâng, thùng kì fûn-hióng yit-chhiet ke hó tûng-sî.

和合本2010版加拉太书6:7 不要自欺；上帝是轻慢不得的，因为人种的是甚么，收的也是甚么。

现代客语汉字加拉太书6:7你等毋好骗自家；无人能骗上帝。人种么介，就会收么介。

现代客语全罗加拉太书6:7 Ngì-têu m̀-hó phien chhṳ-kâ; mò ngìn nèn phien Song-ti. Ngìn chung má-ke, chhiu voi sû má-ke.

和合本2010版加拉太书6:8 顺着肉体撒种的，必从肉体收败坏；顺着圣灵撒种的，必从圣灵收永生。

现代客语汉字加拉太书6:8为到满足自家个情慾来委种个，佢就会对情慾收成灭亡；为到爱得到圣灵个欢喜来委种个，佢就会对圣灵收成永远个生命。

现代客语全罗加拉太书6:8 Vi-tó mân-chiuk chhṳ-kâ ke chhìn-yu̍k lòi ve-chúng ke, kì chhiu voi tui chhìn-yu̍k sû-sṳ̀n me̍t-mòng; vi-tó oi tet-tó Sṳn-Lìn ke fôn-hí lòi ve-chúng ke, kì chhiu voi tui Sṳn-Lìn sû-sṳ̀n yún-yén ke sâng-miang.

和合本2010版加拉太书6:9 我们行善不可丧志，因为若不灰心，到了适当的时候就有收成。

现代客语汉字加拉太书6:9𠊎等行善，毋好失志；若无灰心，时间一到，就会有收成。

现代客语全罗加拉太书6:9 Ngài-têu hàng-san, m̀-hó sṳt-chṳ; na mò fôi-sîm, sṳ̀-kiên yit to, chhiu voi yû sû-sṳ̀n.

和合本2010版加拉太书6:10 所以，一有机会就要向众人行善，向信徒一家的人更要这样。 警告和祝福

现代客语汉字加拉太书6:10所以，无论么介时节，一有机会就爱为众人行善，对该兜在信仰上同属一家个人还较爱恁样。警告㧯请安

现代客语全罗加拉太书6:10 Só-yî, mò-lun má-ke sṳ̀-chiet, yit yû kî-fi chhiu oi vi chung-ngìn hàng-san, tui ke-têu chhai sin-ngióng-song thùng-su̍k yit-kâ ke ngìn hàn-kha oi án-ngiòng. Kín-ko lâu Chhiáng-ôn

和合本2010版加拉太书6:11 你们看我亲手写给你们的字是何等的大！

现代客语汉字加拉太书6:11你等看，这兜大只个字係𠊎亲笔为你等写个！

现代客语全罗加拉太书6:11 Ngì-têu khon, liá-têu thai-chak ke sṳ he ngài chhîn-pit vi ngì-têu siá ke!

和合本2010版加拉太书6:12 那些想要炫耀外表的人才勉强你们受割礼，无非是怕自己为基督的十字架受迫害。

现代客语汉字加拉太书6:12该兜尽好用外表个事情来展㧯夸口，就係迫你等接受割礼个人。佢等恁样做，惟一个原因就係惊为到基督个十字架受迫害。

现代客语全罗加拉太书6:12 Ke-têu chhin-hau yung ngoi-péu ke sṳ-chhìn lòi tién lâu khoâ-khiéu, chhiu he pet ngì-têu chiap-su kot-lî ke ngìn. Kì-têu án-ngiòng cho, vì-yit ke ngièn-yîn chhiu-he kiâng vi-tó Kî-tuk ke sṳ̍p-sṳ-ka su pet-hoi.

和合本2010版加拉太书6:13 他们那些受割礼的，连自己也不守律法；他们要你们受割礼，不过是要拿你们的肉体夸口。

现代客语汉字加拉太书6:13事实上，该兜接受割礼个人，连佢等自家乜无遵守法律；佢等迫你等受割礼，勉强你等降服外表个仪式，目的係爱用恁样来做佢等个夸口。

现代客语全罗加拉太书6:13 Sṳ-sṳ̍t-song, ke-têu chiap-su kot-lî ke ngìn, lièn kì-têu chhṳ-kâ me mò chûn-sú fap-li̍t; kì-têu pet ngì-têu su kot-lî, miên-kióng ngì-têu hòng-fu̍k ngoi-péu ke ngì-sṳt, muk-tit he oi yung án-ngiòng lòi cho kì-têu ke khoâ-khiéu.

和合本2010版加拉太书6:14 但我绝不以别的夸口，只夸我们主耶稣基督的十字架；因这十字架( [ 6.14] 「因这十字架」或译「藉着他（基督）」。)，就我而论，世界已经钉在十字架上；就世界而论，我已经钉在十字架上。

现代客语汉字加拉太书6:14若係𠊎，𠊎一定无夸口别个，𠊎只有夸口𠊎等主耶稣基督个十字架；因为通过这十字架(136:14「这十字架」抑係译做「基督」。)，对𠊎个观点来看，世界已经钉死在十字架顶；对这世界来讲，𠊎也已经钉死在十字架顶了。

现代客语全罗加拉太书6:14 Na-he ngài, ngài yit-thin mò khoâ-khiéu phe̍t ke, ngài chṳ́-yû khoâ-khiéu ngài-têu Chú Yâ-sû Kî-tuk ke sṳ̍p-sṳ-ka; yîn-vi thûng-ko liá sṳ̍p-sṳ-ka( 13 6:14 “liá sṳ̍p-sṳ-ka” ya-he yi̍t-cho “Kî-tuk”.), tui ngài ke kôn-tiám lòi khon, sṳ-kie yí-kîn tâng-sí chhai sṳ̍p-sṳ-ka-táng; tui liá sṳ-kie lòi kóng, ngài ya yí-kîn tâng-sí chhai sṳ̍p-sṳ-ka-táng lé.

和合本2010版加拉太书6:15 受割礼或不受割礼都无关紧要，要紧的就是作新造的人。

现代客语汉字加拉太书6:15受割礼抑係无受割礼拢总无么介关係；重要个係𠊎等爱成做新创造个人。

现代客语全罗加拉太书6:15 Su kot-lî ya-he mò su kot-lî lûng-chúng mò má-ke koân-he; chhung-yeu ke he ngài-têu oi sàng-cho sîn chhóng-chho ke ngìn.

和合本2010版加拉太书6:16 凡照这準则行的人，愿平安( [ 6.16] 「平安」或译「和平」。)怜悯加给他们，和上帝的以色列民。

现代客语汉字加拉太书6:16愿一切遵照这原则个人，㧯所有属上帝个真以色列民，全部得到平安㧯怜悯！

现代客语全罗加拉太书6:16 Ngien yit-chhiet chûn-cheu liá ngièn-chet ke ngìn, lâu só-yû su̍k Song-ti ke chṳ̂n Yî-set-lie̍t-mìn, chhiòn-phu tet-tó phìn-ôn lâu lìn-mén!

和合本2010版加拉太书6:17 从今以后，不要有人再搅扰我，因为我身上带着耶稣的印记。

现代客语汉字加拉太书6:17从今以后，毋好再加添𠊎个麻烦；因为𠊎身上个伤迹已经证明𠊎係耶稣个奴僕。

现代客语全罗加拉太书6:17 Chhiùng-kîm yî-heu, m̀-hó chai kâ-thiâm ngài ke mà-fàn; yîn-vi ngài sṳ̂n-song ke sông-chiak yí-kîn chṳn-mìn ngài he Yâ-sû ke nù-phu̍k.

和合本2010版加拉太书6:18 弟兄们，愿我们主耶稣基督的恩与你们的灵同在。阿们！

现代客语汉字加拉太书6:18兄弟姊妹啊，愿𠊎等主耶稣基督个恩典常在你等心内！阿愐。

现代客语全罗加拉太书6:18 Hiûng-thi chí-moi â, ngien ngài-têu Chú Yâ-sû Kî-tuk ke ên-tién sòng chhai ngì-têu sîm-nui! Â-mén.